鷹巢

營業中

休息中

家陣市道好返些少，餐廳都開始見熱鬧，而優惠亦源源不絕，早幾日同太太出街食飯，就發覺旺角希爾頓酒店鷹巢中菜廳的套餐幾抵食。打開餐牌第一版已經見二人套餐（HK$688/兩位），推廣日期由2021年5月17日至6月30日 （不適用於2021年6月11日至14日與及18日至20日），但要注意，因為餐廳晚市只在星期五至日營業，午間反而正常。有點不得不提，近日政府推出所謂「ABCD」餐，暫時全港可以有「C」類的餐廳不足300間，翻看資料，鷹巢正是其中之一，即是可以容許6人一檯至晚上11時59分，而餐廳亦將部份地方劃開做「C」區，又真係好啱6人之家喎。不過今次同太太兩個人撐檯腳，「ABCD」都派不上用場，反而靜靜地享受二人世界。率先上場的前菜屬於懷舊系列的「燒雞肝拼蝦多士」，係無乜新鮮雞的情況下，見到有雞肝真係兩眼發光，燒得幾香同入味，但質感就似乎結實些少，配杯啤酒就一流。蝦多士炸得色澤金黃，多士幾脆口，亦不覺油膩。另一道是「杏香荔茸帶子酥」，鮮帶子用薄薄的一層荔茸包裹，再插上杏片炸香，火喉控制得幾好，油份瀝得清，帶子肉質嫩滑，不錯。至於湯品是「萬壽果燉海中寶」，記憶所及，對上一次都品嚐過，可能太受

聽說：鷹巢本來位於希爾頓酒店頂樓，氣派不凡！聽說：鷹巢曾是名人飯堂弟，已故的何博士是常客！聽說：鷹巢的叉燒，是香港的 Number One！聽了那麼多，終於來吃，辛丑牛年大年初四午餐：#普洱茶，濃而不澀，解膩！喜歡！#金牌叉燒皇，８分瘦２分肥，對我的胃口，好吃！#鮑汁荷葉飯，飯乾身，鮑汁充分吸收，份量很足！吃不完打包了半碟，晚上再吃，仍然好味！#芝士蝦春卷，芝士味濃，蝦肉爽脆，很好的組合！#水晶鮮蝦餃，招牌點心，蝦肉爽脆，好味！#布拉鮮蝦腸粉，這個一般，不及蝦餃好吃！#香菇蒸燒賣，也是招牌點心，冬菇香味濃，喜歡！#黑松露素餃，喜歡黑松露的會大愛這個，包括我！#百花釀魚肚，媽媽的最愛點心，她說好吃！#欖仁豆沙茶粿，茶粿皮有點散，扣分！

早兩日同同事飲茶，見到可以嗌粽食，嗌咗個瑤柱花菇五香鹹肉粽同蓮蓉鹼水粽share過下口癮。超大隻！勁大粒花菇同瑤柱，好足料，啖啖肉勁正。鹼水粽就好滑但唔會好甜，食完唔覺得好濟，overall黎講都唔錯！臨走見到有得訂粽，75折又幾抵食，間唔時都有去下鷹巢食野嘅，出品都唔錯，同同事夾咗幾隻粽，仲有得免費送貨。

第一次來鷹巢吃晚飯，估不到有驚喜，首先多謝服務人員BOWIE的細心安排，讓我和老公在入住酒店期間，既有舒適的體驗，又有精緻的美食，真是一舉兩得，我們都有選擇困難症，所以選了一個精選鷹巢美饌套餐。其中有幾味餸菜令我們回味。包括：1.叉燒皇伴海蜇頭叉燒肉質鮮美，海哲頭爽脆2.杏香荔芋帶子酥兩者很夾，炸得不油膩3.菜膽北菇燉花膠我們最愛此湯，清甜不膩，好喝4.芝士焗鮮蟹蓋可以優雅地吃蟹🤣🤣芝士濃郁其實辛苦了5天工作，能夠休閑地吃一頓豐富又美味的晚餐，都係值得嘅

二人套餐：「錦繡點心蒸籠拼盤」 呢個拼盤有翡翠帶子餃、香菇蒸燒賣、蜜汁叉燒包、芝士蝦春卷。小編見到呢個拼盤真係開心有曬小編鍾意嘅嘢，佢哋翡翠帶子餃真係鮮甜到咧就嚟甜過我啊。蜜汁叉燒包都相當驚艷，好耐無食過咁好味嘅叉燒包，外層酥脆內餡多汁豐富。-「精美中式甜品四重奏」雙色荷花酥、農場迷你雞蛋撻、香芒布甸、豆沙南瓜餅。雖然賣相好靚但四件甜品真係引不起小編嘅食慾，抱住求其嘅心態食落去真係眼珠就嚟跌落地，完全無估計咁鬼好味甜度啱啱好，絕對唔會話甜到要飲成1 L水。-三人套餐：
「錦繡點心蒸籠拼盤」 無論二人定三人套餐佢哋點心款式都係一樣嘅，咁就麻煩大家將你哋嘅眼珠仔拉上去睇多次。-「精美中式三層架」呢個三層架有雙色荷花酥、農場迷你雞蛋撻、香芒布甸、甘筍鹹水角。佢哋嘅甘筍鹹水角一定係最突出嗰個，乾筍特有嘅鮮甜配上鹹水角脆卜卜又帶點鹹香，好味到小編係張凳跳咗幾part舞。

早前去咗旺角hilton garden inn staycation，其中包咗餐中菜都幾唔錯，食最早個輪都已經有其他食客，睇黎平時都幾旺場，雖然食客多，不過服務都有水準，好禮貌，換碟快。其中個荔蓉帶子酥好surprise，冇油溢味，芋頭蓉又好香，夾埋大大粒帶子，喺其他餐廳好少食到呢種菜式。本來對最後個籠仔飯冇期待，點知好足料，啲飯滲晒蝦乾同魚味！已經決定下次會再特登黎鷹巢食set dinner.

訂好枱諗住星期天去嘆個點心午餐，怎知前台小姐堅持話我哋無訂枱，求其找張四方小枱安置我哋三人，枱又小，周圍又嘈，櫊在柱後又黑，當時早上十一時半好多空枱，其他光猛窗邊圓枱佢堅持要留俾有訂位的客人，咁我哋正是呀?! 總之我哋有我哋要求，佢有佢黑面，一支箭走開愛理不理。終於在多番周旋，把我們調到稍稍大一些的枱，一番擾攘，乜享美食心情也丟到雲外。點知食食下野就收到餐廳電話「喂，請問你哋訂咗位，幾時可以到？」小姐呀，我哋頭先咪話訂左位你又話無，依家打黎做乜....🤬🤬😡😡，佢得一個職能就係安排客人入座，但明顯無做好呢位工。MK 就係 MK, 可能大概是這水準罷。

讚1.環境舒服，啲客少到爆2.芋頭杏仁酥既甜品好味就，外皮炸得好，餡料既兩個蓉都夠滑彈1.食物水準係退步既，燒鱔肉質鬆化，碎骨都切斷晒，但皮唔脆既燒鱔真係幾麻麻下；太極炒飯既重點係個獻，但好可惜呢間亦係無味既，整體好難返轉頭

家中請客， 叫外賣，點了片皮鴨 (每塊皮都有煎過），錦鹵雲吞（汁不會太酸），叉燒（厚切），蟹肉伊麵（麵不會太淋）。 好味 有水準。會有下次。服務員有禮貌， 細心。 肯定會介紹給朋友。

今次到媽咪生日，訂左個六位用既鮑魚花膠盆菜一家人一齊食。$1,688送埋叉燒，酒店質素呢個價錢都算足料，有原隻蠔皇鮑魚，滋補花膠，原隻大蝦， 原粒瑤柱甫，鮑汁扣鵝掌，黃金大蠔豉，明爐燒鴨，玫瑰豉油雞，發財髮菜，厚花菇等等。免費送貨，唔駛煩，吃之前煮滾翻少少就食得啦！個盆菜個盆都好實淨，可以再重用！訂果時做緊優惠，送金牌叉燒，佢呢款係厚切，啖啖肉，燒到有d焦邊，好正!! 見到有乳豬全體喊，新年要再試埋佢！ 見有4位用既可以喊 如果人少少就可以喊四位用 唔駛湊夠人先食得！ 好味道！ ！！！

今日來到 旺角garden inn 餐廳 Eagles’s Garden 食lunch, 唔係講笑 ，都要一早訂位，因為都幾full，今日食左5樣嘢，水晶蝦餃，啲蝦真係爽口彈牙；香菇蒸燒賣真係好香，肉質有口感，瑶柱灌湯餃我就真係覺得細隻左啲，我諗好似兩粒蝦餃份量咁上下，呢樣真係要改善，比得咁嘅價錢，就算比多少肉客人食，成本唔會差好多，百花蒸魚肚呢個點心夠特別，都幾多食，嫩雞煨蒟蒻麵就真係一般，無咩特別，我情願食個炒飯好過。

秋天係食蟹既好時節，今次黎食蟹餐🦀🦀🦀🦀⭐$928 兩位用⭐⭐鷹巢三小碟(花雕醉香雞、蒜泥拍小黃瓜、香蔥海蜇頭)醉雞酒香肉滑👍👍👍蟹粉小籠包清蒸大閘蟹約五両重，忙著吃，冇影到相，但是 爆 膏 的!!!!🥰🥰蟹靚，清蒸已經好好味!!!!大西洋螺頭燉花膠筒花膠筒都算大塊同厚身！干燒酒釀蝦球鍋巴蟹粉扒豆苗蟹粉滿滿👍👍👍👍👍生炒糯米飯暖笠笠香噴噴的生炒糯米👍👍👍👍薑茶湯圓最後來一碗薑茶湯圓暖暖胃

從旺角港鐵站邊行邊問酒店的位置，原來是這麼遠，行到我「成吉思汗打仔」，歇後語「大汗揼細汗🥵」除了位置偏僻，點心質素一般，枱布竟如此貧瘠，起晒線頭和暗啞，還有茶壺邊有千年茶漬不是挑剔，而是身為酒店的中菜廳，這樣的質素實在不合格🔰水晶鮮蝦餃$56，只得爽味，沒有蝦餃的香味，內餡也不juicy🔰香菇蒸燒賣$56，沒特別的燒賣，香菇味近乎欠奉🔰酥脆蘿蔔絲腸粉$66，吃第一件時，真的很脆，但再吃第二件時，那股炸物的油味，強烈地出現，湧在口腔令人不爽🔰醬皇蒸鳳爪$44，鳳爪的質量OK，但醬料味不夠，適合喜歡吃清淡的人士一行3人，點心叫了4款，彼此決定結帳離開，乘車到尖沙咀國金軒，吃些高質又美味的點心

週末BOOK了鷹巢飲茶, 由於疫情關係, 想選一個地方寬敞一點, 不會人貼人的地方飲茶所以酒店的中業廳也是很好的選擇, 因為可以免費泊車2小時, 所以今日同家人都揸車來飲茶有職員會協助指引泊車位置, 泊車後取票就OK鷹巢位於二樓, 上到後, 接待有職員帶領座位位置, 服務整體都很好中菜廳那邊全部都是長方形台, 所以我們一行4人, 坐得的確很寬敞還真是第一次飲茶不是圓台而是長方形台. 點心紙的款式不算很多, 所以我地最後都encore 了燒賣和蝦餃真心他們的水準的確很不錯, 雖然每款點心平均$60 (openrice 訂座全單8折後), 但偶爾1-2次的確很滿足可能地方較大, 人手我認為略嫌唔夠, 有時加水都要揮很耐手先有人見到不過整體都係舒適的, 當日被分配到靠窗的落地大玻璃, 有很猛太陽照住, 所以有叫侍應幫忙下簾, 服務也算很不錯

上次堂食完見到佢地有賣盆菜，今年爸爸生日撞正平日，唔想煮又出唔到街慶祝於是就一早打左去預訂左個鮑魚花膠盆菜送番屋企食 order左7:30送到放工返到屋企 輕輕翻熱就食得啦!!!  方便又唔失禮！原隻蠔皇鮑魚、花膠、大蝦、原粒瑤柱、鵝掌、蠔豉、燒鴨、油雞、髮菜、花菇。鮑汁分開左上！多款名貴食材 整體都算足料 輕輕煮番熱已經好香... 個個唔駛喊就巳經自動坐埋位等食啦原隻蠔皇鮑魚大大隻，花膠件夠厚且彈牙，鵝掌炆得夠淋好入味！大家都食得開心，表示滿意，大時大節可以再Encore!!!