鳴越越式料理

營業中

休息中

今日收工食埋晚餐先番屋企！中環區超抵食越式餐廳。晚餐黎到人客好多，個個都一大班朋友食飯。我一個人坐到大枱，未需要搭枱住。店員主動走過黎介紹menu，我叫左生牛肉湯河。餐廳乾淨好整齊，服務都唔差架！生牛肉份量多，入口香嫩充滿牛肉香味，湯底夠哂清甜，唔會好油膩。牛肉肉嫩唔乾，夠哂抵讚。河粉爽口唔會碎哂，掛上清甜牛骨湯底，入口濃濃牛骨湯好滋味！我見到好多人叫特色春卷小食，我都心思思想叫，下次同朋友黎食一定要試。

辛勞了一整天，肚子餓到不行了，OT後何不在附近吃過才回家？中午已經吃得趕頭趕命，晚餐就想慢慢悠閒吃！門口已有大量掛畫，一路往樓梯走下去，彷彿置身畫廊一樣，藝術感滿分。咖哩大頭蝦㷛 - 咖哩味、辣度也恰到好處，足有4隻大頭蝦，配菜也很入味⋯等不了，白飯吖唔該！套餐加$25有越式春卷，熱辣脆口，生菜也很新鮮香茅豬扒拼雞扒飯 - 豬雞也入味，配上葱蒜油同吃，餓底怎能抗拒？但白飯份量只夠供應細食小姐！蒜蓉牛油雞翼 - 熱辣脆皮雞翼入味，啖啖肉，超邪惡！

平常很少會在中上環揾食，要選擇一間好餐廳餐點的選擇自由性高之餘不失霸氣每逢姊妹約飯局/生日在openrice search搜尋一輪，滿滿心血來潮地道正宗的越南菜，平民化的價格都系一次過滿足餐廳合港人至愛既卡廂座位，加上附近中上環食肆多集中OL/上班一族的集中營，坐得舒適格外遠離嘈雜，店員服待誠懇也盡現細心「咖哩大頭蝦煲」咖哩味濃辣度適中，煲內足料四大隻大頭蝦滿滿燙熱索盡醬汁略嫌薯仔頗小，但性價比仍是超高「香茅豬扒拼雞扒飯」香茅味配料十足，陣陣惹味豬扒/雞扒夠入味均匀葱油拌飯的潤滑很快已被吃光「越式春卷」即叫即炸熱辣夠夠脆口，捲上翠綠生菜片上，添上醋汁，令整體回味開胃指數必屬之選「法式蒜蓉牛油雞翼」外皮超脆不柴，濃香牛油味啖啖濃厚慢般中的接力停不下味蕾滋味過癮

一個人放工，隨便食少少野就番屋企。行過呢間見平時 lunch 都唔少人，夜晚唔駛逼，可以一試。原來呢個嘅越式湯粉嘅配搭自由度都幾高，所有配料都可以選河粉、檬粉、撈檬、撈麵、飯等等。我以為咖喱牛腩飯一定需要配飯，唔可以配湯麵類，但一問之下原來可以配湯河，就叫左呢個奇怪組合一試。原來佢個湯底做得幾濃，唔會因為放左落湯而令到個咖喱味淡左。另外叫左個沙爹雞肉串。雖然平平地 $36 有3串，但擺盤都做足晒，有番晒青瓜蕃茄同醃菜，無求求祈祈就上碟。如果佢可以 $36 做到雞牛豬 mix 就更好！

Ot夜...😔今日ot到8點, 同事就提議食埋晚餐先返去, 即刻上網搵到 開到10點,就決定去食啦 (上環大部分食肆都收好早，為免白行一趟，都係上網搵定仲有乜食好d😂)餐廳位於德輔道中(電車路), 雖然要落地庫, 但門面特別有氣派加上大大個招牌,非常顯眼易找餐廳地方大座位多加上商業區既晚上人流較少, 唔洗等位✌食物選擇多除左單點食品，仲有幾款套餐跟飲品C7 – 🦐蝦頭膏酸辣湯檬配青檸梳打 ($68+$8)不錯的, 只係蝦頭膏味唔太出, 湯底酸酸辣辣有點似冬蔭功湯, 有一種提神醒胃既感覺, 起初點餐時以為冇配餸, 原來有蝦、青口、蟹柳等！ 工作完一天, 飲杯透心涼既青檸梳打, 爽!🤪🐮生牛肉湯金邊粉 ($56)湯底非常香濃牛味, 加點青檸汁、洋蔥絲同九層塔香葉, 令味道更有層次, 至於牛肉份量夠多, 厚薄適中, 嫩滑有咬口, 整齊cp值非常高!👍🏾🦀軟殼蟹米紙卷 ($62)一份有6件, 好抵食, 薄薄米紙包住軟軟粉絲、爽脆生菜、青甜紅蘿蔔絲、爽口青瓜絲同脆口軟殼蟹, 口感豐富, 正!價錢親民, 份量大, CP值高！

行完街四圍看看有什麼好吃，就隨便進入了一間越南餐廳。餐牌上有好多款式選擇，樣樣都想試，就叫多些小吃吧。香茅串燒豬頸肉: 沙嗲醬好惹味，豬頸肉燒得乾脆又juicy。越式春卷: 春卷炸得好鬆脆，包春捲的生菜都很新鮮，正呀！扎肉蒸粉卷: 扎肉不是包在粉包內，而是另上。粉卷餡料豐富，再灑上蔥花和炸蒜片，味道剛好。下龍灣海鮮炒金邊粉: 金邊粉炒得乾身，口感煙韌彈牙，而且有很多海鮮配料: 青口、鮮蝦、貝柱、蟹柳等。份量足料，味道又不錯。最後order了一杯咸檸檬梳打，新鮮咸檸吉正呀!😆

餓底這晚7點到上環聽音樂會，6點左右在中上環搵食，偶然經過一條引人入勝的樓梯有復古的燈及畫，吸引了餓底落來這間在地庫的鳴越吃個快粉。一個人，簡單點個越南火車頭pho吧河粉好快就到，好大一碗！並非只是碗大，料也很足！附有半粒青檸，可以增添風味。火車頭河粉有好多餸：粉嫩的牛肉、牛腩、牛丸、牛柏葉，還有札肉，湯底還有芽菜&九層塔，好豐富，味道都幾好，拍得住餓底在越南吃過的。滴漏咖啡：好怕陣間聽音樂會時恰眼瞓，所以乾返杯咖啡，這是餓底必點的滴滴咖啡，貪佢夠香夠濃，必定十分之醒神！

✨香茅豬頸肉湯檬 $56豬頸肉嫩口加香口 唔錯湯檬亦都幼滑 但如果粉嘅份量可以再多啲就好啦🤣✨原隻軟殻蟹撈檬 $72 友人大食女話天氣太熱唔想食湯河🌞於是叫咗撈檬 酸酸甜甜好開胃軟殻蟹都好大份 入面係有滿滿蟹肉🦀✨香茅雞中翼 $20/3隻 套餐追加小食 好好味!其實我覺得雞翼係成餐嘅精髓🍖個皮炸得香脆入面嘅肉好嫩滑可以話一定要追加🤪其實上環俾人嘅感覺係只係得貴格野食但其實都有依啲價格實惠嘅餐廳鍾意越南野嘅上環返工jj絕對可以黎試下😝

係中環收左工，突然好想食越南野，經過嗚越又見佢價錢非常大眾化就去試下先鋪頭裝修都好有越南風味，而且座位寬廣，好岩靜靜地食餐飯前菜叫個小食先，叫左個串燒拼盤豬同牛各3串，牛味味濃，肉質夠滑，而豬肉就非常爽口同油香，兩款食落都好香香料味最正會燒菠蘿，食落好清甜又juicy，十分開胃仲叫左個香烤雞中翼, 香茅味好香，而且烤得外脆內軟，肉汁完全鎖係雞翼入面，小編仲忍唔住食左舊先影食越南野點可以唔湯河，豐富d就叫左火車頭湯河火車頭河的湯底好清甜且鮮味，覺得冇咩落味精，因為食完都唔覺口渴火車頭既配料都好足，超多牛肉，仲有牛丸同蘿蔔，而d牛同蘿蔔完全吸收左湯汁既精華，牛丸好彈牙同香牛肉味總括黎講: 位置坐得舒服，食物質素唔錯，平民化既價錢，抵食🍳🍴味道: 7. 5/10👩👨服務: 7.5/10🏠💺環境: 7.5/10💰💸抵食: 7.5/10總消費: $200 (2人)

最近去咗一間位於中環嘅越南菜餐廳，意外地價錢非常親民而且食物都很有水準。地理位置亦非常方便。餐廳地方歡敞，座位舒適，食物嘅選擇繁多。食越南菜必點火車頭金邊粉，材料豐富，金邊粉麵條非常彈牙有口感，牛肉有濃烈嘅牛香味鳴越春卷拼盤: 炸春卷，鳳尾蝦卷，薯絲蝦各有風味，香脆可口，愛吃炸物嘅朋友必點當中我最喜愛吃鳳尾蝦卷，有啖啖鮮蝦嘅味道。法式蒜蓉牛油雞翼香脆可口嘅外皮，香濃味道嘅蒜香牛油，吃越南菜必點小食串燒大蝦頭大蝦頭size真材實料，蝦膏濃郁，肉質新鮮

今日又去嗚越食晚飯~今次就食左扎肉金邊粉加$20要一口炸豆腐再加多客蒜蓉包~南定扎肉湯金邊粉上次食檬粉覺得好好食~估唔到湯金邊粉味道更上一層樓!就算擺耐左d粉都冇林到，滑溜有咬口，連埋湯一齊食味道夠濃，唔駛加任何調味。扎肉結實夠大塊，唔錯!一口炸豆腐跟餐加$20，份量雖然唔多但真係好好食，每次黎必食，$20一定會加的!配埋熱檸水呢個餐真係好豐富法式蒜蓉包見隔離食又好想食，叫左一份，一客有4件，趁熱食香到不得了，烘得好脆，每啖咬落充滿牛油香，記得一定要趁熱食!下午茶去到6點，即使唔係下午茶時間，睇menu其他野食都唔貴，食緊果陣聽到有客講話專登行好遠過黎食，就係附近番工既我覺得自己好幸運~

上環的餐廳平日都人頭湧湧，今天周日前往，有一份特別寧靜與悠閒。鳴越位於德輔道中，店前就是地鐵站，巴士站及電車路，地理位置方便。餐廳位於地庫，沿樓梯走落去，才發現裡面如此寬廣，座位甚多。與女女對座卡位十分舒適，餐牌菜式甚豐富，價錢亦很大眾化，不設加一。點了凍菊蜜，腐乳通菜，越式海鮮炒金邊粉及雞肉串燒。女女話凍菊蜜充滿蜜糖同菊花味道，好好飲，十分消暑。腐乳通菜好香好惹味，又唔會太咸剛剛好。越式海鮮炒金邊粉份量好足，大大碟，飽肚之選。海鮮配料亦算多，味道不錯有鑊氣。

呢間餐廳唔係第一次食，因為佢真係好吸引人再次光顧。係中環來講佢真係價錢平民得黎，又好食嘅選擇。今次同朋友黎叫左兩個粉同一個小食。食咗沙嗲牛河同埋生牛河，仲有個蝦餅。過兩碗粉其實食完已經覺得好飽，湯底明顯好有心機熬過，啲牛肉非常之嫩滑，冇多餘嘅脂肪，亦都唔會覺得太靭，非常之好食。今次食比較夜所以冇乜人。呢度地方大座位多，晏晝食嘅時候即使人多都好快有位。好多都係卡位，有少少嘅自己空間，同人傾計嘅時候唔會話怕嘈。

Came here for dinner on a Sunday evening. The street was so empty and this restaurant was the same - with just a few tables of guests. You really could tell how hard it was to maintain business nowadays as you can tell from the face of the seemingly-to-be the boss of the restaurant. It is ok I really understand.Back to the food. Set meals were still available at night, which seemed to be quite a good deal in Central/Sheung Wan district.There was no service charge!The 2 of us ordered 2 sets to sh

中上環呢邊大部份餐廳都好貴，難得地比我搵到一間價錢幾經濟實惠嘅越南嘢食~餐牌野食選擇都幾多下~~扎肉拼雞絲湯金邊粉份量幾大碗，湯粉可以揀金邊粉，檬粉或者幼麵，比較少食湯金邊粉，所以就揀咗嚟試吓，金邊粉質感好彈牙，而且夠煙韌，粗幼度適中，食落去有滑溜溜嘅感覺，配埋少少檸檬香味再加爽脆嘅豆芽更加開胃~加上有不少雞絲，撈埋一齊食一啖可以食到唔同嘅質感同味道~扎肉厚度適中，咬落去唔會乾身，質感幾結實~~特色腐乳炒通菜好大碟，腐乳味道啱啱好，唔會太鹹，通菜唔會煮得過龍，仍然保持着爽脆嘅味道，少少辣椒有助調味，味道唔覺得辣☺️