麵家山下 (已結業)

我和朋友兩人來到元朗的麵家山下吃晚餐。我們一共點了三樣食物，一款小食，兩款拉麵。小食是炸蝦，共有三隻，全部炸到金黃色，外脆內嫩，蝦肉鮮甜，值得品嘗。山下的招牌推介是拉麵DX($75)，裏面的叉燒頗多，所有叉燒都經過火燒，因此一上桌便聞到香濃的叉燒香味。我選了醬油湯底，拉麵中有紫菜、筍、蔥花、兩隻味附雞蛋。雞蛋黃是香滑的流心，但一點也不腥。另外，人氣推介的叉燒拉麵($65)也夠抵食，我選了黑蒜味的湯底，麵上面同樣有火燒叉燒、紫菜、筍、蔥花等材料，拉麵的份量十足。

係面書見到話上水嘅山下比水貨客强佔，諗起元朗都有分店，又橫掂未試過，落樓下食個麵先。坐低店員送上水同餐牌，麵有五款，湯底有四種，仲有幾樣小食同飲品咁，簡單易明，好快決定到食咩。愛肉嘅朋友叫左又燒拉麵，辛辣湯底。叉燒有四、五片之多，朋友話好滿足喎。湯底不算太辣，香濃惹味，食到底有幾隻辣椒，唔小心咬到就真係會好辣啦。自己點左拉麵DX醬油湯底，貪佢有兩隻蛋，我真係好鍾意食呢種味附蛋㗎。醬油湯底意外地清淡，沒想像中油膩呢。麵條爽口彈牙又掛湯，好食喎。叉燒甘香入味，半肥瘦好正，可惜太薄了，失去了口感。正爆流心蛋，充滿蛋香之餘，蛋醬仲留係口腔內久久不散。有點意猶未盡再追加左一份大板燒串，大板燒食得多，整到棒狀就第一次見。粉醬同椰菜比例幾好，外邊煎得香脆，加上勁多醬汁同沙律醬，好好味！平均唔使一百蚊個人，拉麵黎計算係咁了。

全職湊bb，剛開始時有點手望腳亂，家樓下這家麵家山下，開業都好一陣子了。這條街的食店仿彿『做極唔起』，連最有實力的甜品工房都摺了…主打的叉燒拉麵（黑蒜油湯底），冬天食熱騰騰的一碗，好滿足。黑蒜油味未見特出，有點點給出前一丁的比下去，有點小失望的。Deluxe版叉燒拉麵會多兩隻糖心蛋，比普通叉燒拉麵多十元，實屬抵食！醬油味湯底，由色澤所見，覺得並非真正醬油湯，但亦沒感覺到豬骨湯味。麵底是日式拉麵最常用到的南天製麵，靚料，沒鹼水味，蛋味不俗，煮得時間恰好，彈牙有嚼勁。順帶一提，這裡不設如坊間拉麵店的customize風格，湯頭濃度，麵硬身度等等，半點不由你話事的。叉燒薄如任食打邊爐肥牛，不過味道卻是意外的好味。這家店的笑臉，我全因這片叉燒而評分。表面燒得焦香，有點碳味。老公覺得苦，但我覺得有一種風味。DX味玉，流心做到足，蛋味一般，應該是蛋本身質素問題，但烹調方面已經沒什麼可以挑剔了。大阪燒串，反而有驚喜，真的有日本街頭小食的感覺，做得幾出色的。炸雞軟骨，我不推介。每款小食均$20，這個份量，倒不如吃街邊小食店。起碼給一點七味粉顯出日式食店的誠意嘛…怎麼說，小店由食物到服務，和日本過江龍拉

早前和屋企人在元朗行街，元朗是我成長地方，在這20年中改變好大,交通方便好多，在鳯琴附近行下時候，屋企人想吃拉麵，附近只有麵家山下，麵家山下由日本人所開 元朗是第二分店 ,總店在上水 ,於是就同屋企人去麵家山下，我之前去過1次了,它並不太難找到，我點了DX拉麵+一口芝土球,DX拉麵揀黑蒜湯底 ，湯底味道好濃郁，而且又不會太咸，味付蛋又幾好味,叉燒味道都OK,稍為薄咗些小，拉麵份量偏少,整體都OK,，價錢貴咗些小，可以接受，地方不是太大 ,空間整體感覺都ok,服務亦都幾好,可以來試下這裡

見到報道話呢間面店係黎自愛知縣，次次經過都想試，但係又有人排隊等位， 今次"啲"起心肝等位。。。。等左10分鐘總於有位，叫左一個xd拉面黑算頭， 一個叉燒拉面面屎湯味同叫左個炸蝦。。。XD黑蒜拉面個湯好香而且不太油，而個麵豉叉燒拉面有miso味但又不會太咸個拉面好爽，唔會太淋，最緊要冇梘水味個炸蝦食得出係新鮮海蝦， 炸到剛剛熟， 炸得太熟就會唔好食。。。

行下雞地時無意發現呢間拉麵店！見裝修普通都有少少淆底唔想試，但見價錢好平55蚊起就試下啦！點左最平嘅普通拉麵！叉燒有2大塊而且係半肥瘦我最鍾意嘅個種脂肪同肉分佈嘅比例！入口溶得黎又有實在感！湯底有4款簡但可惜冇豚骨簡！退而求其次簡黑蒜湯底又出奇地好香口！問過老細貴10蚊嘅叉燒拉麵有幾多塊叉燒！佢話多普通拉麵2-3塊到！如果鍾意食叉燒可以點叉燒拉麵，因為都係貴10蚊！總括黎講呢個價錢有呢個質素性價比算好高！絕對有下次！題外話：我去時全店得一人in charge!師父做埋樓面野所以d台有人黎先汁！

今日去開元朗, 記得呢間元朗有分店就去咗食, 正常晚市時間, 竟然一個客都冇, 開始有啲唔期待, 但既然來到都照食, 出期地, 湯底同麵質都比想像中好,個蛋好食, 湯又夠熱! 我同男友一致認為好食過大名氣既拉麵店(一X, 豚X), 點菜唔使剔粗幼, 軟硬, 濃淡, 唔花巧, 就係簡單!

拉麵者，匠之魂也。這就解釋了為何在香港，幾乎每間標榜正宗的拉麵店，都長期 / 定期有日本師傅坐鎮，為的，就是對自家品質的堅持。如果沒有了日本師傅監督、顧店的話又會如何呢？我對這一點總感到好奇。抱著這個疑問，我一而再地，拜訪了這家位於元朗的「麵家山下」分店。白色底的霓虹燈映照出「山下」二字，加上同樣印有店名及LOGO的門簾，很有「日系」的色彩。此外，門前亦放有兩張椅子，供客人在等位時可以小休片刻，相當貼心。麵店在門口立起了一塊小小的黑板，上面寫了該店的「人氣推介」，並在旁邊畫了一隻可愛的小豬。「歡迎光臨，隨便坐」，廚房傳來一把年輕的聲音。「只得一個人看店？沒有日式師傅在嗎？」我的腦海不禁浮現一堆問題。環顧四周，可以坐的地方著實不多。不似一般傳統的拉麵屋，這種四人檯的設置應該是為了方便一整班人前來用膳。待坐定之後，眼見上一檯客人離去時的碗筷尚未收拾好，人手如此不足，看來這裡確是一人麵店無疑。也就是說，那位年輕人就是老闆。定過神來，發現麵店的裝修不甚了了：吧檯裝潢簡單，簡直和普通港式拉麵店相差無幾。「想吃什麼？」年輕的老闆自廚房探出半邊身來。躊躇半晌，驀地發現頭頂上原來掛著一排用日文書寫的木

元朗真的開了不少拉麵店，早前一個人去了元朗揾下晚餐地方，發現麵家山下在鳯琴開了分店，呢間在上水有些小名氣，我甚少去上水，既然元朗有分店，決定試下元朗分店,這裡先俾錢後送餐，這間分店地方不大,只可以容納10個客左右，這裡人流不算好多，這裡的拉麵只有叉燒，湯底分別有豬骨周黑蒜兩隻味道，我揀了叉燒豬骨湯拉麵(68元)+5元可樂，叉燒拉麵好快送到，叉燒有4片已經算多了,拉麵偏向硬身,並不是我愛吃口味，味道不過不失啦 ，豬骨湯稍為咸咗些小，叉燒覺得味道一般 ,我覺得麵家山下只是一般,可樂冇特別，元朗店整體來講只可以話味道一般,這裡設計有日本居酒屋feel,服務都OK,未必吸引到我再去

午餐時份…朋友三番四次到來＜山下＞都摸門盯…朋友並無氣餒...今次實行打電話問清楚>>>究竟幾點開門做生意架？？！！？？！！誓要食到你為止！！呢度只係小店式經營...長長既bar枱似足日本式格局...唔鍾意坐bar...在最盡頭既位置...還是有普通既4人枱的...牆壁上擺掛放左小量日式裝飾...餐牌一目了然...主打係义燒拉麵...要留意＞＞＞呢度係order左食物...即時付款先的...飲品亦無咩選擇…朋友選左乳酸飲品…都只係一般小朋友飲品>>你今日飲左味呀？！？！义燒拉麵同拉麵DX既分別…只係多左兩隻溏心旦…同埋义燒既多少…基本上兩個湯底都幾好味…黑蒜絕對唔係辣既…反而更惹味…义燒唔肥又入味…拉麵感覺有少少似生麵…腍度剛剛好…溏心旦做得比較流心同嫩滑…可惜唔夠甜…芝士餅新鮮熱辣…外皮脆芝士煙韌…唔錯…章魚粉多肉少…反而比較一般…朋友之所以要食到<你>…係因為以前係上水店食過…真係好好味…但呢間元朗分店…就似乎有點失色…希望仍有進步既空間…

之前上水店好出名,一路都想試,但太遠,遲遲未去,之後發現了元朗開了分店,就去試,去左三次,先有幸見到開門,好在當時友人未話我煩先食到,可能以後冇咩機會食,呢到好簡單,全部麵都差唔多款,只是醬料,大細有別,我地點了個叉燒拉麵(醬油)同拉麵dx(黑蒜),湯底唔錯,幾好味道,麵就一般,不太突出,糖心蛋煮得幾好,不太熟,小食就點了芝士餅,芝士幾香,餅皮有口感章魚燒,皮比較厚,但味道尚可飲品就似冇咩味益力多總結,味道唔錯,但元朗區有更好選擇

夜晚去食唔洗點等位,好快就落左單, 我要左個普通拉麵,男友要左個DX拉麵佢係黑蒜湯底我係醬油湯底,唔知係俾錯定點,我覺得我同佢果個無分別...我係出面食的話都會見到黑蒜湯底係有黑色蒜油的,但,呢個係乜都無我一食落去覺得好伏,面好UN, 個湯好油, 可能係我唔係咁中意太濃味,男友倒是吃的挺開心的D叉燒半肥瘦啦,都薄GE其實佢都幾細碗,但我食到一半已經停左手,覺得好濟叫左雞軟骨我都係食左少少就算而且款式不算多,可能因為佢叉燒拉麵已經可以走天涯? 但我expect 有多D選擇不太適合怕油膩的朋友,食開濃厚湯底的可以試下!

之前一直係上水食開，今日係元朗打完波就係附近搵野食，行行下竟然見到麵家山下，原來開左分店！又係開係巷仔，睇黎老闆情有獨鍾，講返碗麵，叉燒夠厚，夾起唔會散，點餐時可以選擇火炙叉燒，真係好香，麵身都有得揀軟硬，我一直係上水果間都食開較硬麵身，今之都唔例外，湯底揀左味噌，感覺上元朗店湯底質感較厚，夠熱，蛋流心，外暖內冷，很滿意，一定會再黎，午市時間汽水半價$5

拉面DX$75, 很好味！品質如一 味噌拉麵好好味，湯味道夠，麵時間剛剛好 叉燒好香口 , 味附雞蛋岩岩好 , 流心的XDD 最後我連湯都飲埋!勁呀~小食雞軟骨$20 正!!!!!!!!!!!!!!炸得剛剛好 , 再配埋沙律醬一齊食 , 好味道服務方便員工都好NICE,直得一去再去後再去既拉面店