鳴虎 (馬頭圍道) (已結業)

見lunch有2人餐先$198套餐包左2款定食 #和風牛肉飯 + #汁燒黑豚肉飯配鹽燒鯖魚 🤤 仲有沙律同湯，最後有甜品🍮減肥人士食定食都幾啱，有菜有肉有澱粉 #可以嗌少飯 ，唔會重汁或太濃味，營養均衡！牛肉唔會太老，味道甜甜地，加埋洋蔥🧅送飯一流🫶🏻豚肉好嫩口，油脂適中，唔會太肥🫡#鹽燒鯖魚日式燒鯖魚好健康，原汁原味，食到魚既味道，唔怕鈉質吸收過多，容易水腫！特別想講，小哥哥🧍‍♂️職員好細心，服務一級棒，會講解俾我地知有咩食。仲提我地小心個杯好熱～ 其實鳴虎拉麵都好好味，以後可以做飯堂🤭

今次過開嚟鶴園街見客，趁有時間試試這間小店，該店使用木質簡約設計掛滿一排排日式燈籠🏮配合周邊街道布置好似置身日本小巷的感覺，店內大致分兩個用餐區，提供拉麵🍜、石燒火鍋、日式定食等。🥢鹽燒秋刀魚定食$92🥢和牛漢堡 定食（10安士）$88套餐已包括白飯🍚沙律菜、韓式泡菜、雜菇湯！秋刀魚的皮烤的香脆，肉質鮮甜。漢堡扒端上來香氣四溢，尤其肉排咬下去厚實度，囗感軟嫩配合甜甜哋日式咖喱汁，忍不住再挖起兩口白飯。

鳴虎🐯一入到餐廳門口就覺得自己好似置身日本咁，鍾意影相嘅朋友，仲可以喺條街度打下卡添，整體餐廳環境都幾乾淨，侍應人手都充足！鍾意食日本定食嘅朋友，千祈唔好錯過啦～🥰豬軟骨定食🐷$88尼度每個定食都會包一個沙律、味噌湯同埋麻醬豆腐，其中味噌湯做得幾出色，偏向清淡一啲唔會太鹹，反而就多咗一陣香濃嘅野菌味，有啲驚喜！雖然豬軟骨嘅份量唔多，但係就整得好𣺉好入味，好好送飯～🙈M5牛肉飯🐮 $108佢哋既M5牛肉大約五成熟左右啦，肉汁會浸落個飯度，配埋雞蛋，味道都幾香濃～鍾意食牛嘅朋友，千祈唔好放過啦！💓💓

餐廳裝潢充滿和式氛圍，猶如置身日本一樣，餐廳空間感十足，環境清潔乾淨。本店之牛肉是由日本佐賀及美國空運新鮮直送，非常高質，牛魔王必定要試試！豬軟骨定食 定食附沙律、麻醬豆腐和味噌湯。豬軟骨煮腍且非常入味，味道不會過咸，與紫菜伴飯一起吃，非常滋味！M5牛肉飯 七成熟的日本佐賀A5和牛片舖滿在珍珠米上，再加上一隻生雞蛋。和牛片入口即溶，肉味非常濃郁；將和牛片沾上蛋汁一起吃，令人回味無窮@nakitorastonegrill鳴虎石頭燒 📍紅磡馬頭圍道63號啟岸巷子地下6-9號舖#土瓜灣美食 #紅磡美食 #日式定食 #啟岸 #鳴虎石頭燒 #japanesefood #foodporn #hkfoodie #hkfood #hkiger #hkig #hongkong

土瓜灣啟岸有條偽日本街🇯🇵大家都知，不過多數啲人都係打個卡就走，其實而家已經開咗好多餐廳，選擇都幾多㗎！今日lunch趁好天去咗呢間鳴虎🐯，已經捕定佢門口嗰個燈籠打卡位✌🏻😆！呢個位對住出面會有啲熱，所以影完相搬返去入面食嘢係no problem👌🏻。店內環境都唔細，都坐得幾鬆動。另外仲以為餐茶一定係熱嘅添，佢哋原來係上凍綠茶，仲要好夠凍👍🏻，真係即刻消咗暑😗知道呢到嘅拉麵都幾岀名，不過今次想試吓佢個$198 午市二人定食🍱👇🏻👇🏻🍚和風牛肉飯🍚汁燒黑豚肉飯好有鑊氣🔥，牛同豬都炒得好香😬味道濃郁，啲洋蔥又炒得啱啱好，唔會腍晒肉嘅份量都唔少，配埋軟硬適中嘅珍珠米飯都飽肚！🐟鹽燒鯖魚都唔細條，仲煎得好香口，食落都好開胃而且唔多骨，啖啖魚肉都易食，滿滿蛋白質🥚！🥗和風沙律 啲菜都好新鮮，仲有個芝麻醬豆腐食🥣湯 入面有蔬菜同埋菇類，都幾好飲🤤好過成日都係麵豉湯，有啲新意！🍭甜品每位有三舊綠茶糕落得好足綠茶粉🍵甜甜地中規中矩👌🏻呢個價錢食到咁豐富嘅二人餐係唔錯！學媽咪話齋，去街市買兩條魚個錢都喺到啦🤣今日個燒鯖魚係好加分嘅！得閒再過嚟啟岸搵吓有咩好嘢食先，夜晚嘅燈籠街影出嚟一定更加靚📸！

與朋友在紅磡本來是想吃日本壽司，但最後朋友堅持要來吃拉麵，因為他說「啟岸」這個地方很新很特別，所以就想過來看看並食碗拉麵，我都沒有太大期望，一試之下，原來就是之前在寶林店吃過的【鳴虎】，估唔到分店嘅質素都唔錯。【鳴虎】位於紅磡「啟岸」食街中的最前嘅一間店舖，都算有落地玻璃窗，並在門面掛起日式紙燈籠，滿滿日本風味街頭，遠看非常搶眼，同埋整體感覺好開揚，行過都會吸引了我的視線。呢度嘅沾麵、拉麵、飯類及小食一應俱全，但既然這家是拉麵專門店，當然首選吃拉麵啦！點了拉麵套餐：包括一款拉麵一款小食及一款飲品選了赤虎拉麵 ：濃湯底、普通麵質小食：芝士魚條 飲品：ZERO再加購1款小食 $18 吉列廣島蠔兩隻.◼️赤虎拉麵同樣是豬骨湯，但加入了大量辣椒，湯底顏色呈鮮紅色，辛香味濃而辣度十足，而湯底鮮味與豬骨香濃互相陪襯，味玉的水準不錯，蛋黃半熟流心，顔色澄黃鮮艷，味道甘香。麵質良好，時間掌握得剛好，沒有過淋口感很好吃，而且份量俾不少拉麵店多。日式叉燒也很嫩，吸滿湯汁，整體來說是滿意。芝士魚條就相對地失色，因為過油吉列廣島蠔算是正常，味道原錯，但都是有一點過油。◼️另外一碗單點 博多黑蒜油拉麵 $88加了黑

昨天約了細妹食lunch, 由於佢喺土瓜灣返工，所以喺附近選了間幾靚的日式餐廳@鳴虎 撑枱腳。 由土瓜灣地鐵站一直行到餐廳，大約7分鐘，甫進餐廳之際，看到餐廳跟其他食肆的店舖設計都較為高級精緻，枱頭掛著小燈籠，加上點點涼風很舒服，整個Vibe跟外面舊區截然不同，頗有趣。 餐廳內在環境很闊落，中間有掛滿日本式燈籠吧枱位置，很耀眼，也應是大家喜歡的打咭位。全店座位充足，空間也大，適合一班friend來吹水和慶生。餐廳lunch提供各款定食，我們點了一份2人定食($198另加一), 包括:沙律、麻醬豆腐、湯、和風牛肉飯、汁燒黑豚肉配鹽燒鯖魚、甜品前菜﹕湯、沙律開胃菜，蔬菜新鮮；麻醬豆腐嫩滑主菜﹕和風牛肉飯，混合洋蔥及醬汁，牛肉口感不錯，配上很多洋蔥，而醬汁的味道也是Typical和風味道(妹妹覺得稍甜，我就覺得OK)，整體好味。 主菜﹕汁燒黑豚肉配鹽燒鯖魚。黑豚肉是一種有著豐富脂肪的豬肉，配合醬汁很juicy惹味，而鹽燒鯖魚煎很剛剛好，很香，肉質也很好，味道豐富。最後，以綠茶蕨餅甜品作結，每人一份，都是冰凍了的綠茶蕨餅，不太甜，口感也Q彈。整體服務不錯。

諗住收工同同事喺附近食，見到啟岸間嗚虎拉麵店都幾光鮮於是入咗去，點知真係搞唔掂😅點咗佢哋啲日式咖哩飯，食落根本就係平時超市買到嗰啲醬汁包，759阿信屋會見到個種，唔係話唔好難食，不過就一啲都唔值囉😅😅😅仲要加一服務費，不如我去7-11放入微波爐叮好過啦！同事點咗個拉麵，諗住招牌實冇事啦，點知個湯底就好似杯麵個啲味，好唔好食就自己諗下啦😂最最最緊要，係餐廳啲員工個個都大聲講細聲笑，完全唔似返緊工，乜呢間公司唔係都有啲分店㗎咩？點解咁樣嘅主管同員工都請返嚟？今次完全被啲好評伏左，希望大家小心啲！

今日去左土瓜灣啟岸既嗚虎分店，冇諗過佢價錢唔符合食物質素都不特止，啲員工質素都非常差，尤其係金色頭髮嘅男經理，我坐低冇耐就開始聽到佢好大聲咁同啲員工傾計，專登企埋收錢個邊既位，以為啲聲啲客聽唔到，成間舖夜晚得幾個客，佢講嘢幾乎全部人都聽到，心諗乜好得閒咩，圍埋三個喺度吹水，不如睇下啲客有咩需要好過啦。再講佢哋啲嘢食，快係快上嘅，不過黎到令我覺得根本唔知食咗乜，叫佢哋招牌嘅拉麵，個湯底就好似出前一丁味粉溝出黎，又鹹又冇豬骨味，都唔明點解會有咁多好評，真係伏上加伏，咁嘅質素賣成百蚊一碗，仲要加一服務費，根本唔知啲服務去咗邊？講真佢哋咁嘅質素都可以開舖，總公司唔該檢視下個主管有冇足夠領導能力training好先俾佢落黎番工，仲有食物嘅品質同定價真係十分之有待提高，拉麵黎講我都係第一次食到一肚火！

呢日喺土瓜灣工作完，近近地去咗鳴虎石頭燒食飯。餐廳裝潢有啲似日本嘅大街，掛滿一排排嘅燈籠，氣氛熱鬧。豚肉泡菜鍋鍋物材料豐富，除咗有豚肉同泡菜之外，仲有唔同種類嘅蔬菜，例如：娃娃菜、豆腐、金菇、大冬菇等等，材料鋪滿整個鐵鍋，足料飽肚。豚肉都質素唔錯，肥瘦均勻，肉味濃郁。不過湯底就比較淡。鳴虎海鮮炒飯炒飯分量慷慨，炒得乾身，海鮮有帆立貝、青口、魷魚，加上粒粒蟹子增添口感。如果加點蔥花，炒飯會更香呢！炒飯仲有跟菇菌湯，味道清甜。

#馬頭圍道 真係開咗好多新餐廳 間間都好吸引 好多裝潢都啱哂 #打卡 🤭🤭一行到 #啟岸 就被係工門口 入面掛滿🏮🏮吸引咗入去#海鮮鍋 $148都幾豐富 有青口 帆立貝 生蠔 當然仲有唔同嘅蔬菜#安格斯肉眼配薯條 (12oz) $188有埋胡麻醬生菜沙律 同 雜菇麵豉湯揀咗要medium ware 都控制得唔錯 而且切好一條條上枱 仲有個醬汁薯條 #即叫即炸 係好開心嘅粗薯條😋另外 仲見佢地有好多唔同款式嘅拉麵🍜留意返💁🏻‍♀️5️⃣🈷️ 6️⃣🈷️ 係佢哋嘅 #年度感謝祭原來呢間係佢地嘅 #旗艦店 下午3點至6點 可享全單八折 🤑🤑而家先

今日去紅磡行街，行行吓見到土瓜灣呢度有個新樓盤叫啟岸，下面有個幾吸引嘅商場，商場分兩層，食肆林立，裝修新穎。😎好奇心驅使下，我哋就入去睇吓，兩層都行晒之後，我哋見到其實喺樓下依家叫鳴虎嘅日式餐廳唔錯，價錢仲好吸引添！好彩我哋嗰日早去唔使點等位，我果日超級肚餓，立刻叫咗一個鳴虎海鮮炒飯和燒烤拼盤，燒烤拼盤，仲包一杯酒精飲品添，我哋揀咗Sapporo啤酒！鳴虎海鮮炒飯- 好多配料啊，鮮蝦仲大大粒，炒飯炒得好乾身粒粒分明唔油，好味！仲有唔少蟹籽添燒烤拼盤- 有唔少款式㗎，啱晒我哋兩個人分享！我哋仲見到好多人喺度食拉麵添，下次可以再嚟試吓！鳴虎 (馬頭圍道) (土瓜灣)土瓜灣馬頭圍道63號啟岸地下6-9號舖

燒雞心串燒 雞心細細粒不帶絲毫內臟腥味，食落好爽口，不過只係燒得略嫌太燶，幸好醬汁味搭夠，表面有薄薄鹹甜燒汁，都幾惹味。燒雞翼雞翼是百吃不厭，特別熱辣辣整出來的，而且都算大隻，鹽味就已經好好食，加咗芝麻點綴幾香口。牛肉壽喜燒滿滿一鍋的壽喜燒，安格斯牛肉的份量算多，肥瘦適中，肉質正常發揮，可以沾一下生雞蛋醬，吃起來更滑順。除了牛肉外，還有豆腐、菜、金菇、冬菇、大蔥，一邊煮一邊吃，食材吸飽了醬汁，好送飯。

今天在土瓜灣上完興趣班後，我和同學仔便決定步行至附近的紅磡打卡美食街吃一頓午餐才歸家。抵達「啟岸巷子」的商場後，便發覺這條美食街食店林立，亮點是以日式設計為主，掛滿日式燈籠🏮，令人有如置身日本的感覺。這條巷子無論是日間或晚間已成區內打卡點之一。最後我們選擇了巷子入口的鳴虎石頭燒店，各選了一款除主食外均配前菜、沙律和湯的洋食午餐。～安格斯肉眼定食（8oz)友人選的五成熟安格斯肉眼已切成一條條，方便進食。紋理分明的肉眼條肉味濃，質感嫩而摻有少許油花，入口口感非常理想。沾上醬油來吃，增添一點鹹味更能突出牛肉的鮮味；😋伴碟有大量的菜沙律，配合炸得恰到好處的薯條令到食物的內容更加豐富，讓人吃不停口。～汁燒西班牙黑豚腩定食西班牙黑豚腩肥瘦分明：瘦肉吃起來有嚼勁，肥肉入口爽而不肥膩。豚腩的西汁味較濃，最愛還有那些煮得淋淋的洋蔥絲，配合粒粒軟糯日本米飯🍚來吃是最好不過。今天的定食前菜是軟滑麻醬豆腐和爽脆沙律菜；湯是用上了鮮白本菇和蔬菜，並加入了大量青蔥粒，味清可口。這店提供的食物質素有水準，價格合理。同時我們發現這店原來亦有很多優惠，其中的清酒放題便十分吸引，是清酒控的喜訊：無論日或夜，以一個價錢便可

無意中發現紅磡有一條小巷子，感覺就好似置身日本美食橫町，有飲品，蛋糕Cafe，輕食等等，我揀咗一間喺大街位置的日式料理，格局裝修好有日式風格。M5和牛飯和牛分量十足，上枱時成個火山咁，和牛鋪滿了一個小山丘，在頂部加咗隻蛋。而牛肉肉質非常鮮嫩，脂肪分布平均，所以有入口即溶的感覺，再加左蛋漿同秘製醬汁，非常惹味。三款小食：炸軟殼蟹成隻上排場十足，即叫即炸熱辣辣啖啖肉，軟殼蟹肉質鮮美，可以配生菜再加少少沙律醬夾著軟殼蟹，呢個食法一流。秋葵師傅加咗鹽等調味料去燒，令秋葵易入口，好惹味。日本小番薯好甜，有外脆內軟的感覺。北海道牛乳配十勝紅豆甜品選擇唔算多，我就揀咗牛乳布甸，非常彈滑，好香牛奶味，加咗少少紅豆配襯，如果可以再加多啲紅豆就更加完美了。