鵝公館

營業中

休息中

我係比佢既門面同價錢吸引我入去既。門口裝修得幾靚，以為貴味野，睇一睇門口個餐牌又唔係喎，招牌鹵水鵝飯都係$48。注意鵝片飯同鹵水鵝飯係唔同，價錢差一倍要$88，唔好叫錯呀！係呢個年頭食個普通燒味都唔止啦，所以挑一挑佢機！一上黎絕對有睇頭，全部大大碟！份量好足。頭盤例湯，正常野，青紅蘿蔔粟米湯，清清地唔油，足料又大碗，一路送飯一路飲，絕配！絕對大碟有份量，鵝量唔少，胸及上翼，飯底算大，正常飯味，汁香唔會死咸，撈飯一流。先睇佢個胸部，爽彈滑，胸都唔鞋而且juicy ，夠入味，有鵝香，唔會太肥，對於一向唔食皮同唔食肥既我將呢碟野全清，連皮都食埋，因為個皮實在好有咸香爽滑，肥而不利，果然係正宗獅頭鵝！翼位好食，一樣夠香夠味。總括來說，十分滿意，鵝香入味，質感爽彈滑，份量足，價錢合理。$48咁多野又咁好食值得一推。唯堂食地方細，容納唔到幾多人。

堂食既話:- 環境唔算迫是日點餐:鹵水鵝 + 豆腐飯 (外賣有跟例湯 / 飲品)份量足，有好多件ar~~ wow!!仲有脾~ 廚房大佬心情好ma?!入味得黎唔會過鹹食完唔口渴例湯正常番食指數: ✽✽✽✽

近幾年深水場接連閞了幾間類似連鎖式潮州鹵水鵝專門店, 間間都好類似, 而就近屋企都有一間,應該講係第二定第三間了, 名字”鵝公館”! 鹵水鵝一斤$118,可能未必人人知一斤有幾重, 現代人以gm計算即是600gm左右, 半邊鵝嘅下半身已經是$138即係超過一斤啦!當天除咗買鵝之外重買咗個鵝腎$25, 鹵水鵝係招牌貨, 質素唔會差, 亦唔算太肥, 鵝肉剛剛浸熟好滑下, 肉質亦好有鵝的騷香味, 但個鵝腎第一口已經感覺有點奇怪的味道應該係室溫放置的溫度較高所致, 感覺到如果這腎再室溫多放兩.三個鐘應該都叮得了, 夏天我估計自己唔敢幫襯這店了, 其實鹵水食物雖說是已經徹底煮熟了但如果放置地方溫度過高, 還是會很危險的, 大家吃時注意一點吧!保重

一間不賣裝修的小店，咁賣咩呢！當然係招牌的鵝啦！先講吓D服務員，真係好似未瞓醒咁，入客不分先後，遲嚟先上岸（都算）坐低後叫一樣做一樣，首先叫抺枱，抺完又行咗去。叫餐牌先比餐牌。叫一樣又行咗去，叫佢返轉頭（我未叫完呀！大佬）唉！真係！叫了鵝件飯（講真的，鵝很韌每件都要扯開，食得狼狽）朋友食滷水雞翼，過得去。反而碗例湯幾好味。不過應該唔會再去囉！

話晒都係半個潮州人對滷味特別情有獨鍾亦都食過無數間潮州菜館一間潮州菜館好唔好味最緊要係睇個滷水汁行過準備返屋企食晚飯喺呢度加餸我係呢度買咗個豬耳同埋大腸外賣講真個味道認真好唔得啲朱耳好大塊切得好差同埋好大陣豬腥味大腸都係甘啲滷水汁完全唔入味

見到這裡只有兩個食評, 所以雖然住附近但都一直唔敢試, 今日好想食鹵水野又懶行到大埔道嗰邊 ( 大埔道有間賣鹵水的以前食過都不錯 ),於是博下呢間鵝公館, 一入去收銀位, 原本想買半隻鴨加腎, 但傻傻的叫錯左要下庄加腎,  收銀個阿伯說: , 裡面負責斬的師傅叫出來話有架, 個阿伯就收我$50下庄加$25腎(一隻腎), 因為我係出面睇半隻係$68的, 此時我發覺我叫錯左, 我就同個阿伯講我叫錯左, 我係想要半隻先啱, 他說: , 裡面斬料師傅嗌出來叫個阿伯收番我十幾蚊但個阿伯冇理個師傅堅持要我比多$30先會比半隻我, 就同他說: ,  他說:  我真係O嘴了.......我一個女仔重可以點, 既然呢間店咁有問題, $50+$25比左就算, 我真係唔會再比多$30, 唯有就咁走....P.S. 剛出店門口撞到個街坊, 他說早幾日都係呢間鵝公館買左鹵水豆腐, 但發覺有陣奇怪的臭味的, 唉...... 早幾分鐘遇到呢個街坊, 我就唔會入去幫襯啦......

買過次外賣果Ｄ師傅發緊夢咁返到屋企少左樣嘢錢就收左但又比少樣嘢各位買外賣時check清楚呀

今晚我們行過深水埗汝州街見到有超多人排隊等候，所以我們就好奇去睇吓係賣啲咩！原來係間滷水鵝專賣店，再抬頭望吓店名招牌叫「鵝公館」，感覺都幾特別，所以我們就決定入去食晚飯！他們係做外賣為主，所以店內嘅坐位唔算太多！我們叫咗滷水鵝頭頸係店員同我們推介，因由細到大都無食過鵝頭同鵝頸，今次係第一次食，食落就覺得鵝頭個冠相當軟腍腍，鵝頸嘅肉質特別鮮嫩，肉味亦相當濃郁，真係超好味呀，係本人嘅必食推介！今次食改變咗我們一直唔食鵝頭同鵝頸嘅錯誤想法！滷水鵝嘅肉質非常鮮嫩，鵝味相當香濃！一碟拼盤有：滷水鵝腎唔係好似平日食開嘅鷄腎咁硬，質感相當爽滑彈牙，滷水鵝腸好爽滑，滷水靚墨魚好鮮味，而且好有咬口，豬耳非常爽口脆身，豆腐嘅外層唔會好硬身，入面嘅豆腐相當嫩滑！酸菜相當爽甜，味道唔會好鹹，我們可以一口氣食晒一碟酸菜！老火例湯煲得火候十足，而且非常足料，湯底嘅味道好清甜香濃！總括：所有滷水食物都滷得好入味，唔會滷得過韌，味道亦唔會過鹹！另外值得一讚嘅係師傅嘅刀功相當了得，每一片都切得非常均勻同薄身，唔會一片厚一片薄！