鴻星中菜 (已結業)

星期六成日去鴻星飲茶，兩點半去到有下午茶好抵。今次叫咗五樣點心，有菠蘿叉燒飽（次次我都叫，好少酒樓食得到）、冬菇雞絲腸粉（腸粉好滑，餡料亦足）、潮州粉菓、蟹肉冬瓜湯包（湯包裡面好多湯料，非常正）同埋鳳尾蝦春卷（有成隻蝦包係春卷入面，春卷皮做得好脆）。埋計大約一百二十蚊，仲有糖水送。

參加公司春茗，菜式如下乳豬拼盤- 乳豬皮脆唔肥，海折唔夠爽口翠玉瓜蝦球- 翠玉瓜墊底，蝦球幾爽蟹黃魚翅- 橙色，杰撻撻，入口有好creamy感覺，食咗幾啖已經唔想再食盤菜- 有鮑魚，瑤柱，海參好淋，一般盤菜有嘅佢都有，但始終偏向一個味道，最抵死係俾埋gas爐，俾埋碟唐生菜同蘿蔔你自己淥食完盤菜，已經飽咗八成，重有菜上蒸魚唔得- 面珠登肉唔夠滑炸子雞- 微暖，幸好皮脆肉嫩炒飯- 冇食紅豆沙- 一上檯已經聞到好香，紅豆大粒，唔甜，正！柑- 冇食侍應有禮，地方清潔，值得加分

周五晚差不多9點到，只坐滿一半。3個女子要了4人套餐($559)，當然有剩。套餐包括每位一隻大帶子、石頭魚湯、煎大蝦、鮑魚飯、時菜和西式甜品。小拳頭般大的帶子最有睇頭，亦有水準，肉質具彈性，味道也不錯。石頭魚湯就略嫌有點腥，而且湯料不多。反而鮑魚飯幾好，雖然吃不出有鮑魚，但是頗似福建炒飯，味道也不錯。想讓英國回來的朋友試試這裏特別的包點，所以要求甜品轉流沙包，侍應ok可以照辦。甜得不過分的流沙包頗軟熟，令大家相當滿意。

那天媽媽生日特登係眾鴻星之中揀左呢一間老舖諗住好好食但係實在有點失望比起灣仔鴻星就差d 佢地o既水準參差唔係碟碟都咁好食有d麻麻地有d就水準好好今次選左個套餐--懷舊美食芋蓉香酥-- 好味但係炸燶左小小鵝肝片皮豬-- 塊餅好脆,乳豬,鵝肝都好正燕窩鵲鴣羮 -- 喊左小小千層糕和西米布甸(有豆蓉) -- 極好味蝦醬炒飯-- 嘩炒到唔濕仲一粒粒飯好靚我食得最多石窩爆班頭腩-- 唔o岩我口味太多調咪料皺紗蠔豉卷-- d 卷;整'得好好但係我唔鍾意佢用肥豬肉包著d 蠔豉時菜雲耳炒班球-- 無乜特別一般小菜大良炒鮮奶-- ok la 老功夫野雞卷伴翡翠-- 一般另外叫多幾隻蟹子小籠包-- 無灣仔個邊造得咁好食同咁正!因為係d 舊唐樓空調麻麻地地方迫其實那天食得唔多舒服服務親切-- 知道我地唔係好滿意張枱 就主動問我地換過張枱 ! 勤跟單, 食唔o西又會問我地會否打包!!

屋企團年飯,買左七百幾蚊一個外賣盆菜,好貴呀!佢地話貴在鮑魚喎!數埋都有六隻架!貴係貴,但係份量真係好多,六個人都食唔晒!至於味道,我就覺得一般啦!又唔係話真係好好味!或者係因為我一向唔喜歡中國菜卦!我估佢貴都係貴在個品牌...個人黎講,我都係覺得唔抵囉!

之前睇d食評好似幾好,於是上個禮拜屈咗男朋友請食大閘蚧,仲帶埋daddy,mummy一齊去食,鬼叫佢成日蝦我!去到個陣已經人山人海,所以我地一坐低就馬上落單,叫咗個四人餐,先食咗個蚧粉翅,果然真材實料,d翅都幾多,又香又好味!主角出場,大大隻大閘蚧,隻隻都一樣好多糕,一人兩隻,不過個衰佬識做,比多隻我食,仲有四隻大蝦,四隻勁大隻既帶子,真係好大隻,煎得好香,好有口感,小籠包一般啦,真係有d腥,條魚同糯米飯都ok,十分美味的一餐!不過我見到人地個餐好似仲正,一人一隻差不多手掌咁大隻既鮑魚,見到都流口水,個衰佬話下次同我二人世界先試吓喎,算你啦!

今日放假,加上出咗糧,同daddy mummy去咗尖沙咀shopping,之後上咗鴻星飲茶。三個人唔係叫咗好多嘢食,半隻白金鸭,廚師炒反,小雲吞浸春菊菜,三隻蚧粉小籠包,虾餃同埋流沙包。個蚧粉小籠包比想像中差,真係好腥,個浸春菊菜又好似太小了,一人食得兩條,白金鸭味道幾特別,不過唔係點酸梅醬,個侍應話係桂花汁。廚師炒反有海參同帶子和蝦,味道不俗,流沙包真係好正,d奶皇好香好鮮甜,值得一試!

之前已經係呢到飲過一次,今晚終於再來食大閘蟹,一個字,正!收工和同事來食大閘蟹餐,我們二話不說就叫咗個六位大閘蟹餐,一人有兩隻大閘蟹,唔大唔細Ok啦,不過真係勁多蟹膏,勁正勁好味!其餘個餐d野都算Ok啦!最後個糯米飯都差d食唔晒!最正始終係大閘蟹!不過又真係幾貴吓,但真係物有所值,最多食完之後慳d洗囉!

早兩個礼拜個朋友結婚,係尖沙咀鴻星擺酒,以為鴻星剩係得黃油蟹好食,原來去飲都食得下!除咗覺得坐得逼D之外,個場都幾殘吓,不過D佈置都Ok啦!最特別嗰晚有盤用蓮藕砌咗盤「佳偶天成」賀對新人,仲有D魚仔,好得意!次次去飲唔係飲汽水就啤酒,嗰晚有楊枝金露任飲,勁正!頭盤乳豬都不過不失,跟住個紅糟炒大蝦仁勁正!D蝦仁又大隻又好味,之後個「極品蟹皇翅」就真係極品!D蟹皇同翅加埋一齊簡直係天衣無縫,好好彩我有兩碗食!魚同鷄都一般好正!真係好耐都冇試過食得咁飽!臨走仲見到上電視「美女廚房」個位廚師,信心保證!遲D仲約咗同事嚟食大閘蟹餐,希望到時又食到另一D好嘢啦!

阿爸阿媽想食黃油蟹, 今日0黎0左呢度食dinner, 叫0左個套餐for 4, 都幾多0野食:- 蒸黃油蟹2 隻(一人半隻)- 黃油蟹粥- XO 醬炒蝦球+ 翠玉瓜- 鮑魚扣花膠+ 冬菇- "包"翅燉雞湯- 荷葉蒸蝶魚- 生炸(即脆皮)黃油雞- 燕窩蛋撻第一次食黃油蟹... 都幾好食, 不過個人覺得d 黃油唔夠香, 都係大閘蟹0岩我d.反而d 粥就幾麻麻, 雖然賣相黃黃的, 好靚, 不過無乜味.燉湯飲落清甜無乜味精, 淡淡0地, 唔錯. 我0個盅好大舊"包"翅, 不過阿媽就話佢0個盅好少.鮑魚扣花膠+ 冬菇d 鮑魚好腍, 好juicy, 好食; 花膠都唔錯.蒸魚就真係普通得很, 唔夠滑, 好彩d 汁幾鮮甜.個人最鍾意係XO 醬炒蝦球+ 翠玉瓜, d 蝦好爽脆好鮮, 仲好巨型, XO 醬唔算好辣, 不過好惹味; d 翠玉瓜蘸0左d 汁真係好食!脆皮黃油雞就有驚喜, 其實係炸過0既鹽焗雞咁味, 不過一d 都唔油膩, 層皮又脆脆0地, 好好食!燕窩蛋撻呢... d 燕窩勁甜, 不過始終中式酒樓出品0既蛋撻一向我都唔係太鍾意, 所以唔講咁多.環境同service 都ok, 不過唔知點解唔算

前幾日公司請食飯, 其實都係食嗰d野, 但係知道去鴻星都幾開心, 因為d野有保証.最鍾意食個雞煲排翅, d湯好濃好夠火喉, 翅亦好爽口.香露烤皇帝蝦亦好惹味, 個殼脆卜卜可以食埋.最特別反而係最尾的粽子, 有石頭魚粽, 食落好得意, 用魚肉唔用肥肉, 再用竹筒包住, 好夠香味.梘水粽亦唔係一pat 野嗰種, 蓮蓉唔甜.d同事都即刻買返幾隻返屋企.

先排去呢間尖沙咀訂盤菜, 味道一般, 最不滿係明明訂左3:00囉,去到佢地話我無訂,要我等多40分鐘立即整!另外個盒蘿蔔返到屋企食,居然有酸味...都幾重下,無力囉就唔好一個人去囉啦。過左幾個禮拜去佢地度飲茶,可能係早茶價錢幾平D野食都ok

四半重大閘蟹好鮮味，咬落D蟹膏時勁痛快.個蟹粉翅好原味，隻大蝦，嘩！味鮮到暈，蟹盞屬一般啦,serve我地位阿姐服侍周度，讚！好抵食，遲D試埋佢個龍蝦餐.

好開心呀!以為減肥冇啖好食, 原來鴻星有健康點心, 冇豬肉冇牛肉,賣相好cute仲係6.8.我最鍾意係上素百寶袋,水晶石榴餃同南瓜餃.有隻新出品叫石榴甘露,有粒粒椰果同好濃石榴味,又唔太甜, 幾正.

舊年無寫到見今年有食家寫,所以回應下舊年幫襯食黃油蟹,簡直一肚氣完全無黃油見到其他(木台)的蟹都係咁上下證明係批貨唔得賣咁多廣告都無用唔該俾心機搵d靚貨!!!!