麥當勞

營業中

休息中

本人可以話係麥炸雞嘅Fans, 每次麥當勞出新口味都會去試，今期麥當勞就出左孜然口味。一咬落去，简直驚為天人，鹹到呀媽都唔認得，好似食完會有腎病咁。如圖所見，嚿雞係兩節色，唔係燈光問題，而係佢真係兩節色得咁明顯，唔知係咪嗰個位落得重手左孜然粉。孜然味係夠嘅，辣辣地，味道就係返大陸食燒羊肉串落嘅孜然粉。肉質同原味冇分別，都算嫩的。薯條都頹頹地。唔知係咪間間分店都係咁，睇嚟試新味之前都係要試佢$10嘅試食價穩陣啲。