麗香園冰室 (大窩口商場) (已結業)

傍晚不太肚餓，但又已經是用膳時間，走到位於大窩口商場的麗香園冰室，一來剛巧不用等位，二來餐飯選項多元化。入座後，侍應送來QR code，讓食客自行點餐。選項很多，應該能為每位食客帶來非常個人化的選擇。餐具井然有序放在抽屜中，十分方便。由於不算太肚餓，所以沒有吃飯，點了麗香園三文治。選擇了少油多烘，口感更加鬆脆。可能有些人會覺得這樣很乾爭爭，但只要符合個人喜好，何樂而不為呢。內裏用料很豐富，有午餐肉、煎蛋、生菜、蕃茄等等，營養亦見均衡。食材新鮮煮起，熱烘烘的質感一流。個人認為份量很適合當晚的需要，吃過一份，之後已經足夠飽肚。飲品是熱朱古力，少奶少甜，但又轉了煉奶，這個配搭喜出望外，煉奶令飲品口感更順滑，味道更香。甜度在我而言是恰到好處的哦。

餐廳裝修簡約明亮、 舒適 座位， 環境不錯， 價錢仲十分親民， 好抵食， 吸引不少街坊。炸髀配迷你西多士、港式奶茶 $36即叫即製的生炸雞脾，上枱時， 熱呼呼， 香噴噴 ， 脆卜卜雞皮下面的雞肉，油潤嫰滑，舔舔脷指數爆燈。西多士是邪惡的化身，把牛油、糖漿塗上新鮮熱燙燙的西多士， 看著牛油慢慢溶化及被吸收，令人垂涎， 啖啖香甜及充滿牛油香氣， 讓人樂在其中。港式奶茶 ，茶和奶的比例平均， 恰到好處， 茶香奶滑， 正是我喜歡地道港式奶茶風味。銀芽肉絲炒麵金字塔配檸水$62銀芽肉絲炒麵，俗稱廣東炒麵， 麵底與芡汁分開上 ， 所以麵底保持脆卜卜口感，金字塔高身造型的麵底，霸氣十足 ，芡汁好足料， 有爽脆銀芽、韭菜及肉絲等， 拌勻與脆脆麵一起吃，豐富而滋味，十分搭配 。鐵板美式什扒跟薯菜配中湯、燒汁$92美式雜扒十分豐富，有豬扒、牛扒、雞扒、 腸仔及煙肉 ， 肥美大件， 先將燒汁淋在鐵板上的雜扒 ， 即時發出吱吱聲， 仲香氣十足， 每款扒肉質鬆軟 ，充滿肉香味， 配上 香稠燒汁， 惹味指數提升， 跟配的熱燙燙薯條 ， 香脆可口 ， 沾上茄汁後， 令人食指大動。客家沙薑雞$58客家沙薑雞，入口嫩滑

下午兩點諗住落街在附近食午餐下午茶，通常會去紅X, 阿媽突然話食過一間都唔錯，喺大窩口商場上邊叫麗香園冰室海南雞飯套餐，真心唔錯雞肉嫩滑，加埋醬油薑油，再一口油飯，yummy 公司三文治公司三文治就梗係勁多料啦，餐肉厚到呢，烘底之後完全增加左成個口感層次生炸雞髀即食麵配火腿烚旦沙律雞髀應該係即叫即炸嘅，雞皮勁脆，雞肉仲保持到好Juicy, 火腿蛋沙律份量極度足夠最後仲要食返個西多士西多士中間夾咗一層花生醬，加埋牛油糖漿，今次肥死啦紅豆冰點少得叫番杯下午茶特飲紅豆冰，即刻諗返起細個阿媽帶我地去嗰啲細細間茶室

最近同個朋友去咗大窩口，無意中發現到原來大窩口都有一間咁好食😋嘅茶餐廳🍴碟碟都份份量十足，價錢又唔貴，真係益街坊！軟綿綿白飯魚香茄子肥牛煲，即叫即做，夠晒新鮮色澤金黃，食材豐富大大塊西冷牛扒鐵板餐仲可以揀意粉或飯。可以滿足唔同食客囗味鐵板餐仲有暑菜可以揀跟餐送西或中湯大大碗湯，羅宋湯非常之入味，飲完之後好開胃呢杯奶茶係出名之作，好受歡迎，有好多人都鐘意飲呢度嘅奶茶🧋份量都算多，可以share倆個人食

今晚到悅來坊買東西，順便在附近的大窩口商場吃晚飯，經過見到這家麗香園冰室好像不錯，就和太太來試試。餐牌選擇十分之多，有各種港式小菜、常餐等，亦有鐵板餐等，還有不同的出爐麵包。金磚風沙炸豆腐看似平凡的炸豆腐，一入口卻令人驚喜萬分，裹住豆腐的一層脆皮雖薄卻脆，鬆化香口，入口不油不膩，豆腐件件口感外脆內軟，恰到好處，椒鹽調味香辣，十分惹味。欖菜肉崧四季豆一上枱欖菜香氣撲鼻，四季豆炒得油而不膩，賣相亮麗，色香味質盡皆佳妙。羅宋湯跟餐的羅宋湯亦十分足料，酸爽味濃，味辛微辣，十分開胃。鐡板蘋果豬扒鐵板熱辣辣的上枱，帶骨豬扒份量驚人，一咬有豐腴肉汁及濃厚肉味，配以惹味的蒜蓉汁，加上煎烤過的切片蘋果，酸甜適度，和豬扒十分相襯。生炸雞脾即食麵配火腿烚蛋沙律大雞脾原隻生炸，所以外層表皮極度酥脆，而內裡仍然保持肉嫩多汁，味道咸香不膩，有大口吃肉的惹味滋味，配上即食麵以及大堆頭的沙律，十分抵食。無冰奶茶/蛋白杏仁茶無冰奶茶真材實料製作，能品嚐到香濃茶香及幼滑奶味，十分不錯，而杏仁茶杏香雋雅，蛋白綿軟如絮。

今晚八點去食晚飯，但已經很多食物已沽清，一個唔帶現金既人，係9點36分個收銀過黎話收銀機自動cut晒無現金既功能，即係只可俾現金，明知有客未走就叫人早啲埋單，但佢哋唔會咁做，連提款卡都無帶攪到呢咁hea，走去搵人借住錢去埋單先，而且未夠九點就開始用好重既滴露拖地，叫多飯無多飯，多汁無多汁，本身啲食物都唔係咁好味麻麻地一般，蒸肉餅，啲肉超肥同唔夠唔夠咬口，有時梅梅地，跟飯既配茶全部都係凍既暖都唔暖

呢晚到了大窩口麗香園與家人吃晚餐。點了鐵板西冷牛扒跟飯（黑椒汁）,鐵板海陸空跟薯菜（黑椒汁）,咸魚雞粒炒飯。飲品則有熱檸檬水，熱薑檸檬可樂。鐵板西冷牛扒：肉質不錯，juicy得嚟有牛味，而且脂肪油脂分佈平均，配合粟米，雜豆更加消膩，黑椒汁夠香夠惹味，而且另上方便自己鍾意食幾多就加幾多。鐵板海陸空跟薯菜：薯條份量都不少，還有西蘭花，粟米令整體冇咁油膩，海代表乃炸魚柳，魚肉香脆嫩口。空代表是雞全翼，醃得入味。地代表是豬扒，肉質夠淋，味道也不俗。黑椒汁夠香口配合鐵板燒簡直絕配。咸魚雞粒炒飯：份量大碟，炒出來夠乾身，雞肉入味，加上少許咸魚香，很香口。白灼娃娃菜: 鮮味配上清甜，更為美味。羅宋湯，老火湯都不錯。熱檸檬水: 正常。熱薑檸檬可樂：夠薑辣辣地更易入口，還有檸檬香，很清新。

下午回娘家探完老媽子，同老公在樓下大窩口商場醫完肚子才回家。鄰近是熊貓酒店搭車回家也十分方便。這商場真是大變天 ，裝修後進註了不同的店舖，在扶手電梯附近被”麗香園冰室”的裝修吸引著， 地方闊大坐得舒服 ~估不到這餐廳也有一些特色小食及小炒，看看餐牌被”茄蛋菠蘿包” 吸引了，麵包十分新鮮夠軟熟，菠蘿皮十分脆 連埋特厚滑蛋及新鮮蕃茄一起吃口感獨特, 減低邪惡感覺。吉列魚柳配沙律 ，勁大塊吉列魚柳，大過我塊面，魚柳肉質香滑外層很香脆；配埋沙律一起吃很美味，沙律很足料。咖哩牛腩非常香濃而且充滿椰汁香， 送飯一流。 薯仔經輕微炸後， 再放入咖哩， 所以外面香口內裏軟綿。 牛腩炆得非常軟淋， 入口不用多咬已經化開， 最喜歡牛筋的肥美非常甘香，是女仕補充骨膠原之選。雞是必食ITEM，我們叫了一隻口水雞。肉質似走地雞肉比較彈牙，雞皮薄而爽。醬汁好十分有四川風味，下次一定要再ENCORE。真係出乎意料，全部食物的水準都很高，岩曬我地香港人口味，而且價錢不貴合理，套餐有埋餐湯及餐飲，住在這裡的街坊真幸福呢。

港式冰室最吸引人既地方，就係可以一餐食晒中式西式既菜式，今晚就食左好豐富味蕾既一餐而且呢到係用qr code電子點餐，可以慢慢睇慢慢揀，送餐速度亦好快冰室必叫既一定係西多士，配上糖漿以及大大塊牛油，入面既花生醬好飽滿。鮮茄滑蛋牛肉泡飯，見到滿滿既蕃茄，牛肉軟滑，吸收晒蕃茄湯味道金磚風沙炸豆腐，非常高質，外皮炸到金黃色又香脆，惹味。而入面既豆腐仍然好滑，咬一啖就見到乳白色既豆腐，細滑而唔爛，師傅功架犀利西冷牛扒跟白飯，配以羅宋湯。羅宋湯微微辣，好足料。牛扒好大塊！厚身，切開見到嫩粉紅色，唔韌紅豆冰都係冰室招牌蛋白杏仁茶，杏香十足，蛋白有好多而且麻將既杯好特別完全係港式風味十足

今日同個fd 去左呢間餐廳食野，先唔講個環境有幾咁唔方便，就講個味道以經輸左，仲有餐牌睇到的菜式唔一定有得供應，攪到想食冇得食，有d想食既餸只供應二人套餐，唔可以一餸一飯比番相應價錢，睇住餐牌係無野想食，局住求其艾左個海南雞飯，就個飯以經唔想食，肥淋淋又硬，d雞又少得個幾舊，只有個湯同奶茶算係ok ，過得去咁啦，非必要唔會再幫親。

工作了一整天太辛苦，放工不太想煮飯，放工決定在家附近找找吃，食完早點回家休息。突然想吃小炒，見這新開的餐廳小菜款式選擇非常多，一於就決定試試吧！餐廳採用自動落單程式，可以減少人手而且方便快捷。韭王蝦球炒滑蛋滑蛋蛋味香濃，蝦球爽口彈牙，蝦肉鮮嫩，火喉炒得剛剛好。新鮮菠蘿咕嚕肉咕嚕肉入口有少少脆口，肉質鮮嫩可口，醬汁酸酸甜甜，送飯一流。四川重慶口水雞麻香味俱全，辣味不算太重，雞件不夠入味，但肉嫩鮮甜，都算不錯。XO 醬蝦球炒西蘭花加了XO醬炒，惹味香濃，西蘭花新鮮翠綠，蝦球爽彈有鮮味。白灼菜心菜心反而比較老，入口比較多渣，但都尚算鮮甜，味道不過不失。

今日到大窩口麗香園食晚飯，入到去先掃描安心出行再入座。可以用手機掃qr code去點單。點了新鮮菠蘿咕嚕肉，銀芽肉絲炒麵(金字塔),XO醬蝦球炒西蘭花，地道霸王雞(半隻)。新鮮菠蘿咕嚕肉：肉質不錯，菠蘿唔係平時罐頭菠蘿太甜味道。醬汁酸酸甜甜好開胃好味道。銀芽肉絲炒麵：好大碟，炸得夠香口又夠熱夠脆口。用醋配合肉絲同芽菜更加好味道。XO醬蝦球炒西蘭花:蝦份量都多，味道都唔錯。西蘭花夠清新好味道。地道霸王雞：䓤香口，霸王雞重點係個䓤仲要夠多。今次真係雞有雞味，肉質良好。

大窩口商場新開了「麗香園」餐廳，從過去幫趁的經驗，我對這個集團的食品質素很有信心，今天特別和家人來吃午餐。地方不錯，光亮整潔，有一排臨街的大窗，餐枱擺設寬敞，沒有壓迫感。我們坐下，看過餐牌，用QR CODE點餐。因為我找不到“自選二人小菜”套餐，要找店員幫忙，她也很樂意和耐心解說，服務態度值得稱讚。“自選二人小菜”包括二個小菜、例湯和飲品。“椒鹽豬扒”炸得香脆可口，而且很入味。“菠蘿咕嚕肉”,半肥瘦的豬肉，酸酸甜甜，非常醒胃。午市小菜都夠鑊氣，分量多。餐飲也不錯，咖啡香濃，更可自選多少奶。足料例湯有紅蘿蔔、木瓜、豬骨等。“咖哩牛腩飯”，牛腩炆得很腍，咖哩香辣惹味，送飯一流。吃得七七八八，覺得味道挺好的，臨走的時候，特別外賣了一個“鮮茄焗原塊厚切豬扒飯”回家。豬扒飯滿得頂蓋，盒有多大，豬扒便有多大，真是「抵食夾大件」，足二人份量。而且，飯底配上鮮茄、雞蛋和芝士，焗出香噴噴的味道。下次再來晚膳，試晚市菜式。

休息日朝早落大窩口買餸，返來想食埋早餐，平時去開紅茶，見商場開咗開咁懷舊名稱的麗香園，糾結咗一陣，終於選擇咗試新嘢，結果係失敗的决定。我係鋪頭外面見仲有一個卡位，於是行入去坐低，位置係最入，我一坐低就有服務員拎杯水擺低，然後行開做其他嘢。我睇咗下餐牌，想試下傳統的沙爹牛肉麵啦，於是拎住餐牌舉手fing 咗大約2-3分鐘，完全冇人搔我。此刻是早上大約八時半，不是很忙，服務員有幫其他客落單，遲過我入嚟嘅都招呼好落埋單，其間拎水俾我果位服務員有望到我摇餐牌并有眼神接觸，她當時幫其他客落緊單，咁我以為她陣間會行過嚟。點知我見她落完單就行咗去倒水杯、去抹台，做埋啲雜七雜八嘅嘢，反正都係冇人理我。其他人都係做自己嘢，企喺度，昂居居望住門口，行行企企，又唔係好忙，反正冇人理fing 緊餐牌左望右望求落單的我。晨早流流，唔想勞氣，於是我放低餐牌離場。我離場果陣，收銀又係昂居居企响度，樓面又係昂居居企响度。

一直覺得這餐廳員工態度好，坐得舒服，所以價錢唔算平，都會幫襯。食物一般，不過都有驚喜的菜式，例如咖喱魚柳飯、醬汁炒牛河。這兩星期多數去食早餐，昨日食早餐，見只寫了凍飲加3元，無寫轉麵要加錢之類。餐牌係有固定唔同組合（炒蛋、烚蛋、腸仔，餐包、多士），但係都想試下轉自己較想食。我：依個餐可以轉腸仔？員工A：要加2元我：（指住另一個餐）依個餐可以轉麵？員工A：要加3元我：（再指住另一個餐）蛋可以要烚蛋？員工A：睇下機可唔可以轉。（睇完）可以。今日我再去食，諗住可昨天的那個餐。我：依個轉烚蛋員工B：公司話依個餐唔轉得烚蛋我：我琴日先轉過員工B：公司話左依個餐的炒蛋可以轉大陽蛋、煎蛋，唔可以轉烚蛋我：（諗住食唔晒的話帶走烚蛋，因為有叫過細少少無蛋的餐）禁要依個餐員工B：特價餐餐蛋通？我：（心諗點解佢要講特價餐，睇睇餐牌，寫住優惠餐）是優惠呀其實餐蛋通加凍食34元係正常價錢，點樣特價呀？