麥當勞

營業中

休息中

不過七姊妹道麥當勞，喺北角返工嘅都唔會對佢陌生。今次出咗呢個$36餐就嚟食吓。性價比的確唔錯。不過想食得飽嘅話其實而家嘅麥當勞都需要好貴，淨係一個餐我自己係食唔飽多數都要加過小食，所以最尾埋單都差唔多要成$60。所以話而家麥當勞其實一啲都唔平。今次叫咗雙層豬柳蛋漢堡。兩塊豬柳，口感十足。再加上熟蛋同芝士，唔會太油膩。漢堡包身鬆軟，但唔會太容易散開，每一啖都係結實而充實。薯條唔多講，不過呢一間都係睇運氣，裝得唔算多而一時一時唔熱嘅薯條。話呢間有啲位置會比冷氣吹住，所以有時都好凍。

我是用了49分鐘去買三個小食。店內有PayMe優惠，只在點餐機上邊一閃而過。所以我去問當值經理，究竟買滿$40之後，$5優惠是馬上扣還是下次回贈.。 May 經理表示應該是馬上省。但我付款之後，一直沒有扣除。再跟追時，另一服務員竟然說應該是下一次購買的時候才會扣。心裏不爽，要求要加購蘋果批退款$10 ，但服務員竟然說必須要全單退款，重新再點。服務員對Payme退款流程完全陌生，填寫資料錯誤，結果三個人搞了半小時發了兩次申請，然後我還要等一星期之後才會得到退款。然後再重新搞10分鐘去點餐為了可以用親子會的為卷。奉勸麥當勞給PayMe 的marketing, 寧願不給優惠，總好過諸多刁難，搞到用優惠好像求施捨。而且親子會我們是少要付錢入會才能夠享受優惠！

每年既1月1號 我都一定會簡麥當勞既早餐 😋因為佢地既早餐會全日供應 岩哂倒數玩得晏 訓到黃朝八晏既我 ✌🏻今年都唔例外 身為熱香餅迷既我就簡左最愛既珍寶早晨套餐 夠哂🈵️足🥞🍳🥯 而新推出既阿華田脆脆熱香餅正合我心意 香濃麥芽味配阿華田脆脆口感 甜甜地 味道都幾夾 小朋友應該會好鍾意❤️ 不過我就鍾意配番糖漿多d 🤣 薯餅就熱辣辣食好鬼正 其他食物就同平時一樣唔多講 如果麥當勞既早餐可以每日延遲到12:00就好 🤤

雖然麥當勞不時就會出唔同口味嘅雪糕，我都係鐘情於原味雲呢拿新地筒😂 真係由細食到大，當然味道質感都唔可以話非常出色，但係就係會令我周不時想食嘅😜整體嚟講都幾抵食㗎

雖然本人本命團係 @superjunior ，但離開咗香港嘅朋友仔係 #ARMY ，由於佢新落腳嘅地方無呢個餐，所以由本人代勞食咗佢！呢個 #TheBTSMeal 絕對係韓迷界大事，因為將會巡遊49個地區全球性推出，今日終於嚟到香港啦，包裝仲會用紫色，而紫色係BTS同ARMY有特別關係，事緣有一次成員V喺fans meeting上面見到ARMY喺應援棒套上紫色的塑膠帶，將整個演唱會會場用紫色來填滿後，然後佢話：「紫色是彩虹的最後一個顏色，代表著互相信任、長長久久的相愛」，之後仲出現「보라해」呢個詞語，即係「紫愛你」、「I purple you」。呢個套餐最特別係無論麥樂雞盒、汽水杯同個紙袋都印咗BTS Logo，極有誠意而袋邊仲有 #보라해 ，粉絲大愛！The BTS Meal💜雖然係麥樂雞餐，靈魂當然係麥樂雞醬：蒜辣蛋黃醬及韓式甜辣醬，都好有韓國風味，前者鹹香惹味，後者就酸酸甜甜，不過一樣咁好食。加$8可以要大大啖套餐ShakeShake薯條 可以揀蜜糖BBQ味或紫菜 海鹽鮮檸梳打好清爽，仲真係好好味，夏天飲一流，不過要溫提大家杯嘢飲無BTS Logo㗎！

這家麥當勞離地鐵站大約有5分鐘的路程，位於地舖，面積頗大，麥當勞裏面還有mccafe，座位很多。早上11點或之前提供早餐，我特地趕來吃早餐 ，因為我很喜歡吃麥當勞的早餐。排隊買早餐的人不少，我點了一份熱香餅餐，熱香餅餐有三片熱香餅，還有一塊薯餅和豬柳，附送一杯熱飲。我最喜歡吃熱香餅，因為入口非常鬆軟，配上鹹鹹的牛油和甜甜的蜜糖，鹹甜交集，味道十分好。另外我還很喜歡吃薯餅，原因是麥當勞的薯餅十分好吃，炸得又香又脆，吃一塊覺得很不夠。

平時食早餐都係喺麵包店是但買個包今日突然之間好肚餓所以就想食個麥當勞早餐七姊妹道呢間麥當勞已經有6部自動點餐機可以全程自動點餐同埋付款完全唔需要去櫃檯，購買時嘅時間相對縮短今日食嘅係火腿扒芝士漢堡配茶包奶茶因為冇加薯餅嘅關係所以只係$15，我覺得個價錢都幾合理購買完之後，就會出一張單給你單上面有取餐編號而取餐處的上面就有兩個黑色的屏幕顯示取餐號碼。而我今日可能沒有太多其他客人，購買到取餐都只係10分鐘內的事。

今日午餐想食邪惡既麥當勞，本身打算吃黃金脆薯牛堡，但牛堡賣晒，轉陣要黃金脆薯雞堡，配扭扭薯條再加$10 要脆香雞翼，飲熱朱古力。首先嘗試扭扭薯條，不夠熱亦好淋，份量又少，唔合格！❌至於雞堡，醬汁令包內的薯餅變得唔脆，而且感覺同$25超值餐既板燒雞腿飽無分別，只係多左塊薯餅同洋蔥粒。整體感覺有D失望。👎🏻唯一正常係脆香雞翼，呢款係邊間分店嗌都幾穩陣，因為配上泰式辣醬點都好食。都係等我既最愛玉子將軍漢堡凱旋回歸吧！

機緣巧合，結果還是試埋另一款「鋒味」-港式洋蔥吉列豬扒包。原本對呢款包好大期望，洋蔥豬扒包始終係好地地道港式風味，諗住唔會差得去邊，點知一咬下去以為自己攪錯咗食緊魚柳包⋯⋯可能是因為用同款醬汁吧，但是可能太多醬，塊吉列豬扒太濕變得完全不脆，洋蔥絲雖是炒過的但又唔覺香，豬扒肉質淋口感又唔似豬扒感覺怪怪的，中伏！避風塘炒蟹shake shake薯條只食到是咸味，不值一試。差過上次燒味味粉起碼有炭燒味吖。試晒兩款「鋒味」包都是失望而回，明星效應累人啊！

最近看完一輪電視廣告，少不免被吸引試下麥記x鋒味新產品～1.鋒味安格斯煎蛋肉醬包肉醬太少，煎蛋是正常煎蛋不是平時煙肉蛋漢堡嗰種厚蛋，安格斯牛比一般漢堡的有牛味，肉醬味不太突出。2.鋒味港式燒味風味shake shake薯條有陣炭烤味，不太討好，不喜歡3.鋒味橙汁雜飲記得以前舊式茶餐廳是有「橙雜」的，呢款應該係sell懷舊？都算有特色嘅。總括來說，即使有「鋒味」加持，以$47.5吃一個麥記漢堡包餐還是不化算，試完有點後悔！

下午開完會, 六點幾茶餐廳的下午茶時間完了, 揀左食麥當勞, 用支付寶可以有優惠, 於是點左近期廣告成日見堵的漬物蝦堡。過左放學時間, 攞食物唔洗等好耐, 點左熱檸茶, 蝦堡同粟米。藍白色的紙盒寫住"海老"滋味蝦堡, 感覺好日式! 個包涵料分三層, 有沙律醬配煎蛋, 蝦餅, 漬物。紅蘿蔔絲唔會太硬身同太酸, 蝦餅有蝦肉但唔似係真蝦, 反而厚身的煎蛋最好食; 醬汁, 涵料 和麵包都算夾。餐牌另外有菠蘿蝦堡和淨蝦堡選擇 **整體來說漬物蝦堡可以一試!

睇面書 promo 見到 "＄１１包類" 又多個選擇，佢就係呢個牛油果芝士炸雞包！唔記得幾耐之前推出過，只記得味道唔錯，今次再推梗係要捧場！柯打左等左一陣就有得食。咦，今次有d唔同，就係個包皮唔係 "足球型" 果種軟包，而係豬柳漢堡果隻乾身包！不過成個包都好 match，牛油果同炸雞好夾，仲加多塊芝士添，整體味道唔錯。話時話如果Ｄ牛油果醬可以再多Ｄ就好啦！牛油果輕怡健康，其實呢款包，可以作長期銷售，整埋套餐款式都得！

今天不用上班，一早找埋好友行山，行到去北角落，見M 記出左新野，所以決定係健康村食嗰悠閒早餐，試一試新野可能位置夠偏僻，所以早上9點都無咩人，很多位坐，我地揀了嗰梳化位，排排坐因為唔熟架步，只見有自助點菜機，不見counter，嗰counter 又唔起眼，我傻傻的問職員，職員態度友善，笑一笑，指著遠方一嗰細counter,來到counter，我又做傻事啦！將Line優惠劵撕左一半就用，幸好職員都知我懵懵懂懂，所以只話下次留意下啦！我地點左豬柳蛋套餐同新款式：豬柳炒蛋Bagel ，橙汁，因為有媽媽卡，所以多兩塊薯餅新款包Bagel口感硬得要命，炒蛋滑，不過蛋散哂，沙律醬加豬柳味道一般，對這新款包真的有點保留後記：都是食豬柳蛋漢堡好味些

講左好耐ge東京之夜，一直見佢賣廣告，但都未得閒去試，今日終於得閒去試喇！今次有時間，5洗買外賣返去食，直接堂食！不過有d野真係要堂食先好食！好似個薯條咁，我突然覺得麥當勞個薯條好食左好多，因為堂食ge話，佢仲有少少暖暖地，同埋脆脆地。之前都係頹食m記，所以都冇咩點追求佢d質素，難得今日有時間坐低慢慢食，先發覺原來麥當勞ge薯條都幾好食！今日個主角係呢個東京之夜！望落就幾厚下，好足料，同埋個包好黑😂但個包係完全估5到咁軟熟。再講個燒汁，好食過之前點jack果個燒烤汁，呢個甜d，搞到個汁下面果隻蛋仲好食過再下面果塊炸雞，咁炸雞都係普通炸雞，冇咩特別，但食到後期，真係有d滯。成個包不過不失，不過我覺得我未必會再食第二次。

晨早流流，人都未訓醒，返到公司仲要諗食咩好諗唔到食咩，就唯有食mcdonald's 啦食左咁多次mcdonald's ，始終都係熱香餅餐百食不厭。最最最重要係一杯奶茶但我真係戒唔到糖呀，嗚呀！奶茶唔加糖不如唔好飲😭**個人小癖好，中意將d糖漿淋落薯餅同漢堡扒度