麵家山下 (已搬遷) 新店位置

今日朋友話帶我去食小店拉麵去到門口我以為淨係得外賣，原來係order完...側邊樓梯上樓上。雖然樓上唔係好多位，但係裝修、佈置都好精緻💛💛因為唔係好肚餓，所以揀咗拉麵，黑蒜湯底。🍜拉麵（$60）拉麵配料有叉燒（少）、芽菜、紫菜、荀、蔥食拉麵點少得溏心蛋㗎，見到揀個個拉麵唔包蛋，所以加$10一隻味付雞蛋**********朋友就揀咗拉麵DX（$85），醬油湯底🍜拉麵DX配料有叉燒（中）、芽菜、紫菜、味付雞蛋、荀、蔥**********叉燒夠腍，有燒過嘅香味，肥瘦適中——🥚味付雞蛋有流心效果😋——湯底係豬骨湯煲足10小時，點餐時揀自己鍾意嘅味道。［醬油、味噌、辛、黑蒜、塩+$5］湯底濃郁，唔係死鹹，食完都唔覺得口渴——拉麵幼身，而且唔太腍...個人非常喜歡🤩——BTW點餐時見到拉麵係冇味付雞蛋，所以加咗😂但上菜時先知朋友叫嘅拉麵DX係有2隻味付雞蛋，其實可以share，我地應該睇清楚menu😂

·湯底係豬骨湯可以再揀鹽、黑蒜、醬油、味增、辛辣口味～叉燒有燒過味道都唔錯嫁～！·拉麵DX $85———不專業評分💯食物指數🍴: 💛💛💛🤍🤍環境指數⛱: 💛💛🤍🤍🤍抵食指數🤑: 💛💛🤍🤍🤍推薦指數👾: 💛💛🤍🤍🤍———📍麵家山下 (上水)上水新康街63號地下D3-D4號舖——

麵家山下無論位置定係裝修都好有日本街邊小店的風味，一間前鋪後居嘅拉麵店係香港好小有，行上樓上搵位坐，見到日本居家風味，好似去左日本的拉麵店咁!! 價錢亦都相當吸引，around $$80就有一碗拉麵。1.黑蒜油叉燒拉麵豬骨湯底味好出，加埋黑蒜油，成個麵變得更加香。拉麵叉燒份量比出面多，叉燒好有煙燻香，拉麵軟硬適中，值得一試。2.味噌叉燒拉麵 味噌湯底嘅味噌味好濃，同店主傾開計，店主話d湯熬咗十個鐘，感覺好有心機。重點係湯底飲落唔覺味精，我飲哂碗湯，有機會一定要再幫襯。

前日去沙嶺探手足，途經上水，緊係要懲罰一下呢區黃店麵家山下啦呢間隱沒喺橫巷裏面嘅拉麵店，我跟住地圖前前後後行咗成條新康街三次都揾佢唔到😂然後我哋開始逐條橫巷𥄫下見唔見，第一次行過馬仔記旁邊條巷本來都想行入去睇下，點知成班狗企哂喺度呃OT，於是我哋又行咗一個圈再返去，點知真係喺馬仔記後面，要經呢條巷仔行入去嘅，如果大家要用Google Map search, 就寫Menya Yamashita 😄我哋坐咗喺樓下門口位，對住師傅煮麵，好有日本街頭麵店feel我哋叫咗一個黑蒜叉燒拉麵同一個醬油叉燒拉麵，黑蒜湯底唔算好濃，醬油湯底較清，都入味嘅，叉燒份量幾多，肉質夠腍有油香，麵質個人覺得軟硬適中，價錢都相當吸引，$75 一碗，抵食😋本身好少去上水，如果有機會必定再嚟食過

麵家山下相信對於北區人黎講絕對唔陌生 佢地既拉麵係正宗日本人主理 係區內出名既店心小店 成日都大排長龍 食物方面 有平時係日本既小店食既質素 咁人地話晒真係日本人主理GA MA今次我食既係黑蒜叉燒拉麵叉燒好香 有煙燻過既香味 份量多味道好 好稔好香好JUICY湯底香濃 好香黑蒜味 麵底就可以自己選擇硬度 軟硬任君選擇 留意返 佢下晝有落場時間嫁 去之前CHECK清楚先 唔好好似我咁傻成日去摸門釘呀

.雖然係隱世，但我相信上水友一定會識😉 「麵家山下」亦都一間#黃店 💛一定要支持黃色經濟圈店主的太太是日本人來的，店內很有日本家居風味，看得出是前鋪後居的🏡今次再來發現裝修了，保留了日本風味，還添加了香港的回憶，在牆身畫上的壁畫，表達了香港人的心聲，香港人不會忘記2019年後半年所經歷事🎗.🔸#拉麵DX $85叉燒係半肥瘦的，用火槍炙了炙而且有2隻溏心蛋🥚like like ar~

This is a small ramen shop selling authentic ramen. Place to go to if you want some good Japanese noodles in North NT.EnvironmentOutside is a typical Ramen shop set up you would expect in Japan. A kitchen with chefs cooking inside and a long bar table outside facing it. However, this restaurant also has an upstairs seating area that can sit 10-20 additional people. It’s nothing spectacular upstairs, just an average seating area but close to where they store their stock and toilet area.ServiceMin

聖誕節想喺番自己嗰區搵個黃店食晚飯過聖誕，朋友又話呢間嘢好味，所以就揀咗麵家山下。我哋知道聖誕節會好多人出街搵食，所以我哋 18:15 出發，咁早到淨係等咗 5-7 分鐘就有位坐。間餐廳啲嘢食嘅選擇唔多，同埋有少少迫，但啲拉麵同湯幾好味，我哋 friend 就嗌咗拉麵 DX ，只為食多個蛋。服務態度好周到，同埋啲嘢食唔差，仲要喺上水火車站行一陣就到，位置唔係太難搵，所以會再嚟幫襯。

一日一黃店 隱世低調拉麵黃店好多黃店麵會高調寫明自己係黃店吸引手足幫襯但呢間反而設置連儂牆係2樓（唔入去都唔知係黃店）所以去到見到‼️有驚喜呢間拉麵唔貴$60-100睇你要咩配菜（可睇圖）.呢個叫左⭐️黑蒜叉燒拉麵$75（直麵）👍🏻叉燒有幾塊 大大塊 表面有燒香👍🏻肉質又腍又香仲有幼麵可揀 👌🏻麵質軟硬適中👍🏻湯底聲稱自家製無味精 食完行咗半個鐘都冇口渴🤔黑蒜味唔算濃 👍🏻反而湯底味濃好多呢個價錢的確唔錯（😋網上望到 其他人既糖心蛋勁吸引（可睇圖）.位置係上水既老區 成條街都比較舊店面極細 得夠位收錢 睇menu要門口睇比完錢上樓食 店內冇咩裝飾👌🏻閣樓雅座乾淨企理 👎🏻廁所衛生惡劣 要改善.平時好小黎上水如果有上水黃店推介 都可以叫下我咖 thx麵家山下 (上水)地址：上水新康街63號地下D3-D4號舖.⭐️評分：味道：4/5環境：3/5服務：3/5抵食：4.5/5 拉麵黎講唔貴.

Waffle揀左最少配料嘅拉麵🙆🏻‍♀️呢間拉麵有兩層 地下系比錢同揀拉麵 記住預先講麵要硬定軟 因為無紙比你剔濃度 麵質等😂樓上先係食拉麵嘅地方 但冷氣唔夠凍 夏天去好熱😐溏心蛋夠溏心 但唔夠味🙂叉燒切得好細片咁上 不過都好多架 叉燒用火燒😙有陣好香既煙熏味！可惜少少鞋👀湯底系豬骨做底 再加黑蒜👅濃得有層次👍鮮味可以再加d✋🏻麵條比較幼😃

位於舊墟的一間拉麵小店沿路不斷經過水貨店 成條街都係班水貨佬同大陸人掉到一地嘅垃圾如果唔係為左支持小店平時真係一步都唔想行入去舊墟店鋪分開兩層地下係廚房同落單 落單後上樓坐低慢慢等樓下煮好拉麵後會有店員送上樓朋友叫左拉麵DX 我叫叉燒拉麵+蛋 價錢一樣是$85 材料都係一樣分別就係DX有兩隻蛋 但較少叉燒叉燒拉麵+蛋嘅組合就有一隻蛋+多叉燒識食一定係 叉燒拉麵+蛋咁嗌除非你想食兩隻蛋蛋就中規中矩 如果係溏心就更正叉燒有淡淡嘅炙燒香味 肥瘦啱啱好另外叫左章魚燒 $28有6粒 份量同質素都係

幾年前已聽過「麵家山下」的大名，不過等到今日才有機會入上水，一嚐它的滋味。小店位於新康街，門面平凡，大隱隱於市，但只要你看到新康街上特別聚了一群人的店鋪，就是「麵家山下」了。店員很細心，為了省時間，會先幫你落order，才帶你找座位，而我就點了招牌名物叉燒拉麵。小店設二樓雅座，約20多個座位，細小但不侷促；稍等一會，店員就把熱辣辣的拉麵奉上。由日本太太經營的小店，感覺特別正宗。叉燒足料，厚度適中；湯底亦非常香濃，最後我還喝了兩口才肯走，正！希望小店有機會再衝出上水，令九龍和港島人唔使山長水遠入上水搵食，加油！

平時每次經過都見到好多人排隊今次夜晚早少少過去等首先喺樓下排隊叫咗嘢食先然後就可以上樓上等㗎喇樓上唔算好寬敞但就好有自家特色拉麵嘅款式唔算好多我今次叫左 拉麵DX有叉燒仲有兩隻蛋添不過等食物嘅時間都比較長可能係因為即叫即整的關係同朋友傾下計時間好快就今次食完嘅感覺成個感覺係好日式原來店主兩公婆都係日本人

今日，二零一九年十月一日，想寫一篇。香港，一直是自由開放港口，今日， 烽煙四起。避走上水，算是安閒之地，試這家，一直想试的，小本经營的日本麵店。大街轉小巷，行到巷尾，只見麵店的門面、廚房，點了麵，在旁邊的楼梯往上爬一層，就是吃面處。坦白说梯間殘破，有 尋幽探秘夫。吃面處一樣簡陋， 幸好十分乾淨。 大都是年青人，也有年轻夫婦常著小朋友。人客都斯文，也不嘈吵。等了好一會，先來炸蝦，蝦肉爽甜，皮略厚，收貨。再等一會，麵與炸芝士同上。咦，怎麼兩碗都是黑蒜油？😏你話點最受歡迎嘛😥不過，依家谂到可以點唔同款😞唔緊要喇，開動喇。先试湯，肉味濃，出乎意料的，油不算多。但，略有點咸。叉燒味道剛好，帶焦香，而且份量足。麵條略帶韌度，影完相吃，剛好。溏心蛋當然美味，再混少少湯 就更加鮮。這樣的日子裏面，在此安安靜靜地食一碗麵，只覺，浮生亂世。尚欠的，應該系，一杯清甜的開水，又或許，一杯茶。

一間默默經營的小店，一間外國口味，而且由旅居香港的外國人經營的小店，永遠都是帶有一定的魅力的。前一陣前，在新聞上看見一家默默在上水經營的拉麵店經常受到水貸客等的滋擾後，決定在某一日於東莞放工回程到香港後，在上水下車，目的同目標，就是這一家家庭式，由香港人先生及日本人太太經營的拉麵小店《麵家山下》。拉麵店很細，廚房就完完全全地設上店的樓下，而食堂就完完全全地設在店的樓上。店員同老闆娘，就小心翼翼地捧著麵由店前的樓梯把麵端上來，也小心翼翼地把客人食完的碗筷收回下去。而且，這一個閣樓的空間，有書，有洋娃娃。感覺，就是一個有小朋友的家居生活空間。安頓好自己後，就慢慢地等麵到。檯面上，有介紹《麵家山下》的拉麵湯底製法。貼得出這告示，證明到這店的濃湯底是自家製作的，頓時會令喜歡拉麵的客人感覺到店主的用心。我點了一份叉燒拉麵。原濃豬骨湯底再混上醬油，味道非常之濃香。叉燒看起來好似好瘦，但吃入口時，可以用又腍又香來形容。幼麵，吃起來爽口，再配合這一個濃香骨湯，加上蔥加上荀，味道絕對是美。麵美，湯更美。邊吃麵的我當然也邊喝下這一碗美味的拉麵湯。吃完麵，就慢慢地飲到見底。這一個湯頭，我更可以說，這是成碗麵