鴻星中菜 (MOKO新世紀廣場)

營業中

休息中

預早同家人食母親節餐，難得有人安排唔洗自己搵地方，準時出現就得。好多年冇行呢度，因為商場裝修過，面目全非，攪咗一輪先上到嚟。印象中應該係N年前"美X皇宮"嗰度。地方都算企理，我地人少少，就揀咗個好似樣樣都有嘅四人餐。閒日夜晚人唔多，目測都坐到七成人。啲嘢好快已經上曬嚟。講下啲餸，龍蝦冇乜肉，鮑魚普普通通，冇鮮味(我相信係罐頭貨)，燒雞脆皮好食，蒸魚ok，菜煮得唔透麻麻，炒飯甜品正路。總體食味一般la，喺旺區嘅大牌子酒樓算係咁，不過份量偏少。記得以前鴻星啲前菜小食花生有啲炸魚仔好好食，但而家就冇咗lu，得返啲花生。

前幾星期較多工作應酬，與外國同事交流，吃了不少西式晚餐。過了這忙碌的時間，特別和好朋友找間中菜館，品嚐中國味道。 鴻星中菜位於旺角新世紀廣場，旺角東地鐵站出發大約七分鐘便到，地點方便就腳。疫情關係，餐廳入座時也有量體溫，而且提供酒精搓手液，令到客人吃得安心。 我們一行二人共點了幾道小菜，一起互相分享。 百味豆腐 / 拍蒜青瓜(⭐⭐⭐⭐⭐) 青瓜吃起來甜甜酸酸，爽脆可口，令人食慾大增。豆腐是即叫即炸的，上枱食還是熱辣辣，吃起來外脆，內裏嫩滑，豆味十足。海蛇汁龍蝦(⭐⭐⭐⭐⭐) 龍蝦大大隻，新鮮，吃起來肉質結實。配上特製醬汁，令人回味無窮。虎乳菌翡翠炒帶子(⭐⭐⭐⭐⭐) 帶子圓碌碌，大大隻，吃起來爽嫩。一份四至五隻，兩個人分享剛剛好。清蒸游水海星斑(⭐⭐⭐⭐⭐) 游水海斑清蒸時間適中，吃起來嫩滑可口。簡單的配上蔥絲，豉油已經很好吃。脆皮炸子雞(⭐⭐⭐⭐⭐) 炸子雞外皮香脆，肉質嫩口，但不會覺得油膩，令人停不了口。羊肚菌杞子浸菜苗(⭐⭐⭐⭐⭐) 羊肚菌和菜苗用上湯，煮得十分入味，而且不會油，感覺較為健康。原個蛋黃壽桃包(⭐⭐⭐⭐⭐) 壽包大大個，上枱還是熱辣辣，吃起來香軟可口，配上完個蛋黃，

鴻星中菜是我經常會到的餐廳，位於旺角太子道西193號MOKO新世紀廣場6樓601A號舖。 餐廳地點方便， 環境舒適，服務員親切有禮。 今次點了拍蒜青瓜、 百味豆腐、海老汁龍蝦、 炸子雞、清蒸海星斑、 腐乳菌翡翠炒帶子、 羊肚菌杞子浸菜苗、 原個蛋黃壽桃包和精美甜品。 🔸拍蒜青瓜 ～ 脆口清爽的青瓜， 涼拌首選。 🔸百味豆腐 ～ 金黃脆皮， 外酥內嫩。 🔸海老汁龍蝦 ～ 龍蝦好新鮮，肉質鮮甜。 🔸炸子雞 ～ 脆香美味的炸子雞， 口感不會膩， 肉質嫩滑。 🔸清蒸海星斑 ～ 海星斑鮮甜嫩滑， 蒸得剛剛好。 🔸腐乳菌翡翠炒帶子 ～ 有四粒的帶子， 大大粒厚身鮮甜，配上菌類，更美味。 🔸羊肚菌杞子浸菜苗 ～ 羊肚菌 口感爽嫩 ， 配上杞子和白菜苗， 味道清甜。 🔸原個蛋黃壽桃包 ～ 熱辣辣的壽桃包，香滑的蓮蓉，配上鹹蛋黃有流心效果，正。 🔸精美甜品 ～ 紅豆沙口感細膩， 仲有兩粒芝麻湯圓，香甜軟糯。 鴻星中菜一向有水準😊， 平時都會經常到這裏飲茶或晚餐。

移居外國多年嘅友人返黎探親，終於約實食飯見面，想食咩當然由佢話事。想食中菜嘅理由不感意外，就去呢度啦，地點方便就腳。柔和燈光，枱與枱之間有足夠空間感，唔太嘈吵，傾計都方便D。主菜未開始，先黎個前菜，就係拍蒜青瓜同百味豆腐。兩款味道與口感不同，前者酸蒜味中爽脆，後者係炸豆腐，外脆內嫩滑，加埋酸甜醬，一口接一口。跟住就到海鮮出場，上湯或芝士焗嘅龍蝦就食得多，呢度用海蛯汁去煮龍蝦，又確係第一次食。龍蝦開邊，肉量都幾多，提供刀叉起肉，肉質超出預想咁彈牙，配埋個香濃蝦汁，雙蝦出動，點會唔鮮味?!呢客虎乳菌翡翠炒帶子，唔知咁岩定係想食字，用咗腐乳去調煮。主要材料有虎乳菌，帶子及荷蘭荳。隻帶子相當厚肉，雖然係雪藏貨，鮮甜味爭D，但幾好口感嘅。友人提議蒸條魚食下，侍應推介清蒸游水海星班，話抵食，連半隻鷄都係三百幾，就咁話啦。蒸得條魚嘅時間都幾恰到好處，魚肉仍然嫩滑，加埋個蒸魚豉油及蔥絲，用黎送飯岩數。外出食飯食鷄，最常叫脆皮炸子鷄，因為屋企難整嘛。半隻份量都幾對眼。皮下無咩肥膏，連皮一齊食都安心D; 香脆同幾好肉，點少少喼汁食就仲好味。本來杞子浸菜苗就普通咗D，但加咗羊肚菌就唔同啦，當堂升級咗。令本來

好耐無食過小菜了，今日去到鴻星海鮮酒家同朋友相聚，佢哋個小菜套餐質素都幾高👍🏻二人餐大約一千蚊左右，食物質素同味道，都真係唔錯😋前菜- 百味豆腐 及 拍蒜青瓜豆腐係即炸的，外皮香脆，加上甜酸醬，好好味，好開胃。拍蒜青瓜又係甜甜酸酸的，兩個前菜食完，令人更加開胃👍🏻海老汁龍蝦 - 龍蝦大大隻，外殼已經碎了，方便進食配上海老汁，令龍蝦鮮味提升了更多。海老汁可以加在白飯上一齊食，唔好浪費😍腐乳菌翡翠炒帶子 - 帶子好大粒，係高質果啲帶子。荷豆出奇咁好食，爽口又清甜，朋友都讚不絕口🫛清蒸海星斑 - 條魚勁大條，兩個人應該食唔晒😂 星斑蒸到剛剛好，配上青蔥加豉油，果種香味，未食都已經令人流口水🐟炸子雞 - 雞皮炸到非常香脆，好似食薯片一樣👍🏻 雞肉保持嫩滑，不用醬汁，已經可以食到好好味嘅雞味了🍗羊肚菌杞子浸菜苗 - 用高湯浸煮菜苗，令菜苗吸收了湯的精華，好好味。原個蛋黃壽桃包 - 壽桃我就食得多，這個都算係數一數二咁高質素。壽桃大細適中，內裏的蓮蓉餡係好水潤嘅感覺，每一個壽桃入邊都有原隻蛋黃，真係好好味🤤甜品 - 紅豆沙湯圓，紅豆沙都唔錯，煲到起沙嘅感覺，但唔會太甜👍🏻如果想同朋友舒適咁坐低食餐

同阿媽行完花墟去左位於旺角moko 既鴻星中菜酒家提早同媽咪慶祝下母親節ꔐ是日靚燉湯係我鍾意既粉葛湯，清熱去濕ꔐ蟹皇燒賣超大粒燒賣，豬肉肥瘦比例幾好口感好彈牙ꔐ香煎蘿蔔糕阿媽大讚蘿蔔糕好足料！食落有蘿蔔絲又有臘味香，同佢自己整既有得揮ꔐ茄汁大虎蝦大虎蝦好新鮮彈牙，醬汁甜甜酸酸幾開胃我好鍾意個醬汁甜甜地，而店員同樣好sweet見我動手剝蝦殼，即時比濕紙巾！抵讚！ꔐ清蒸海星斑師傅時間掌握得好好，魚肉好嫩滑加埋蔥絲同醬油阿媽一個人食左大半條ꔐ上湯蒜子浸菜苗食蒜對身體好，菜芯唔會太老清清地岩哂媽咪口味ꔐ原個蛋黃壽桃包每次見到壽包都會好開心裡面仲有原粒蛋黃，開心即時加倍ꔐ楊枝甘露唔食甜野既媽咪都食左大半碗勁多芒果肉同柚子，非常足料ꔐ桂花糕桂花味好出，唔會太甜口感QQ彈彈，幾清新

📍 鴻星中菜 Super Star Chinese Cuisine🌍旺角太子道西193號MOKO新世紀廣場6樓601A號舖Shop 601A, 6/F, MOKO, 193 Prince Edward Road West, Mong Kok📝整體評分：８／10⸝⸝⸝⸝⸝⸝⸝⸝⸝⸝⸝⸝⸝⸝⸝⸝⸝⸝⸝⸝⸝⸝⸝⸝⸝⸝⸝⸝⸝⸝⤫ 京滬片皮鴨⤫ ＄１９８（半隻）鴨皮咬落去就油脂溢哂出黎，酥脆香口， 鴨肉肉質細緻。包埋葱同、青瓜同甜甜地既醬黎食。皮無麵粉味，煙韌～⤫化皮燒腩仔 ⤫ ＄１２８出街食中菜必點！！！肥瘦比例完美，仲要皮鬆脆不硬，唔會咬到牙骹軟，好食！⤫魚香茄子 ⤫ ＄１２８魚香炸到好香口，卻相對無咁油，肉末又唔會好肥，咸香惹味~⤫ Ｑ版流沙包⤫ ＄４６（３件）樹熊造型流沙包睇黎又食得～

同朋友慶祝生日，佢鍾意食中菜，所以就揀咗佢呢間酒樓食晚飯，貪佢有大大個原隻鹹蛋黃壽桃包😆我哋揀咗個二人餐， $1288全包茶芥，免+1。首先嚟個前菜，拍蒜青瓜、百味豆腐。青瓜爽脆，蒜香酸醋開胃。百味豆腐炸得外脆內嫩滑，椒鹽香口惹味😋跟住就到主角龍蝦，波士頓龍蝦size OK大，每人半邊，蝦肉新鮮爽滑，配上濃郁海老汁更添鮮味，如果配埋伊麵更加好😋跟住到虎乳菌翡翠炒帶子，帶子火候啱啱好，蜜糖豆爽脆，虎乳菌聽講好養生👍🏻蒸魚係虎杉，條魚蒸得緊緊熟，肉一索索，唔嚡，都有啲魚鮮味，配嘅薑蔥豉油都唔錯👍🏻炸子雞皮脆肉嫩，我最鍾意食啲雞皮，又脆又香😋羊肚菌杞子浸菜苗清清地，白菜仔都爽甜，食咗咁多肉清最後就到大壽桃包，包包鬆軟，蓮蓉清香唔太甜，配上甘香漏油嘅原個鹹蛋黃，好正😍跟住食埋個清熱臭草綠豆沙好滿足😋

平日早上同媽媽飲茶，枱唔滿，好零星，酒樓有幾個樓面及知客在場。一入去坐低，舉手好耐都冇人招呼及問飲咩茶。樓面知客見到扮睇唔到，搭晒膊頭只顧傾計，到底返工定傾計？😂終於肯黎落茶，但行都懶得行近枱，離十尺遠問飲咩茶，語氣仲好不滿好似阻住佢咁。😡到攞到茶水過黎，我講左句「咁耐都冇茶」，個樓面勁大聲同惡咁話「而家冇攞到茶俾你咩？！講講講」連隔離枱茶客都聽到。😡😡係，你係有攞到茶，但前前後後等足好耐，你又唔係忙，只掛住傾計。飲茶都要受氣，一嬲之下把鬼火，過對面翠園飲。呢間酒樓的服務態度真係少見的極品！一定冇下次！😡😡😡😡😡😡😡

原來每天在9:30前都有一蚊指定食物優惠而我們進去時剛好9:30所以接待員貼心地問了我們除了這個還有各時段的優惠難怪跟對面的酒樓人流差那麼遠不過旺也不代表好也可能是因為太忙所以人手忙不過來我們走到位置時連枱布都還沒有舖上只好站一邊等著這也是工作人員間的溝通問題餐具雖然是會先過熱水但拿上手的感覺也太髒了就是那種不能只過熱水 而是要洗的感覺忙懞了一陣也終於點好餐食物也是正正常常不過不失所以如果要選地方飲茶大概會選其他地方而不再是這家了最後先上個洗手間再離開這更讓在下不想再來幸好是吃完才上廁所否則回位置後大概再沒胃口再吃了總括而言食物正常服務有進步空間衛生頗差酒樓選擇有很多..那麼有名的酒樓現在剩僅僅兩間有原因的吧🤦🏻最後 知道你們忙在下來幫忙收拾一下好了🤭

今天高高興興來飲茶，不小心把水壺蓋跌落地下，我只是舉手要求換壺蓋。換來是被待應生晦氣說話，還是覺得我麻煩了她，被她罵了幾句。我說我來飲茶，不是被人罵，她回我一句我來打工，不是來受氣。或者是我不小心，添她工作。看來是我錯，不應來光顧，添她工作

2023年１月31日星期二，大晴！光看旺角MOKO食肆午市時段，感覺香港距離復常已經很近了！約中午12:30到達MOKO，準備吃午餐，首選中菜，先到５樓，百樂潮州酒家，生意好到唔派飛！６樓翠園２人枱要等45張！鴻星等９張。鴻星９張等了45分鐘，入座已經近下午２點，點了以下的：#普洱茶：解油膩，挺好的！#鮑魚薑葱撈麵：新春賀年菜品(供應期有限)，鮑魚有咬勁，鮑汁配粗麵加上薑絲、葱絲，好味！#龍蝦湯鮮竹卷：餡料滿滿！龍蝦湯有鮮味，我喜歡！#安蝦鹹水角：鹹鮮惹味，yummy！#臘腸卷：點多了吃不下，打包帶走，晚上翻熱吃，味道還挺好的。點心比之前好吃！進步不小。

下午茶時段，要咩無咩，無人同你講無點心，等你睇點心紙發覺少左，先同你講點心賣晒，仲要轉幾次枱又話要限一個鐘內食飽走人，但落左點心紙同你講要蒸20分鐘先有，結果30分鐘都未齊野食，仲要完全無人問到點心幾時到，我屋企人話咁一個鐘內交唔到枱喎⋯⋯個女部長/經理仲叫我哋自己同出面交代，交咩代呢？諗住放假最後一日去同屋企人安靜飲餐茶，結果一肚氣，以前都無咁差，仲衰過平民酒樓，扮咩大集團者，以後都唔會再黎🤬

新年諗住去飲茶，用新鴻基app拎咗飛，所有喺入邊嘅餐廳都可以使用呢一個app拎飛，去到叫到我張飛話唔可以用app拎佢餐廳嘅飛？幾好笑！ 咁做咩叫我張飛？如果唔得，就希望唔好喺個app上邊俾人拎。咁請貴餐廳唔好用商場the point app! 大年初一真係想人同佢開年！大把酒樓唔駛食佢！！！店員服務非常差，店員完全冇禮貌！估唔到鴻星海鮮酒家，而家服務變成咁！非常之差，係一個非常之差嘅體驗！以後都唔會再去！

很久沒有到鴻星飲茶，見下午茶有68折咁抵就黎試下，結果非常失望，以前鴻星點心好有水準，唔知係咪因為68折將貨就價。燒賣一籠只有一隻，雖然有隻蝦係面，但無咩蝦味，性價比極低。牛肉球好多肥豬肉，蝦餃叉燒包馬拉糕算正常啲，帶子腸粉不吃也罷，最失望係「香脆系列」的蘿蔔絲酥餅同芋角，蘿蔔絲酥餅粉厚糊口，裡外都係唔熱嘅，芋角都係，唔香唔脆，仲有啲油益味，比那些點心小店更差！質素咁差嘅點心，幾多折都唔會再幫襯！