麥當勞

營業中

休息中

真的是很喜欢麦当劳工作日早餐！21蚊有一个汉堡包和一杯现磨咖啡，活力开启一天💖✨猪柳蛋汉堡猪排和嫩滑的煎蛋搭配简直无敌～猪扒本身是咸咸的，煎蛋很滑，有时候还会有流心。包是干干韧韧的，有烘烤过，很咸香！

麥當勞新出粟米批，同老公都好想試下。於是買左兩個，出餐好快。入面d餡都算幾多下。似粟米濃湯寶feel。粟米都清甜。皮都夠脆，熱辣辣。食飽飯食一個當甜品都係唔錯之選

朗屏商場冇咩嘢食，見到一間麥當勞，就入去諗住充飢算啦叫完個豬柳蛋漢堡餐之後就搵位坐，對佢本身都冇咩期望，但估唔到啲薯條揸得比其他分店咁出色，個包又熱辣辣比其他分店出色好多，下次我有機會都係特登入去

本人可以話係麥炸雞嘅Fans, 每次麥當勞出新口味都會去試，今期麥當勞就出左孜然口味。一咬落去，简直驚為天人，鹹到呀媽都唔認得，好似食完會有腎病咁。如圖所見，嚿雞係兩節色，唔係燈光問題，而係佢真係兩節色得咁明顯，唔知係咪嗰個位落得重手左孜然粉。孜然味係夠嘅，辣辣地，味道就係返大陸食燒羊肉串落嘅孜然粉。肉質同原味冇分別，都算嫩的。薯條都頹頹地。唔知係咪間間分店都係咁，睇嚟試新味之前都係要試佢$10嘅試食價穩陣啲。

最愛蜜糖BBQ麥炸雞🍗最後麥當勞有優惠，但要先下載麥當勞的APP，麥當勞姨姨主動share佢的優惠碼，仲教我要下載同用，好好人。麥當勞真係趕時間的最佳選擇呀！

M記最大優點就係24小時營業平得黎又食得飽我最仲意食脆香雞翼、麥樂雞呢啲香口既小食有時做特價 $10 10件真係好抵食👍🏼有時唔夠飽都會叫個特價包食下🍔通常都係$10左右 窮人恩物🤣👍🏼

朗屏邨嘅麥當勞係二十四小時營業，居住於朗屏村嘅朋友凌晨時分，唔使專登走出元朗，或者淨係OK買嘢食。早幾日突然想食麥當勞，捉咗個friend去呢間老麥，原本諗住買個平餐，點知見到佢退出緊幾種新包，每一年新年麥當勞都會推出黑椒牛堡或者黑椒薯餅牛堡，每一年都會去支持下，但今次見到佢出多咗兩款（其實我唔知係咪之前出過🤣），其中一款就係黑椒薯餅雞堡，配搭扭扭薯條，所以都係忍唔住買咗呢個餐，開頭怕呢個包嘅組合唔好，但食落又幾match👍可惜麥當勞都係改善不到，落單快捷但等餐時間長呢個問題，自助落單雖然方便，但最後等嘅時間都係長！

有點失望，吃快餐就是想快及節省時間，以為一間位置嚮屋邨嘅麥當勞唔太多人，但我試過幾個時段去都等好耐好多人，呢間麥當勞已經有自助點餐機，點餐不需等待太久，但廚房好似有點吃不消，出餐位置會迫滿大量已落單嘅客人，繁忙時段試過等左十五分鐘！分分鐘去隔黎餐廳食用嘅時間都差唔多！最衰嘅係有幾次試過唔記得check，返到屋企先發覺俾錯嘢/俾漏嘢，雖然最後肯補發，但都麻煩浪費時間，仲好多時俾漏/俾錯醬汁或者其他調味料！所以見到多人同亂都唔入埋去

近排連登啲人係到講話有咩M記既食物係童年回憶。講起脆皮朱古力新地筒，以前細個都有試過，但唔知係咪太難整既關係，之後就冇出過。6蚊一杯比以前好似3定4蚊就貴啲既，係唧完個雪糕之後點落去一桶朱古力醬入面，好睇店員有冇技巧。佢朱古力醬幾秒可以變硬，但入口即溶。 佢雪糕仲可以揀雲呢拿、扭紋同朱古力，都幾flexible ah

🔹#D24榴槤麥旋風 $25/$40濃厚版只係想試下 揀左普通版 榴槤味都幾重雪糕就不嬲都偏甜 但配埋榴槤勉強接受到濃厚版係加多杯仔榴槤蓉比你 但我覺得唔加都夠-榴槤麥旋風由今日起快閃兩星期🤟🏻有時間試下啦-16號前都可以用wechat pay滿$25減$10呀！！-題外話 我去左3間麥當勞先買到😢有得揀記得去間小人d嘅買90sfoodieshare: 7.5/10

老麥係陪伴我一直長大的米飯大王一落街竟一定有老麥，方便又飽肚！朗屏商場經過翻新後，時常幫襯雖然特惠既價錢由我知道的20蚊升至23蚊！但依舊是窮人思物脆辣雞腿包既沙拉醬是滿滿的，平均起雞腿上，雞腿彷如吃著雞翼般咁有咬口，肉質又多薯條也不會再隨店員的心情而有多有少，真係裝到個薯條盒滿滿的！正巧薯條剛出爐，非常脆！唔會淋左！還好有老麥間在樓下

入 M記 飲杯飲品, 不作解釋 ....青蘋果梳打茶好似有點似曾相識的感覺, 是曾經推出過的吧 .... 杯底是青蘋果糖漿配搭梳打茶, 味道既清新又爽, 甜度一般, 與任何一款 M記 食品一同享受都 OK 的呢 ~本篇完 ~