鳴越越式料理

營業中

休息中

黎緊office會搬翻中環，甘岩男朋友係呢邊收工，就過黎同佢食飯好耐之前就食過嗚越，果然水準keep得住，一樣平靚正🤤❤️咖哩牛腩飯 $66咖哩偏辣，有d嗆，喜愛辣既人實中意🤣牛腩都算多，又易咬，炆得幾淋，仲有幾件牛筋，正！可惜既係飯有d硬，所以咬得耐d❤️雞絲湯河 $59好大碗，女仔有機會食唔哂🤣湯河勁滑，但雞絲就唔算滑，勝在份量多🤤🤤🙈❤️牛油雞翼 $42雞翼好大隻，又juicy，牛油味勁香🤤🤤❤️椰青幾清甜，不過d肉就唔算甜。

去上環拎咗朋友代訂嘅大閘蟹，佢順道帶我去試下佢口中所講嘅上環平民美食，居然係我最愛嘅越南Pho！目的地喺上環地鐵站附近，我哋行咗大概兩三分鐘就到，非常方便，聽聞好多OL都鍾意幫襯。餐廳位於地庫，門口掃上深綠色嘅牆油，加上大量越南掛畫，好有格調。食物選擇超級多，有大量越式小菜🤩價錢非常相宜，可惜我趕住拎啲大閘蟹返去，只好食個快餐。我嗌咗越式生牛河，湯底清澈唔混濁，牛味香濃而且冇乜油，最欣賞嘅係佢嘅香料味都幾重，令成個湯底層次豐富😋牛肉肥瘦均勻，切得夠薄又唔會好碎，口感軟稔而且肉味頗濃👍🏻唯一缺點係啲河粉有少少粗幼不一，影響口感，不過總體都已經非常唔錯。飲品我揀咗鮮椰青，非常新鮮🤩我諗係我喺香港餐廳飲過最新鮮嘅椰青！椰青水非常鮮甜，而且雪得好夠凍，十級解渴消暑👍🏻連椰青肉都非常新鮮，夠哂熟，好容易刮，口感軟滑而且味道清甜，感覺好滋潤😛朋友嗌嘅香茅雞翼湯檬亦唔錯👍🏻雞翼外皮香脆，內裏肉嫩多汁，香茅嘅味道亦頗重😋可惜尺寸就偏細少少，如果大隻啲就更完美！湯檬嘅湯底就冇我嘅生牛肉河咁香濃，不過加上鮮香嘅「碌冧」，即刻加哂分😉估唔到上環都能夠搵到咁抵食而且高質素嘅越南嘢，下次有機會一定要試下佢嘅小菜

今晚餓底來鳴越晚餐，不想吃炒粉麵飯，於是叫了個拼盤獨食，再加多個炒菜，好特別的一餐。鳴盛拼盤：Menu上寫拼盤有春卷、煎扎肉、粉卷&牛肉蝦片各三件，賣相都幾靚。春卷：皮跟餡都與中式春卷不一樣，但味道又有少少中式，幾好味，讓餓底重新認識了越式春卷。煎扎肉：平時的扎肉是圓圓薄薄一片，呢個煎扎肉個樣咁似吉烈豬扒既？食落比普通的扎肉多了一份口感，擺脫了扎肉固有的形象。蝦片：Menu上寫的是牛肉蝦片，不過今日無牛肉，所以改了豬肉，哈，今晚食到個特別版呢！蝦片加上肉片，一脆一軟，混合蝦米等配菜，新奇的組合。粉卷：又是有點中式的味道，吃不出內裡裹住什麼，皮幾滑，內餡幾多料，有興趣都可以試下，哈。馬拉盞炒生菜：吃東南亞菜叫馬拉盞一定無得輸，咸咸香香，惹味！

呢排放咗工之後仲要係上環到上堂 身為Foodie嘅我當然要到處搵食啦今次經朋友介紹搵到呢一間平民價位嘅越南餐廳發現間餐廳係地庫嗰度 入面有超多座位 尤其是卡位 所以坐得好舒服✨越式生牛河($60)食越南野點可以唔食越南生牛肉河啊 呢一份越南生牛肉河嘅份量非常大份 入面有八大片牛肉個湯底牛肉味都好出 味道甜美但又唔會太油 幾岀色✨下龍灣海鮮炒金邊粉($80)下龍灣係一個盛產海鮮嘅地方 入面有青口蟹柳蝦顯肉等等嘅海鮮 金邊粉炒得大大碟簡直係鑊氣同份量十足之作✨酸辣無骨鳳爪 ($58)酸辣無骨鳳爪 味道酸酸甜甜又帶少許辣味 食得非常過癮一隻又一隻食到停唔到口✨越式炸春卷($25)額外優惠價加配左四隻越式炸春卷 係一個幾正宗嘅味道 入面嘅餡料好香 外層亦炸得十分香脆 係唔錯嘅一款小食😋✨檸檬薏米水(+$8) &港式奶茶 (+$3)食咗咁多熱氣野當然要嗌番一杯清涼消暑嘅檸檬薏米水同埋我最愛嘅港式奶茶啦 跟餐嗌特飲都只係加$8 呢間餐廳簡直係平民價位嘅越式料理食堂 下次上堂嘅話一定會再回頭食其他菜式食堂 下次上堂嘅話一定會再回頭食其他菜式

約朋友中環聚餐，首要交通方便，德輔道中144-148號安泰大廈地庫，我們點左軟殼蟹米紙卷 $62有6件，薄薄米紙包住軟滑的粉絲、爽脆生菜、清甜紅蘿蔔絲、爽口青瓜絲同炸得鬆脆軟殼蟹，清新爽脆好味道，又不油膩，超正!薯絲蝦卷$42六隻，外層用薯仔絲中層包蝦膠內層再包住原隻蝦炸得外脆內軟，蝦🦐有鮮味，口感好豐富，無得彈。香茅串燒牛肉$36三串，牛肉質嫩滑很不錯👍牛肉粒炒西蘭花🥦$88都不錯。在中環價錢大眾化又好味的越南菜，我會回頭再吃。

今晚在中上環，諗唔到食乜野！經過這間鳴越餐廳見價錢又唔貴，所以就入左去啦。晚餐menu都有十幾款選擇，我就叫左越南火車頭(1人份量), 內有牛丸，肥牛，牛柏葉，牛筋，牛展。配料都幾豐富！每樣有幾件。湯底幾清甜！食出是沒有味精的""另外再加錢叫左份豬肉蝦片！蝦片香脆~豬肉粒上有蒜片，香葱！整體口感幾香脆。餐廳環境幾好喎 掛滿咗好多風景嘅圖畫令人心曠神怡 卡位坐得幾舒服坐，價錢都係大概200蚊兩個人，夠實惠

好耐冇食越式菜係OPENRICE搵到呢間又平又抵食二話不說就狗衝去上環🤣.「鳴越越式料理」位於上環安泰大廈嘅地庫順住樓梯而落，牆上掛滿一幅幅掛畫通過掛畫可以睇到越南嘅特色風彩💕.餐牌以主要以相片展示菜款，簡潔又易明其中套餐SET包埋飲品款款都不過$84，好抵食呀🙆‍♀️.🔸香茅豬扒飯 $66豬扒以香茅調好味後再香煎至焦脆啖啖肉腍甜香，外酥內嫩仲有鹹蔥油，令味道更香口白飯砌成火山形狀，又幾棧鬼🤣旁邊有酸蘿蔔絲做拌碟，酸酸爽脆，又開胃.🔸越式蒸粉卷 +$20以優惠價追加都只係加$20其實有D似港式蒸腸粉但味道口感比腸粉好得多😍粉皮又薄又滑裡面係以蘿蔔，木耳蝦乾，肉碎所製成嘅餡料，再加入秘製調味料口感勁豐富，味道好特別令人一食愛上🥰真係後悔冇叫多份😭.🔸香茅雞翼飯 $55雞翼以香茅醃製，再炸至酥脆皮脆肉嫩，香茅又入味，正呀😘不過如果鹹蔥油最多D會更好🙈.🔸薄荷青檸梳打肥🐽就嗌左薄荷青檸梳打勁多薄荷葉呀，清爽夠哂薄荷香⭐️

今晚經過中上環區見到呢間越式料理餐廳🍴，餐廳內外見到不同越南🇻🇳景點相片，增添了不少環境氣氛。餐廳價格相對平民化，一個套餐大約$60-90仲有埋飲品，晚餐嚟講呢個價值真係不錯嫁！.越式蒸粉卷 （套餐追加小食 $20/三件）蒸粉卷熱辣辣送到，餡料都幾多再配上越式酸辣汁，酸酸甜甜十分開胃。.香茅雞中冀 （套餐追加小食 $20/三件）外層香脆香，香茅味香濃，更保留了內裹肉汁，唔會太乾。.越式生牛肉河 $60生牛肉份量好多，肉質鮮嫩更呈鮮紅色，牛肉新鮮。河粉口感軟滑，湯底濃郁配上青檸及辣椒🌶️，令呢個湯底生色不少更加惹味。.香茅豬扒🥩湯檬 $66湯底都不錯，檬粉口感還好唔係太滑，但香茅豬扒🥩就真係太乾啦，咬都咬唔開😅！

話說今日放工，打算和男朋友在中環附近吃個快的晚飯，然後回家休息。要知道中上環區有著很多非常高級的食肆，找一間又抵又好食又快捷的，亦須要一點時間。不過我們放工後沿著德輔道中行，行行下被我們遇到一間越南餐廳- 鳴越越式料理。鳴越有一個好處，就是可以先在門口瀏覽餐牌，看看食物、價錢、款式等等再入內。看到餐廳有這麼多的推介，我倆都不用想太多，就落樓梯進去。其實很想食不同款類的食物，價錢來說又相對便宜，而且看到隔離桌的食物份量亦不少，增加了我們點餐的難度。既然來到越南餐廳，那當然是食越式食物吧。◤ 1.  原隻軟殻蟹撈檬撈檬絕對是越式食物頭5名，特別是自己添加其魚露甜酸汁，味道掌控自如。這裡配上原隻軟殻蟹，令到味道變得更加香口。不過要提醒一點的是，如果下得太多魚露的話，就會將軟殻蟹浸得稔，沒有那種脆香感。所以，最好都是將軟殻蟹拿出來。◤ 2.  越式春卷配餐的越式春卷有四件，份量不錯，而且還配上生菜供用，可做成生菜包春卷，中和一下。◤ 3.  扎肉湯檬粉湯檬粉就比較清淡一些，湯底吃得出沒有用過份味精，清清的很易入口。扎肉配上湯檬，感覺比其他材料得來得更健康，◤ 4.  越式素菜米紙卷米紙卷是越南

今日去咗中環食飯，又去到我最愛既越式餐廳。之前朋友介紹我黎食，我一食就愛上左。今晚嚟到餐廳已經好多人，我一睇餐牌就叫左我最愛嘅火車頭湯河。餐廳好乾淨店員好好禮貌，而且上菜速度仲好快。火車頭入面咩都有啲，我最愛生熟牛肉和牛丸。牛肉好嫩滑好香濃牛肉味，唔會鞋口。牛丸好多肉汁好彈牙。超欣賞河粉好爽口，唔會太碎。湯底係精華所在，牛骨湯底好清甜，唔油膩。我飲哂成碗湯都唔會有味精。我再叫多碗龍眼冰，龍眼粒粒好多汁。

😋 No.309 香港 | 鸣越🔹地址: 中環德輔道中144-148號安泰大廈地庫🔹中环一家越南粉店，店内空间比较宽敞，高峰期要等位，随便吃个午饭还是可以的，性价比不错，份量给的很足。🔹上菜速度可是太慢了，味道一般般没啥惊艳的，粉卷还不错，粉正常水平，份量真的很大，慎重点。🔹人均50-100，口味6/10，服务6/10，环境7/10

今晚與好姊妹shopping 完，去了位於安泰大廈地庫鳴越越式料理食晚餐。 餐廳的套餐頗多，又可追加小食。 下龍灣海鮮炒金邊粉$80，海鮮有蝦 、蟹柳、 青口丶帶子丶芽菜、 紅蘿蔔、洋蔥和蛋絲同炒， 再加上飲品一杯(我們選了菊蜜)， 實在超值，而且金邊粉也炒得很有鑊氣。 香茅豬扒拼魚露雞扒飯 $75，扒類醃製得很惹味，亦煎得很香口， 跟伴碟的酸蘿蔔、 蕃茄仔和青瓜一起進吃， 完全沒有油膩感。 我們追加了越式春卷$25，春卷內有冬菇、肉碎、粉絲、紅蘿蔔和木耳等， 調味有些微辣，也炸得很脆口。 另外追加的豬肉蝦片$21，蝦片鬆化， 很喜歡豬肉上放了一些蔥粒和花生， 很有咬口。 除了食物性價比高之外, 環境也是上選, 因為店內的梳化非常寬敞 , 而且四周掛了 很多油畫， 一邊進食，一邊觀賞，十分寫意。

今日去中環接朋友放工，順便搵食🤪中環充滿住高質既貴價餐廳，而朋友就推薦左呢間佢平時Lunch會食既抵食越南菜，話抵食又好味，咁就一於試試😆餐廳有好多卡位，兩個人座非常寬闊，座得好舒適👍🏻食Vietnam 野當然要試火車頭，呢度既火車頭非常足料，每樣配料都有幾大舊，味道亦正宗，牛腩位好靚😋食麵加廿蚊就有三隻雞翼，好抵，炸得夠香肉又滑👍🏻燒雞串個汁非常香辣，必試！朋友叫左個生牛肉湯河，見到牛肉係真係生落唔會黎到就熟晒咁，不過個湯如果熱d就更好!值得一提青檸薄荷Soda用左大量鮮薄荷，非常清新😍

試過喺中環行到上環，都唔知食咩好，除左大商場的連鎖餐廳，有時唔敢試驚伏見成日食日本野，越南野同男朋友都鐘意，行到無限極附近，見鳴越裝潢都企理，再門口望一望價錢算抵食， 夜晚都有套餐香茅豬扒拼魚露雞扒飯煎得好香，一上枱本來已經好肚餓更加流口水無論豬扒定雞扒都煎得岩岩好，嫩滑多汁，加埋特製豉油配上葱蒜油好唔夠喉呀越式炸蝦餅份量大的炸蝦餅，又係新鮮炸起，好香同彈牙軟殼🦀米紙卷好想食軟殼蟹但又怕好油膩，咁叫個米卷就感覺中和返一份有6小，薄薄米紙包住軟軟粉絲、爽脆生菜、青甜紅蘿蔔絲、爽口青瓜絲同脆口軟殼蟹，清新爽脆口感好豐富，正!以後中環都終於有選擇， 價錢平平哋又好好味的越南菜

放工約咗家姐喺中環食飯， 佢話附近有間越南嘢都唔錯，價錢又抵食， 夜晚都有套餐。 餐廳大約喺無限極廣場附近， 再行多5分鐘。套餐價錢都算幾抵😁😁，幾十蚊就有交易仲玩埋嘢飲😋😋 我哋嗌咗一個飯 、一個粉麵、 再加咗兩個優惠價小食、 同埋兩杯特飲。 咁多嘢食埋單都係二百蚊鬆少少。 法式牛粒紅飯🐂🍚🍅牛柳粒比預期中的份量小， 不過紅飯爽身煙韌彈牙， 味道均勻 而且不會很油膩。香茅豬扒湯檬🍜香茅豬扒非常入味， 檬粉配料很新鮮，芽菜和洋蔥非常爽口鮮甜。越式春捲配生菜🥗春捲炸得香脆，不過稍為燶咗少少， 配埋生菜一齊食更加清新爽口。 係套餐加25蚊就有la.越式蒸粉包呢個好抵食只係加20蚊就有三件, 味道不錯, 分包外皮煙煙靭靭。咸檸檬梳打嗌咗梳打水唔會太甜，咸檸檬嘅鮮味非常突出。薄荷青檸梳打食越南嘢，我最鍾意嗌青檸梳打，呢個加埋薄荷就更加 fresh。總括嚟講日常普通食下晚飯， 價錢平平哋，都算交足功課。