麥當勞

營業中

休息中

今日去左麥當勞食早餐，餐廳坐滿人，要搵位很難，我叫了一分早晨全餐，入面有2塊麵包，一塊蛋，一塊豬柳，薯餅同奶茶，雞蛋十分乾，不好吃，薯餅又不夠熱同脆，整體感覺都是一般般的，比其他麥當勞難吃

琴日7月27號係McGirddle 係香港第一日出現嘅日子網上有好多唔同嘅留言例如啲包唔夠熱、同日本嘅味道天淵之別、個包太甜。。。咁我自己都湊下熱鬧去試一試，到底係咪咁吸引？用Apps大概三個字到就已經可以攞而去到餐廳嘅時候攞已經準備就緒包身都尚算熱，見到有煙出嘅 味道上唔錯，亦都冇想像中咁甜之後可以再食🤣🤣🤣🤣真係似熱香餅夾住漢堡扒同雞蛋🤫🤫可惜自己未試過日本嘅版本，唔知有啲乜嘢分別😂😂

這一晚去完醫院探病，等了接近一小時小巴，終於到達觀塘凱匯小巴總站，已經是晚上9時多，適逢手機沒電，一心想著到此商場新開的麥當勞醫肚兼為手機充電，豈料走勻全店都沒有叉電設施，那只有回去老地方：翠屏邨的麥當勞。翠屏邨的麥當勞除了有所有分店（應該是，如果不是的話，請指正）都提供的免費不限時Wifi服務外，還有兩張檯旁邊設有免費手機充電服務，亦是廿四小時營業，這一晚我坐至凌晨差不多兩點，但目測入座率依然有50%之高。這晚到達時間已經是晚上10時左右，我用手機優惠，點了芝士安格斯漢堡，加大裝少冰的無糖可樂，加大裝扭扭薯條，加送食品方面，我選了4件麥樂雞配芥辣醬，另外加了一個紅豆麻糬批，一共$62.5，當然我自然亦選了近期用胡楓及羅蘭推廣的送餐服務。全份餐點很快便送到，驚覺現在的安格斯漢堡份量大幅收縮，印象中的安格斯漢堡最初出的時候，份量至少大四分一，如有記錯，請指正。扭扭薯條是我喜愛的味道，如果之前出的薯格亦是這味道，而且不是限時供應，而是長期供應就好了，可惜現在未有，不過希望在人間，希望不久將來，會有長期薯格供應。三款麥樂雞醬汁中，我對芥辣情有獨鍾，因為它是有甜而且不辣，更沒有一般芥辣的嗆喉或

天氣咁凍，最好當然係飲杯熱飲，一碗熱湯啦！呢個老麥嘅薯餅牛堡套餐，加個小龍蝦湯，唔知啱唔啱你？套餐包括「黃金脆薯牛堡」，增大裝扭扭薯條，熱檸檬茶。個名就寫得好鬼靚，黃金脆薯牛堡，但只不過係一塊炸薯餅，而且一啲都唔脆，加塊長身漢堡牛肉，淋啲黑椒汁落去，兩者味道根本就唔夾，食唔到薯餅應有嘅特色味道，所有味都畀黑椒汁搶曬，我只係食到黑椒汁嘅辣味，其他乜嘢味都無。扭扭薯條個味我喜歡，係以前嗰隻燒烤味，如果早前出嘅薯格都係呢隻味嘅話，你話幾好呢！可惜佢唔係。檸檬茶，我覺得係老麥熱飲中唯一最好飲嘅飲品，沒有之二。檸檬唔苦，又有茶味。小龍蝦湯就絕對令我失望，咁嘅天氣，推出湯類飲品，自然期望係熱湯啦！但嚟到嘅時候，居然只係少少暖，同熱有好大段距離，我估應該係少人叫，所以無再加熱，蝦肉有三隻，叫做聊勝於無。埋單計，呢個餐扣減手機程式優惠後，實付$59.5，你認為值唔值？我就覺得抱住好奇心試一試，還可接受，但試過一次，知道味道就已經足夠。

食得老麥，就唔好同我講健康！手機應用程式優惠價套餐，$48.5包括：脆雞包一個增量裝薯格一份麥樂雞4件配芥辣醬大汽水一杯脆雞包係繼豬柳蛋包後，另一款仍然保持水準嘅包類食物，包夠熱夠脆，唔似KFC嗰啲凍冰冰嘅包，單係呢點已經贏咗香港市場其中一個主要競爭對手。薯格，KFC真係好蠢，居然放棄提供呢款食物，我相信好多人包括我都喜歡食佢多過食薯條，依家要食薯格真係要幫襯老麥，雖則係時間限定，但都好過毫無選擇要被迫食薯條。講返呢隻薯格，味道係比上次好食咗，但我始終喜歡佢最初嗰隻燒烤味，醬比依家多，顏色係橙色，勁似KFC嗰隻味，非常吸引，唔係依家呢隻黃色，賣相毫不吸引，味道亦不及起初嘅燒烤味，雖然質感係一樣。麥樂雞4件居然有一盒醬，算係賺咗。三隻醬之中，我獨愛芥辣醬，雖則依家嘅麥樂雞無以前咁好食，但依然比KFC嘅雞塊好食，所以又再次砌低對手。汽水，手機應用程式只可叫少冰，但唔可以叫走冰，呢方面老麥仍有改善空間，雖然佢嘅手機落單程式確係做得唔錯。而關於飲品選擇方面，我記得以前有一段時間有熱湯選擇，但依家無咗，我覺得甚為可惜，尤其是天寒地凍嘅日子，一碗熱湯點都好過一杯咖啡奶茶，甚或一杯朱古力。最後，真係

今早幫襯老麥主要係試佢個豬骨湯唔好話我大鄉里我最近先至知佢有呢款味叫咗個火腿扒蛋扭扭粉套餐配熱檸檬茶用埋個Apps落單，可以減$3實付$33.5懷念以前佢哋嘅煙肉蛋塊煙肉係加拿大煙肉質感比起美國老麥同澳洲老麥都好食因為無佢哋咁乾咁柴依家塊火腿扒雖然有火腿香而且彈牙但無一般洋火腿應該有嘅質感豬骨湯係老麥三個湯（另外兩個係蕃茄、清雞）之中最好味嘅比譚仔嘅豬骨湯好飲，而且無佢咁鹹今日我連湯都飲埋但杯檸檬茶就失色杯茶有澀味而且無檸檬嘅鮮味唔通真係澀得起先叫有taste 咩呢方面譚仔比佢好得多最後，我有攪棍唔用係要用匙羹篤檸檬雖然條匙羹係紙做，但點都好過枝攪棍我亦有叉唔用，用匙羹枝叉咁「掘」叉到乜？所以呢兩件「法寶」唔畀好過畀又係另類唔環保牢騷發完要閃人

今朝早餐食老麥蕃茄濃湯板燒雞腿加蛋扭扭通粉套餐配薯餅及熱奶茶多奶原價$43，用手機應用程式落單減$3，兼用埋佢哋嘅送餐服務，實付$40，仲可以用信用卡支付，賺埋積分或現金回贈。備餐及送餐效率高，落單唔夠5分鐘，一個套餐已送到我面前，而且仲會細心問我有沒有其他需要，服務呢方面，老麥完勝其他茶記及快餐店。奶茶落糖後支攪棍例牌唔用，用匙羹。驚喜地發現，原來老麥嘅早晨套餐，除咗杯蓋及碗蓋外，所有食物包裝及餐具，都全部走塑，如果佢哋嘅飲管都係可以走塑就更加好，而支走塑匙羹可以做得深啲的話，就更加完美，期望未來科技可以做到。以前起同一分店食過佢嘅扭扭粉，個湯係唔夠熱嘅，所有有陰影，好耐無食過，今次係因為佢哋出咗蕃茄湯兼且有優惠，所以專程試味。個湯甜酸甜酸，唔使早前去譚仔食嘅蕃茄湯，得個鹹，配上帶辣嘅板燒雞腿，味道酸、甜、辣，啱我口味，唯獨湯嘅質地飲落似罐頭湯，唔係太啱我，即係味道好，質感差，一加一減，打和。

昨日下午心思思，為咗滿足好奇心，衡量過Apps各種優惠後，決定用減$5套餐優惠，破費$61.5去買咗呢個18件麥樂雞加大版及加配超甜粟米批，幾乎一次過滿足哂我想要試嘅嘢。食物連飲品包括：18件麥樂雞連4款限定新醬-星洲咖喱、煙燻芝士、蜜糖芥末及蒜辣蛋黃；大薯條配BBQ蜜糖shark shark粉；超甜粟米批，及忌廉大汽水如果只係想試齊新嘅4式醬，只須order18件麥樂雞套餐；如果好似我咁想試埋shark shark粉，就要買加大版套餐；如果想再試埋個白桃梳打，就要買大大啖套餐，咁就有齊限定期間嘅4式醬、shark shark power及白桃 soda。當然，佢都仲有原來嘅甜酸醬、芥辣醬及燒烤醬供應，但既然有心試，無理由再食傳統嗰三款醬，你話啱唔啱？味道方面，4款新醬，依我個人口味計，就如上述次序一樣，最好味的是星洲咖喱，佢完全唔辣，帶少少甜，而且幾fresh嘅感覺，最差是蒜辣蛋醬，祲辣味有啲嗆喉，我唔太喜歡。Shark shark粉，同以往一樣，有啲黐手嘅感覺，當然，唔黐手又點黐起啲薯條度呢？一試無妨，但我個人始終喜歡點茄汁，仲要係大量，一包中薯條計，我會用上5包茄汁㗎！麥樂雞質素

有無人估到呢個新吞拿凱撒沙律餐，配菠蘿特飲，加一個美祿麥旋風，減咗$3會員下午茶優惠要幾錢？今日天氣非常熱，我竄咗入嚟老麥涼冷氣及上網，坐坐下當然loop下老麥個apps，睇吓有咩優惠啦！見到有個下午茶減$3優惠，即管入去睇吓有咩揀，畀我見到有個新吞拿凱撒沙律餐，反正未試過，而且係沙律，一定唔會飽肚啦！隨後見到有菠蘿特飲，又未試過，試埋先。見加配一欄，有個美祿麥旋風，正價要$16，加配要$11，試埋佢先，手機落單，專人送餐，我就一邊玩手機，一邊歎冷氣，一邊等食。店員捧住個餐，起間餐廳一路行，就一路嗌幾多幾多號，我就好奇怪，餐廳嘅檯號係固定嘅，點解仲要嗌呢？又唔見茶記啲伙記要咁嗌？呢方面絕對唔專業，要改善，食完個餐，我睇返老麥個apps，想將呢個意見畀返佢哋，點知原來個apps係無呢個功能嘅，咁就真係失敗啦！一個咁重要改善服務質素，與客人互動嘅功能都居然無，想進步、想改善就少咗一個重要渠道了。講返食物先，個麥旋風太甜，不過都唔意外，因為佢哋嘅軟雪糕都係超級甜，麥旋風點可能唔甜？菠蘿特飲，一片一環形菠蘿，應該係用菠蘿蝦堡嘅同一樣嘅菠蘿，味道唔夠甜，個人覺得用碎菠蘿會好啲，但以出餐效率計，邊

唔好有錯覺以為老麥一定好平，我呢個炸雞優惠加配曲奇忌廉批套餐，已經要$55，分分鐘貴過茶記嘅午餐啦。不過，無得唔服老麥嘅市場策略，不單有手機優惠，等你得閒無事去望下，吸引你去，我呢餐就係咁嘅情況啦，望下望下就心癮去去幫襯。自從可以用自助售賣機落單，我已經無去櫃面買，依家用埋手機落單仲方便，可以慢慢揀唔怕阻住人之餘，起邊度落單都得，超級方便，仲好多時都有堂食送餐服務（我試過用送餐服務，但結果等咗幾個字，焗住自己去櫃檯拎），送到嚟仲會問埋你仲有無咩需要，呢個咁貼心嘅服務，有邊間茶記可以做到？另一樣要讚嘅係起老麥，Wifi係自動登入，而且畀你無限上網，唔似其他集團快餐店咁，每日限住你幾多次，每次幾多分鐘，正一風吹皇帝褲浪，呢樣嘢又係其他茶記無得比嘅地方。

臨走新年公司比較忙，所以凌晨先收到工，返到屋企樓下覺得肚餓，屋村附近茶餐廳，所有都關晒門，好在落車位置有間麥當勞，仲要二十四小時營業，準備落車前5分鐘，網上落單比錢，唔使等就可以攞到，又可以早啲回家！叫咗麥樂雞餐+飲芬達汽水，蘋果批+魚柳包！物價高漲的關係，雖然是特價餐，但是都係比以前貴了好多，但是質素就越來越差😰，份量越來越縮水🫣，唯一可以講就真係比較方便，薯條真係比較好食，分店全港九都有總有一間在附近！

近日經過麥記，見到新包有新配搭推出，就係三文魚堡，再加多片菠蘿，由於自己好鍾意菠蘿，一見到這個配搭立即就被吸引，所以今晚晚餐就試新包。之前我已經試過只係三文魚堡，但今次加多片菠蘿，味道應該幾清新，打開個盒，見到個包賣相麻麻，不過我覺得味道緊要，三文魚炸得夠熱，而片菠蘿就凍，食落又冷又熱，感覺幾得意，但加左菠蘿個包就變得無咁乾，菠蘿又多汁又甜，令到食個包無咁油膩，同時又增加胃口，整體上都值得一試。唔知下次仲有冇其他新配搭再帶來驚喜😅

麥當勞又出新嘢！今次好明顯為左minion而食，本身無抱任何期望$8真係好抵食你可能會覺得佢一pat嘢，但餡料很香、唔會好甜熱辣辣👍🏻真係好唔錯！食完仲好飽添～

各食肆為了更迎合消費者喜愛嚐鮮的心態一直在業界裡力求變化多端 望獲得更多青睞麥當勞雖已是快餐界的巨頭 但相信他們也明白不進則退的道理為免被人淘汰 他們也下足功夫去改革包括近年推行的電子點餐機 create your taste etc. 也有一系列季節性的限定餐點這次便來一嚐這款號稱運用100%安格斯牛肉打造的漢堡美式蘋果安格斯漢堡套餐圖中的小蘋果是我自備的純粹裝一下健康 比起將軍漢堡 蝦堡之類的好吃得多生菜及蕃茄夠爽脆 上層的蘋果粒加了很多沙律醬 平衡了一下肉堡的鹹栗米批 7另外單點了一個期間限定的栗米批我本來最愛麥當勞出的香芋批 因為同事瘋狂力推栗米批所以我買一個試試現在宣佈它的地位要跟香芋並駕齊驅如果喜歡吃栗米羹的人絕對不能錯過就算吃完這麼飽的漢堡都還可以秒殺它跟餐還有配送熱焦糖新地嗯 還是不喜歡焦糖的甜膩 整頓下來只能說超飽超值但久久一次就好了 身體健康比什麼都重要啊以上

下午茶時間，走到麥當勞，看到這個新出的甜品，便要試試。整體來說只是將兩個甜品放在一起，沒有關連性，味道是各有各的，吃不出與點選兩款甜品來吃有甚麼分別，真讓人失望！