鴻發牛什魚蛋專家

營業中

休息中

常聽說大埔街市有很多隱世好食肆，這天來到立即試試這間友人大讚的鴻發牛什！這個熟食市場還算乾淨企理，但是人很多，就算一個人等位都需要一點時間。周遭是很懷舊的感覺，膠椅子、木圓摺枱，每枱都有不鏽鋼的筷子桶～每個街坊看似都很熟悉環境，一坐下就立即點單，幾乎都不用想。店員雖然很忙，但是很親切，也很熟手！牛肚河連可樂$35，這價錢對一般魚蛋粉來說很相宜呢！原來店家在每一碗粉麵都會附送一塊魚皮，我趁魚皮未有浸到完全軟腍就吃了。魚皮香脆有少許膠質的感覺，但不會超熱氣，吃完不會覺得鼻子想冒煙。牛肚很爽很有彈性，整體來說很乾淨。遺憾就是覺得湯底少了什麼，可能是腩汁？還是平時吃慣太多味精呢？覺得略嫌不夠濃味，整體來說是整碗麵的扣分點。

初四諗住上街市食個開年晏午餐（1點幾2點），結果勁多間都無開，好彩仲有鴻發！本身打算食常餐，點知老細話假期期間唔做⋯🤦🏼‍♀️好啦，牛什河+油菜有啦掛⋯sorry，牛什都唔做，連油菜都無得揀，只得生菜⋯最後叫咗牛腩河連凍奶茶$49。最嬲係本身話等15分鐘左右，都合理。結果等咗半個鐘，連隔離枱遲過我叫嘅都食完走人，我碗河粉都仲未到！咁梗係問一問姐姐啦，（生面口）姐姐「未得等夠30分鐘唔好催喎！」忍唔住反佢枱⋯「早過隔離枱阿叔叫架，佢都食完啦，我仲未有得食，洗唔洗等一個鐘啊？」。個姐姐先死死氣去問廚房，先發現佢出錯單，將我碗河粉畀咗隔離枱⋯🙄🙄🙄不過鴻發牛腩係無得頂嘅，價錢又合理。所以發洩完佢啲服務態度差後，都係會繼續幫襯。新春期間人多出錯明嘅，但無啦啦等多半粒鐘感覺唔良好

其實好多年前喺度食過，因為人哋介紹所以expectation比較高，嗰時印象一般般。好多年冇黎食今次食係因為附近有啲嘢都閂晒過年冇乜選擇就過咗嚟食啦。熟食市場地方當然冇咁乾淨，人比較多同比較嘈，呢人係無可避免嘅。望吓餐牌見種類繁多,價錢亦都合理。因為過年所以好差唔買套餐冇得賣，加菜呢淨係可以單價單價但叫因為過年所以好差唔買套餐冇得賣，加菜淨係可以單叫貴好多。貴好多。本來加$9變咗加$16。好快叫咗崩沙腩問佢可唔可以要爽腩果部份,佢話可以，加蝶菜幾個人分。點知一等等左半個鐘都未到，雖然我知人多但係佢哋好明顯係唔記得咗我哋個order。所以再叫一叫佢再等多10分鐘後到啦。個清湯腩啲清湯幾好飲，但係啲牛腩煮得太老所以有啲失望。個菜OK啦冇乜特別。總括而言，我諗我淨係會嚟飲個湯啲腩就可能唔會再食㗎啦。

超好食既$28 蚊粉麵 嚟到大埔必食！今次食左炸魚片頭+雲吞麵 魚片爽口彈牙厚身 好耐未試過係出面食到咁厚身既魚片 雲吞大大粒有兩粒蝦 麵勁爽唔淋！$28 蚊有呢個質素 性格比高

今日黎到大埔街市想食魚蛋粉，於是去左鴻發，一去都好多人食。不過，佢有兩個鋪位，我地行到最入，就唔需要等位。我地叫左兩碗麵，一碗係墨魚丸紫菜麵，一個係牛腩麵，另外加左$12要多個炸魚皮因為其他麵檔一定要食魚蛋麵，碗野先加炸魚皮。點知兩碗麵到左，兩碗都有送炸魚皮，有點喜出望外😊墨魚丸都好爽口彈牙，需牛腩都整得好好食，因為都好入味，炆得好‘冧’。加左$12要多個炸魚皮，原本以為會好細碟，但黎到之後，一d都唔少，都埋到好多。總體黎講，呢度又經濟又實惠

大埔墟街市食材新鮮、種類多、價錢平，相信很多大埔，以至很多新界人都知道，而市政大樓裡的熟食中心，都有不少又平又好食的食檔，今日去的叫鴻發牛什魚蛋專家，星期六、日的午膳時間一定滿座，就可知道它的受歡迎程度，去到必點的粉麵是魚蛋粉，它的魚蛋富魚味，又彈牙，份量又多，三十元一碗簡直超值，最讚莫過於每碗都送上一片炸魚皮，雖然不算什麼東西，但總有一種錦上添花的滿足感。另外，今次又點了紫菜牛腩河，牛腩很軟腍入味，紫菜鬆化，都是一個不錯的選擇。

有些食物你未必會因為它而搭車去吃，但只要每次經過也不其然走入去食。 大埔墟街市上層熟食市場，真的有很多熟食檔口。 但唯獨是＂鴻發牛什魚蛋專家＂，只要一入街市，就自然搭扶手電梯上去吃。牛什清洗得十分乾淨，沒有內臓異味。 大大碗牛什麵，食得開心又放心。牛腩肥瘦適中，牛腩份量比麵份量更多。 一碗價廉物美牛腩麵，也可令人大大滿足。價錢已包括飮品，另外$20是炸魚皮，它的炸魚皮十分鬆化，每次也加一袋，吃不完就帶回家，但每次也忍不住把它完全吃掉。

同女友一家食完齋，遊車河遊到大埔，本來打算買少少餸就返屋企凖備晚餐，但未來外母話食個魚旦粉做下午茶，街市熟食市場有多間魚蛋粉麵店，但對我們說，鴻發可以說是下不二之選，$34一碗粉仲要包餐飲，非常掋未必，但價錢亦可說非常合理，唯一不好的是經常漏單，同枱各人都差不多食完，唯我的牛根魚蛋米仲未到，追了2⃣️次終於到了，份量大大碗，除本人身叫的餸之外，亦會附送一兩片炸魚皮，魚皮硊硊的，非常香囗，牛根炆得淋滑，魚蛋彈牙，淡淡魚鮮甜味。

朋友早1天叫我陪他去大埔買東西及食午飯, 說街市上面很多熟食檔, 他以前住過大埔, 所以經常來這裡買餸菜, 就陪他走一趟吧!從扶手電梯上2樓, 他帶我走到差不多盡頭, 粉麵店做到有兩個檔口, 應該生意不俗.$27魚片頭河粉, 原來魚片頭分炸與不炸的, 這碗是沒有炸過的, 彈牙,沒甚麼魚腥味, 有加調味醃製過, 每碗都會免費送2塊魚皮給客人品嚐, 河粉略厚身, 不是 ”鞋”, 只是不及潮洲粉麵的河粉柔軟.$47牛肺魚蛋河, 牛肺有好濃烈的牛味, 不食騷的勿叫, 喜愛的人會食到好滋味, 因為我見到, 仲話正添…, 加咗1杯凍飲, 1碟油菜, 應該是按套餐計, 都算抵食. 朋友落完單後走開了, 回來就外買加餸給我食, 即炸豬扒雞翼, 他說在前面轉彎的上海粉麵檔買的 (其實我唔知邊檔), 1盒份量很多, 約有8-9隻雞中翼, 3-4件已切開豬扒, 新鮮炸起的當然好味, 不用點任何醬汁, 結果係食唔晒!

大埔墟熟食中心出名多好嘢食，今次試下食牛腩。「牛腩湯河」牛腩非常肥美，所以好滑，有點點入口即溶嘅感覺。（減肥或者好驚肥嘅人士，要特別注意！）分量好滿意， 十分滿足！湯同埋粉味道、口感正常。難怪咁多人對他的牛腩讚不絕口。其實當時點餐都有掙扎，究竟試牛雜好，還是牛腩呢。因為牛雜不包括牛腩，最後都係選擇了牛腩。下次試埋佢啲牛雜先。最特別係會有一片炸魚皮配襯，有點喜出望外的感覺！！*熟悉中心沒有提供BB櫈。

新年假期最後一日，一如以往同屋企人一早去林村許願樹，掟完寶碟之後就出番大埔食個午餐，大埔搵食我只想到去大埔壚街市樓上的熟食中心，貪果度又平又好食，選擇又多，時間可能尚早，唔駛排隊就好快泊好車，上到熟食中心個層，先發現新年期間，好多間都未開工，得番幾檔有得食，所以搵左檔粉麵做午餐原本點左碗牛什河，老細話無牛什，所以唯有食牛腩河，再加杯熱奶茶，碗河粉來到就見到有兩小塊炸魚皮係面，有點驚喜，而牛腩就係清湯腩，牛腩整得好腍，唔黏牙，又切成一小件容易食，同埋牛腩份量都多，價錢又唔貴，＄28碗，好抵又好食，唔怪得知假期都一樣咁多人幫襯，下次要再來食其他

今晚路過大埔墟，突然想起這附近的熟食中心食物價廉物美，就不假思索地走去。這種典型的熟食中心位於街市附近，要說環境就一定比不上地舖，但勝在有風味。我一坐下，就點了個牛雜麵，不夠5分鐘，麵就送來了。習慣上，我都要用熱水浸一下筷子，畢竟環境就... 老闆很爽快地親自送上一杯熱水。 回正題，這個牛腩麵 麵的分量其實不多，相比之下，牛腩分量挺多的（其實麵下面還有的！）而且如圖所示，牛腩肥瘦適中，味道恰到好處。至於這個清湯的牛味濃郁，應該用了相當分量的牛骨熬的，可惜我個人覺得這個“清湯”味道太濃(說白了就是太鹹)，假如可以稍微調節會更好。你應該會發現這裡面還有兩塊魚皮(應該是送的)，理論上作為食客應該感到開心，畢竟多了意想不到的東西。可惜這魚皮是敗筆啊！不知道是不是我的這塊異常，太鹹，太鹹，太鹹啦～～整體而言，我覺得還是OK。

適逢到大埔水上活動中心滑水，滑過後當然要醫肚，便到大埔熟食檔覓食。見到呢間自稱魚旦專家，便坐低一試食魚旦粉當然少不了炸魚皮，本人超鍾意食炸魚皮，食落口都幾香口同脆，不錯

早兩日自己一個入大埔做嘢，冇乜胃口打算搵碗粉麵食就算數！走咗去出名多好嘢食嘅大埔墟熟食市場，上到去見到有好多間都有粉麵食，於是乎搵左呢一間「鴻發」，座位唔算太多，中午時段差不多坐爆哂。上openrice爬文後決定order一碗牛腩魚片河！首先，30幾蚊一碗粉有咁嘅份量真係無得輸，河粉夠多之餘連牛腩同魚片都唔少，仲送你一塊炸魚皮㖭！魚片都算彈牙兼有魚味，牛腩亦夠香、軟硬度適中。河粉唔算好滑，但都算過得去啦！本來成碗粉都唔錯，但係敗筆就係個湯底嗰度，真心講，真係超級重味精！食完之後我去七仔買左成支蒸餾水，隊晒之後仍然覺得好口渴!熟食中心果度仲有好多其他選擇，下次再去嘅時候，我諗我都係試吓其他囉！

每次來到大埔街市醫肚，都自不然會行去依間，好似食極都唔厭。（雖然熟食中心的豬扒麵，雲吞撈麵都更出名，而且還有很多食檔都未試過，但最後都係照舊😅）鴻發長期都咁爆，我通常假日先來，所以每次場面都好墟冚。今日都算唔好彩，叫粉麵的客人都要等好耐...落單之後都等了25分鐘先有得食😑（如果肚餓的話，就火到離埋）雖然很多時都要等好耐，但都仍然會選擇鴻發。因為真係好抵食，餸和麵的份量都比得好大方（米粉通常都大碗到食唔晒），另附上的魚片簡直係like爆！不過今日的牛筋米粉，好似有點兒參次，米粉好碎，牛筋唔好食。另外，還叫了咸菜豬肚湯飯，入面有三隻雞腳，用好多胡椒。儘管今天兩個都不是很好吃，但三十三四蚊，連凍飲，今時今日仲想點！希望下次再來時，會好一點吧！中途都叫了一個中淨牛腩外賣...不過都等了25分鐘先有