鳴門日本料理 (已結業)

我無影相，唔想多講，不過見一個喊樣都無就想出聲鬧一下…響呢個地點食日本野本應唔需要有好大期望，不過 lunch 價錢要60蚊以上應該要有好 d 交待， 不過真係物不所值!! lunch 一定要局食 set, 普通既吉列豬扒既乾且"鞋"，又要 60牛肉飯 d 牛肉絕對得 cheap cheap 厚肥薄肉，食吉野家好過，又要 60個set 有燉蛋不過真係好清(無乜料)，同以前食北角京味真係差好遠，人地無論前菜，燉蛋，以為主菜用既料都完全唔同級數，眼見呢間 d 用料咁差真係不值!可能因為呢度 d 賣相同裝修真係昆到人，同埋附近真係無乜好既日本料理可選擇…

今日係豬豬女友mock 見工的日子. 早上放工後, 她心情定係好緊張.好啦, 食d 魚定返吓啦! 我知道, 成個星期冇食魚生, 有人定身痕既!上次打8號波, 駕車經過鳴門已一欲想試, 今天又順路, 就o黎啦....看到門前有個牌, 話星期六午餐有8折, 嘩, o岩晒!!!一進內就見到壽司吧, 內的魚好新陼呢.見其他評都讚魚生, 相也好正, 決定要叫呢~女友叫了三文魚拌魚籽海膽特式飯定食; 係有個小烏冬+蒸蛋的.其實她是看中了些海膽呢, 前世肯定係俾海膽吉死既, 同d海膽有仇咁, 去到邊都必食我不想吃飯類, 叫了九州味噌拉麵定食; 定食有加州卷, 蒸蛋 等.女友豬豬的烏冬先上, 係獨自分開上的, 略淋, 味像麵多過烏冬.三文魚拌魚籽海膽特式飯之後上. 三文略肥, 係奶白色粉紅咁, 叫姐姐換過些橙色的... 好快換了, 相中的是否正常好多呢!有舊冬菇, 唔知佢做乜响度,可能係盪失了路上了碗魚生飯吧....全都好新鮮, 女友豬豬食到好開心跳晒舞咁...定食的蒸蛋好滑, 正呢.我的麵之後上. 喝口湯, 冇味噌味, 卻似出前一丁湯味....用料卻ok 的, 豬肉少許韌像豬頸肉, ok la

**12-9-2008**是日與同事黎食lunch做節.各人都叫左lunch set我就叫左 "海鮮拉麵定食". $65拉麵 : 好大碗 ~ 湯底味好淡~攪到要狂落7味粉!加洲卷 : 賣相有點差. 味道普通啦~有d似百佳買果d咁.漬物 : 好似係三文魚, 有d骨~咸咸地咁.茶碗蒸: 呢個蒸蛋有少少老.不過都ok既.值唔值就見人見志啦~

...近排朋友推介我去九龍灣一間食日本嘢鋪頭"鳴門",,,佢話唔錯wor,,,所以今日就o黎試吓,,我一行二人太約8點左右到,,,一到侍應就安排我地坐係卡位,,,地方都幾大,,環境不錯,,,當我地睇餐牌時,,,侍應就推介"和牛節"產品,,,我地就試咗和牛刺身同埋和牛米子卷,,,和牛刺身-食落去都幾滑,,,份量都有十幾片,,,唔錯和牛米子卷-賣相好特別,,,食落有很開胃,,,原來有啲秘製沙律汁,,,好好味當然仲有我至愛三文魚la.....很新鮮肥美仲叫咗個海鮮puzza,,,都唔錯有多層,,,口感幾好..不過我地比較細食,,,叫唔到好多,,,我下次一定會叫多啲人o黎食...走時仲有雪糕送...最後,,,雖然人流唔多,,,但服務都可以,,不過人手就比較少,,,我覺得咁大地方,,可以多啲人手招呼客人咁就更加好la...

當晚我地一行十人進入一間充滿特色房間, 受到服務員誠懇有禮招待, 大家你一言我一語點好不同心水菜式,當晚美食隨即送上...首先大家品嘗一支名為 "男生"清酒, 呢支酒易入口,雪凍仲"㊣", 隨後送上我地晚餐 , 閒話唔講咁多,大家睇圖就會明啦.....( 看圖朋友請準備好紙巾以防流口水... )當大家品嘗完呢餐美食時,我地邀請一位師傅入同我地影相留念,我地亦老實咁同佢講"D野食好好味!只可以用一個字形容.."㊣" ! "又係時候要埋單啦, 雖然我地係最遲走客人, 但服務員不但沒有"黑面"催促我地走,仲笑容滿面咁等到我地離開才關門 ! *值得一提就係...而家已經好少有D咁好禮貌師傅同服務員啦! 重有好難搵到一間可以比成大班朋友擁有一間獨立房間去玩去享受(唔講仲以為自己去日本呢!!),最主要係.....好難...好難搵到有咁好味 "日本料理"呢?!當大家要 "開飯"時候, 本人認為...呢度會"食過番尋味"!

話說公司大show出完終於都可以唞番一啖新鮮空氣，收工相約去左睇蝙蝠俠﹗Out就係out左0的架喇，人人都睇哂上左畫成兩個月，不過之前得閒0個時又買唔到飛，只有等到而家先有得睇﹗地點係唔係睇戲都唔會去既megabox，大鄉里的我第一次睇巨銀幕版﹗巨幕版真係好巨，令人睇落超級之投入，$50張飛真係抵睇呀﹗睇完戲我地去左行兩條街就到既鳴門﹗先來一杯日本咩提子汁特飲，味道有如提子味既吹波膠......吞拿魚米通吞拿魚好鮮又夠多，配埋0的香蔥同埋芝麻真係惹味，米通又夠脆，不過成六十幾蚊得三塊就少左0的囉﹗邊夠喉﹗之後試埋佢話減價的和牛生春卷﹗呢個多0的喇，有成四件﹗其實生食牛肉我都試左幾次，味道麻麻無咩特別，我都係鍾意打邊爐大口大口肥牛開心0的﹗和牛之下是米紙包住0的蔬菜，幾田園新鮮的，不過個主角和牛我就吃不出佢有什麼特別囉﹗最後來多個串燒拼盤，$88﹗樣樣都好食喎﹗我呢個蔥怪最鍾意就係雞肉加大蔥喇﹗肉骨腸，第一次食，不過明明係條腸做咩要整夠骨入去呢？好似多此一舉﹗但說回頭是幾好食的﹗仲有豬頸肉，蜜汁甜甜的又有咬口好好味﹗最後仲有雪糕送，豆腐味雪糕好滑好好食呢﹗又係偷閒的半天，知足常樂﹗更多相

六月十四日(星期六)同老公一早就去左megabox買左戲飛先!再出黎食lunch!上次睇左U magazine,楊崢介紹呢間店舖!而且好似幾好!冇bad comment!一於試試啦!呢間鋪頭分兩邊,一邊係快餐,一邊係日本料理!首先去左快餐睇睇,都係吉列豬排飯果d!應該去左邊果間!入到去,冇mud人,不過d service幾好呢!坐左個卡位!有幾個menu,見到有午市定食!我地就叫左1)三文魚拌魚籽海膽飯定食:三文魚真係好正呀!!!雖然唔係魚腩,但係好肥美新鮮!同六本木既有得fight!...魚籽就比較差,因為腥呀!.......而海膽沒有腥味,好好食tim!戳召司飯就不過不失,因為試過定食Doraya既朋友,都知道佢地既飯係一絕!新潟魚沼米!2)油甘魚拌香蔥吞拿魚腩飯定食:油甘魚同三文魚都有咁上下既質素!正!!!^^吞拿魚腩亦係中上既貨色,不錯不錯!而以上既定食再有個湯烏冬,係扁身既稻庭烏冬,個湯底好味道!仲有salad,同埋蒸蛋,都幾好食!!呢間日本野可以encore呀!!!........不過如果唔係黎開megabox都唔經開呢度,開o係第度應該會好生意好多呢,因為佢地既用料真係唔

之前搭的士去megabox, 總會經過呢間鳴門, 會被佢個門口吸引住, 唔知呢間好唔好食, 終於係母親節訂左枱, 去到門口, 朋友突然話加入, 於是由2位變4位, 好彩咁arm有位, 因為佢有母親節套餐, 我地又唔想諗食乜, 最後都叫左套餐. 不過大家都覺得麻麻地, 所以我食完第一次唔寫食評住, 等平日再食多次先可以作準.5月25日, 我終於再去呢度食晚飯, 呢度出名魚生新鮮, 一定會試. 入到去左手邊的卡位, 坐得好唔舒服, 枱面過高, 椅又過低, 無辦法, 肚餓, 叫野食先, 個menu 太多野想揀, 眼花, 唯有叫左第一輪先. 銀鱈魚西京燒 --- 頗大塊, 燒得剛好, 唔會太乾, $75煎鵝肝拌燒飯團 --- 我地有兩人, 佢落order時已經話幫我切開, 服務好, 鵝肝唔錯, 配燒飯 團好似唔多夾, 都係配番多士好d, $75三文魚刺身 --- 果然好新鮮, 厚道適中, 不過得4塊細細塊, $56, 唔係幾抵 日本提子乳果梳打 --- 幾好, 起碼唔會係葯水味, $28紅石榴蘆薈梳打 --- 太甜, $2

香港不易吃到新鮮而地道的日式刺身，在嗚門就可以了而且价錢可接受。經埋推价左鷹羽鯛 就order左一條做sashimi, 試左兩件, 鮮美無比, 好衝動咁又叫多一條......和食都OK而且大致上都抵食十八個人都係平均百幾元一位佢地服務都好好,不停幫我地添茶換碟,所以真係要讚一讚.

某日我去Megabox行街行街後發覺個度冇咩岩食於是行出門口發現有間日本野就入去試下入左去之後個環境幾好而且唔多人首先叫左個壽司$9得兩個細細舊三文魚壽司壽司唔係幾抵食然後叫左d料理好大碟同埋好好味環境都好舒服幾適合幾個人傾計

自從無個嗰間酒店嘅member, 就無去過雲海啦. 但有朋友話呢間都唔錯, 咪去鳴門試吓囉. 叫咗個清酒煮蜆, 燒西冷, 雜錦刺身咁. 前兩者味道ok. 但唔係好突出. 但個雜錦刺身就有驚喜. 因為無諗係工廠區有咁新鮮嘅刺身食. 咁但係, 佢嘅價錢都唔係工廠區嘅價錢. 同尖沙咀d日本餐廳有得撼架.

之前同朋友去Mega Box時經過已經留意到呢間餐廳; 於是上次就決定去試下...由門口到坐低,都覺得裝潢幾好;服務其實都nice.我地兩個人叫左三文魚同赤貝壽司各兩件,一個燒薄餅, 一個天婦羅凍烏冬同埋一個炸雞~ 都夠食...個燒薄餅真係值得一試, 好好味, 雖然等左成四十分鐘, 真係等左好耐...而個天婦羅凍烏冬都幾好,d烏冬好有口感,好正!三文魚同赤貝亦係超甜超新鮮~估計呢度d刺身應該見得下人~ 食完餐仲會奉送一人一個home-made既雪糕.服務都一般..但環境夠靜夠大,又唔使等位..見到入面有日式tatami;又有房for多人gathering~

我們一行20人, 有大人小朋友, 食物方面質素吾差, 尤其是佐酒既小食, 魚子sushi 又夠新鮮. 係個炒飯最夠人兜. 但就真係貴羅. 我地食甘多野都無雪糕送. 但係佢比左間房我地, d 小朋友就跑得好開心.

叫左個地獄雞肉碎拉麵d雞肉碎好乾口感似豬肉多d話明地獄拉麵應該係辣先岩但1d辣味都冇囉同普通拉麵冇分別朋友叫左炸魚柳飯同一口雞飯佢地都話唔值呢個價整體上真係好普通但賣成$35 所以呢度d lunch係完全唔抵食食刺身壽司果d應該會有水準dlunch真係唔好制...你1定會好失望...

星期六去食都不太多人....叫了雜銱刺身,,,三文鱼刺身..三文魚壽司..炸蠔...海膽炒飯及三杯果汁洒都是$400元左右很抵及送homemade ice-cream....水準一流食物新鮮及服務very good..值得一試,錯過就走寶