鴻利茶餐廳

營業中

休息中

肥牛/雞翼米線（$53）除左有肥牛，雞翼，配菜還有豆卜，芽菜，酸辣菜。其實肥牛分量足，質素唔錯，不過煮得太熟，有d硬，由於湯底比較清，所以肥牛冇咩味道，需要自行加美極調味。鹵水雞翼3隻正常味道。酸辣菜可以話係亮點，佢既味道係香港係好少有既。米線軟硬度適中，都係正常。

今日的晚餐：可以話係食第一餐😂剩係知道好肚餓，見到門口有雲南米線，突然又好想食，入左去見到睌餐又有🐟食，甘就立即又變心食🐠😂😂😂D晚餐好抵食（🐟係我至愛吃之一，所以必定吃🐠）😂😂粉葛🐷骨🥣——-飲落就知零味精，清甜足料又好味👍豉汁蒸鯇魚——廚師蒸既時間剛剛好，配上豆豉同葱，椒絲，味道剛剛好，🐠又夠滑，又清甜，平日吳食飯既我都食左半碗飯😂估吳到呢間甘普通既茶餐廳，侍應D禮貌都吳錯😊

今次食呢間, 因為上網. 因為佢有FB 上載午餐. 每月一次, 我諗左成個月至決定試下佢.近日食得多街市, 咁0岩佳運又休息, 咪食下佢囉. 點知....午市幫襯佢, 全個食堂都係篋, 多人多到, 打左電話前後10分鐘至攞到個煮定既粟米肉片飯. 跟個熱柯力今日唔影相, 無心情.杯熱柯力多奶到以為叫熱花奶.可能佢地忙到唔想攪, 多D奶俾杯野你算.粟米肉片, 中式煮法, 味道都叫好過周太少少既, 不過自由行多人既食店, 唔應該期望佢有乜野好好出品, 只係未至到澳牛級趕客, 但制作只求快.不過佢就40, 叫做有飯有野飲. 我又係咁意頹打所見所聞

上水商場的食店相比其他地方認真的少⋯走來走去浪費不少時間最終決定不等位不光顧連鎖店跑到樓下找了間人數不少感覺又簡便的茶餐廳吃，結果是非常的失望。上菜時間真的很快，首先湯底不是沒味但很淡感覺是粉開出來或熬太多次。總之吃麵一定要配湯喝的我一喝就覺不值這價錢而且米線太硬，感覺不是是煮太短時間而是本身麵質就很不好。然後炸醬看起來很入味但放湯比其他地方更快散開成一條很普通的肉絲。最好吃是咸菜跟芝心丸但對比其他店其實也低一截。不過夠大碗這點比一般店的多量。紅豆冰很甜，淡奶不算多吃完紅豆就喝不下但勝在紅豆有不少。

麻辣豬軟骨米線 （$46）每當我有屋企人經上水回家前，都叫佢買碗米線回來作晚餐！我鍾意佢地個麻辣湯底味，又濃又多配料！多多芽菜豆卜蔥！豬軟骨大大舊，又入味的！大家上大陸前/返落黎時搵野食可來試試喔～

今日下午我們去咗上水龍琛路嘅「鴻利茶餐廳」食下午茶！我們叫咗星洲炒米炒得好夠鑊氣，材料好豐富，味道相當香辣惹味！喺餐牌見到風味過橋米線要$70，就問店員點解，店員話好大碗同份量好多，上碟嗰陣真係超大碗，可以足夠2-3人食嘅份量，真係幾抵食，材料有：清香嘅菜肉雲吞、嫩滑嘅鷄翼、爽口嘅芽菜、蟹柳、軟滑厚身嘅冬菇、腐皮、彈牙嘅魚蛋、鬆軟嘅鷄肉、鬆化嘅腩肉同爽脆嘅豬膶，仲有爽滑嘅米線，湯底我們就揀咗微辣，味道好惹味醒胃！

今日下午我們去咗上水龍琛路嘅「鴻利茶餐廳」食下午茶！我們叫咗XO醬揚州炒飯炒得好乾身，材料相當豐富，XO醬嘅香辣味令到味道更加惹味！五香肉丁炒公仔麵亦都係炒得都幾乾身，麵質好爽口彈牙，味道就鹹咗啲啲，但都幾好味嘅！肥牛鷄翼米線嘅肥牛唔會過肥，肉味好濃郁，份量相當多，鷄翼嘅肉質好嫩滑，米線嘅麵質好軟滑彈牙，而且仲要係大大碗，真係幾抵食！

話咁快又到新年，上水有不少地方可以辦年貨，兜兜轉轉的走了一個中午，就連午飯都未下肚。鴻利很少光顧，店內卡位窄得可以，跟本坐不下，普通一個特餐都超過$40，牛油多士是即烘，脆脆地再塗上牛油又不錯。火腿奄列餡料少之又少，可以改的話，轉回火腿煎蛋仲好。沙爹牛肉餐肉公仔麵淥得剛剛好，餐肉總算夠厚，但沙爹牛肉沒多少肉味，不過不失吧。熱檸檬茶沖得太淡，茶味單薄，算了。

社會服務前,緊係要食自己心中最想食的食物~作馬年一個開心的總結裝修後感覺上好耐冇黎呢到食野~今日回來了~入到去睇起黎好似大左,但枱櫈多左又迫左,卡位又窄左,我有少少覺得去錯地方~揀左一個闊落少少的位置坐,叫左個最心儀的米線大麻辣秘製豬軟骨雲吞粉線一上枱真係令我有少少灰,同過去比較真係失色好多麻辣湯底可能要配合香港人口味,所以感覺只係微辣,客人要自己加麻辣,填補舌頭上感覺的不足,豬軟骨由過去的兩件大大舊縮減到而家的三小舊,睇落少了三份一~口感方面都失去左過去入口即化的軟棉感覺,雖然都係軟,要咬兩野,雲吞都細粒左,只有米線的份量保持到的水準,可見舖頭的成本控制做得好嚴謹!一面食一邊諗住睇電視,點知全店只有一個位可以舒服咁睇...嗯..總括黎講..算係見識過佢裝修後的出品~可見的未來相信唔會再見,真心希望佢地他日可以有所進步店舖有蚊型洗手間供應,迫迫細細濕濕窄窄…所以米之連人可以的話都係忍耐一下,搵另一個更好的解手吧~!

成日行過上水匯都見到鴻利因為周圍都無位終於有機會去試下見到餐牌……好似比周圍貴左d 喎不過入左去就試下啦叫左個腩肉雞翼麻辣米線明明話走酸菜但無走到 好在個湯無酸菜味但依然好好味又夠辣又唔使加辣油仲要有三隻雞翼食Tim 坐得又唔迫D叔叔姐姐又nice下次有時間可以再食

同事介紹話呢間米線好正！今日特別帶我來食！去到已經下午茶時候，坐低係普通茶餐廳格局，地方乾淨企理，都坐得舒服！店內店外都貼晒米線餐牌，既然話米線主打，當然係試米線！叫咗：鹵水大腸魚腐生菜米線：揀了酸辣湯底（另外有清湯及麻辣）米線本身有酸菜、芽菜、腐竹、韮菜、豆卜，首先米線好大碗，份量好大，米線淥得比較淋（同事都話今日淋咗，平時唔係咁），芽菜韮菜爽口，而且好多！豆卜好似海綿索晒啲湯，好正，腐竹好滑，酸菜大條爽口，而且唔會好咸！反而帶甜味，酸酸地好開胃！講完米線本身，當然講下自選嘅其他餸，選擇好多，鹵水大腸炆得淋身入味，肥大肉厚，而且洗得乾淨無壓味，鹵水汁濃味但唔會過咸，good!魚腐好大粒，外面炸過，不過浸湯之後變得好似綿花！魚腐咬開見到主要有新鮮鯪魚肉同碎豆腐，仲有爽口嘅香菜！口感好滑！加上夠厚肉，好好味！生菜爽脆唔老！整碗麵好味道！不過$38一碗米線唔可以話抵！但真係用足料！飲品要加$8，唔抵！所以我無加！侍應勤快之外，笑笑口態度幾好！因為份量太大！所以最後我都食唔晒！真係好滿足！