麵家山下 (已搬遷) 新店位置

呢間野，食過兩次。第一次食，叉燒，湯，正常，但覺得佢個麵好難食，黃色較粗身個隻麵，個人極不喜歡。點解食第二次，因為見佢出左新款既麵，叫咩直身幼麵，我睇相係我鐘意個種，白色麵身，幼身個隻，拉麵既話我個人鐘意食呢款，所以今次仲叫埋加麵。到最後，落單既阿姐都係落錯單，又係比番個隻好難食既黃色粗麵比我，我問阿姐呢隻咩麵，仲大大聲話係極幼直麵，我再問多次，佢至話係黃色粗麵。其實有lum過叫佢換，到最後都係無，因為如果佢肯換既話，我lum呢碗佢地都係囉去倒，廢事晒野啦，格硬再食多次好難食既黃麵。由於叫左加底，食完真係好想噁。今次d叉燒仲要垃圾到不得了，塊叉燒好似無燒過，浸到淋pet pet，其中仲有幾舊無切過，一舊舊咁擺係湯入面，個感覺就好似阿媽平時煲湯d瘦肉咁。食完晒碗麵，係好飽啊，不過想噁番出黎囉

小弟我就好鍾意去食人地share出黎既野早幾日就有人share呢間野出黎 個賣點係廚師係日本人就星期日去食 講番間野先 先叫野食 再比錢 再上樓等今次叫左個叉燒拉麵 拉麵係睇3樣野 麵底正常 個湯唔錯 最令我驚喜係叉燒 好好食再叫多個小丸子 好脆 應該係即整不過位置就比較遠 同 間野比較細 好彩去到唔洗排隊

已有好幾年冇黎上水，呢日路過就試下搵呢間喺電視介紹過由日本人開嘅拉麵店，成條街都係藥房，最初有啲不知所措，最後用google map就搵到。原來有個街口轉入去嘅後街，好在地下舖外有ラーメン呢個牌。喺樓下order完就上一樓。叫左個DX，湯底揀左塩味（加$5），因為剛剛喺東京食完一個塩味凍拉麵非常非常好味。而麵揀左幼麵（九州拉麺）。 平日中午，但好大雨，可能因為咁人唔太多，自己坐四人位都得。叉燒同溏心蛋都幾好味，有啲喺日本嘅感覺，麵可硬啲，湯唔夠熱，而且比一般拉麵湯淡（以為塩味湯底會特別啲但食唔到塩味），好嘅係食完唔太口渴，佢地強調冇用味精。但麵真係唔夠食，夾完兩次麵都冇乜剩，男士就更加唔駛講。喺上水食一碗$85嘅拉麵我覺得有啲貴，不過難得黎到，支持一下小店都好，而家香港有咩唔貴？而且整體味道好過啲連鎖拉麵店。仲有我只有喺麵店入面先聽唔到普通話，喺上水真係好辛苦，有緣再會。

自從第一次嚟上水唔知食咩，上網搵到呢間據講係香港人同日本妻子開既拉麵店就一食上癮🤤上水既鋪面唔大，係樓下門外排隊，到你既時候就會幫你落單俾埋錢先，再上樓上座位等佢送個麵上嚟我同友人分別叫左個黑蒜麵同辛麵，豬骨湯底好濃郁，下面碗辛拉麵既辛辣程度對我個人而言啱啱好！好惹味！上面果碗係黑蒜拉麵，黑蒜味都幾出，比之前食過既一啲大型連鎖拉麵店既黑蒜味更濃郁，見到好多人差啲連個湯都飲曬😂我都飲左好多，但食完都唔會口渴👍🏻👍🏻👍🏻啲叉燒都好肥美，入口即溶，下次嚟上水都會再嚟食！

住在上水很多年，聽聞過這間拉麵小店很多次，據說就日本人開的拉麵店，今次終於有機會一嘗。未夠十二時已經來到這間店，但是老闆十二點半或更遲才回到鋪頭開店。然後我們終於等到老闆回來，叫了麵，上了樓上店內，環境還算不錯，幾得意有特色。可惜，反而是麵的味道有點太過濃郁，有點咸，所以不太合口味。

你都上水附近行開行埋 行到咁上下開始肚餓咁就諗下上水有咩好食啦咁俾我諗起呢一間拉麵小店一間拉麵店由日本人主理味道唔算太鹹亦都唔會太太 咁我之前已經食過幾次㗎啦水準依然唔錯 今次我食呢個叫做dx拉麵咁佢就有兩隻糖心蛋同埋有一啲叉燒 溏心蛋夠溏心 叉燒 切得夠薄 有燒嘅香味 面質適中唔太硬唔太軟 湯底隆得嚟又唔會有味精味 除此之外佢仲有好多唔同類型嘅飲品小食 都值得大家一試駕 總括而言呢一間畀水貨舖包圍嘅拉麵店 絕對值得大家去試一試

聽朋友介紹，話幾好食，抱住期待既心。佢既鋪頭係樓上，點餐係下面點左先，佢會拎上黎。睇佢既menu款式唔多，冇乜特別，我想試下佢既捲心菜於是叫左菜盛拉麵。男朋友聽幫我地落單既人講，叫左當日既限定拉麵，係蝦拉麵。我果個有得揀味，揀左黑蒜味。限定海蝦拉麵本身冇乜期待，點知見到佢既賣相好吸引竟然有10隻蝦咁多，仲要唔細隻味道幾好，整體唔錯-菜盛拉麵到我既菜盛拉麵，好失望，睇相都見到佢根本冇乜黑蒜油，我食過唔少拉麵鋪，黑蒜湯頭通常都好濃味，但呢間真係淡到冇味所謂既捲心菜原來係椰菜，份量唔多，食完都唔係好飽咁。食完成個麵都唔太知道自己食左咩-我既要求其實唔高，但係175食咁既拉麵，我覺得好唔值。相信唔會再有第2次

平時都有過黎食開叉燒拉麵黑蒜 因為支持水貨街中的小店 加上日本人主理 所以都好有信心今日睇Facebook 知道出左新野即刻黎試呀中午1點去到咁岩上面冇位我就坐左樓下樓下都幾多雜物 可能佢冇諗住俾人坐呢方面要罵下等左一陣拉麵到拉 好香既燒蝦味蝦入面有好重胡椒味 但不蓋住蝦既鮮甜飲啖湯 好有蝦既味道 食下食下好似食唔完 d蝦多到呀 飲湯唔口乾 食到最後我差d飽死 我男仔可能食得曬 女仔可能差d因為份量都幾多下咁既價錢確實抵食 繼續加油

再次幫襯，早過午市到，唔駛等位地方不大，但樓上海報令人聯想江戶時代點了DX拉麵，醬油湯底。味道保持水準，拉麵爽口，食物份量剛好。在香港，用心做的食店真係好需要我地珍惜，繼續支持小店!

一直聽聞好好食，但次次嚟都落緊場，今次終於趕到！我抱住好期望嘅心態嚟試。。。但結果好失望湯底較淡無濃郁嘅感覺，麵同味千種麵係一樣，好有公仔麵嘅感覺。。。叉燒吾錯 只係有啲散，蛋未做到好溏心蛋嘅感覺 不過味道上還可以！希望繼續努力💪🏼

夜晚八點半黎到門口仲有人排緊隊，依然好忙。唔知道原來要人手落咗單先排隊等安排上二樓坐，白白排咗十分鐘。附近係豬肉檔，衛生環境麻麻地，一定唔會選擇坐係門口位。等咗廿分鐘就安排上樓上坐，二樓就好安靜、坐位比想像中舒服、唔會好迫。分別叫咗叉燒拉麵 黑蒜油湯底 幼麵同拉麵DX 辛湯底唯一鐘意呢度嘅叉燒有炙燒過 幾特別同惹味。但湯底係好淡，亦食唔出濃郁嘅豬骨或黑蒜味。辛味湯底都完全唔辣。湯底好稀好水，所以掛唔到麵。飲品就係好普通乳酸飲品溝水咁。總結黎講，一次就夠，不會回頭。

我在上水區長大，看著這區十幾年的變化，終覺得山下麵家與這區發展格格不入。它位於本來唔起眼的橫街，自水貨鋪頭愈成行成市後，把它那位置也帶「旺」了。店鋪嘅日籍老闆就上水的水貨鋪曾發表過一些言論⋯ 日本人做生意好用心較單純，只想發子怎樣去做好可令業務持久，不單純為了賺錢。來到山下麵家，麵食選擇不多，但食的是情懷。感覺就像楊千嬅那首《舊地》的歌詞。黑蒜油好香，麵的份量好足夠，不像市區一些貴價拉麵店買弄花巧，平實簡單一個义燒拉麵，那流心蛋的蛋黃金黃，入口漿著我口腔，未食過咁好味的流心蛋。拉麵價錢可能相對上水其他食市貴了一點，但論質素及拉麵水平，比起市區連鎖的式自稱特色的，山下這價格是便宜了。而且這價錢對於老闆咁用心做好這拉麵是尊重。希望每位到來山下麵家的顧客都能理解，這义燒拉麵載著的情懷。

一心去食下好野，找到呢日本麵店。去到店外已有估怪，不過一埸來到去食。原來要先叫先比$，叫了$85沾麵、$70叉燒拉麵,$28小丸子。上去一層環境完全是冇清潔，不是日式風格，似車仔麵店。1）沾麵是要有重味汁，香熱麵，沾上麵才食。但昵到的沾麵，來的汁是湯，麵中間是生，不是硬的麵，是生到見麵芯有完整未熟的白點！叉燒看到師傅有心處理，有焼過的香味，但放系一堆完全不合格的汁和麵，完全浪費了食品。而看上刀功，完全不是日本人細心風格，只是把叉燒尾完全送给客人。2）小丸子粉厚厚厚，只是一堆粉加了八爪魚，完。收得日本大品牌價錢，但比車仔麵級數！1/10不會再來

今天放假，一早去旺角看早埸，之後又無所事事，而較早前在電視上看到這個食店，說上水快被水貨客的店舖導致加租，未必再能支持下去，而老闆又是從日本學做拉麵，還在日本認識了他的太太，所以坐巴士入來上水試一試日本學做拉麵的味道！入正題，我點了一碗拉麵DX，湯底味道很好，我選的是「黑蒜」，流心蛋做得不錯，令我有驚喜的是叉燒用火槍燒過，所以特別野味，不過麵身就比較硬，這是要扣分的地方，$80一碗拉麵有這些水準，我覺得可以接受，不過我住香港島，連車費和時間，我未必會再專程入來！老闆很好人，態度也十分友善！整體我認為有八十分！附近街坊不妨支持支持！

這家山下拉麵，早在未出名前已品嚐過好幾次，一直都keep到水準上水水貨街，一向都人山人海，見最近剛新年，應該少了點人吧今日有空，想食拉麵就決定再回味一下，可惜大失所望 等位8-10分鐘，星期六而言，很正常，很何況出了名。。。點了碗差燒拉面，失望 似味千湯底淡而無味，差燒極硬 好似煲湯豬肉咁，唉不會再回頭了，不過老闆娘，待應都好有禮貌，常說多謝總結，如果湯底可以濃味點就好了，很懷念之後的味道呢暫時在香港食過最好味的拉麵在元朗的炎拉麵，性價比算很高