鴻福海鮮四季火鍋 (已結業)

平安夜晚與老公撑檯腳。臨去前打電話訂檯。店員話若果立刻到就唔駛訂枱。咁我哋咪拿拿淋去。到達時，一名態度非常惡劣的女人喝問我們有冇訂枱。我哋交待左之後。佢要我哋企埋一邊等。但當時六點半。大堂仲有三四張空檯。我地仲要等5分鐘才隨手指左一張工作枱俾我哋坐。算啦。鬼叫我冇預先訂枱咩！咁就坐低坐。 叫左各2只鮑魚，司蛤，蟶子，大扇貝及4只大雪虾。打邊爐叫左韮菜餃，墨魚滑及鯪魚滑。韮菜餃得六小隻盛惠$32。大扇貝$68一隻以為好大隻。但都係比普通大一點。唔值$68 一只。今餐食左$750。但都唔飽。咁差嘅後巷環境但收費同企理寛躺嘅食店差不多。收費不合理。唔會再幫襯。

第二次去食，炭爐火爐加炭爐燒烤。雖然地方簡陋有d地茂,但勝在有特色同海鮮新鮮。粟米，象拔蚌要$38／隻鮑魚$38／隻角螺$38有6隻，最抵燒完有吾奀聖子$30／隻四周圍被煙薰到黃晒，身完全身都一陣bbq味。海鮮新鮮，價錢雖然一d都吾平，但勝在有特色，一試無防。

朋友話想試好耐，都見到都不少好評，星期六晚，好夜先去到大約11點，佢係炭爐燒，我們叫左火鍋+炭爐BBQ 佢有兩邊房，我們坐個一邊環境比較差，好似火燭燒完咁，凳又唔乾淨又滴水，員工態度麻麻，串串地未算差既火鍋配料奇差，完全唔掂！海鮮就好新鮮好大隻！可惜個炭爐好易比海鮮既水淋到，個火一直都唔大，d員工叫我們唔好放咁多上去燒，等好耐先有得食叫左一人一隻大蜆，扇貝，鮑魚，蝦，乾魷魚，雞翼，鱔火鍋配料午餐肉，烏東，冬菇，蕃茄，墨魚丸，韭菜餃，五花腩，肥牛食完都唔飽，無飲酒，6人埋單$2,100，唔算好貴又唔算抵，我們叫唔多，因為阻住佢地收工，寫就收4點，實際就2點d員工要收工。我們叫第二轉叫配料，又話廚房要食飯，等左好耐先有得食，聽到隔離枱4人$2,800，好食都算，可惜...如果你諗住淨食海鮮又唔怕貴唔怕環境差（坐另一邊較乾淨），講到好似食個風味咁。又或者預左食唔飽都ok既，火鍋就真係唔好諗住試，我就無下次！

鴻福其實就營業左好多年，我都係睇完無間道先識去，不過第一次去到都搵一餐，因為佢位於冷巷，出面又無指示牌喺路口，行到入去第一印象就覺得究竟乾5乾淨架？條冷巷剛好又搭緊棚，好亂好污jeo咁，行起上泥又驚有老鼠，但係當我一入到舖見到爆哂棚兼夾枱枱枱面既美食，先前見既影像都忘掉得一乾2淨😄。今次是第2次捧場了，望住個餐牌，直頭樣樣都想食，主打當然要2味都叫，就係佢地既炭火邊爐同炭爐燒烤啦！叫左幾款海鮮，試下新5新鮮先……生蠔，大蜆，海鰻都好大件好新鮮好多汁！食得辣既朋友，燒既時候上面一定要加埋佢地特制既蒜泥辣汁。再試埋其他燒烤食物，雞心雞軟骨必燒，其實雞心唔多地方有得食，難得有就當然要叫碟食下！佢地既手切肥牛都係重點推介，好靚好新鮮好咬口唔un同都算足份量。由於我地2個人去都唔叫得多，今次就食住咁多先，唯有下次再試下其他啦…

平安夜一行六人來此慶祝, Order了兩個爐, 一個火鍋, 一個燒烤. 點了芫茜皮蛋作湯底, 火鍋料計有鱘龍魚片,野生竹笙,五花腩, 鮮羊片及唐生菜等. 正如MM所言, 鱘龍魚片確是清甜爽脆, 怕腥的朋友亦不妨一試.野生竹笙比平時食開的略為粗身爽口, 五花腩切成薄薄一片, 肥廋分布得宜賣相討好, 食落口感軟滑. 羊片亦是薄薄的一片, 味道鮮甜唔羶.燒烤料方面計有大蜆, 鱔圈,鮮帶子及九孔鮑. 原來燒蜆同放湯的食味好不同, 大蜆經燒過後居然有種似蜜糖的甜味, 勁正勁好味! 鱔圈是另一傑作, 肥瘦適中, 入口甘香豐腴, 正!!! 鮮帶子都是水準之作. 。燒蜆- 味道鮮美,肉質爽口,無沙,正!但因太多,我們試試放落湯,可能給湯衝淡了,沒有燒的好味!燒帶子- 帶子殼要燒到差不多粉碎,帶子才剛剛好,好鮮味,正!唐生菜- 吸收了湯的香味,菜又新鮮,好好味!

鴻福海鮮四季火鍋今次同大伙兒來到紅磡搵食，大家睇左陣Google map，但都係唔識去，最終搭的士哈哈哈。入到去，第一感覺就是環境較簡陋，地方不太整潔，但通常咁既環境，氣氛先好，食物先有驚喜，所以大家都不介意。一坐低，有位姐姐就介紹當日有咩新鮮既食材，我地亦不理價錢地叫左好多好多...炭燒鮑魚一開始我地就燒鮑魚，鮑魚非常新鮮，上枱仲識郁，加上店內提供的醬汁，燒起上來非常香，食落亦彈牙惹味，有陣陣炭燒香氣。另外亦叫左炭燒大蜆，燒到隻蜆開殼後，其實無需加任何調味料已經好好食好新鮮，因為佢有淡淡的海水鹹味，加上炭燒的煙香，令人食指大動！炭燒扇貝扇貝上枱時亦是非常新鮮，size都幾大，店內姐姐教我們加少少辣汁或醬油上去燒，食起黎更吸引惹味！果然，扇貝一咬下去非常鮮嫩可口，醬油香味亦在互相揮映。

今年生日寶貝們約左天下間最中意打邊爐同燒野食的我,去間好有特色既地方慶祝~!因為呢到可集打邊爐同燒野食於一身~超興奮!!唔知係我地彩定係上天安排~舖頭附近唔知整乜搭緊棚,地下又好多水積好跣,條冷巷又細又窄米之連的我真係要步步為營!!好辛苦先入到餐廳入到去一眼望晒~目測勉強可放3張8人始,及3,4張小枱,枱同枱之後冇咩距離,好迫啊~寶貝們話佢地訂左枱,但因為時間尚早所以可以自己揀心儀的位置坐服務員見我地揀定位置,就好神速咁幫我地擺好架佈就走了..可能好少去D咁古色的地方,喺餐廳入面炭爐燒烤同炭爐打邊爐都係第一次~古色古香的碗筷同特色的漿汁, 感覺好興奮!服務員來幫我地起兩個爐~一個燒烤一個火煱,火煱部份我地點左個鮮茄濃牛肉湯做湯底真係超好味~蕃茄同牛肉的份量勁夠~似係煲左好耐,蕃茄好多已經軟晒,而且有D''張口'',唔會有種浠流流的感覺,頭啖湯一飲入口令人有種忍唔住再來一啖的感覺~睇過餐牌,主要以海鮮為主,可燒可烚~任君選擇~虎蝦同螺大大件~勁厚肉~好爽口~.正~我地安哥左三次~真係好美味~餐廳比左D小工具我地用來NEW 螺肉出黎,唔係一支支的竹籤,而係用扣針拉開再屈尾..噢~我地問服務

一路都未試過用炭爐打邊爐,今次有朋友介紹,所以就決定跟著佢一試,佢話車我去,咁睇黎都唔太近,我都唔太知去左邊,過左一陣就到喇。可能依排都幾凍,都幾多人嫁,不過都有位比我地既。原來依到又有火鍋又有燒烤,好似幾正咁兩樣都,火鍋感覺好似好D,因為依家真係好凍呀,火鍋既話朋友就推介左,鵝腸同肥牛依兩樣要必食,真係好新鮮,唔錯。不過今次食燒烤既多,有好多調味,蜜糖就一定要有喇,仲有豉油同辣椒,真係正,夠哂細心。不過要燒野食真係要哂好多心機，因為睇火燒唔同既野，因為有時火太大燶哂都未熟,,不過個牛柳粒真係必食,夠哂鮮味,第二推介就係海鮮喇，依到好似所以有野都好新鮮，鮑魚好大好正,個蜆又夠大,好多野食你揀, 環境就唔係話好好,不過男人黎傾計飲酒就真係唔錯,好!

平時用GAS爐打邊爐打得多，見呢間用可以用炭爐打邊爐同燒烤，真係好特別！間野位置比較難找，係D小巷內，環境不要期望好乾淨，但好有風味！只係嫌通風系統唔夠，我咳左幾次，隻眼又標左幾滴眼水咁囉！講返D食物，海鮮非常新鮮又大隻，最好食係個鮑魚，加上用炭爐燒，超好食！唔蘸汁料都夠哂味！蠔都好大隻，一樣好好味，D螺唔係唔好食，只係好難挑D肉出黎，佢地D海鮮一分錢一分貨，唔平的！所以如果想要啖啖肉，唔好揀螺食！打邊爐我地叫左兩個湯底，一個係藥材湯底，一個係冬瓜清湯底，我覺得湯底味道唔算突出，配料都唔算特別！總括而言，炭爐燒烤可以一試，打邊爐就未必揀呢度喇！ 

早陣子，網上看到好多朋友去吃鴻福，從未試過炭爐火鍋，今次約好朋友來試。這次選上好多食家推介的咸菜魔鬼魚湯底，湯底帶辣味，充滿鮮味，魔鬼魚的確是滑嫩爽口。熟食方面選了:椒盬魚扣-炒得夠火喉，爽口，絕不比大牌檔遜色。燒烤方面選了:鮑魚-鮑魚夠大隻，無情的我們看著活生生的它在掙扎，味道很鮮甜，咬落煙韌。魚春-烤乾至脆身，爽口，放在口裡滿是魚子粒，好滿足。白鱔圈: 新鮮，燒好後好爽口。扇貝: 好大隻，鮮甜。牛胸肉: 烤過後充滿肉香味，肉質鬆軟嫩滑。生蠔: 新鮮，如果加上調味會更好。牛舌:爽口，燒烤過後加上椒鹽味道更上一層。火鍋方面選了:手切本地牛肉，魚皮餃，角螺，油麥菜，皇帝菜...麻辣牛肉丸-麻辣味恰好，牛肉丸彈牙。脆肉鯇片-新鮮爽口。新鮮雞-肉質嫩滑，唯一敗處是切得太細件。 

前陣子，天氣又凍又濕，完全提不起勁做事！朋友建議來一個特别聚會，將郁悶的心情趕走。她們特意選些較特别的，打邊爐加炭燒，真係满足了女人的三心兩意♬因我們要燒雞翼的關係，所以被安排坐最入面，甫進去，看見的全都是男人，心想：難道這是男人之地？一開始，對炭爐的興趣比較大，所以即刻叫了很多都是用來燒的，原隻生蠔，大蜆都非常新鮮，而且很大隻，啖啖肉！這兩款一定要再安歌，太美味了！後來再叫了大葱，冬菇，韮菜餃……但很難控制，最後都以失敗告終。之後再轉戰打邊爐，最值得介紹的是蘆薈肉。第一次用新鮮蘆薈肉打邊爐，沒有甚麼味道，但吸盡了湯底精華，而且蠻有囗感！其他的都跟外面差不多！另一推介的是他們自家制酸梅汁，又凍又酸，另捨開胃 ♥

還記得零二至零四年間的無間道三部曲嗎，說起來已是十年之前的事，片中除呈現別樹一格的世界觀之外，亦顯示高水平的港產生，絕不比外國片有所遜色；其得第二集當中，那間位於暗巷處的火鍋店，於故事起到關鍵的作用。這間真身名叫鴻福的店舖，是碩果僅存供應著炭爐火鍋的地方，算起上來已有多年沒有去過，恰好食友響應在此攪局，結果造就了這躺回味之旅。來到土瓜灣落山道的地域，沿著那個光亮的燈箱，就可以找到那條經典的暗巷，是夜沒有劍拔弩張的場面，更沒有「執行家法」的密令，倒因天氣寒冷的關係，幾間舖位相連之下，食客倒比想像中為多，場面可真熱鬧。在找到食友所坐的一檯後，由於遲了收工的緣故，加上又不太識路，結果大家已是叫了一大桌食物，總算還屬開頭時段，乃就二話不說坐下好了。無可否認，這裡的賣點之一，是仍然可以用上炭爐來「烚下烚下」，當燒紅的炭火配合恆溫的砂煲，火力看似不算太猛，內裡卻是不斷湧出細眼的氣泡，而當中所冒出的濃煙，倒沒想像中那麼刺眼。此外這裡的湯底也有一手，只記得所進食的蕃茄薯仔鍋，其色澤呈現於深紅之餘，當中亦不乏鮮濃的味道，相信用來配送各式生料，應是一個恰當之選。至於當晚所吃的生料，可一窩鋒像機關槍般呈上，

邊爐就成日打啦, 但係都未試過用炭爐呢來到都幾多人呀, 好彩仲有位姐如果唔係要坐出店出面咁凍就真係....要左沙嗲湯底, 真係普通打邊爐其實無咩特別反而好中意在bbq~燒出來好惹味~加埋d 調味料同汁就更好~估唔到將牛肉燒比起用湯底好食好多, 薄得來又唔會乾燒餃子就要好有心機先得,,可以煮半熟再燒脆佢總之到最後就係咩都燒一餐先食~墨魚丸都唔錯呀~見到人食海鮮好好食呀, 但係得兩個就食唔到幾多今餐基本上都係企o係度整~不過幾好玩食完暖粒粒

這個地方坐落在一個隱約的大廈，要走到餐廳，必先經過一條小巷。環境其實不太討好，不過走入餐廳後已充滿燒烤味。我哋一行8人叫了一個炭爐燒同炭爐邊爐，選擇的是鴻福招牌辣雞煲，幾入味~燒烤推介：海鮮都幾新鮮，尤其鮑魚和聖子...反而牛柳粒麻麻地，因為好韌，我地燒咗幾粒覺得好韌，於是就改了放在邊爐，情況好啲邊爐推介：肥牛~薄切得來又嫩，而且浸一陣就食得，太耐反而好韌墨魚滑~夠爽帶子~帶子好大粒...滾完後帶子充滿辣雞湯底嘅味道...正!!

每年都去一次鴻福，已經成了慣例，當然地選上咸菜魔鬼魚湯底，炭爐火力平均，魔鬼魚的邊位，滑嫩可口，令人食指大動，湯底的辛辣，更令大家胃口大開。配料方面，鴻福一向多特別食物，先來一份新鮮雞腸，放在湯內焯半分鐘，油份都給逼出來，幼嫩甘美，油香豐腴，好吃到不得了。新鮮手切本地牛肉，有別於肥牛，肉香特濃，肉質細嫩；鱷魚肉是雪貨，味道較淡，但煙韌有嚼口，部份用了來燒烤，反而更惹味。黃喉其實是豬的氣管，薄薄的一片，爽口彈牙；即劏墨魚，原先用來火鍋，但大家忍不住用來當刺身吃，鮮甜味美，爽滑兼備。火鍋料中當然還有在下最愛吃的牛胸肉，爽口柔韌，滿是油香，坊間又少見。最喜歡一式兩用，除了炭爐火鍋，店內還有燒烤，今次點了鱔圈，厚切一點，烤起來肉質漲起，油份飽滿，塗點蜜糖，更是人間美味。海鮮類更來了一份芒果大蜆，肉質飽滿而鮮甜，充滿著海鮮的風味，不錯。然後是象拔蚌仔，肉質特別甜美。最後，再來烤扇貝，搯點湯放在殼內，在火上慢慢烤，令肉質吸收了湯底，因而有少許辛勁，很特別。說真的，能偷雞用炭爐火鍋的地方不多，就算衛生情況有點強差人意，也就算了吧！