鴻興海鮮燒鵝食家

營業中

休息中

聽講呢間係元朗燒鵝老字號，所以嚟到就一定要要叫佢個燒鵝飯。最主要講佢燒鵝，燒鵝油脂算高，皮都ok脆，肉質有少少老身，可惜未夠香，唔夠惹味。勝在份量都多，價錢可接受。

想食燒味飯一定去鴻興，燒鵝燒肉最出名，抵食好味……不過這是以前的事。今晚打去叫外賣，叫左燒鵝拼燒肉飯，切雞飯和羅漢齋扒菜遠，今次唔係老板娘接電話，嗰阿姐話: 我就話係openrice d客人upload上去有張相係咁煮，有豆腐草菇鋪在菜心上面。阿姐依然話冇😖😩。一直都係D客想食咪，老板娘都永無say no 只要有食材就得，令D客人食得好happy，點知今次請左個咁醒既阿姐!到我去拎外賣時，諗住話番俾'醒目姐'知我要點既小菜係咪樣，於是就show張相俾佢睇，點知佢叻到話，點解吾show張相俾佢睇，救命呀……我係打電話落 order架，心諗吾通佢有千里眼睇到我部手机🤔？！隨即老板娘出來，得知件事后跟我say sorry，但醒目姐繼續扮路人甲，同死都話我吾識叫😡😡。仲有最嬲係打開盒飯，見到D燒肉，OMG 件燒肉一開2，超肥，真係食吾到，原來出面2餸飯真係超值!以前好支持嚟間店，朋友入嚟元朗必定推介。在此祝老板娘生意興隆（畢竟我係佢fans和幚襯左咁多年！) byebye啦！

💡燒鵝例牌（下庄）肉汁鮮嫩，點埋個汁不得了，本身唔係好食燒鵝既我都一舊接一舊食👍🏻💡紅燒豆腐中規中矩，不是太特別💡上湯扒勝瓜冬瓜蝦乾比較大隻，由於勝瓜不足，師傅就話俾啲冬瓜夾埋一齊，消暑一流💡蒜蓉粉絲蒸扇貝本身碟餸一上枱就已經問師傅係咪唔記得左加豉油，一問之下就知道原來蒜蓉粉絲係經過特別調味，所以食落係好入味👍🏻💡瀨粉配燒鵝食一流😆(5🌟為滿分）環境：🌟打卡：🌟🌟味道：🌟🌟🌟🌟價錢：🌟🌟🌟再訪：🌟🌟🌟

上星期二（12/7/22）一家三口食過晚飯，叫了燒鵝例牌下莊、牛肉炒蛋同埋豉汁釀三寶；相信是碟牛肉炒蛋，先生和小朋友中了沙門氏菌腸胃炎，肚痛肚痾發燒了一星期，先生更嚴重到要入醫院吊鹽水。幸好我只吃了一片牛肉…..我痾得不嚴重。食物質素已經退步，衛生還這麼差，我不會再去了。

極到失望，食父親節飯，叫咗個龍蝦芝士伊麵，龍蝦竟然係梅嘅，完全冇芝士味，聖子啖啖都有沙，蒸魚過熟爛晒啲肉，小炒王勁細碟，蒜蓉菜心蒜蓉淨係少少，燒鵝係蒸返熱嘅重點完全冇人招呼，叫佢哋比多兩罐可樂，叫咗好耐都冇俾，最後話唔記得咗？！有幾次佢都將我哋嘅送咗俾隔離枱，跟住再收返俾我哋，呢啲時候當大家都除口罩食嘢，成個過程真係危險啦？成個環境都好污糟，又嘈，食食吓聞到好大浸油味，突然有隻老鼠跑過，食左成$1800，最後俾錢問下老細娘佢點解釋，佢就扮聽唔到，話無可能，你哋自己心知肚明啦，成餐飯真係食得好唔開心，老字號實在太失敗。真係真係唔好去

元朗踩單車搵地方下午茶，經過屏山幾間食店，嚟到呢間睇左幾眼，有位姐姐好熱情打招呼，諗住事但醫下個肚。係一間好老派的餐廳，行入去見啲叔伯好多食燒肉飯，下午茶餐有燒味湯瀨或米粉，我叫左燒鴨拼燒肉，賣＄35。好大碗，燒味好足份量。燒肉嘅皮非常香脆，肉夠入味夠林，係舊式燒肉的味道，燒鴨亦香口，不過我個人比較好燒肉。問左半斤只賣＄60。立即叫左加碼，超滿足姐姐招呼好好，係好有人情味個種，食得好開心，食剩燒肉打包回家仍然好味

又由錦田專程嚟買外賣！燒鵝性價比非常高，簡直一絕，外賣返到屋企仲係脆皮㗎.1其他小菜也夠鑊氣，餐牌上嘅款式非常豐富！難為了有選擇困難的我！例牌正常份量亦足，價錢十分實惠，今次我豆苗是加到中份的，也只是＄98，整體咸甜味道適中，今次仲叫多6款炒粉炒麵碟頭飯試試，加＄6有例湯！上次叫過E度D海鮮，烹調時間非常準確，自己來料加工只加＄60/斤，又係比其他飯店經濟，而佢哋自己本身每日返貨的海鮮款式選擇亦多！仲有生猛紅長腳蟹添！👍🏻👍🏻

難得既假期所以一家人4個食晚飯，價錢經濟實惠，每碟餸大概$58起，就連肉類呀都係$58，抵食份量多。可以望一望餐廳門外既當日海鮮。雖然餐廳位置唔太方便，不過係天水圍西鐵站落車，再行10分鐘左右就到，搭的士都應該唔駛跳標。叫左炸乳鴿2隻(每隻$68)，蒜蓉粉絲蒸大扇貝4隻(每隻$32)，豉椒炒大花甲($108)，鴻興小炒皇($88)，京都雞件($58)。炸乳鴿外皮脆卜卜，肉結實唔乾，而且隻隻都有肉，d骨都脆脆地，下酒菜一流。之前試過佢地既燒鵝都唔錯架。花甲隻隻都大粒，有大約20粒，加d青椒少少辣椒炒香，好惹味，只係少少少少辣，鍾意食辣可以叫廚房落多d辣椒。個人覺得，尼到既海鮮價錢抵食，最重要既係，鮮甜，煮既方法令海鮮更好食。蒸扇貝最重要係多蒜多粉絲，尼到既扇貝大大粒，粒元貝勁厚肉，食一粒其實都開始飽飽地，加埋粉絲吸哂d海鮮湯，超級鮮甜，一定要叫扇貝。順帶一提，海鮮有時價，叫之前問清楚就最放心。每間餐廳都有自己既小炒皇，食過咁多間，尼間最多材料最大份。材料有蝦乾，果仁，細乾白飯魚，菜甫，韮菜(?)等等，好大鑊氣。不過，留意因為係醃製食物，所以會鹹d既。最後，京都雞件即炸即炒，有超過10大件

一睇個名，勁野～　（唔係拍江湖片，各位唔好亂唸野）　一大班人去完香港濕地公園，　唸住去試下ｄ特別野，點知撞上呢間小廚。太早去到以為要出去外面等啦，　點知ｄ叔叔好好，主動叫我地入去坐，但下單就未得住，　因為師傅未準備好。　冷氣夠，又可以叫住啤酒飲。等我地都可以坐住飲住去睇下電視新聞。　未睇到菜單，已經俾入面ｄ相吸引住。。老闆仔係球迷（好迷果隻）我見到ｄ相都忍唔住要喺個場環繞一周都未見哂ｄ球星。。佢真係好勁呀！！咁遠都去到～　好佩服佢嘅行動力。　第一樣野就叫燒鵝，好好味，夠哂香脆，夠熱，夠肥！　食燒鵝唔係食呢ｄ我問下你識唔識食架。。　椒盬豆腐好得，我朋友唔係好食都係咁食，你就知真係唔野小。。　小炒皇係去邊度食小菜都會叫的一道菜，蝦乾多之外仲好多其他野，有菜圃，有魚乾，花生，仲有魷魚。。掂！跟住食左招牌南乳炸雞，好得！好好味道～　好想再叫多一份架，不過我地已經叫左好多野。所以.....個蒸鱔就失色左小小。。又或許係我地之前果ｄ都係好肥嘅野。去到呢碟已經飽左，　所以覺得無咩好特別囉。。係啦，　一碟魚囉！埋單超過你想象，食咁多每人１５０。。　會再去架，　我都未睇第二間房睇ｄ球星相！

今天一放工，與三五知己一共六人，到了元朗屏山品嚐當地美食。這間位於屏山的食店，佈置簡簡單單，周圍村屋臨立，很有鄉村風味。老闆已一早為我們安排好今晚的菜式，有燒鵝，燒腩，炒肉蟹，蒜泥蒸扇貝，炒聖子，金銀蛋蜆菜，豉油大蝦和魚肚粟米湯。餸菜夠火喉，味道一流，海鮮亦新鮮。這間店鋪亦有提供多種小菜，平時家常便飯，亦是一個不錯的選擇。

餐廳主打燒鵝、海鮮，不過今次選擇食小菜。小菜價錢由$58至$108不等，海鮮就睇時價，平時去尼間餐廳食，聖子扇貝大約$38一隻，好肥美大隻鮮甜。叫左5個小菜，一支啤酒($29)。沙嗲粉絲肥牛煲($68)，好多肥牛，配上菠蘿，椒，粉絲洋蔥炒香。沙嗲汁食落唔會太濃，而且食完唔會口乾。份量好多，而且價錢唔貴，平時出面叫，貴d又冇咁多肥牛。香檳醬燒骨($58)，甜甜地既醬，燒骨唔會骨大少肉，每舊都有骨，而且燒得幾香口，重點係一碟有成9件左右。燒鵝例牌($70)，塊皮燒得好脆，鵝油香味一啖即爆汁，d肉唔會好"鞋"and乾，今次食好似特別多。咖哩雞煲($60)，尼個係雞連骨，唔係雞柳，個人覺得雞連骨好食過雞柳，但如果去東南亞餐廳，個人會鍾意雞柳多d，因為要包住d印度烤餅一齊食。材料另外有薯仔，椒，洋蔥。咖哩汁唔係辣既，雞煮得入味，至少有10幾件大大件雞，而且其他配料都多。椒鹽白飯魚($58)，下酒小食，脆脆地，唔會太多炸粉，不過少左dd，但送酒一流。5個人食家常小菜，而且價錢唔貴，仲要夠飽，食物質素好，不過可能其他人會覺得餐廳環境一般般，不過個人接受到尼種大排檔。餐廳其實由幾間地下鋪組成，有室內外

2017.08.27這個星期天不停下大雨....累到人不想出外晚膳，最好的方法便是外賣吧～囝囝想食中餐，於Open rice找找看，找到這間飯店，還記得之前也曾經於其小店試過它的小炒、海鮮及燒鵝很不錯，所以今次便試試它的外賣吧～以價錢來說，很抵食，不需40元已有一盒有餸飯~加5元便有冷熱飲品~不俗喔～【京都肉排】調味汁甜甜酸酸的~很醒胃~撈飯一流~但豬扒的肉質過實而帶乾身....少許失望....【椒絲腐乳牛肉通菜】（走飯）通菜較老，而牛肉上面的汁料竟然不對味，皆因當中的腐乳味太輕微，只有辛辣味..而那生粉醬汁更是太糊了...再失望....【粟米班腩】絕對要讚的餸菜，班腩好食而不腥，大大件，汁料味道最對味~呢個仔仔食過都話讚~總括來說: 要識叫廚房煮得好味嘅餸好重要~以這抵價，絕對是會再黎幫襯~再發掘下其他美味嘅菜式~

母親節食晚飯慶祝，之前幫襯過好幾次，覺得餸菜唔錯，價錢公道。我們先係佢自設既停車場免費泊車，再係出面揀新鮮游水海鮮，然後入去大廳搵咗張大枱坐，叫埋其他小菜。海鮮方面，老細強烈推薦金古魚，$16/兩，條魚好大條，成斤重，做咗陳皮蒸金古，肉有少少「鞋」，但係陳皮味入哂去魚肉度，夠哂香。仲有必食蒜茸粉絲蒸蝦，蒜茸粉絲蒸聖子，豉椒炒蜆，入口即溶，清爽鮮甜。另外，唔可以唔試佢既馳名燒鵝，皮脆肉厚，一咬，油汁分泌出黎，滋潤舊肉，細細咀嚼，非常有口感。最後以金菇肥牛煲收尾，呢個算係最抵食，肥牛好多片，大大片。

揾食揾到去屏山，坑尾村行過去很近，原來係屏山文物徑後面，華嫂另一邊。叫左幾碟小炒，西蘭花炒鮮魷，58蚊很大碟，好味，鮮魷很爽滑。生炒骨，ok, 略為唔夠香，無乜肉蒜蓉粉絲蝦，$149 唔錯，蝦夠大隻。粉絲略為散修修。整體唔錯，價錢抵食。

今晚同家人近近地食晚飯，其中一碟係叫椒鹽鮮魷，伙記上菜時，我地問佢係咩黎，佢話鮮魷囉，估唔到咁離譜，炸到又乾又燶，我好奇怪點解樓面可以照出，唔知佢地自己同自己屋企人會唔會肯食，食市最緊要係有心，我失望兼唔想投訴，因為我唔會再入去食