麗姐廚房

營業中

休息中

今日做野真係太忙都無時間食lunch，收工緊係要食返多啲補數，一直都想試麗姐廚房，好評好多，價錢又唔貴，但成日都夾唔到時間，今日終於有機會啦！星期五夜晚黎到，職員好忙，但都好殷勤，安排左位比我地之後仲專登拎兩張櫈仔比我地擺野，好抵讚，有時係其他餐廳無位擺野真係要抱住個袋食好辛苦最後我地嗌左台灣炒米，糖醋咕嚕，南乳齋煲同埋蟲草花燉湯蟲草花燉湯清得黎但唔會淡，好正台灣炒米好多料，味道岩岩好，又夠乾身糖醋咕嚕酸甜開胃，炸衣薄，咕嚕汁充滿每一件咕嚕南乳齋煲味道都唔錯，不過咸左少少不過食完個晚都無口乾，無味精雖然我淨係黎過呢度一次，但呢度嘅食物同服務質素都好高，成日上網見到麗姐廚房生意差左好多，希望麗姐廚房可以支持住，繼續提供優質素食

有時食膩左、或者個口生痱滋，總會有時想食清一啲，自然會諗起食素，所以呢排鍾意食素既人有增無減，尤其係上班一族，貪健康又易消化。平時食齋嘅人、或者唔太食開齋嘅人，最怕就係見到啲好悶嘅菜式，一係就好驚菜式會重又重油，為咗令到味道豐富啲，或者會有好多炸物，所以食齋都唔一定係健康啲，食完都唔一定會瘦。不過依一間灣仔嘅素食私房菜，唔單止菜式夠創新，嘢食好食唔油，而且價錢合理，啱晒一班人嚟食。中環、灣仔一帶，如果想搵會做晚市嘅素食店，實在唔多，但灣仔就隱藏咗一間高質嘅素食私房菜。呢間餐廳唔係一間打卡餐廳，所以網上嘅討論程度唔高，係一間低調食素既小店。呢間麗姐廚房，由從事素食行業超過二十年既麗姐一家打理，麗姐由一間唔顯眼既小店做起，到後來成為素食店顧問總廚，再自立門戶開設呢間麗姐廚房，靠呢份努力同堅持，做出與眾不同既素菜。餐廳午市主打抵食的$50三餸飯，配無限任添糙米飯同例湯套餐，晚市主打特色素菜小菜。食齋最怕就係油淋淋同好多味精，但呢度食絕對可以放心，因為老闆娘麗姐嘅宗旨係佢自己都食先可以比到人哋食，所以素菜主要係用鹽、冰糖同埋純天然菇粉去做調味，係挑選食材方面都嚴格，首選本地種植嘅蔬菜，保證低碳

麗姐廚房，灣仔之友並不陌生，特別是素食人仕，經過譚臣道抬頭一看，都會見到麗姐廚房的招牌，梁祖堯介紹的素食店，黃店，當然要支持下呢。餐廳面積頗大，裝潢是中式的設計，佈置了不中式盆栽，魚缸，牆上的書法作品，勵志的句子，濃厚的書香氛圍，位子多坐位寬敞，感覺舒適。下午茶時段去到，仲有午餐，太好了，套餐6選3，清熱降火，三餸一湯 白飯任裝，每位$55。付款後到取餐處。套餐三餸一湯，$55。蓮藕湯，好足料的湯水，清熱降火，不俗呢。南乳齋，材料豐富，味道濃郁，撈飯一流酥炸素蠔仔，外層脆，香口惹味。欖菜蒸豆腐，口感軟滑。食物正常水準，態度親切，據聞小菜先係王道，下次有機約埋班FD一齊來試，抵食夾大件，支持良心小店。

約友人食飯約左去試一試麗姐 順便都素一下清一清個人午市係6個餸揀3連湯連飯 $55係灣仔區呢講真係算係咁嫁喇由於友人係常客 所以麗姐俾既餸特別多益我地 但我望見其他普通食客既份量都唔少！我欣賞佢既地方係味道好真實好居家 唔似出面其他素餐廳咁化學用好多假肉 又唔油膩 所以食落好舒服 當中我推薦佢地既炸物！炸得極脆極香口！好好味個老火湯係飲得出自己煲 應該都冇落味精 好清！仲要俾足湯渣環境好大又乾淨企理！超級推薦！

家人食素，經常會周圍揾啲好味嘅素食餐廳同佢哋試吓，今日揾到呢間係灣仔，地點都好近地鐵站，幾方便😀我哋4人中午時間去，因為前一日打咗電話去訂枱，如果唔係walk in 應該要等位😆 由於訂咗枱嘅關係，只🉑️以單點menu上嘅菜式，唔可以叫午市套餐，我見多數walk in 客都係叫午市套餐，相對抵食好多。我哋叫咗menu上幾樣菜式，味道不過不失啦，價錢亦不算好抵，但份量都ok對得住個價錢嘅。不過由於中午食飯時間關係，雖然訂咗枱，都實在冇得坐低慢慢傾下計，下次可能揀下午茶時段再嚟過😁

N 個月前睇空肚講宵夜見梁祖堯介紹呢間餐廳嘅芝蔴糕。專登外賣咗一次食，覺得好正，勁足料。近日叫咗個朋友去試食，佢返黎竟然話佢兩個大人一個細路食咗7個餸，因為好好味，連個細路都話覺得超好味。即刻走去試。星期四晚黎都竟然都好多人，到差唔多八點幾乎冇位。咕嚕肉：好癲。一咬落去個質感勁似肥豬肉，但食落佢又有一絲絲嘅質感，個汁偏稀但甜酸度剛好。雙拼餃：皮薄餡靚！皮似雲吞加餃子皮。梅菜餃感覺較齋，但勝在夠曬多餡。流沙餃係蕃茄薯仔餃，都幾有趣，但未去到想encore.金菇百合浸菜心：本人一向麻麻哋菜心，但朋友話呢度個菜心好神奇，可以炒到好似芥蘭咁爽。唔太信之下叫個浸嘅。點知真係好好味，完全唔明點解平時出面啲菜心唔係咁嘅！！連埋啲金菇百合杞子好好味，啲杞子勁甜，百合完全唔苦，金菇完全唔韌。由於最後食唔曬，呢碟嘢我第日微波爐叮黎食都係咁好味！完全唔明點做到！好神奇！台灣炒米粉：超好味。唔油，乾爽，咸度剛好。假叉燒同火腿個質素都似真肉。另外外賣咗三盒芝蔴糕。總結：絕對會返黎。下次要搵多啲人黎食，再試多啲嘢。

祖祖介紹有一定保證自己平時都有食素，但另一半只係陪太子讀書😑第一次去試嗰日係星期六，我哋無訂枱，好彩我哋6點到，趁未客滿就比張二人枱我哋。睇過餐牌，當然叫祖祖推介過嘅流沙餃同咕嚕肉啦另一半揀涼瓜炒蛋甜品一定要紅荳糕真係不得了！首先流沙餃已好有驚喜，我好少食咕嚕肉嘅菠蘿但都清碟我怕苦少食涼瓜但居然都令我唔停口食紅荳糕時以為食緊紅荳雪糕另一半居然話呢間齋店可以再黎，試埋佢其他餸好滿足尋日初一另一半話不如再去麗姐度食齋，當然好啦今次試雙拼餃，煎蓮藕餅，麻婆豆腐，肉碎四季豆，同最想試埋芝麻糕雙拼餃其中一款係梅菜餃，好香，但我哋都係比較鍾意流沙餃煎蓮藕餅對我太熱氣啦（係另一半點，佢食大半）四季豆同出面飯店食無分別，唔講唔知係素肉跟住上麻婆豆腐好香麻辣味啊！佢係少辣，初食有辣味，但食多幾啖就「麻」了最後係甜點芝麻糕同紅荳糕，芝麻糕好有咬口紅荳糕依然係好似紅荳雪糕咁呀另一半話要繼續黎試其他菜

點了三款菜，金菇肥牛、三杯雞和薑茸菜心。普茸茶味道很淡，沒有茶味。金菇肥牛是用素煙肉，味道完全不是預期的口味，淋上的醬汁非常甜，除了甜就是甜。三杯雞的汁醬是很像樣的，但成煲野係食青椒同金不煥，素雞很少，而且都係一啲濃濃汁醬去包著晒啲菜蔬。最後的薑茸菜心，菜心有點老，薑味不夠。整餐飯$3xx賣單，但都只係用啲比快餐店汁醬好少少的味道去送飯，餐單上有很多不同的菜式，但點了這三款都極不推薦。大家可以考慮其他菜式。

今日食評有✍🏻 麗姐廚房@灣仔試食指數⭐️⭐️⭐️⭐⭐店舖衛生⭐️⭐️⭐侍應態度⭐️⭐️((每項5⭐️為滿分)) · 今日慶祝『端午節』😂素食餐廳推介麗姐廚房已經光顧咗無數次晚餐每次出品都很有水準👍🏻容許我懶惰少少食評睇番前嗰幾篇🤣大部分都食過評過✍🏻·真心推介炸豆腐及紅豆糕甜品·4人盛惠688·599•Eat疫情下的食肆怕多人辛苦排得嚟又唔好食食外賣食到悶想岀去搵食又驚唔衛生·我哋599•Eat幫到你無論大鋪小店我哋都會盡試盡講

麗姐廚房之前告急過幾次，聽講麗姐甚至為間餐廳連樓都賣埋，咁有心去經營鋪頭，真係好難得。最近去左幾次，平日既生意似乎比假日好，可能都係地點問題，始終灣仔都係做打工仔生意多，區外人又好少會跨區去食。隔左差唔多成年有多再黎到，佢地既食物水準依然保持到。椒鹽雞脾係必食既，每人起碼兩隻，貪心果日會每人三隻。脆卜卜既腐皮包住嫰滑既鮮腐竹，外脆內軟得黎好juicy，好食到停唔到口。平時食開既素咕嚕肉都不外乎素肉加個甜酸醬，但依個黑醋咕嚕就完全唔同。首先佢地用既係鮮竹粒唔係素肉，更加天然健康。比起甜酸醬，黑醋有一陣醋香，而且食落冇咁濟，仲好開胃，絕對可以encore。醬燒粟米係另一個必食菜式。用左九層塔黎爆炒，夠哂鑊氣。粟米唔會太硬或者太腍，恰到好處。金菇百合浸菜苗用料足，落左好多百合，食落覺得幾清新。XO醬雜菌翠玉瓜好惹味，啲XO醬唔知係咪自家製，好好味。素XO醬冇落瑤柱同金華火腿，但就有炸過既茶樹菇等菇類去做返果個口感。台灣炒米炒得夠乾身，加埋啲芝麻，有細細個去飲茶啲點心姐姐推住架車賣既米粉既味道。晚餐既尾聲當然要以甜品作結。依度既腰果露係即磨既，如果唔想等記得一早落定order喇。腰果露有幾足料

今日食評有✍🏻麗姐廚房試食指數⭐️⭐️⭐️⭐店舖衛生⭐️⭐️⭐️⭐侍應態度⭐️⭐️⭐️⭐️((每項5⭐️為滿分)) · 食咗好幾次麗姐廚房的晚餐我們對他的出品很有信心今天就訂座及寫好菜單帶了家人一起來品嘗😋·1️⃣一品燉湯⭐️⭐️⭐️⭐一如既往高水準的雜菌猴頭菇燉湯清甜沒有味精嘅出品2️⃣錦鹵雲吞⭐️⭐️⭐️⭐炸得好脆卜卜畫龍點睛之處係甜汁汁水配料切得細緻顏色配搭好重點係甜酸度及味道好3️⃣沙爹金菇雜菜煲⭐️⭐️⭐️沙爹調配得好不太咸雜菜足料如果汁少番啲啲會更好4️⃣薑蓉千層⭐️⭐️薑蓉汁淋上厚底腐皮卷菜心舖低晚餐食過的厚底腐皮卷腍啲入味啲今日有點失色5️⃣香樁炒飯⭐️⭐️⭐️⭐⭐十分有驚喜的炒飯熱、香、配料細緻一定要試呢個6️⃣雙拼糕(紅豆) ⭐️⭐️⭐️·599•Eat疫情下的食肆怕多人辛苦排得嚟又唔好食食外賣食到悶想岀去搵食又驚唔衛生·我哋599•Eat幫到你無論大鋪小店我哋都會盡試盡講

我於19/4（一）約12:30到達餐廳，餐廳也高朋滿座，非常多人。當天的3餸一湯有6款選擇，$55。我叫了南乳齋，豆角蒸蛋，番茄生根，湯為霸王花湯。❶南乳齋：有很多豆腐卜，亦有雲耳及一些紅蘿蔔。❷豆角蒸蛋：水準普通，不過不失。❸番茄生根：番茄多而生根只有2件。看到其他食客叫了其他選擇如：❹時蔬，有一大堆菜心；❺椒鹽素魚塊：有2塊；❻辣蘿蔔，較少食客選擇以$55來說，也是良心💛小店，當然支持，份量夠吃。

今日食評有✍🏻麗姐廚房試食指數⭐️⭐️⭐⭐店舖衛生⭐️⭐️⭐侍應態度⭐️⭐️⭐️((每項5⭐️為滿分)) · 今晚點咗1️⃣雜菇燉湯清而滋潤2️⃣欖角叉燒上碟夠熱，叉燒邊脆香3️⃣炒年糕濕濕哋嘅炒年，絕對係好味呀4️⃣(餐牌冇）青菜湯米今晚突然想食米粉，膽粗粗問可唔可以幫我煮個米粉🤤答案竟然得喎好滿足👍🏻5️⃣馬豆拼紅豆糕兩糕都好味硬要比較的話紅豆好味啲紅豆有啲咬口·599•Eat疫情下的食肆怕多人辛苦排得嚟又唔好食食外賣食到悶想岀去搵食又驚唔衛生·我哋599•Eat幫到你無論大鋪小店我哋都會盡試盡講

係呀冇錯，又係因為梁祖堯介紹我先至對呢間舖有認識而過嚟食😂😂😂如果閒日晏晝嘅話好似係$50可以揀到三餸嘅素菜，都幾抵食，但因為當日我係公眾假期去所以午市都只係可以散叫。🥒餐前小食-涼拌黑木耳青瓜-Hkd0坐低等朋友開完茶，先上咗個小食份量都唔少，而且味道都幾清淡可以幫你開一開胃先！🐟鹹魚雞粒炒飯-Hkd88因為係素菜嘅關係我本身覺得鹹魚雞粒炒飯都只係素雞粒炒飯，但係點知佢真係可以做到鹹魚嘅口感同嗰種味道完全令我驚艷，炒飯好有鑊氣份量都大概有五碗左右，出色出色！🥬啫啫秋葵煲-Hkd88秋葵炒得好入味，佢配咗啲麵豉醬冬菇紅蘿蔔粒去炒，上枱熱辣辣，但食到底嗰醬都幾鹹，不過如果撈白飯就會好好多。🥛椒鹽豆腐粒-Hkd78呢度送我反而覺得平平無奇，椒鹽份量可以再多少少。🍫金沙素鴨-Hkd78呢個係我都幾滿心期待嘅心，因為我以為金沙係指鹹蛋黃腐皮卷，點知原來我冇睇到英文係講緊金沙等於Ginger😨，佢係腐皮卷中間夾雜咗好多姜蓉，我指既好多係真係好多，雖然唔係好辣但係薑味真係好重而且都幾油，只可以倒走一半姜蓉去食。黃金雪絲-Hkd78呢度餸前前後後應該等咗大概35分鐘，但係出奇地好食，味道似台灣嘅鹽酥

今日食評有✍🏻麗姐廚房試食指數⭐️⭐️⭐⭐️⭐店舖衛生⭐️⭐️⭐️⭐️侍應態度⭐️⭐️⭐️⭐((每項5⭐️為滿分)) · 餐廳碟頭幾大份我哋二手不敢叫太多今次點咗1️⃣雜菇燉湯⭐️⭐️⭐️⭐️⭐/5以38/盅嘅價錢嚟講係物超所值燉湯清甜雜菇足料2️⃣沙嗲雜菜煲⭐️⭐️⭐️⭐/5呢個就最好好好味多菜多汁用嚟送飯會更好3️⃣紅燒豆腐⭐️⭐️⭐️⭐/5豆腐嗰心係熱㗎！咁講一啲都唔出奇因為好多時候紅燒豆腐外熱內暖所以食到熱辣辣嘅豆腐真係覺得係極品👍🏻4️⃣炒米粉⭐️⭐️⭐️⭐/5抽得好入味但係一啲都唔乾身所有配料撈得好均勻好好味😋·店舖屬於比較舊式嘅裝修所有員工都有返咁上下年紀但動作同埋招呼好快手我就幾鍾意貼地嘅食肆·599•Eat疫情下的食肆怕多人辛苦排得嚟又唔好食食外賣食到悶想岀去搵食又驚唔衛生·我哋599•Eat幫到你無論大鋪小店我哋都會盡試盡講