麗新美食坊

營業中

休息中

11月24號 星期日早上8:00入到元朗 。打算在元朗搵地道茶餐廳食早餐 行到教育路見到麗新美食坊，門面和裝修都吸引我 ，決定試一試 ，推門而進 ，店員親切笑容帶領我座4人卡座 。一個人獨享，真喺難得 ，看看餐牌 ，點了一個五香肉丁意粉，腸仔荷包蛋一片牛油麵包 。加一杯凍檸茶少甜（唯一失望沒冇按我要求小甜），意粉軟淋是我最喜歡口感 。五香肉丁都有4至5舊 。湯底適中 ，不會太濃也不會太淡 ，腸仔煎香帶點小小燶邊 ，非常可口 ，荷包蛋半熟狀態蛋汁沿着蛋白流下 ，享用時蛋汁混和蛋白充斥整個口腔 。很美味牛油麵包正常味道 。整個早餐體驗都非常滿意👍

10月22日中午，天氣清爽，同家人去元朗食午餐。一間冇招牌既茶餐廳。內裡以紅色為主，播着80-00年，熟悉的中文歌和日文歌。從店內員工和客人對答，又熱誠，又親切，很街坊感。我又多一個舒適環境既食店。常餐 。厚多士+ 奄列 厚多士，不错。。香腸，沙爹牛肉出前一丁麵香腸，用上優質的，我和家人喜歡。牛肉雖然只有3，4片，有肉味。沙爹，正常一般的。午餐。羅宋湯一碗暖暖既雜菜湯，非常開胃。。芥蘭味臘味炒飯用匙輕鏟起小山丘既炒飯，微微薑汁米，芥蘭香，酒香，濃香臘腸臘肉味，飯粒炒得乾爽，滿滿秋意的一碟飯。。奶茶味道，正常，比一般茶記好少少。

23/6星期五，十點幾，專登同老公去食早餐，叫左個通粉，食左一兩啖發現入面有隻蟻🐜嘅浮屍，就叫左個員工黎(著黑色T頭髮扎住髻仔個個)比佢睇，佢開口第一句係「咁你想轉啲咩？」，聽到一頭霧水心諗你講乜，就同佢講「入面有隻蟻啊」，然後佢話「我知，咁你想轉乜野？想轉其他定要返通粉？」哇…啲服務好到呢😑😑一句「唔好意思」都無都算，最基本講句完整句子「咁我地幫你換個碗，你想要返通粉定轉其他」都有困難？講真，啲野食唔係特別好食，連啲服務都咁差勁就真係好難令人會想再去幫襯囉，已blacklist。

餐廳的炸雞髀薯條真是太好吃了！炸得金黃酥脆的雞髀肉外皮，裹上了香氣四溢的麵粉醬汁，一口下去就能感受到肉質的鮮嫩和口感的層次感。搭配著一旁的薯條，炸得剛好酥脆，入口即化，也不會太過油膩，讓人一吃再吃的感覺。整體而言，這道菜的份量十足，味道濃郁，值得推薦給大家來品嘗。此外，這家餐廳的炸雞髀薯條的調味非常恰到好處，不會太鹹或太甜，而是恰到好處的味道，讓人吃得非常舒服。此外，餐廳的烹飪技術也十分精湛，每份炸雞髀薯條都炸得非常均勻，且保留了食材的原汁原味，讓人吃起來非常有食欲。最後值得一提的是，餐廳的服務也非常周到，讓人在用餐過程中感到非常舒適。總的來說，這道炸雞髀薯條是我在這家餐廳中的最愛之一，推薦給所有喜歡美食的朋友們。8/10， $38 抵食到

有一日想食面包做早餐，男朋友仔媽咪介紹我去麗新既椰香多士，堅好食呀！好香，中間有少少砂糖，好好味。但價錢有啲貴，好似30蚊。餐廳老闆做埋水吧，態度好好。有意見可以直接同佢反映🤣

香港地最無得輸嘅食物絕對係 #菠蘿油 配 #絲襪奶茶呢個菠蘿油係焗熱不是微波爐返叮✔️所以好香外脆內軟菠蘿油最重要嘅係溫度✔️熱熱嘅包 配上因為包嘅熱力 而 ✔️硬中帶軟 但卻仍然凍凍嘅鮮油大口由菠蘿皮連鮮油咬下食完一口菠蘿油 再呷一口絲襪奶茶口中茶味 混著 菠蘿皮味 混著 鮮油那份回甘✔️就是香港人的味道

吉列豬扒薄到嚇過部iPhone, 好乾爭爭，仲要收人$38 簡直搶錢。order杯凍啡d冰黎到已經溶哂，同佢講佢話 係咁架啦，無得換喎！侍應講野既態度勁差，好似得罪佢咁，無下次！

最鍾意炸雞髀薯條🍗A traditional tea set: Yummy & juicy 🍗 with fries 🍟 plus one cup of red bean ice in a traditional tea restaurant 👍🏻茶餐廳，我都係鍾意傳統啲嘅。▫️🔸炸雞髀配薯條 紅豆冰 $32$32有炸雞髀薯條，仲要係包埋一杯紅豆冰，真係好抵！雞髀好大隻，佔滿成隻碟，炸得啱啱好，皮脆肉嫩，幾juicy。▫️🔹美式珍寶大熱狗 $34又係大大份 好抵食！

無意中走到這間茶餐廳，以前都成日黎，好多時都要等位，今日午餐時間好好彩不用等。一坐下，就和朋友研究吃什麼，兩餸飯？會意粉？扒餐？大碗飯？太多選擇了。最後，我選了我最喜歡吃的窩蛋免治牛肉飯套餐，有飯，有湯，又有野飲，四十蚊有甘多樣野真係抵！過了一陣，先上羅宋湯，一大碗，不是太多菜，水比較多的，不濃湯。這個價錢不會有太大期望，味道有點辣，我不吃辣，所以飲唔曬，只吃曬D菜。飯來了！我叫少飯都甘大碗，勁！夠食兩餐！我最愛窩蛋，加上蕃茄免治牛肉，滑溜溜，好快吃了一半，飯不能吃太多，所以淨食汁和牛肉。這樣食就的確鹹了些，酸了些，不過伴飯吃就無問題了。有機會再來吃！

一般茶餐廳，不知為何平日較多人，這天卻沒甚麼食客，只嚐過這兒的豐盛早餐，今天試試午餐。客人可從餐牌中選兩餸，自設高級兩餸飯。咖哩斑腩飯沒甚麼特別出色的，咖哩輕微甜味，伴飯不俗，至少比安娜扒房的咖哩有誠意。斑腩早早炸定，之後才放進咖哩汁內，至少不會被咖哩汁浸到外皮林掉。每件斑腩的肉不太多，但件數不少仍然滿意。茶走算不錯，茶味算香濃，煉奶不太少，微甜美味。

呢間經常有人排隊但個人認為一般今次食下午茶豬扒包既豬扒醃得唔錯 個包係法包仲有叫左西多併珍寶腸同塭2份吞拿魚多士沙律兩份烘既程度不同，質素參差個人認為有生菜加係吞拿魚多士會更好杯好可愛，奶茶幾滑

麗新餐廳看來與麗聲冰室相同，而兩店只差兩個舖位、放出來的黑板字體相像、還有水吧叔叔好像兩邊走，猜想應是同一老闆。店員似乎不太喜歡我『長驅直進』收銀處下單叫外賣，因此我推斷平日外賣自取都是站在大門外，等待店員接待。點了個早餐五號：菠蘿油、豬扒火腿炒蛋、茶走，又遭指點點到門外等。菠蘿油與多士揀，絕不會點多士，因自家製、大家樂、大快活常吃的。這兒的菠蘿包，當然沒金華那麽大個，但還是香脆可口，皮薄鬆化，不錯，牛油不吝嗇，一片夾在包裏，當然香口。豬扒偏瘦而不是痴牙那種，明顯用了醃肉粉醃得軟林林，不用刀切都分得開那種扒。加入點早餐燒汁醬，味道挺好，但走醬其實更健康。炒蛋跟麥當勞或大快活的差不多，不算很滑，但份量至少有一隻，因附近餐廳如『佳記』的炒蛋不足一隻的。茶走好像茶味欠香濃，感覺那茶都較淡味，較薄弱。以附近早餐而言，大快活早餐內容簡單，都要$29。吃吃麗新更好，起碼不用吃多士那麽寡。

早餐我就會食佢個厚多士,平時我去做運動之前都會食,因為佢個朱古力醬好正同埋多士既份量好足, 烘得唔太過火 唔會黑哂咁 焦焦地咁。至於午餐, 我好鍾意呢間野既長通粉,因為佢同個白汁夾到好好,長通粉食落去唔太硬,之後佢果D洋蔥粒整得幾好,對於平時唔鍾意食洋蔥既人黎講應該係可以接受既 佢冇普遍洋蔥果隻味 處理得幾好。我都好鍾意佢個麥樂雞飯 因為呢個配搭係你想像唔到咁好食 佢個泰式醬好開胃。至於飲品方面, 我最鍾意入面既蘋果綠茶 佢係我食過咁多間餐廳之中 調果杯蘋果綠茶調得最好 

中學果時就已經好鍾意呢間野 到大個左再黎試下 仲係有果種既風味 我最記得呢個餐廳係佢個menu 老闆同杯野飲 點解咁講呢 係因為佢個menu既字狂草得黎好有特色 睇得出係人手寫既 好有心思 第二樣難忘既就係個老闆 佢對人好nice 做野爽快同滿面笑容 比人既能覺好好 而最黎就係我最鍾意入面既蘋果綠茶 佢係我食過咁多間餐廳之中 調果杯蘋果綠茶調得最好 其實佢既野食都唔差 但係比起上面既野 前三者會更令人難忘

時常經過這兒看見充滿紅色的舖子，一直都想進來試試。今天難得經過又看見，便進來試試。看清餐牌才知是一間西餐廳，在七點多內裏約有八成滿了。點了一個黑椒牛扒晚餐和一個雜扒，晚餐有湯、前菜（蛋沙律）、甜品和飲品。雜扒則跟飲品。先來的有沙律和湯，湯味道偏淡淡，像水多點。餐包則有翻熱，沙律是雜果表瓜和蛋，味道普通。再來的是老公的雜扒，賣相超差，像一堆一堆的糊亂放，沒甚麼心思放在賣相上。但味道也未見得有，真的旺角較他平一半的茶餐廳也好吃很多，在雜扒餐吃得七七八八時，違忘了的牛扒終於上枱了。嘩﹗賣相比起雜扒真的無得比，點解相差咁遠，靚咁多，好即刻開心噃，但一試味道，黑椒味過重遠全吃不到牛的味道，我想俾豬扒我都不太試得到。如果牛扒真的是靚嘢，就浪費了，但我想落得咁重手，都是些便宜貨。好食埋甜品，啫喱不是我杯茶，老公話居然甜品最好味。唔，我想這間餐廳，應有值得欣賞的地方，才可以有一定的人撐場，但不幸地我和老公叫的都不太合我們的口味。還是試試別的餐廳，而且試了這間後，我馬上明白點解咁多人幫襯安娜了。