麥當勞

營業中

休息中

當麥當勞作了特價套餐之後，都很少吃其他餐了，大多都是吃脆辣雞腿包、雙層芝士漢堡，平日經已很少再吃足三兩。儘管不是經常吃足三両漢堡，但是咬了一口，又覺得有點不對勁，沒理由這麼貴的一個漢堡，只有乾爭爭的牛肉和麵包，連芝士都沒有？我真的那麼脫節了嗎？ 於是去到櫃檯前面有名服務大使， 便問一問究竟足三両漢堡有沒有芝士。 過了不久那名短頭髮的服務大使，便立即拿了一個真正的足三両還給我。足三両的牛肉難免比舊時薄了，走了洋荵酸瓜後，只有牛肉及芝士，但至少熱熱的芝士，夾在漢堡與牛肉之間稍為融掉，也不至於乾哽那麽慘情。牛肉味道還是不錯的，肉汁豐富帶香，加入芝士更豐富了味道。 薯條有點兒像返炸的，不太新鮮，但至少溫度夠熱，未至於冷掉了。

新一年開始, 見電視不斷賣廣告全日都有早餐食, 又好耐無食過, 一於都幫趁下.下午3點都有好多人食, 好彩呢度都幾多位, 所以搵位坐唔難.撞啱SNOOPY大電影, 所以早餐個盒都令舍靚過人.要左珍寶早晨全餐, 仍舊早餐既料加多兩片熱香餅, 熱香餅唔係太熱.蛋夠大pat, 但有D散散碎碎, 味道一樣既, 加D鹽加D胡椒調下味. 另外豬柳咸度一樣.豬柳個包就仍舊一樣, 但唔太熱, 加埋果JAM最好味.一年一次食下唔錯, 成日食就略貴.

7-11-2015 (Sat)同男友執o左成日o野,到晚飯時間,男友話肚餓,於是買o野食,佢用o左$66.50買o左新出o既惹火夏威夷足三兩餐同瑞士芝味足三兩餐.打開睇,兩個麵包都唔同, 瑞士芝味足三兩用芝麻包男友先食惹火夏威夷足三兩,我先食瑞士芝味足三兩.呢個有蘑菇,亦見到件漢堡好乾,食落,芝士味唔多覺,而且好稀,件堡真係好乾,好唔掂.而惹火夏威夷足三兩呢?男友話冇料到,叫我放心食.好的.嗯,一啲都唔辣,重有菠蘿o係o度,但差唔多食到尾就食到辣,原來啲醬唔均勻,而個醬似食辣千島汁.其他o既唔使再講.

尋日(31-10-2015 Sat)等男友晏晝放工後會合一齊去沙田,佢先買個lunch,買o左$30.80o既菠蘿黑椒雞堡餐,同另買$7.00嘩鬼南瓜批.包裝以Halloween為題,打開菠蘿黑椒雞堡,見到有好多黑椒粒,好驚,男友一食話,食得辣都覺得辣,重驚;不過驚都要試,果然係辣,雞肉仍叫juicy;菠蘿談唔上甜,只係唔酸,中和唔到雞堡o既辣.而黃色o既醬汁呢?一來好少,一來唔知係咪黑椒味太勁,食唔到隻醬o既味,生菜就多.而嘩鬼南瓜批呢?切切實實係一個南瓜批,味道唔太出亦唔太甜,餡就夠爛.味道係2.67分

今日(12-9-2015 Sat)同男友去金都前食個晏,我想食麥當勞,於是落o黎.男友又要試新o野,就係$29.80o既惹味辣牛堡套餐,加$3.00飲青蘋果梳打茶,我要$10.00o既麥香雞,$9.80兩隻o既香烤雞翼,$7.00o既香蕉批同$5.00o既細雪碧.男友拎到o黎,話好cutie要影相,影完開動.男友打開佢o既惹味辣牛堡,見到有千島醬,我諗唔會好辣o掛?再反去另一面睇,見到有四塊牛肉,而我o既麥香雞呢?其實我已經唔記得有呢樣喇,呢個係落白沙律醬,食落,普普通通咁啦,冇乜特別.味道: 3分而男友o既惹味辣牛堡呢?男友話啲辣係慢慢滲出o黎,我試吓啦.嗯,係辣o架,不過唔係死辣亦唔係太辣,但牛肉味唔多覺.味道: 3.5分飲啖青蘋果梳打茶,青蘋果味有,但茶味冇乜,亦唔太甜.味道: 3分而辣牛堡套餐o既洋蔥薯寶呢?一盒五件細細件,食落,好油,味道….雖然加o左洋蔥同蔥,但我都係覺得普通薯餅好食好多.呢個我唔多欣賞.味道: 1.5分而香烤雞翼呢,個袋就大,裡面一隻係雞中翼,一隻係雞膇,唔大隻,食落,個皮脆,雞肉滑,亦都幾好味.味道:3.5 分最後到香蕉批,已經放涼o左,外皮仍脆,內裡o

今日(17-5-2015 Sun)同男友落麥當勞食晏,買o左個$28.80o既白漢堡套餐同$24.80o既精選早晨套餐,要多個$12.00o既黑芝麻新地黑白椰子批.買完後要即影後者同食,因為雲尼拿新地又好快熔.男友先食,佢大讚好味,咁我都食啦,黑白椰子批外面係朱古力,內裡椰子饀有啲椰子肉.椰子味道唔太濃亦唔太甜,比蘋果批好食.但其實佢朱古力批面都唔係咁重朱古力味.而黑芝麻新地o既黑芝麻漿味道一樣唔太濃同唔太甜亦唔杰,男友話好食過朱古力醬.之後到白漢堡包,麥當勞一直都冇話個包裡面有咩o野,肉眼睇見到有煙肉同一片唔知咩肉,揭開睇,古惑到將兩片長條形煙肉放o係包o既兩側,令人以為係一片大o既正方形煙肉. 我o地切開一半,睇睇,包o既最底有一pat醬,我試啲,係薯蓉,有少少辣.而中間o個境應該係麥香雞,食落,其實冇乜特別,個包身本身都冇乜味.而飲品裡面一杯係汽水外,另一杯係原味豆漿,杯豆漿唔太甜,有啲豆味.而其他o野食都正常冇問題.味道係3.38分,抵食係2.3分

今日(18-4-2015 Sat)同男友等到晏晝食lunch,食麥當勞o既菠蘿蝦堡啦.不過男友幾日前食過,話一般,菠蘿還菠蘿,蝦堡還蝦堡,又淡味,不如食冇菠蘿o既蝦堡.啊,冇菠蘿o既蝦堡我都食過,咁唔使喇.(上次食評: http://www.openrice.com/zh/hongkong/review/%E8%8D%83%E7%81%A3-%E9%BA%A5%E7%95%B6%E5%8B%9E/1952239?tc=sr2&con=rvwer, 而當年係叫做日式滋味蝦堡蝦堡)佢就話咁試菠蘿批啦,我就要$22.00o既雙層芝士漢堡餐,佢就要$26.00o既滋味蝦堡餐,轉shake shake薯條,加$2.50要紫菜粉,再加$7.00要菠蘿批.買完坐低食,我o既雙層芝士漢堡,薯條都正常冇問題啦,而男友o既蝦堡呢,呢次我食唔到千島醬乜滯,蝦堡一貫唔夠味.菠蘿批呢?冇乜特別,又唔係話好甜,菠蘿味唔太濃,一般.而今次薯條同菠蘿批都係金黃色,幾靚.味道同抵食係2.5分衛生:冇乜掃地,成地紙巾.

尋日(4-4-2015 Sat)朝起身後食咩好?求祈食麥當勞,食咩好?我要豬柳蛋漢堡,男友就去買.返o黎後見到佢買o左$31.80 o既蘑菇蛋煙肉早晨套餐,飲咖啡.我o既就係豬柳蛋漢堡同凍奶茶.男友o既蘑菇蛋煙肉早晨套餐,一睇就知煙肉係炸唔係煎.我試吓蘑菇蛋,蛋唔嫩滑,一般;煙肉又好彩未去到好硬.其他o野食都係咁啦,冇乜問題.而奶茶呢?我冇加糖漿飲都夠甜,茶味一貫的淡到近乎冇;男友o既咖啡一樣,都係飲到淡淡o既咖啡甘味,同樣唔落糖漿都得.今次味道分只計o野飲同蘑菇蛋煙肉,分數係1.5分.

8-3-2015(Sun)同男友早起去筲箕灣,要個速食早餐,男友就提議麥當勞,好啦.去到,我要豬柳蛋漢堡旱餐,加$1.00要紅豆豆漿,男友要$28.80o既珍寶套餐,要咖啡.男友買完返o黎,我打開我o既豬柳蛋漢堡,竟然冇蛋,係豬柳漢堡,睇睇張單,係$22.50o既豬柳漢堡早餐,問男友係咪買錯?佢答佢有講蛋,個女仔冇聽清楚.咁我照食豬柳漢堡啦,嘩!好鹹呀!原以為正正常常o既o野,但超鹹,鹹到我喉嚨都頂唔住,攪咩? 而其他珍寶套餐,咖啡同薯餅都正常唔使講喇,紅豆豆漿呢,打開睇,白色o既,唔係紅豆豆漿?俾錯o左?但張單係寫明加$1.00紅豆豆漿,唔通又俾錯?攪吓佢,啊,終於變淡粉紅色喇,飲吓先,紅豆味唔太濃亦唔太甜,係好飲o既. 今次味道分只計豬柳漢堡同紅豆豆漿.

前日(1-1-2015 Thur)晏晝,同男友由旺角返o黎,男友話要食晏=.=”,咁佢就o係o度買o野返我屋企食,佢買o左$40.00o既麥爆雞Dip Dip分享盒套餐同$6.00o既紅豆批.同其他套餐一樣,麥爆雞Dip Dip分享盒套餐中都有一杯汽水同中薯條,而呢個餐主要有炸雞中翼同雞膇舌一,麥樂雞四件同一啲炸雞粒,醬就有韓式辣醬,芝麻醬,日本芥辣同蜜糖芥辣,另俾一包泰式辣醬.我o地開餐,炸雞中翼同雞膇本身有啲辣,佢內裡都仍叫做滑同有汁,蘸啲醬食.日本芥辣比我想像中辣o左啲;芝麻醬味道好濃;蜜糖芥辣最好味o既醬;韓式辣醬味道同樣好濃,但原來一啲都唔辣.炸雞粒口感最唔食,因太厚粉.而紅豆批呢,印象中我係第一次食,內裡o既紅豆蓉滑,味道同紅豆雪條一樣咁濃,外皮脆口,呢個比蘋果批好食得多. 味道係3.44分

今日(15-11-2014 Sat)晏晝,男友要食晏,佢就買綠燈俠餐,有薯角同一個唔知咩包同一杯o野飲.睇吓個包,除o左牛肉漢堡外,竟然有薯餅同煙肉,但睇見件牛肉漢堡煎到黑晒,離譜 .而醬汁有黃芥辣同牛肉醬汁,食落,薯餅顯然唔脆,煙肉只有油淋淋,牛肉漢堡固然係乾,但牛肉味濃.而成個漢堡感覺都係乾, 牛肉醬汁味道同黃芥辣唔係好夾,好差.薯角本身就調o左味,呢啲o野就正常不過.最後杯熱飲,男友要o左熱奶茶,一飲,都係貫徹地冇乜茶味,落一包糖後分別唔大,一樣咁差.服務:男友落去買o野食都幾耐吓,返到o黎見佢原來係買麥當勞,但點解要咁耐?佢答得一個收銀serve. 味道係1.33分,抵食係1.5分

28-9-2014 (Sun)晏晝,男友o係麥當勞買o野食返o黎,佢買o左個足三兩餐,加錢要唧唧薯條同青蘋果梳打茶,呢兩樣o野o既賣點係,印有蝙蝠俠圖案同標誌o既盒同杯.男友先打開薯條,加上芝士醬同脆煙肉粒,但份量好少,食落,芝士味濃,脆煙肉粒夠脆,係夠惹味.而青蘋果梳打茶飲到青蘋果味,茶味就好似唔覺,不如就咁叫青蘋果梳打吧.至於足三兩,同以前一樣,冇乜分別,OK啦.4-10-2014 (Sat),同男友出九龍前食個晏早餐,全部由男友發版,佢今次唔係買餐,佢買o左一大一細汽,水,細薯條,六件麥樂雞,麥香雞同粟米.我先食薯條,今次正常冇問題;麥樂雞都冇問題;粟米甜甜o既,牛油一向唔多夠香濃;麥香雞,老實,我唔多記得有呢樣o野,打開o黎睇,乾爭爭,冇醬o既?原來啲沙律醬側埋一邊,但都只係好少.食落,雞件外面脆,雞肉冇麥樂雞咁o鞋,成個都覺得OK吧.而除o左汽水,所有食物都熱騰騰o既.味道係2.17分服務:好奇怪,呢間呢兩次男友幫趁,收銀都冇俾返張單,而係揸皺掉o左,我以為佢o地對個個客都係咁,但原來唔係,我見到隔離枱o既婆婆係有單o既.

31-8-2014 (Sun)晏晝同男友食o野,食咩o野?男友哮住我$40.00麥當勞禮劵,所以提議o黎食,好啦.o係我o地唔係好肚餓o既情況下,佢買o個$21.00o既6件麥樂雞餐,加$10.00要唔咩o野蘋果批新地.由於有雪糕,所以我o地要先食呢個,因為啲雪糕會被蘋果批o既熱力整熔,個蘋果批亦由麥當勞切開o左一半,其實講真,呢兩樣o野加埋o黎食係覺得有啲九唔搭八,只可以話咁買法會平啲.到今日(19-9-2014 Fri),因爸爸要為堂伯守夜,所以我就o黎買o野食,見到有$30.80o既脆香雞翼(4隻)套餐,問問收銀呢個會唔會好辣?佢答唔會好辣.OK咁我要呢個,可樂要少冰.買完返到屋企打開睇,薯條俾得算多,但茄汁都只係俾一包,真係一時唔講就只俾一包,但又俾包泰式辣醬,我寧願佢俾多包茄汁代替.先睇睇脆香雞翼,擺得好整齊,食吓先.呢個熱騰騰,外面炸粉脆口,內裡雞肉多汁同滑,而味道只係o係外皮o度,辣度係接近我開始頂唔住o既程度.而薯條呢,竟然係腍晒重有啲韌,好差呀!味道係2.67分, 抵食係2.4分

前日(27-7-2014 Sun)中午同男友買完餸後回家,佢話食要麥當勞新出o既香芋味麥旋風,睇睇價錢,淨買要$12.XX,買套餐加$8.00就有,同男友唔多肚餓,不如買個餐加佢share食,男友決定要$21.00o既雙屠芝士漢堡餐.我o地坐低後,先睇睇麥旋風,打開睇,顏色唔係咁靚,但嗅到好香芋頭味,上面都一樣有朱古力曲奇碎,乳雪糕又溶得好快,我o地先消滅呢個,乳雪糕一樣係咁滑,香芋味足,只係真係溶得太快,食到尾係好甜.而薯條呢?男友話熱騰騰,係炸起冇耐,今次睇,顏色炸得靚,冇過火,水準返o黎?而雙層芝士漢堡呢?個樣好靚,食落,好鹹,我覺得係芝士鹹,但男友話茄汁鹹,唔理喇,總之就係鹹過火.味道: 3.67分

依排天氣咁熱，諗住去麥當勞食翻杯雪糕降下溫點知我去到麥當勞見到都幾多人幫襯 就諗住買杯麥旋風食由於我有張買A送B既卡，所以就選左奶茶同麥旋風臨送單之前，我都講左我要多曲奇 之後杯雪糕黎到時，嘩！曲奇得好少咁不如我食新地或者新地筒仲要依個咁貴既價錢！！d收銀既服務又差我明明俾左24.5，應找返10蚊 ，點知佢竟然以為20蚊紙係10蚊紙下次俾張舊版綠色10蚊，唔該你當係50蚊