鴻星中菜 (瑞安中心) (已結業)

江蘇大閘蟹先上菜的是母蟹。好吸引的說！美味的公蟹，隨後也在冰面前出現咯！內裡就是超多蟹羔！甘香肥美！原隻鮑魚脆金衣鮑魚美味，一口完成！脆金衣乃炸腐竹，既薄又脆，不可不吃！蟹粉銀絲卷銀絲卷非常鬆脆美味！拿著銀絲卷，很有拿著法包的感覺XD 蟹粉有豐富的蟹羔香氣，倒在銀絲卷上進食，是很創新的食法，好像吃fusion菜 (有在法包上塗吞拿魚醬的感覺嗎？)，而且味道很好，冰只恨胃太小，否則可以多嚐兩件銀絲卷！蟹粉小籠湯包小籠包的大小剛好讓冰一口吃掉，包內的上湯熱騰騰，非常可口。謹記要趁熱吃，否則會有腥味啊。竹籠飄香飯飯上的臘腸是鴻星自家出品，在酒樓接待處亦有獨立出售。臘腸放在竹籠蒸製，上菜時，一開竹籠的香氣教人難以忘懷。臘腸偏瘦，正合冰的心意。紅豆西米露冰的胃好像有一個位置reserved for dessert，再飽也好，總有辦法吃甜品。這個紅豆西米露甜而不膩，相信即使怕甜的朋友也能毫不猶疑的吃下去。花雕皇是鴻星自家釀製，入口非常香，令冰情不自禁的添飲了。伴以同是鴻星出品的脆脆銀魚作佐酒小吃，可算是最佳拍檔吧。

上星期收到某網站的電話, 通知我抽到成為今次與 鴻星合辦的"金秋大閘螌宴"其中一位坐上客, 真係開心!!! 雖然, 當日席上除了3位U FOOD工作人員外, 其餘11位得獎者都係唔識及第一次見面, 但大家都好NICE及全晚除了分享大家的飲食及健康心得外, 仲識多咗朋友添 , 所以是次活動真的好開心啊 ^^ 言歸正傳, 差不多每款美食都是用蟹來做, 除咗飯後水果, 款款都足款, 各有特式及好好味, 而全晚我的最愛就是"杏汁玉帶羮"了, 因成晚拆蟹及食大大件的食物, 終於有一樣流質的, 個口都無咁攰丫嘛, 哈哈^++^

早前跟朋友去看劇，又見好久沒有去過飲茶，於是便提議到藝術中心附近的鴻星飲茶。大約12點午市時間去到，竟然不用等位，一入去就有位可以坐~~唔知係咪因為係星期日呢~~點了一些飲茶必吃點心，不外乎蝦餃、燒賣、炒腸粉，這些都是中規中矩之作，不過不失。主要想提一提幾款特色點心，看圖片是很可愛很吸引的，所以就特意點了來試試。點知......看到那個外型，已經不願吃......但，一人做事一人當，係我叫，就一定要食!!而且，我相信它的味道應該keep到!!很可惜，我錯了......那隻像龍貓的酥，當我一用筷子把它夾起，它就已經立即散開，基本上要用手才能拿起......入口只覺得乾曾曾，沒有什麼味道龍貓包是比較好的一款卡通點心，至少它是一個正常的奶皇包~~不過...其實菜單上寫的，佢應該係一個流沙包...企鵝餃的外型最不討人歡心，至於餡料，由於有我最不愛的芹菜味，所以不下評論~~~去鴻星，還是晚飯的好!!!

名不符實的海鮮酒家本來以為鴻星的食物應該有保證，一試就知完全錯哂，以為只有大陸先有假嘢，竟然比我發現呢間都係用假嘢。今次食嘅係原隻鮑魚﹑魚翅﹑帶子宴8:30後有8折$31801 鮮果大蝦沙律.............嘩! D沙律漿多到睇唔到裹面係乜嘢，好似食緊忌廉蛋糕咁2 原盅雞燉翅.................比佢扼咗，佢只係煲完一大煲雞湯，然後畢落個盅度，咁就叫原盅雞燉翅3 珊瑚帶子卷.................帶子可能係素帶子，D味扮到好似，但一食就知係留嘢，所謂珊瑚卷只是蛋皮唔知包住乜4 蟹腿扒翡翠苗.............蟹腿無味，扮哂蟹，但又扮得唔似5 蠔皇鮑魚玉掌.............鮑魚也是白色的，個形似，但我唔肯定哥隻是什麼，我諗係素鮑魚哥D6 脆皮黃油雞.................皮唔脆，D肉仲鞋過D煲完湯嘅瘦肉7 清蒸大海斑.................又話大海斑，條魚細到根本唔夠分，一人食挾咗一次已經得番條骨8 土樓海皇飯.................最正常，因為對佢無乜

永遠都是充斥人類, 可以算是最多人的檔位。煎黑豚肉骨腸$35一條...腸中有骨都是gimmick, 腸的質感是實肉的, 不像一般雞肉腸般軟。咬開沒有爆汁效果, 失望煎鮮鵝肝腸$35兩串...鵝肝腸比普通潤腸來得甘香味美, 甘甜的油液也會慢慢地細滲出來, 酒精能中和鵝肝那強悍味道, 所以我跟多杯韓國米漿酒就$50。有佳餚也要有美酒相伴, 韓國米漿酒就由米漿及韓國真露(韓國燒酒)組成, 味道是漿裏帶甘,可把油膩膩去得無影無踪煎和牛牛柳粒串 $35兩串...牛肉就有被鬆過的泡泡味道, 就是這一點已覺得浪費了金錢及胃容量, 可惜

十月，從來都是我喜歡的月份，皆因我跟弟弟是十月壽星仔女 我們生日都請爸媽吃飯，因為沒有他們便沒有我們 是次由爸媽挑選了位於灣仔區的鴻星酒家用晚膳，也是弟弟的正日壽辰，一行五人晚上八時半到達。（因為大閘蟹餐八時半後有八折優惠呢）弟弟不吃蟹，所以點了一個四人大閘蟹套餐+兩款小菜醬香牛肉＜---散點是一道打開味蕾的小麻辣牛𦟌，薄薄一片沾着辣汁，很是惹味！作為頭盤是非常不錯的選擇。酒釀白金鴨（半隻）＜---散點不愧為美食大獎的菜式（雖然是十多年前的事了）鴨肉沒一點酥味，皮又烤得很香脆，浸在桂花酒釀汁中也沒有變腍，味道很夾啊蟹粉小籠包一人一隻，我沒有深究它有多少摺啦，只知道吃小籠包要趁熱，看得見湯在皮下震盪着，是皮薄的有力証明，湯中是有蟹膏沒錯，但略嫌少了點，味道跟普通小籠包沒兩樣，不過不失之作。八皇四后大閘蟹一向只在家中吃大閘蟹的我，這次是頭一趟在外吃，在家吃可以比較不顧儀態和蟹兒們博鬥，反正爸媽點名要來吃，試試亦無防！先上桌的是八皇，蟹皇的膏比較流質，入口軟綿，體型亦較大，待我們將近消滅先蟹皇的時候，蟹后亦登場了，體型較細，但她的膏實如咸蛋黃花，味道較蟹皇的甘香，但我還是喜歡蟹皇多點，流質軟

當日係farewell傻飯~唔想食海都就揀左呢間~位置都近公司又未食過就試一試~一行14人~同事book左檯~所以唔需要等~檯好大張~14人都坐得ok~由於同事早黎~叫曬點心~等左10mins都唔使7成的點心已經上到~熱辣好食~ 點心質素有保証~蝦餃~新鮮爽口~~好燒賣~一般~d豬肉有根唔好~小籠包一般~菜包~ok!叉燒包~同事食曬~應該ok!流沙奶皇包~好食~不過我自己略嫌佢唔夠流law~點心係好ok嫁~炒飯及面都唔錯~係上得太慢~真係好慢~最後有甜品送~冬瓜五豆粥~好食~又降暑~貴過海都~又無海景~雖然佢都唔錯~不過下次會去食返海都~

有幸以後補身份出度一個試食活動，大拆大閘蟹之餘，仲試咗多款以蟹入饌嘅菜式，耗蟹量之多，可想而知，所以依餐金秋蟹宴，真係大開殺蟹，再者，菜單內容豐富，真係好吸引，兼且非常之期待。酒家安排了一間貴賓房俾我哋依班試食兵團，坐得舒服唔在講，因為當中好多食家都係拆大閘蟹生手，小弟都係，晌房點拆得肉酸都唔怕失禮，但係，有酒家嘅公關同一啲熟手嘅食家教路，學識咗唔少嘢。此外，一大班人講吓飲食心得、飲食趣事、近排去咗邊度試咗好嘢……等等，真係過得快時，又開心！川滬小碟 - 川湘麻貢菜、本幫肴肉主角未出場，梗係先試試啲前菜啦！一碟兩味，一邊係川湘麻貢菜，另一邊係本幫肴肉。後者，好多時都叫鎮江肴肉，以「本幫」命名，相信係名字有別，其實 「本幫」義指上海土生土長演變嘅菜肴，而外幫菜就區分咗外地移民帶來嘅飲食菜色，因為上海開埠之初，晌社會經濟急步下，洐生出唔同嘅所謂菜幫。而依個肴肉做出哩個樣雖未致於晶瑩剔透咁誇，但就賣相有層次，同上次晌新世紀嘅湘川滬唔同，豬蹄肉無切得咁碎，但同樣都係入味有咬口。後者貢菜，少接觸，晌蔬菜統營處個網頁有相有介紹：貢菜屬於綠葉類蔬菜，食用價值高，食落少少滑潺潺感、爽口，味道酸辣麻香。

今年認真瘋狂, 3個禮拜內食咗3次大閘蟹, 仲要其中一餐係全蟹宴, 不過今年質素真係差咗, 蟹膏未如去年澎湃, 今年失收真係好影響7人叫咗一個4人餐, 再另加3個小籠包, 賽螃蟹, 西檸雞同白飯12隻大閘蟹 (8隻皇+4隻后) - 我比較鍾意食公, 因為流質感覺味濃 d, 而后就似食膏蟹咁, 同埋又硬又乾唔吸引杏汁玉帶羮 - 好勁杏汁, 味道仲帶點咸, 好奇怪… 我食咗好細啖就已經放棄咗外婆菜手抓花蚌 - 外婆菜原來係鴻星秘製o既, 味道有點像欖菜, 呢味餸好味呀, 但有點油清蒸海斑 - 本來呢個 size 最好味, 但蒸得過晒火, 肉質變鞋酒釀脆皮鴨 - 一d都唔覺有酒味, 但味道是不錯的, 皮脆肉嫩蟹粉小籠湯包 - 皮薄湯濃, 一咬就流晒 d 蟹粉湯出嚟, 好味到難以形容, 好有衝動想食多隻竹籠飄香飯 - 呢個糯米飯原來都好好味, 仲以為好硬無乜味添, 原來軟中帶硬, d 料仲炒得好香添紅豆沙 - 唔太甜, 有果皮香, 侍應仲好細心分咗 7碗芥末牛柳粒 - 鴻星網站 download, 少許芥末味, 味道不錯, 餐前小食一流賽螃蟹 - 雖然用咸蛋王嚟炒好香, 但蛋白炒得耐咗, 好老

期待了一年的蟹宴又到啦...今年選擇了<鴻星>食,可能今年的大閘蟹無住年的大隻,有d失望.我地叫左個四位用的大閘蟹餐,一共有十二隻(八皇四后),蟹皇就比較大隻,約四至四両重,但蟹后真係吾得,都吾知有無三両重,見到都無心機食...杏汁玉帶羹外婆菜手抓花蚌清蒸海班酒釀脆皮鴨蟹粉小籠包(每位一隻)竹籠飄香飯精美甜品如果你們都想去品嚐今年的大閘蟹,記得要訂枱呀,因全塲爆滿...

今晚仔仔生日本來想搵間有信譽嘅靚酒樓同佢興祝所以搵咗一向飲開茶嗰間瑞安中心鴻星叫咗一個$2680鮑翅套餐,頭一味叫金裝拼盤已經十分搵笨(青瓜"炸豆腐"腐皮卷"燒腩仔)你唔好去死第二味紅糟醬爆象拔蚌我以為係醬爆翠肉瓜咋成碟加埋都唔知有冇二兩象拔蚌肉第三味蟹拑仲好笑變Q咗都仲炸出嚟俾人食第四味上素津白飽都係緊緊OK第五味元貝燴生翅你嗰D日本(假)翅留返去呃自己啦不知所謂第六味清蒸大海班D肉實過我大脾第七味真係罵聲四起究竟你個總廚係咪想你執笠呀D罐頭鮑魚連色都唔上花菇仲有雪氣味仲變酸依家係咪個餐平得渭連老抽都慳返第八味黃油雞又係青BB咁死款冇話可說但仲算滑最後生炒燸米飯油淋淋仲一嚿嚿唉......不如老闆你順吓個總廚意.....執咗佢啦

端午節就快到了, 介紹大家買隻靚糭食先得買呢隻由鴻星出品的竹筒鮑魚糉食啦, 真係用個竹筒包住隻糭的, 成隻擺落個煲度蒸三十分鐘就食得味道好好, 好多料, 仲有隻鮑魚喺入面, 雖然細隻一d, 但係五十五蚊一隻都算合理了, 另外仲有好多瑤柱肉, 又有紅豆啦, 肥豬肉啦, 好足料, 糯米飯又好味, 個糉都幾有水準!呢個端午節想食得好d, 買番幾隻食啦

星期六補返同老媽子食生日飯.一行六人叫左半席$1380 "魚翅,海鮮,龍蝦"全包宴先黎個乳豬------肥左少少,同埋同平時食果隻切法有d唔同.雞絲翅------------非常一般嘅貨色,好難先搵到幾條翅千島帶子卷------同我平時飲茶食果d扮海鮮卷一樣蒜蓉開邊蒸龍蝦-咬落去就已經知係咩貨色...XO醬爆鮑螺-----算係幾好.幾惹味芝麻黃油雞------普通蒸魚---------------幾大條,都係一般野,乾燒伊麵---------呢個算係最好,起碼夠熱.壽包---------------好鬼大個,足料.$1380,睇落好似好柢,但完全係將貨就價.如果裝修都食得落肚就可能值嘅,

和龍火兄伉儷相識於二零零八年的六月，雖然相識時間不長，但從接觸所得，他們倆可是很喜歡吃和樂於結交朋友，這樣的一對好人，自然相識滿於天下，在我來說，也很慶幸能認識他們，到今天他倆口子終於也拉埋天窗，自然想像到來恭賀的賓客一定不少，單是和一眾開飯之友的合照，就要攝影師企得很後，才能令全部人攝入鏡頭。作為一生人只能舉辦一次的宴會，這個責任就交由「鴻星」酒樓負責，早來的賓客，侍應也很主動地奉上雜果賓治和餅食，好為正餐前作裹腹之用，雖是例行公事，也盡顯其細心功夫。到了正式晚宴時間，在一輪令人感動的場面襯托下，打頭陣的主菜當然是乳豬全體，肥瘦尚算均勻，其皮也脆，可惜整體上凍了一點，有著「金陵」古法之名，卻欠了釀入的糯米飯在豬肚內，珠玉在前下，這一隻豬自然比了下去。其後的兩個熱葷，分別是脆瓜炒帶子和醬炒蝦仁，既有鑊氣之餘，著實也爽口惹味，其配菜脆瓜和蓮藕片反而更加搶手..........用豆頭魚來作沙律卷的主配料，雖然味道不差，總覺有點暴殮天物的感覺。今次飲宴中，較特別的是沒有魚翅供應，反而用上一個甚為足料的燉湯，一眾食友的反應大都是正面的，或者觀念有變，喜慶宴會，也不一定非有魚翅不可，有時這些貴價

繼上月初開飯圈中有朋友共諧連理之後,新年過後,亦有圈內朋友結束多年王老五生涯,他就是開系人馬之其中一名重量級成員 -開火兄.日前在灣仔鴻星內設宴,連開十多席,我們開飯的朋友也佔下兩圍,十分熱鬧.店方是夜安排的菜式,也是一貫的飲宴菜式,例牌以燒乳豬作開場白,鴻星的乳豬頭上,裝上一對閃燈,未吃之前,在視覺上也得到一點甜頭.這一道燒豬命名為金陵乳豬.但同尖沙咀的君怡閣內的沒有半點關係.只是美其名.而燒豬本身的水準,也算恰如其份,不過不失.乳豬之後的鴻圖炒蝦仁,整體的口感很爽,不論是蝦球,豆角同藕片,三者也是爽口.作為石頭魚專門店的鴻星,也有一道用石頭魚入饌的沙律石頭魚脆長卷,是外面吃開的沙律明蝦卷變奏.不過就吃不出石頭魚的味道,旨在吃沙律的酸甜味道,小朋友面對此道一定喜愛.再來的XO醬爆帶子,同之前的鴻圖蝦仁一脈相承,只是由蝦仁轉成帶子,藕片換上翠玉瓜.換湯不碗藥.是夜沒有翅,換上一大盅燉湯,更好,起碼也算是維護海洋生態的一種支持.近來開飯的大局總不缺燉湯這個環節,是夜在喜宴喝到的,為響螺准杞燉雞湯.味道清鮮,小弟連下兩碗,另上的湯渣,其中的螺肉,點些醬油吃,更將鮮味提升.喜宴也不能少卻一條