麥典坊手感烘焙

營業中

休息中

剛才6點幾路過依間麵包店，裝修有點舊，但見是售賣台式的香港已經買少見少，所以懷舊下。買咗個綠茶紅豆卡門貝爾試下，即係 matcha green tea bread with red beans and camembert fillings。$30，大大個，很好味，有質感，有飽肚感。雖然紅豆不多，但整條麵包內裡鋪了厚厚 camembert 芝士，麵包和材料 mixed 埋真係好味。最初諗著食少少，點知邊行邊食，成條食晒😋😅

以手工精製用天然酵母來製造，標榜健康美味，啱晒我地！每日新鮮出爐，獨立包裝，方面衛生。店鋪仲有鳳梨酥，曲奇餅，蛋卷等...今次買了香草橄欖芝士，紅菜頭合桃及麻糬波波香草橄欖芝士麵包香軟，份量十足，超多芝士粒再加上橄欖，質感有咬口，完全唔係空氣包紅菜頭合桃大大個相當吸引，麵包入口感覺清淡，只靠合桃粒增添口感及味道麻糬波波麻糬波波分別有原味脆皮，朱古力及伯爵茶，原味脆皮外層薄脆，內裡煙韌，朱古力味重，有好多朱古力粒，味道唔太甜，伯爵茶最有特色，茶味香濃，性價比高

幫襯過幾次 小朋友鐘意食佢嘅朱古力包 於是打算買多幾包 我問橙色帽中年女店員 如果放雪櫃可保存幾耐 中年女店員晦氣回答2日 我話都係2日呀 咁我都係買一包了 唔知女店員係唔係以為我有咩不滿 而無端對我產生敵意 俾錢時中年女店員問我要唔要袋 我搖頭 無口頭回應佢 女店員一邊將膠袋放埋一邊 一邊口up up : 拾下拾下 我即刻啤實佢 佢行去一邊話: 望咩望, 之類嘅嘢 感覺極不良口 無論面色包幾好食 都唔值得受氣 更何況質素覺非無可取代 絶對唔住再幫襯

綠茶紅豆忌廉芝士包🍞  $35我平時真係好中意麵包，絕對係一個麵包控! 有日行街係天后經過見到呢間麵包鋪@@見到d包款式同奈雪之茶有d似，30幾蚊一個包相比起一般麵包店雖然唔平，但勝在個包真係大大個，好似個小枕頭咁大XD唔係賣空氣，呢個🍵綠茶紅豆忌廉芝士包餡料好足，差不多每一啖都食到忌廉芝士，呢個大小絕對可以2至3個人一齊SHARE食，同埋個包好鬆軟，綠茶味都足。另外，呢款包仲有藍莓/紅莓忌廉芝士味，如果中意食歐式軟包既你，可以一試喔!😋😋

鍾愛台灣麵包，因與香港人慣食的日本麵包不同，更多奶，更濃歐風，更重自然風。現不可去台灣，只能到此店。價格當然稍貴，但令人如罝身台灣麵包店。每個包都有膠袋包裝，客人用夾取包。店員接到錢後，用手液清潔。食了合桃包，奶味不重，健康有嚼勁。紅豆抹茶包則茶味太淡，豆太硬，不及日式包點。有鳳梨酥，可解思念台灣之苦。不喜酥皮太厚，餡料濕度不足。價格偏貴。

頭幾次買覺得幾好食，麵包幾足料，餡料都好多.所以覺得$25-30一個係可以接受.可能因為出名多人買，d包越來越偷工減料，d料一次比一次少，麵包質感偏乾，希望老闆睇到可以改善翻.

以前住附近，成日都會去買麵包，朝朝早餐都係食呢間嘅麵包，麵包好多選擇，食到唔同款嘅麵包做早餐，一起身，人都精神啲，心情都好啲，而家搬走咗，都會專登搭一個鐘頭車去買，一買就買幾個，抵返時間同車錢最鍾意食橄欖芝士包，好好食，好大個，好鬆軟，好多橄欖同芝士，食一個就夠飽，夾啲煙三文魚落去，帶返公司做午餐都夠哂飽，鳳梨酥都好好食，個皮似曲奇皮，好香，餡甜度適中，做得好好。希望小店可以一直維持水準，一直做落去

👣 麥典坊手感烘焙Wheatie Bakery 👣—🥖🍞🥖🍞🥖🍞🥖🍞🥖🍞🥖🍞🥖🍞🥖🍞呢間係天后的一間麵包小店佢哋喺炮台山都有分店我住咁近平時成日經過都冇真係入去🤣今日再次經過 決定要入去睇下有咩麵包😆跟住入邊啲口味都幾特別！仲發現咗👇🏻👇🏻👇🏻⭐️⭐️ #黑松露乳酪軟包🤩 HKD 35 ⭐️⭐️包體好軟熟黑松露乳酪餡料有啲似吞拿魚醬但其實都幾香黑松露味個人覺得幾新鮮幾特別！味道：🌕🌕🌕🌕🌑價錢：💰💰💰⭐️⭐️#亞麻籽合桃包 HKD 25 ⭐️⭐️賣相望落好似好單調但係我之前無意中食過一次之後係會想再食多次架入邊有好多亞麻籽燕麥同埋合桃粒麵包鬆軟之餘又有咬口所以今次就回購咗😋發覺有時賣相低調嘅麵包都可以好好食！只係你會唔會發掘到佢哋出嚟🤣🤣味道：🌕🌕🌕🌕🌑價錢：💰💰店主貼士💡他們的麵包都是當天手工製作😌在室溫下封口保存甜餡料的麵包🍞可以保存3️⃣天鹹餡料的麵包🍞可以保存2️⃣天

本身想買黑糖地瓜/紫薯包，但我太夜去到已經無曬因為我係earl grey控，所以揀左個睇落無藍莓乳酪呢d咁甜咁多餡既包試，就係唐寧伯爵鳳梨包$25伯爵茶味香濃，麵包軟硬度適中，但個菠蘿真係勁甜，而且拮喉嚨......如果我話個敗筆就係太多鳳梨會唔會俾人打架？但真係超級甜咯雖然平時唔想嘥嘢，盡量唔會食淨飯餸，但今次我真係盡左力架啦⋯⋯但就個包而言係好食既，回購度99%，已經有咁很甜既菠蘿都仲要加提子乾🤦🏻‍♀️，輕輕扣左扣左少少分。下次都係揀返d無咁多餡，或者咸包試！

麥典坊已經做到雪奈水準，唔使山長水遠買包。仲確保本地貨…經過好多次個第一次入去，由於每個包都獨立包裝加上去果陣已經係夜晚，所以已經無乜包香味（包迷一定知道入包鋪聞都係一個評分detector）有3款想試但早餐頂盡食到一個，而隔一晚夜已經最盡所以放棄百爵無花果同紫米栗子，揀咗紫薯麻吉真紫薯少糖，可惜麻吉不是麻薯般QQ 是比較軟的那一種，思想上有落差令我挑走曬麻吉先食。但麵包軟身程度好高分，買完我好似抵住磚豆腐咁唔敢用力，柔軟度直迫SZ雪奈。可惜第二朝焗返熱都唔香，不過我會再比機會試多次即日新鮮食，我明麵包隔夜食真係好扣分。

想試呢間店好耐，呢晚週六晚上大約六時半經過，於是入去買定第二日食。驚訝🙀發現取價$20-$35一個飽都可以賣晒咁，只剩下幾款，每款得一兩個。成個貨架好像打風前俾人搶劫一空咁！一場來到，點都買一個試下，我買左賣剩一個既「榴連乳酪」。my favourite durians 這店的bread 標榜當天制作，全都是在室溫封口。甜餡可保存3 days. 第二天早上拿來食：Bread 很厚實，不夠鬆軟，需要用多d 牙力！有點費勁榴連餡料不過不失，香氣是有的，但似香料多些。呢個價位，可以幫襯比較出名的店。實在唔太值得～ 打著「手感烘焙」既旗號，總有捧場者吧！

會賣上等價（價格比美法國麵包品牌價格）但係本地製作。好奇之下去買幾樣試試。回家用焗爐heat一下。好食。真心。亦感到用心製作。用料靚，麵粉好。係個牛油xx有點多左d牛油。其他如yogurt bread亦非常好味。以後，weekend有時間可以多個選擇！

收藏了這家店一段時間，網上評語亦不俗，今日經過銅鑼灣，終於有機伯特意過來麥典坊買麵包。點知相當失望，可能係期望過高，切開個包得超級少餡料，要成25蚊都幾唔抵食。如果價錢平啲下次肚餓都有機會再試，但太貴了，應該不會回購。

今天經過天后，見到這間麵包店，決定進去看看。選了海鹽芝麻包，一袋$20，收銀員一開始也收$20，收了錢又說是$25。我指牌子上的價格，他說和黑松露面包倒轉了。中午吃的時候才發現被騙，明明是海鹽芝麻。雖然味道很好，但沒有誠信的店，再好吃的東西，也沒有用。可惜了...我今天第一次幫襯，收銀員見我是生面孔，又趕時間，所以想沾沾小便宜，不難理解。但試想一下，他可能經常做這樣的事⋯⋯真為麵包店的老闆不值，也浪費了師傅的一番心血！

回購了無限次的麵包店🍞抹茶紅豆卡門貝爾。手感焙烘的麵包真的特別沉，完全和大型連鎖店的空氣感麵包截然不同😂😂😂。卡門貝爾芝士（Camembert）的味道和甜美的紅豆十分配合，抹茶味道不算濃，亦無損麵包的美味！可以看到一顆顆的茶葉，茶香不算濃郁，不在細細咀嚼之下會略感茶味，但金鑽鳳梨蜜餞則非常出彩，令人齒頰留香！。每次我都會把麵包放進焗爐中烘熱才吃，口感真的一流至極。。麥典坊在天后，距離我家千百丈之遠，但只要我一經過就會光顧。