麗姐廚房

營業中

休息中

多次幫襯而又可保持質素之素食餐廳！炒米粉非常爽身沒有油淋淋和濕身！好好味😋每次必點之芋頭枝竹煲也非常入味送白飯之選和蜜汁叉燒皮有少少脆內香甜可口！煎蓮藕餅大大件。今次第一點了燉湯，清甜順喉👍🏻相對炸雲呑就普普通通了！有少少油同淋個汁較為稀身了！

其實都係睇介紹先去試下，但都無失望，份量好多，如果2人去嗌1個飯或麵就夠，因為如果唔係就食唔到其他野。但有一樣叫牛乳菜粥就覺得幾特別，羅漢齋麵已經好少會用炸嘅，甜品糕點就一定要試，唔會好甜。可能星期日嘅關係，又疫情，唔係太多人，枱與枱之間又唔會太近所以坐得好舒服，環境近窗嘅枱好多綠色植物好舒緩嘅感覺。

武漢肺炎爆完又爆，已經搞咗年幾，真係人都癲。。。。 搞到個個人都有d心理唔平衡 咁啱之前睇到有一集空肚講宵夜， 見個芝麻糕好吸引，但係佢又冇講邊間買， 搞到我個心囉囉攣。。。。。 好彩，阿祖最後響fb有講係麗姐， 咁就即刻約friend一齊試吓~ 一入到去， 間鋪都幾大間， d位都好闊落，坐得好舒服， 周圍又貼咗好多字句，有時望住， 就算唔知點解都好，你個心都會平靜d~ 唔知係咪因為咁， d waiter哥哥姐姐都好好笑容，好好禮貌，一d都唔燥， 又唔急，感覺好舒服我地見個餐牌有好多嘢都想食，但係唔俾自己叫咁多，因為我要食芝麻糕. 咁我地就叫咗雙併餃，有4隻流心餃同4 隻梅菜餃。 叫咗個黃花魚配五柳汁，加多個台灣炒米~ d嘢食好快就嚟到~ 好肚餓呀~個梅菜餃都幾好食，我第一次食呢d餃， 覺得好特別。 個流心餃仲特別， 真係必試呀！ 佢係d番茄薯仔同蛋， 好多餸咁， 真係又特別又好食~ 跟住個黃花魚都炸得好香， 配埋d五柳汁咁，酸酸甜甜，食到唔停得口~ 佢個炒米粉都唔錯， 係我最鍾意食嘅幼米粉。 又唔油， 好好食~ 食完之後，緊係要叫我地今次嚟嘅主菜啦~~ 芝麻糕！！！！ 真係冇留

哩餐就帶大家睇下咩係熱氣！
我地叫齊晒啲野食先發覺....咩都係炸
唔怪得個人愈嚟愈大件啦😉
冇錯，又同大家回帶！係之前食嘅麗姐廚房呀喂🤩
.
🧆燒汁脆鱔 （$88）
其實佢就係冬菇切片之後炸
但個燒汁真係好鬼咸～～就咁食唔得
一定要撈飯😂
.
🥫糖醋咕嚕（$88）
係唔錯嘅！所以擺佢打頭陣！
又係撈飯必備～個酸甜都令到平衡
但係佢又係菇 猴頭菇呀喂🥸
.
🫓香煎蓮藕餅（$78）
哩個好食呀呀呀呀呀
例牌冬菇、蘿蔔、粒粒蓮藕😂
但得6舊每人兩舊就食晒🥲
好唔夠喉呀🥲🥲
.
🥑黑松露牛油果炒飯（$128）
裏面配料唔多，得翠肉瓜、蘿蔔、蛋
味道不過不失，但食唔到牛油果 頗失望🥺
不過出面食飯有黑松露嘅食物就升價十倍LOL
.
🥬薑茸菜心 （$58）
發覺食得太熱氣 有啲內疚😂
食啲菜balance返～ 58蚊係加配～
所以得幾款簡！
.📍 麗姐廚房
灣仔譚臣道105-111號豪富商業大廈二樓A-D室Room A-D, 2/F, Harvard House, 105-111 Thomson Road, Wan Chai
G/F, 109 Jervois Street, Sheung Wan

：【黃店推介 - 🎗平價良心齋舖 - 麗姐廚房@灣仔】🐷🐷🐷🐷💭經濟唔好, 返工食lunch想食平啲又健康啲, 不坊嚟呢度試下, 地方夠大, 堂食都安心! 而且重點係, 6選3 素菜, 白飯同湯都任飲任食, 都係$50!! 好平呀!🐷🐷🐷🐷💬 6選3 素菜 +白飯+湯 $50當日去到叫兩個餐就可以食晒6樣野, 咖哩薯仔雖然冇肉, 但咖哩汁好岩送飯, 而最鍾意嘅就係椒鹽蓮藕片, 炸到脆卜卜又重口味, 正! 而肉片炒椰菜花個肉片都好特別, 真係好似食緊肉咁! 上班族除左博殺, 都要注意飲食, 不坊跟我地嚟呢間小店, 慳下荷包之餘又清下腸胃, 洗滌一下心靈再努力過!!

今日同娘親大人去麗姐食晏當團年。叫咗怡香茄子煲、芋頭魚同埋麻婆豆腐。三樣都好好味，去親都叫，仲要成碗糙米飯都爬哂...麻婆豆腐有麻辣味，不過記得講辣度，我只能受到小辣，結果有一次唔記得講要幾辣，結果不停飲水但又好好食....茄子夠淋，送飯一流！芋頭係娘親最愛之一，不過我唔鍾意食粉野嘅人都覺得唔錯。中午時間有6選3套餐，湯任飲白飯任裝👉🏻抵食！不過我鍾意自己叫餸，因為上面有兩樣係去親都叫，套餐未必有。灣仔區嘅齋舖我差唔多食過哂，麗姐廚房係頭二之爭。如果你都係齋人又咁啱係灣仔出末，記得去試吓。

灣仔區樓上💛店素食之選⭐雖然店內裝修吾係好悠雅，但地方幾寬敞，枱之枱之間有足夠的空間，可以食得好安心!今次要了一個小菜，素咕嚕肉，食物買相已經好吸引!而且味道竟然非常好，而且份量又好足夠!有驚喜，會再幫襯

今日第一次食麗姐廚房，可以預先book 位 同埋係whatsapp先落單點小菜。我地叫左下面6款菜：流沙餃 4/5斑蘭飽 3.5/5糖醋咕嚕 5/5 （推介⭐️食落一絲絲幾似真肉）黑松露牛油果炒飯 4.5/5芝心素鴨 3.5/5芋頭魚 3/5臨走見到好多人食三餸飯，好似都幾吸引同抵食，下次黎再試下！另外一提，有個男仔服務態度超級好，斟茶倒瀉少少水佢都有留意到，即刻用毛巾幫我哋抹，好有禮貌，係令我想食食評既原因！叔叔傳菜又好好人，提醒我地小心碟熱，so nice!

平時講開素食，會諗起d無味，唔好食既餐，今日貪得意黎到灣仔區既麗姐廚房，令我有驚喜❗️❗️❗️日日唔同六款餸，六選三，跟住仲有足料靚湯同白飯任裝，大食細食都岩曬，唔怕曬野好豐富❗️❗️❗️椒鹽素魚塊，好食，食落有d似肉既素感，真係整得好好，好香好脆👍🏻👍🏻👍🏻醬燒茄子🍆，茄子好冧，醬油味香，又唔會太肥，好食👍🏻👍🏻豆角蒸蛋，豆角多又香，蛋又蒸得岩岩好，唔會太老👍🏻👍🏻👍🏻整體高質，好食

第一次來麗姐廚房，價錢不貴，小菜款式很多，叫了一個雪耳羹88蚊，超大份，4人食都一定食唔哂，咕嚕肉及上湯西蘭花也很好吃！ 埋野每人144，食到好飽，有機會黎灣仔會再黎食麗姐手勢！

前一天打去訂坐，waiter冇要求留電話就掛了線。今日上到去，另一waitress發現booking攪錯了，禮貌地表示歉意，欣然接受。加上，原來不是叫小菜(選快餐)是自助形式的。😂$50三個餸！在灣仔區簡直係奇蹟！🤩仲有包一碗飯加例湯，完全係夠飽的。齋菜質素不錯，好愛那炸蓮藕。❤️唯一有待改善，是坐位嘅安排。餐廳的六人枱，竟要求兩pair唔識嘅人連坐。👇🏻OOXOOX而不是用中間枱來分隔。👇🏻OXOOXO希望餐廳會改進此安排。🙏🏻🙏🏻

朋友話想食清淡啲，所以試咗依間素食。雜菜煲味道香濃，炒米粉望落去普通但食落好香口，而羅漢齋炒麵香脆可口，齋咕嚕肉則酸甜開胃。對於素食餐廳嚟講依間算平價低食👍🏻👍🏻

聞名以久的麗姐廚房，一直都沒甚麼機會上去試，昨天早上在銅鑼灣飲完咖啡，想不到吃甚麼就忽然醒起可以行過去試下。一上到去見到勁！多！人！午餐時間簡直坐無虛設，排隊取餐排了好一陣子，還差點找不到位坐，有沒有這麼誇張？食完行返去灣仔地鐵站先發現原來勁近，一出站行兩分鐘就到，交通非常方便！餐廳在某商廈的二樓，樓下沒有明顯大招牌，找的時候看地址比較容易搵到。大堂等升降機上去要排隊，行樓梯比較快啊。樓梯一出就見到啦，進去發現餐廳比我想像中大間。但係！成間都係人！坐到密密麻麻滿晒座！我諗真係好受附近長期素食者歡迎，上班族應該也會很喜歡這裡的價格，方便快捷健康美味兼備，真係一個好去處。餐廳沒有人帶位，自己搵位坐，有空位可以隨意搭檯。進門可以先去櫃檯點餐付款，每天有六款素食小菜，可以自己揀三款，均一價 HK$50/位，附白飯和例湯。白飯和湯不夠吃可以添，另外也有水飲。點餐其實用號碼就OK，拿著小單去排隊，左右人龍排堂食，右邊人龍排外賣。廚房好幾個人在工作，手腳都算快，不過條人龍真係幾長所以都要等少少。 HK$50我見姨姨裝小菜都幾闊綽，唔會淨係夾兩條菜咁，所以係一定食得飽！我覺得餐牌上面六款小菜都幾吸引架

因為有朋友是素食者，所以就帶咗我去試吓，價錢大眾化兼且大大碟，叫了一碟糖醋咕嚕，係用猴頭菇當肉，炸得外脆內軟真係好似咕嚕肉，竹笙素翅羹材料豐富，牛油果吞拿魚卷亦都食唔出係齋嘅，依家啲素菜款式選擇真係很多

麗姐廚房可以話係小妹既飯堂staff又好nice 出菜既速度又好快餸仲多過啲飯 香港地可以去邊度搵呀優質平靚正之選 清清地又好味$50有三份素菜 （仲要六選三）白飯任裝 仲要牛蒡湯任飲♡ 白豆角炒肉片♡ 肉鬆水蛋♡ 南乳齊好味仔 特別係肉鬆水蛋 肉鬆同水蛋本身都夾到飛起 再加啲甜豉油 水蛋又好滑 餸飯一流☺️南乳齋比起平時食既較為淡味左少少 但都好食既 白豆角就冇咩特別不過量好多😂牛蒡湯入面仲有粟米同蘿蔔好好飲好清甜！♡ 欖菜豆腐♡ 南乳齋♡ 椒鹽雞髀🍗呢個係第二日黎食！終於食到椒鹽雞脾～原來所指既椒鹽雞脾係用腐皮包住一層層而整出黎都幾好食 不過小店都係一貫佢既作風唔會太重口味 不過我都幾喜歡😘