麗香園冰室 (大窩口商場) (已結業)

放工和男朋友來到大窩口買點東西，順道吃個晚飯才回家，來到麗香園冰室。晚餐選擇很多，以QR code下單。我們點了2個套餐外加2個小菜。先來的是鹹蛋蓮藕蒸肉餅和煎封黃花魚配白飯。白飯成個小山咁高。肉餅的份量比想像中少，但味道不錯，入口有咸蛋香亦唔係滿口肥肉，好啱送飯。黃花魚煎得香脆，有賣相又大大一條，骨不算多，但肉仍滑嫩。菜心炒牛肉味道很好，雖然菜心有點老，但可接受，牛肉嫩滑。菠蘿咕嚕肉的份量都不少，咕嚕肉酸酸甜甜，炸得香口，肉不會全是炸粉。跟餐我們點了紅豆冰和蛋白杏仁茶，也很足料，尤其紅豆冰，大大粒紅豆好飽滿，男朋友很喜歡。我的杏仁茶也香濃。整體來說茶餐廳份量多，環境也算舒適，套餐也不貴，是方便之選。

今日入去大窩口搵朋友，晚上喺附近搵食，見到有間麗香園，地方又大又新，當然要入去試吓！主打懷舊港式食品，食物價錢便宜！朋友話好多時都會喺度叫兩餸飯外賣，外賣八折平均$100已經有個豐富二人餐！港式經典又點少得西多士，炸得金黃香脆！勁滑海南雞，黃油飯加上啖啖肉嘅海南雞，師傅已經將啲肥油全部去晒，做法細心，加上特製甜豉油和薑蓉，非常醒胃！經典港式鐵板牛扒配黑椒汁，厚切牛扒，在鐵板上慢慢煎熟，再淋上香濃嘅黑椒汁，夠晒經典！特別抵讚係薯菜，熱辣辣嘅即炸薯條，係另外上，唔會放埋喺鐵板度整到林晒👍懷舊紅豆冰，夏日炎炎消暑一流！西柚菠蘿冰，飲得又食得！喺入面選擇雖然唔多，但係餐廳都冇交行貨！

令我忍唔住第一次寫食評！今日8號波，好多食肆都無開，求其揀左麗香園。門口餐牌見2人餐$155，都ok所以試下。嗌左霸王雞（例牌）及XO醬蝦球炒西蘭花。剛落完餐我八掛睇單點餐牌，發現原來單點比套餐平，我就問樓面姐姐單點同套餐分量有冇唔同，佢話一樣，咁我同佢講可唔可以改返單點？佢話無問題。咁我即刻同經理講我想改單點，佢都好快幫我改。點知改完後漏單，過左20分鐘，眼見其他遲入的人都出晒餐，我就追單，再過10分鐘度都未有，再追先出。味道霸王雞淡而無味！XO醬蝦球炒西蘭花好咸，2個分量都少。成見事最唔合理係點解套餐比單點仲貴？老公話差幾蚊無所謂，人哋明碼實價，係你自己揀套餐！但在我角度唔係差幾蚊既問題，係原則問題。套餐一直比人印象係優惠d,所以吸引人！我特登睇晒所有單點價錢同套餐內容，單點菜貴過$63以上（+$15包湯、白飯、熱飲）套餐都無，即係成個套餐比單點貴$2-5蚊，就算揀套餐內最貴的2個餸，都係平$1！好大優惠🙄所以如果平時無留意餐牌，嗌套餐的客人，大部分都會貴$2-5！真係好唔合理，從未在其他餐廳見過有咁既情況。以後唔會再去，價錢唔合理、份量少、味道差！

口水雞不錯的下午茶成日見不少人來吃東西，今日就和家人2人來吃下午茶。干炒牛河，比心想細了點，炒得幾香，入面是熱的不太油，河粉都幾滑，味道剛好不太咸。口水雞飯的口水雞味道都幾辣幾惹味，雞肉幾嫩滑但不太入味，白飯都有一碗都幾飽肚，約$52再加飲品都正常。春卷咖哩角沙律以$23價錢都可以，不過2款炸物入面的材料真心比較少，比較好的是油炸完後不太油，沙律多點會更好，味道都不錯。因為叫了三個餐，飲品都加碼變成3杯，檸檬茶茶味偏少，檸檬有點苦一般。凍奶茶茶底偏弱不太甜都合格。另一杯熱杏霜味道比較淡但都不錯。

大窩口分店服務其差，晚上去幫襯嘅時候食物已經唔熱，湯只係微溫，都算，點知熱奶茶上枱嘅時候，好明顯係沖定放咗一段長嘅時間唔熱嘅，稱唔上係暖添，同侍應姐姐講更換一杯熱嘅俾我哋，經理叫侍應阿姐淨係攞咗去微波爐叮熱，仲話係我哋放得耐凍咗，我諗奶茶都係貴公司主打嘅食物之一，品質唔會控制咁差掛淨係叮熱俾客人？而且經理仲同我哋理論飲品係送嘅，請問貴公司嘅意思係指我哋冇俾錢食飯定係你哋所指嘅「送」係唔需要負責品質同質素？另外食物嘅數量都好參差，我哋叫嘅例牌砂礓雞，肉份量仲少過一隻雞髀，俾晒啲下欄雞皮我哋，同相片所展示嘅份量相差極遠。今次嘅光顧對貴公司極度失望。

今晚又來到大窩口的「麗香園」吃晚飯，因為這裏的菜式選擇多，質素也不錯，而且經濟實惠。餐廳的陳設簡潔開揚，更有戶外景觀，坐得比較舒適。這裏也是用流行的QR CODE 點餐，又可以自由配搭，非常方便。“京都肉排”，肉排肥瘦適中，新鮮即炸，口感特別好，配上新鮮菠蘿，酸甜醒胃，送飯一流。“鴛鴦扒飯”，豬扒和雞扒的配搭，兩塊扒都很大，還有青豆紅蘿蔔等配菜。“咖哩牛肉飯”，咖哩香而不辣，牛肉又腍軟可口，有牛肉味兼份量不少。“鐵板美式雜扒”，有西冷牛扒、豬扒、雞扒、煙肉和香腸等多種肉類。火熱的鐵板，在上面淋上黑椒汁時，啫啫作響，香氣四溢。還有老火湯附送和優惠熱飲，是一頓非常豐富的晚餐！

麗香園晚餐今天只得一個人吃飯，想不到吃其他東西，經過見到麗香園餐廳，就走入去坐下，餐廳地方不算大， 環境尚算清潔、新淨，枱櫈擺位都是一般茶餐廳格局，但卡位太窄讓人有些擠迫感。 望一望餐牌，最後揀了一個是日晚餐試下。今日的晚餐是牛扒、司華力腸配白飯，餐湯我要了一個羅宋湯和一杯餐飲奶茶。近來很多餐廳普遍都流行用自助點餐方式，這間亦不例外用手機進行點餐。晚餐來了見到牛扒都算大塊，不算厚薄薄的一塊，但有點奇怪的是司華力腸只得半邊，可能是因為成本的問題吧！其實都很少見將條腸會劏開一半上枱的;另外點餐時可以要求多飯和多汁等個人要求，尚算貼心;但白飯就不夠熱，羅宋湯就中規中矩，小小的一杯， 味道還算濃郁。今次的晚餐六十多元，價錢不算貴中規中矩，下次都會再來光顧。

由於我住附近行過成日見到，見到佢個裝修幾光猛同埋乾淨，之前入咗去幫襯試咗佢哋個霸王雞飯，都比想像之中唔錯，都幾夠辣味，不過果次都等得幾耐，可能因為佢哋係手機落單。

中午同同事去食飯，一點到兩點，排隊排咗5分鐘左右就有位，係卡位，手機掃描QR code落單，都坐得舒服，上菜都快，不過佢個羅宋湯就鹹咗啲，照燒雞扒飯如果有多啲菜咁就會健康啲，整體都好食嘅！另外朋友叫咗個咖喱牛脷同埋魚柳飯，我見佢嗰碟都大大碟，2大片牛脷+1大片魚柳，食咗佢少少魚柳，味道都OK！

次次打電話去外賣，都冇人接，所以舖頭入面成日都冇客打親電話去叫外賣都冇人理， whatsapp佢叫外賣都話好忙， 但係去到舖頭望下入面都冇乜客， 根本舖頭入面啲員工就係趕客， 入面啲員工， 根本 喺度等收工， 可能佢哋生意多得滯，唔想接太多單

真正嘅懷舊冰室依家買少見少反而新式冰室開到成行成市新式冰室一般都乾淨好多而且食物種類又多好多有啲冰室仲有主題添麗香園係新式冰室裝修用綠色做主調感覺醒神乾淨食物種類都算多元化媽咪鍾意食中餐，平時都係去酒樓俾我發現原來麗香園都好多小菜選擇就同佢試一試呢間冰室落單用QR code點餐方便，啱晒有選擇困難症嘅我，可以慢慢點唔使同侍應你眼望我眼入到網站見到食物分晒種類最開心係好多食物都係由朝早提供到夜晚10點最後點左：四川重慶口水雞（例牌）$58上枱個樣都幾靚、雞肉紮實有好多調味香料，食落都幾香清炒時蔬$50送到黎先知個時蔬係菜心望落個樣好翠綠都幾新鮮，食落爽口同埋應該落咗少少甜豉油炒食得出嗰種甜味係醬油味椒鹽豬扒$63（加$15有湯、白飯、飲品）每件豬扒都幾大塊、厚切，不過可以再入味少少上面加咗好多炸過嘅蒜蓉粒同洋蔥，都係好香魚香茄子魚柳煲$68（加$15有湯、白飯、飲品）茄子同魚柳送到上枱嘅時候個樣好完整因為有時出去食魚香茄子煲煲得稔得濟啲茄子會溶溶爛爛個煲入邊有埋炸魚柳，有啲新意！

之前係柴灣食過一次麗香園，記得質素唔錯，原來大窩口商場都有所以我地就決定試下地方好大好寬敞，坐得好舒適，下午茶時段人流唔多，食完重可以坐陣先走唔洗急有下午茶餐，亦有主餐牌選擇，用QR code 落單，方便快捷朋友話杯抹茶紅豆好好飲，紅豆夠淋，抹茶味夠香濃扒餐跟羅宋湯朋友點左個西冷配意粉，上枱聞到好香噴噴好有肉香味意粉份量夠多又夠味西冷扒可以自選要幾熟，朋友就揀左7成，肉質嫩滑口感夠淋，邊位帶點肥入口有油脂香炸雞脾配沙律不得了，完美演繹「皮脆肉嫩」另一個朋友揀左麗香園三文治非常豐富，醬汁美味還有西多士，有粒粒花生碎

去完朋友新屋housewarming，見到呢個屋邨商場翻新左，搵到呢間四四正正嘅茶餐廳，食埋dinner先～晚市有鐵板餐有小菜套餐，自己食或者一齊share食都得～可以用手機自己落單，好方便～我朋友叫左鐵板海陸空配意粉 跟埋羅宋湯同餐飲呢個鐵板餐有豬扒、魚柳同埋雞翼，朋友揀左蒜蓉汁，淋上去仲係滋滋餐，熱辣辣～碟意粉勁大碟，好在朋友大食，如果細食嘅可以叫少意粉～我就叫左晚餐E：鮮茄黃花魚配一碟菜心同例湯 $98出黎食野都想食正氣啲，呢條黃花魚好有住家飯嘅感覺，蕃茄帶甜味，魚好新鮮～好抵食嘅地方因為套餐配埋一大碟菜心同一大湯老火湯，仲有一碗白飯，想唔飽都難韭黃蝦球炒滑蛋 $63見好多人都叫左，心思思叫埋～蛋好滑，韭黃好嫩，好正～

大窩口分店只接堂食，WTS佢外賣5次吾覆，打去5次特登吾接電話，又吾係忙，員工態度好差！又冇人排隊，不如索性貼張紙糸門囗不接外賣！個收銀員剩係識得玩電話，睇住佢有電話打尼特登吾接電話 ，定系公司指引生意多得滯，不接外賣！！！

做義工來到大窩口的唐樓探望獨居長者，不經不覺都到晚飯時間，在附近的商場覓食，因為不想食快餐廳，便走進了對面的這間冰室位置（8/10）：大窩口商場一期地下進商場的扶手電梯直上就可以看到，相當顯眼，港鐵大窩口站B出口步行約7分鐘，不算特別方便環境（8/10）：冰室裝修明亮，座位舒適，空間亦大，大致感覺不錯，只是細節位如衛生方面略為不足服務（8/10）：餐廳採用掃碼下單，頗為方便，若不懂侍應同樣會主動幫忙下單，而入座後亦會提供開水，服務算是不錯食物（8/10）：餐廳提供不少茶餐廳食物選擇，其中小菜可用$15轉成套餐，有白飯、例湯及飲品，相當實惠由於工作過後太肚餓，加上看到鄰桌的小菜份量不算太大，便點了以下四款小菜，其中兩份轉為套餐韭黃蝦球炒滑蛋 $63蝦仁炒蛋配直是本人最愛，這裡的炒蛋奶味濃而且夠香滑，加入韭黃令炒蛋更香，而蝦球夠大隻亦算新鮮，口感不錯新鮮菠蘿咕嚕肉 $63菠蘿鮮甜，咕嚕肉炸得香脆，咕嚕酸汁味道適中，亦不會令咕嚕肉變腍，水準可以椒鹽豬扒 $63豬扒非常腍身，椒鹽味夠香但略嫌不夠入味，不過整體仍然可以，配飯亦夠味麻辣啫啫雞煲(少辣) $68啫啫雞煲有包括三色椒、大蔥、洋蔥及秀珍