麵全食

營業中

休息中

米線、車仔麵都是港式味道很重的美食，其實食米線都可以好豐盛！去金鐘唱完錢，和媽媽走到lab concept那邊，見到一間叫麵全食的餐店，主打米線，我們便在那邊解決我們的晚餐！即使自己一個食都很有個人空間！在卡紙板上圈低自己想點的配料湯底等等。選擇好多！我吃米粉，媽媽吃米線！湯底也有4款，我們都選了白胡椒湯！可以驅胃寒！配料分三類，標準配料不用加錢，另外還有要加錢的特級配料和升級配料。媽媽說米線很滑！湯底有胡椒味但不會太辣！每碗都有腐竹！墨魚丸卷彈牙，鹵水豆腐入味，我的牛坑腩也很稔很有牛味！加錢跟餐的熱飲。我們再點了幾款小食和油菜！生菜都幾大碟！脆炸魚皮非常鬆脆，喜歡吃炸魚皮必點！滷水拼盤有雞翼、豬耳和牛𦟌！鹵得很入味，特別喜歡爽脆又不肥的豬耳！牛𦟌有咬口！香炸墨魚丸好惹味，夠彈牙！

因爲好肚餓，所以叫左幾款小食，一個手撕雞麻醬三色撈米綫同黑松露雲吞米綫花膠厚身又大舊，份量足而且炆得入味醋雲耳清脆爽口又開胃炸魚皮香口又爽脆手撕雞麻醬三色撈米綫 - 清清爽爽的黃瓜，拌上芝麻醬。秘制麻醬和滑嫩入味的手撕雞結合，撈埋舖係下面既米綫，味道一流黑松露雲吞米綫 - 黑松露鮮蝦雲吞中西合璧，既有傳統雲吞嘅鮮味，亦有黑松露嘅幽香，兩種滋味配合得天衣無縫整體店鋪環境十分乾净，店員友善。令人驚喜既係個menu係環保可再寫既膠版，用white board markers寫上去，落左單便可以抹走再用。會再光臨呢間餐廳。

同女友在金鐘廊行街完，肚餓搵個地方d嘢，見到此店就入去試試正當煩惱緊要麵全食系列定自選，因為想加餸，破壞發現不止自選，麵全食系列也可加餸，結果叫左麵全食系列兩碗任何粉麵、泡飯，也可揀原味白湯/白胡椒湯大胃王米線-選了白胡椒湯底，本身有牛筋丸、牛𦟌、墨魚丸、腩肉、蝦球，再加了魚腐和長洲大魚旦，白胡椒湯底勁濃勁重白胡椒味，餸佈滿了整個麵面，最正係佢嘅高汁乒乓牛筋丸超爽口彈牙食完超滿足脆脆上湯海鮮泡飯-有蝦球、蟹肉，仲有少量無得散叫嘅肉碎，整體有種蠔仔肉碎粥嘅感覺，配合原味白湯，整體好鮮甜，女友自己都能吃清全碗清湯蘿蔔坑腩-香港一層肥一層瘦，不會過肥，牛肉味重；蘿蔔清甜多汁，無渣，湯底比泡飯的更濃麻醬雞絲粉皮-粉皮爽口彈牙，青瓜絲清爽脆口，麻醬超香濃，仲有啲花生粒，四者會上嚟好味又有口感青瓜豆漿- 特色飲品，豆漿加入青瓜打成，青綠色可見應該連皮打成，除咗有豆香，仲有青瓜嘅香味，感覺好清新熱檸檬蜜-濃濃的蜜糖配合新鮮的檸檬非常潤喉

金钟廊今年开业不久的一家常餐店，位于翡翠拉面小笼包隔壁，一风堂对面。但是生意比起这两家来说要差很多，自然有其原因。店内环境还可以吧，不算大，但是看着干净整洁。座位小小的，有点拥挤。餐牌可点的东西不算太多。点了鸡丝拌面，豆浆，卤水拼盘。拼盘还是挺好吃的，稍微有点咸。鸡丝拌面实在太腻了，一开始吃的还凑合，吃了一半感觉无法入口。服务还可以吧，偶尔解决常餐的话还行。

金鐘廊開左間新既麵店，裝潢設計好時尚，又乾淨可以自選組合，好自由🔶高汁乒乓牛筋丸+薯粉+麻辣湯 $49👍🏻我推薦：高汁乒乓牛筋丸因為好彈牙，又多汁，而且好有牛既鮮味！食到停唔到口，食到想係咁食！而薯粉方面都OK，不易斷，好煙靭可惜麻辣湯唔辣，有少少失望🔶黑松露雲吞+彈牙墨魚丸+香辣剁椒撈米線 $58黑松露雲吞可以接受啦，可以試下，但有點貴彈牙墨魚丸真係彈牙😋不過個香辣剁椒又係唔辣，撈左少少酸菜，咸多過辣🙈🔶酸辣生菜包 $28偏咸，而且唔辣🙈🔶養顏鮑汁炆花膠 $48質素唔錯，花膠唔會太硬，真係有啲黏黏地的膠質底部啲生菜吸晒啲鮑汁花膠汁，好好味！🔶滷水拼盤 $48 味道岩岩好😋桂花蜜好清甜，好少地方有桂花蜜總括來說，附近返工可以食，方便乾淨記得佢有一句「好味到湯麵飲晒」吸引到我食

星期日朋友生日一齊去海浪公園玩，玩夠返落金鐘搵食，其實要喺金鐘搵平啲嘢食都幾難，平時都唔會喺度食但行經發現呢間食麵嘅價錢都幾抵，裝修格調好清新，忍不住走入去試一試由於太肚餓，兩個人叫到成枱都係朋友叫嘅牛腩墨魚丸泡飯清湯感覺唔係味精湯，牛腩好淋好香，墨魚丸都幾彈牙我叫嘅墨魚條黑松露雲吞枝竹薯粉胡椒湯墨魚條好彈牙好香墨魚味，雲吞有淡淡黑松露味道，皮都夠薄但略嫌接口位包太厚，薯粉Q彈我至愛，湯底加咗胡椒令到成碗粉提升不少另外叫咗幾款小食蒜泥白肉$28豬肉不肥不瘦蒜蓉同麻油混合好香口拍青瓜$26呢個青瓜嘅醋味好好，食到係陳醋味道，如果大家都鍾意食嘅我超推介芥蘭菜$26清湯烚唔油膩啱哂OL食飽飽滿足回家去

Located next to Crystal Jade, this restaurant offers good first impression with friendly services. We got there around 11.30am and were the first table there. The portion here is generous. I got a self-selected noodle with black truffle wontons, beef briskets, radish and fish balls. My personal favourite is the black truffle wontons, which is homemade with rich black truffle taste. We have also ordered the mixed noodle with shredded chicken. Again they provide a large portion with decent amount

肚餓又見餐廳幾乾淨企理就立即過嚟食碗米線。呢度落單形式有啲似食日式拉麵，直接用marker喺塊板上面剔，真係既方便又環保！選擇都幾多，又或者直接揀餐廳set好咗嘅幾款都可以，價錢就約$50～$60，金鐘嚟講就差吾多啦。呢度雖然係食米線，但主打並唔係麻辣酸辣嗰啲（但想食嘅都有呢啲湯底揀嘅。）我就揀咗三絲麻醬撈米線，講真真係唔多地方有得食麻醬撈米線，明明就係好好味加嘛（而且又唔係話好難整！）落單後好快就上菜，啱晒好肚餓嘅我。三絲係蘿蔔、青瓜同雞絲，份量都幾多。麻醬好香花生味，而且偏向杰身冇乜撈水，所以真係好飽飽飽！要撈勻啲米線就唔係咁容易，因為真係好杰。米線就偏淋，個人喜好彈牙啲嘅米線。整體嚟講都係好食嘅，至少唔係周圍都有得食，唔錯唔錯！另外叫咗個麻辣雲耳，真係幾麻幾辣！爽口彈牙，撈埋入去個麻醬米線度讚係啱啱好！絕配！凍奶茶好似要加$10，都OK嘅，茶底都幾好唔澀。老公就食咗碗牛筋丸米線配呢度嘅招牌白胡椒湯，係幾香嘅。個湯底再加埋啲蒜片同蔥，有少少似食緊潮州粉咁嘅感覺！呢度仲有啲幾特別嘅飲品（唔駛當特飲加錢）好似係桂花蜜，青瓜豆漿同檸檬薏米水，好似幾正咁！（不過奶茶癮起只想飲奶茶，你懂的）

餐廳位於金鐘廓1樓，平時閒日中午絕對唔會來，因為呢度會係好多來午餐的。今日星期六機緣巧合卻來了這裡吃午餐。店子唔大，座位尚算寬敞，坐對座的還有小屏風遮擋一下，增加私人空間感。不過我都係選擇咗坐圓檯，因為那邊有梳化坐。點餐方式是用水筆劃在餐牌上，之後店員可以把筆漬抹掉，可慳紙幾環保。點咗【清湯蘿蔔坑腩】、【脆脆上湯海鮮泡飯】和【青瓜豆漿】。【清湯蘿蔔坑腩】湯底比較淡，牛坑腩大約有10件厚切，不過炆得唔夠腍，而且味道淡。【脆脆上湯海鮮泡飯】蝦肉大隻幾爽口。選了白胡椒湯底，飲落去有一股辣辣暖流湧進胃內。【青瓜豆漿】這個豆漿較一般的豆漿多了一重青瓜的清腥味，飲落有一種極涼快感。一口泡飯、一口青瓜豆漿的吃法幾特別，效果不錯。

有事做到了金鐘，搞掂後便去搵食，揀了食新開張不久的麵全食，在一眾金鐘商場價錢較為貼地。店面簡潔店內用具亦乾淨用marker直接劃落餐牌上，方便又環保。高汁乒乓牛筋丸米線（$50）朋友點了牛丸米線胡椒湯底，牛丸爽口，湯底有著濃濃的胡椒味，又幾好飲喎。脆脆墨魚雲抹泡飯（$52）自己點了泡飯配白湯底，滿滿一大碗呢。湯底清甜，加上大量炸蒜好香啊，墨魚滑彈牙，勁多飯超飽肚，哈哈。滷水拼盤（$48）再點了小食share，拼盤有牛展四、五大片，大量豬耳，同兩隻雞翼，份量好有誠意喎，味道也不錯，滷得入味，豬耳有咬口，正喎。上湯芥蘭（$26）仲加左份菜，芥蘭爽脆，綠油油幾靚仔。桂花蜜＆檸檬薏米水（+$8/ea）叫主食可加錢有餐飲，朋友杯桂花蜜好香甜，自己杯薏米水好濃啊，勁杰身，加上檸香又幾正喎，有飲糖水的感覺，哈哈。睇返開飯網，有咁多負評嘅？個人又覺得唔差喎～

中午時段去咗金鐘送件，係回程返公司嘅途中，正係午餐時候，就去咗附近嘅餐廳午膳，係金鐘廊見到一間係食麵嘅餐廳叫麵全食，因為午饍時間，人比較多，侍應問我撘枱可以嗎，我話一支公，冇所謂，侍應俾咗一個靠邊嘅位比我，睇完餐牌後叫咗一個大胃王米線，選擇咗要原味白湯，飲品係凍檸樂，小食要咗滷水雞翼，大胃王米線嘅配料有蝦，牛丸，腩肉，牛展，墨魚丸每款有2粒或者2片，牛展都好冧，牛丸同墨魚丸都好大粒，雞翼滷得好入味，因為太肚餓，話咁快就食晒，又要趕返公司開工。

係返金鐘一段時間，終於見到樓下新開左Ｄ餐廳～就係呢間食粉麵既餐廳，價錢望落合理，今日同同事落左去食！我地一人叫左一碗，我叫左個海鮮泡飯白胡椒湯，同事叫左個自選粉麵～自選粉麵—魚蛋豆腐肉卷蝦球薯粉(酸辣湯底)，魚蛋、蝦球大大粒又爽口彈牙，肉卷大條好味，薯粉粗身又滑溜，仲吸收哂酸辣湯，食落好滋味！而我果碗海鮮泡飯白胡椒湯入面真係真材實料，有大量蟹肉同蝦，食落好鮮香～飯少少硬身, 如果再淋D 會好D~另外我地SHARE 左兩個小食- 芥蘭同雞絲粉皮！ 芥蘭清清地，雞絲粉皮D 粉皮好滑身，雞絲都幾多下。飲品叫左凍檸檬薏米水同青瓜豆漿，感覺清新又健康～

第一次光顧時食白胡椒湯飯時，食品已經不是熱的，微暖。但味道ok。今天再來時，我和同事一齊點了湯飯。湯飯比微暖更微暖，而且明顯溝水，十分歎食。店員居然叫我們加胡椒粉和豉油。這店食品水準，分量及服務真的很一般。不會再來第三次。😔😔

I was in Admiralty and hungry. Not sure what to eat, I came across All In Noodles. Not wanting to spend a lot of money and wanted something quick (that wasn't the usual fast food places), I decided to give it a try.The shop is fairly large. Decor is colorful and clean.Menu is in English and Chinese. You order by writing right on the laminated menu. As it's a cart noodle shop, you choose what you want as toppings.They also have drinks and snacks.During afternoon tea time, they offer a free drink

今天晚上朋友跟我說金鐘有一間新開的麵店，便過來一試。我們點了一個牛丸米線，海鮮泡飯 （都點了白胡椒湯底）和鹵水牛𦟌。五分鐘之內，牛丸米線來錯了兩次 - 第一次來了兩碗泡飯，第二次來了黑松露雲吞米線，第三次才來對的... 其他職員也問下單的同事做什麼，是否在發夢。說實話店內的員工態度都是友善的，我和朋友都沒有太介懷，反正我們不趕時間，但是如果同一件事發生在其他客人身上，那一個下單的同事應該會被狠狠的罵一頓了... 說回食物，牛𦟌很嫩很入味，我會推介，牛丸也可以，但是那個海鮮泡飯我是有一點失望 因為飯實在有點硬，我沒有吃完全部，喝光了湯和其他配料，便放下筷子 （我吃完後胃痛）。相信我是會再給這家餐廳機會的，試試其他食物看看，再作評論。