麵家山下 (已搬遷) 新店位置

週末難得經過上水, 去試下拉麵小店-麵家山下。 我們先在不顯眼的店面落order, 才到樓上坐底等拉麵送到面前 同行女友點了 "拉麵"($60), 而我點了"拉麵DX"($80), 分別只是多些叉燒同溫泉蛋, 兩個人share 剛剛好☺️ 分別配上是豬骨湯底 醬油和黑蒜味。湯底味道幾好不太咸, 醬油是原味湯底, 而黑蒜不油而香, 我個人比較喜歡。拉麵爽滑又掛湯, 大家也差點湯底飲清。🙈喜歡這類貼近生活的小店, 週末悠閒一天又開始了

早半個月前黎食過，但朋友又想再食，所以今日特登嚟食。11點幾已經黎到了，但12點覺開門，唯有附近行陣再黎。開鋪無耐，所以無乜人。山下雞翼 $28雞翼好好食，雖然炸過，但食落唔會覺得油，十分香口，雞翼黎講貨錢唔算平，但值得一試。菜盛拉麵 黑蒜味 極幼直麵$72黑蒜味淡，今次叉燒比較厚身，我覺得薄身d會更好食，但捲心菜同芽菜非常非常之多，我本身個人好鍾意食芽菜，所以食得好滿足。拉麵DX 辛 $78湯底純粹得個辣字，麵底無極幼滑麵好食，麻麻地。雞蛋加分，初初以為係切半，但竟然有兩隻原隻糖心蛋，都幾邪惡。最鐘意都係人都配菜當中既荀，好好食。

呢碗拉麵真係 好~!好~!好~食! 呀！(重要既事要講3次)我儀yee仔貴為上水食神，食拉麵無數，竟然比我喺上水搵到碗全港味道數一數二既拉麵，真係踏破鐵鞋無覓處，得來全不費功夫。 全靠前幾個月某新聞，報導呢間小店俾無理食客不斷投訴滋擾，連食環署都叫佢地搬遷迴避。點都估唔到，卻做到不錯既宣傳效果。店鋪面積細小既佢地，旁邊都係街市檔攤，唔係專登去都好難發現。日本人老板娘在門口有禮咁叫我地先點食物，然後上樓上雅座等待。店內環境雖然較舊，但卻有著懷舊既氣息。不足一會，店員為我地端上熱滕滕既拉麵。黑蒜油叉燒拉麵。除左係中環食過一間叫健康拉麵之外，呢間係我第二間讚不絕口既拉麵。叉燒份量充足，足足有5到6片。叉燒獨特之處除左係形狀唔似日本叉燒之外，佢肥瘦適中，咬落去唔韌之餘亦好嫰，重要係唔油膩，入口溶化，美味非常。黑蒜油湯底不嬲係香港人至愛，湯底濃郁得黎唔太咸，岩岩好，黑蒜味亦夠，搞到我差唔多飲晒成碗湯都唔夠喉。麵質亦係成功之處。呢個幼麵配搭黑蒜湯底 得而。硬度剛剛好，唔會話好硬，有𡁻口，增加碗麵既層次。反觀朋友果碗既味噌湯拉麵，麵底又幼又硬，略為遜色。如果呢間小店比人投訴到冇得做，咁真係我地食客既

我逄星期一放假，佢就逄星期一休息，試過黎到摸門釘，有次黎到又剛關門，住左上水甘多年，今日真係第一次黎食😄個人對拉麵麻麻地，因為甘多年係香港食到既都唔好食，自從去日本食過好食先改觀，個個都話呢度拉麵唔錯，甘就真係要黎試下啦😊老闆娘係日本人，幾有禮貌甘叫我地係地下點左菜結帳完先上樓。拉麵🍜 $60 味噌叉燒好香🤤肉味濃，肉質嫩，好食👍🏻。湯底味道夠清，完全無平時味噌湯既咸味，清清地幾好飲。但我唔鐘意個麵底，偏硬，似係食緊韓國即食麵🙅🏻。叉燒拉麵🍜 $70 黑蒜加多十蚊叉燒份量多好多，抵。味道絕對比味噌好，忍唔住要飲多幾啖湯，但黑蒜味淡，偏油。麵底同上面果碗唔同，比較滑身一點同好食一點，但見餐牌無得簡麵底🤔。下次黎要試埋個溫泉蛋☺️

在水貨走私淪陷區的上水橫巷中, 有一位遠嫁到香港的日本人, 和家人開設著這樣的拉麵小店。店裡沒有別緻的裝潢, 就只有就只有簡單的配設, 賣的除了一碗拉麵, 還有一份人情味。市面的辛辣拉麵一般都是火紅色奉桌, 彷彿從視覺開始就告訴你面前的一碗是辛口拉麵。而山下做法是選擇直接在湯中加上辣椒碎, 完全不花俏。沒有自家拉製麵條, 但進貨的麵條質也是不錯, 至於叉燒, 表面稍稍炙過, 肥瘦適中不過韌, 有點美中不足的是碗中雙蛋則未算是很流心。不得不提那山下自家熬住的豬骨湯底, 味道十分濃郁, 加上碎切辣椒, 輕輕帶出辣味, 一直喝到看見碗底的標誌, 大滿足。

假期最後一天，忽然諗起呢間日本人經營嘅小店，一於去支持下。六點幾去到唔駛等位，地下落單比錢後上閣樓等食，閣樓有約20個位，如之前嘅食評所講環境一般，數分鐘後就有人送上拉麵，蛋入面溏心，义燒入口即溶，曲麵啱我口味，都算唔錯。

遊走上水一帶，藥房門庭若市，好不容易才找這間隱密於弄巷中的拉麵店。小店以家庭式經營，店主和日籍太太為小店帶來日式拉麵的傳統味道。拉麵店分為兩層，樓下點菜付款，樓梯拾級而上，就是擺設簡單的樓上雅座。我點了客叉燒拉麵，湯底是傳統的豬骨湯頭，雖不是特別濃厚的那種，但配上黑蒜油，算是平凡中的小確幸。拉麵爽且廷身，掛湯能力不俗。可見，店主選料精當，煮麵功夫到家。叉燒份量較想像中豐富。店主特意炙燒烤過叉燒表層，讓其帶點炭烤的味道。能於弄巷內，嚐到一口合乎身價的日式拉麵，暫時逃離購物街的繁華似錦，也是一種幸福。

新聞多多的上水拉麵店，今日在不用排隊的情況下再試。點餐請於地下點及付款，點完請上二樓。上到去環境很暗，地方混亂，對於我來說感覺不好，很久以前來吃麵都有水機給食客自行用水，但現在沒有了。點的是黑蒜叉燒拉麵：- 拉麵的靈魂是頭湯，這裡沒有黑色的黑蒜湯底，喝上來沒有黑蒜的香味，只是跟普通的醬油湯底差不多，來我來說這是失望的⋯⋯- 麵是用曲麵，湯底較易掛在拉麵上，我較喜歡吃硬的拉麵，所以OK！- 叉燒份量大，燒得很香，不錯～點了小吃炸帶子，味道尚可，$25得工小粒真的較貴。整體而言，價錢一般，黑蒜湯底真的不OK，環境又黑又暗，人氣名過於實。有心人試試，一試無妨，但也不要期望很高。

地方好難搵，要問附近街方先知點去。先係樓下點菜及付款（現金）,再行一條窄樓梯上樓上吃面（等人送上）。由於是閒日去，故並不多人。加上挑了中午十二時，尚未到繁忙時間。揀了特盛拉面，味噌湯底，加期間限定櫻花汽水。環境有D舊日本小店feel, 日曆，海報，公仔等。然後終於到主角出場。湯較濃，咸左D。蛋入面溏心，凍的，起初不喜歡，但後尾發現同熱湯幾夾。面較硬，有D人應該食唔慣，但個人認為尚可，有點像炒出前一丁那種咬口。最好係叉燒，嫩，有汁，加埋燶邊，唔錯。

難得知到會入上水 一早就己經做定功課 知道呢間係由日本師傅主理 所以今日其中一個重點就係黎食佢地點有啲難揾 因爲佢係係後街 加上Openrice 個地址唔啱 所以打俾間餐廳先揾到係下層舖面落左單 就係隔離條樓梯上去 入面燈光未免過份地暗掛🤔🤔送餐速度都算快DX拉麵黑蒜味果然係DX 竟然有兩隻蛋 仲要係流心蛋 呢個要讚拉麵嘅質地唔㡳係我地鐘意嘅 至於個湯底係失望嘅 湯偏少 而且一啲都唔掛湯 好薄身 X燒亦都好薄 但勝在肥瘦適中 可以可返啲分X 燒拉麵塩味塩味實在太失望啦 似豬骨湯多啲 但個問題都係唔掛湯 仲要係加錢食到呢個質素嘅湯底......坦坦白 如果呢個拉麵係日本師傅整的話就未免有啲失望

尋日我朋友話想食山下拉麵就同佢去食~依家要係樓下叫左先~我叫左醬油义燒拉麵~於是就到樓上坐住等~等左一陣就到喇~义燒入口即溶一d都唔覺肥~好好食~拉麵都ok~不過湯底覺得略為重口味~下次可再食

幫襯了數年現在才寫食評，最初都是抱住去睇吓日本老闆娘的心態，久而久之每隔1~2個月因公幹順路都會去，都是中午時份，由門市的幾個座位擴展到楼上約20多個座位，都是客似雲來，見到老闆娘咩住個女在背後，而在楼面一腳踢，到個女在鋪面走來走去，到依家好少見佢個女，可能去左返學，只係見到隻貴婦小狗，斬吓眼巳是數年時間，需然辛苦，但總算捱出頭來，見到的是家庭式的樂趣。講返正題，經常到的吸引力主要是碗拉麵能夠保持水準，由最初的清湯底到現在有醬油，蔴醬，黑蒜湯底等，温泉蛋有睇頭，最靚是薄切叉燒，拉麵幼滑彈牙，整體都在水平之上，吳知點解每次都5~10分鐘好快就食完，令人回味，唯有下次再來食過啦！

星期日黎食真係好多人，排左成40分鐘。呢到分左兩層，先係下面落單再拎飛上樓上坐。上到樓上短隨便坐，電視下面仲有個小角落放左d書同一部細琴，有d屋企隨意既感覺。我叫左拉麵DX $78簡左黑蒜湯底，拉麵配有荀、芽菜、叉燒同兩隻溏心強，冇錯係兩隻😍勁滿足，平時食都係半隻，最多一隻，所以好滿足🤤另外佢呢到唔同湯底係配唔同既麵，黑蒜湯底配既麵係較其他幼，個湯真係濃又香，叉燒肥瘦適中，食溏心蛋再飲一啖湯超正👍🏻 成碗食晒差唔多連d湯都飲埋，非常飽非常滿足🤤🤤我都有試朋友既味噌湯底，個豬骨味冇黑蒜咁重，而個麵都比黑蒜粗同硬少少。如果唔洗等咁耐個話我會想再黎試下佢個辛湯底😍

難得入到泥上水 見到呢間野食都幾多好評👍🏻加上之前係新聞都聽過呢間老闆佢老婆係日本人 我諗都應該正宗😍🤘🏻呢間店舖都幾隱蔽 去到12:45左右可能係星期日 有超級多人排梗隊但係都冇阻我要排隊去食既決心😍💪🏻大約1:30左右 就落單 比埋錢上左去上面等食😆上面好有屋企既感覺 可能係有啲書架😂😂不過要提提大家 佢有一部冷氣壞左可能會有啲焗😖 大家就要忍耐下拉麵DX(味噌) $78我諗大部分人都係要拉麵DX 因為有蛋 同埋個麵既size都吾會太多味噌做湯底 完全吾同平時飲開既味噌湯😂我覺得個湯底吾太咸個麵 係粗粗地同有少少硬 好有咬口而我朋友黑蒜湯底既麵係 幼身+軟啲望到隔離既 辛 湯底都係粗身我諗應該係吾同湯底 吾同麵💁🏻叉燒都好正😍😍😍 燒得岩岩好仲要好香口😋😋😋拉麵DX 一碗麵 有兩隻蛋😆隻蛋我覺得可以再入味少少同埋 食第二隻蛋個陣真係覺得好辛苦😂😂😂但係都係好味既👍🏻如果大家吾想食兩隻蛋既話可以嗌 拉麵/叉燒拉麵 +拉麵DX咁就可以同朋友一人一隻蛋😋💁🏻題外話 排隊個陣 條隊有啲長可能會阻到隔離舖😶 我地就係有比隔離舖鬧大家要注意喔！

住係附近 而且之前聽過麵家山下後面段故一路好想試 終於去試左一去到真係成陣隱世地道日本小拉麵店味道好有特色呀！成間舖頭細細間分兩層唔係繁忙時間 2點左右 都等左10幾分鐘先有得坐講番碗麵🍜嗌左黑蒜湯底既叉燒拉麵($68) 唔會齋得個蒜味 但好濃味好好味叉燒唔係好多塊 但舊舊都半肥瘦 正另外嗌左醬油拉麵 比叉燒拉麵好似少左2、3塊叉燒醬油湯底相對淡味好多 不過豬骨味都濃忍唔住飲哂成碗湯加左$10要隻溏心蛋對於蛋控既我真係心心眼食完個陣聽到沾麵已經沽清應該又係好好味 下次再試下！估唔到係上水既巷仔都食到日本既感覺 呀