麵家山下 (已結業)

又是一個人晚餐 系列，我經常說一個人的話吃拉麵 是最好的，吃完直接離開是最方便的。今次我就一個人去了薄有名氣的拉麵小店麵家山下，這裡要先下單付款才可享用拉麵啊。事前沒有做過任何資料搜集，所以我都是隨心點了拉麵DX，雖然它的叉燒份量寫是中等份量，但我覺得有點空墟，因為它不是厚厚的那種。叉燒肥瘦可算肥瘦得宜，微微油脂經炙燒後都有入口即化，美中不足叉燒的炙燒不太平均，叉燒厚度薄得來有口感點「削」。拉麵可以煮得更爽口彈性些，軟硬度則很合我心意，硬硬的不會過於軟腍，我很怕軟掉得像粥的麵條。對於愛吃蛋的人看見兩大顆玉子一定滿心歡喜吧，玉子完全滲透味噌的香氣，入味非常。雞蛋的流心度太漂亮了，橙黃的蛋液一滴一滴的往嘴裡送，十分可口。在湯中我還找到一點肉碎，那些肉碎蠻嫩甜，味噌湯底不會像一般的死鹹，濃重得來頗順口，所以我都全喝光。

元朗-麵家山下：黑蒜油·粗曲拉麵·加蛋（hk$60+$10）小小的拉面店位處內街，其實經過左都唔覺，有晚一個人唔知食乜就中左入去，價錢頗相宜下，估唔到質素都唔錯！！2種拉麵、5種湯底、仲有8款小食可揀！選了粗曲拉面，彈牙有質感（愛！），湯底唔會死咸，黑蒜油香，糖心蛋堅糖心（愛！）！！仲有勁多荀！塊肉燒得香，不過就硬左少少，碗麵仲有好多角切豚肉！勁足料！另外點了章魚丸（$28），即點即燒夠哂新鮮！可惜略嫌粉漿太多而菜絲和八爪魚粒相對不足。Anyway，唔駛排隊堅爽呀！價錢唔貴，性價比高。

正值情人節，唔想食西餐又唔想食茶記既話，揀左最愛既拉麵！小店細細座位不多，上菜速度快！共5種不同味道既湯底可以揀，麵就有租身或幼身。不同價錢既分別只在於碗內有幾多配料。麵質較幼身彈牙，唔會太漏，正合我意拉麵DX仲有足足有兩個溫泉蛋叉燒肥瘦適中，又薄好軟身辛辣比黑蒜味道更為濃更好味。章魚燒較遜色，每粒都有一小章魚粒，但太多粉啦，只勝在夠熱夠多木魚&紫菜條！整體都ok既，價錢$68已有一碗算係實惠抵食

碰巧情人節要到元朗開會，見還有半小時和同事女食個快飯，在openrice找到這間拉麵店。不嬲都超愛吃拉麵的, 將軍澳中心的味吉拉麵店還在時，每星期我都要食一碗牛肉拉麵，很懷念！這店內的座位不多，當日2點左右連埋我有五位客人。店員只有一位，既是服務員又是廚師，店員會順著客人進店的先後次序為客人落單及收錢。難得他一腳踢還超有禮貌我選了黑蒜味道，拉麵到枱的時候黑蒜油味香幼直麵的質感也煮得剛好，叉燒帶有煙燻的味道，美味得想多吃一碗！加了一客炸蠔，共有3粒，想不到吃下會這麽鮮味！雖然不常到元朗，但下次再來也要到這誠意小店惠顧！！

已經想吃好多次卻總是到找嘢食時忘記了,今年想要個環境自在既地方吃飯,就想到這裡,店舖有著輕輕日本音樂,環境唔係高級食店感覺,但卻坐著時有一種寧靜自在感覺,店員十分有禮貌叫左2個拉麵,一個义燒,一個dx,义燒用火再燒過,好香,入口即容,湯無味精,小食分別叫左炸蝦同魷魚餅,但炸蝦好讚,完全唔會有粉既感覺,做出真正日本炸蝦口感,只係二十幾元3隻,勁底食,魷魚餅都好好吃,唔會咬落係啖啖粉,可以話係好出色既小店一定會再黎

得閒Open Rice拉麵店，發覺元朗一帶多了唔少拉麵店。趁住天陰陰，我地二人遠從荃灣啟步，攀山涉嶺穿過元荃古道，黎到元朗覓食，為的是一碗果腹之餘仲可以齒頰留香嘅拉麵店。當我地係「彩」晚上開店前半小時打算排隊時，已見到二十多人排緊隊! 屈指一算，店內只有十個位，起碼要輪三轉，差不多一小時才可以入座，咁樣對於我地呢D餓鬼黎講，實在太大折磨了。「三十六計，走為上將」! 離「彩」不遠的「麵家山下」亦係To eat list內，行了大約十分鐘即到位於橫巷的「麵家山下」，內部裝潢雖然有面壁單人位及一些日本掛畫及poster，但略欠日式風格，似是地道香港茶餐店。話說呢間總店係上水，係上水唯一一家拉麵店，港人老闆同日藉老婆一齊打造出黎，依家開分店可謂有些成績。我地都叫了75元拉麵DX(黑蒜湯底)，上碟後先發現有兩粒完整流心蛋，加上多塊燒製嘅薄叉燒，豚骨湯肉碎、爽口竹筍同一塊紫菜，那實在太物超所值了! 湯底用豬骨熬成，入口沒有味精味，黑蒜味主要來自黑蒜油，食落很惹味。麵條沒有煮過頭，麵身較硬，符合日本拉麵要求，惟麵條過於幼身呈「卷曲狀」，影響口感，個人不怎喜好。呢間拉麵配料同豬骨湯底都做得唔錯，係入貨

今日係open rice揾到一間係元朗嘅拉麵店，於是就同朋友過嚟試下。一入去就有位戴眼鏡好有禮貌嘅員工招呼，感覺好warm。之後我地嗌左兩碗拉麵DX（黑蒜），等左一陣就有得食。麵到嗰陣，d黑蒜味不停咁散發出嚟，好香。第一樣試嘅咁就緊係湯頭la，濃郁嘅豬骨味加上黑蒜味特別飲，好有層次。叉燒燒得好香，真係好好食。至於麵質就非常彈牙，時間掌握得好好。最驚喜嘅就係隻蛋，原本係糖心蛋，真係好特別。食緊麵嘅途中，聽到老闆同佢個員工有講有笑，聽到佢地講d野我地都笑左出嚟。雖然個拉麵好好食，但係眼見呢度好少客人，真係有d覺得可惜。走嗰陣嘅一聲“多謝哂，bye bye”令我好滿足，所以我一定會再嚟！！

搜尋一下雞地的餐廳，看到麵家山下，見最近好像都沒有吃拉麵便打算光顧一下。山下就在雞地巴士總站/體育館旁，雖然在巷子裡，但門口放著拉麵店的旗子，相當顯眼。平日8pm不用等位，店內面積不大，最多容納十多人，不像大型連鎖店等鋪張，感覺很踏實。望望餐牌我心裡更踏實，一目了然，一看便知各款拉麵配料和份量的分別，最相宜的拉麵只要$55。如果閣下喜愛重口味的話，山下未必是你心中的那杯茶。今天我點了叉燒拉麵（醬油）而女朋友則點了菜盛（黑蒜）。提一提這裡是點菜後付款。抬頭一看，見到山下用的拉麵是從南天訂購的，水準應當有保證。（註：南天製麵是香港少數/唯一由日本人創辦和主理的麵廠，原材料由日本購入，所以不少拉麵名店都是南天的客人。）其實當天喉嚨有點不適，生怕山下的湯底如大部分拉麵店一樣，以濃厚的味道和質感轟炸食客，誰不知山下的湯底給了我一種平淡但滿足的感受。菜盛拉麵 （黑蒜） $70湯不比其他店濃，但黑蒜油味香，柴魚粉放於荀上，混入湯底可增加鮮味，添上香烤的味道，層次更豐富。最特別的是香之餘不會有股油膩充斥口腔，是平易近人的湯底。叉燒拉麵 （醬油） $65醬油湯底易入口，醬油淡淡鹹香，撈入荀和蔥加上山珍香

我唔敢講我係食家，但係我一個月起碼食兩次拉麵，一黎好食，二黎比起其他野飽，三黎比起其他野平。 所以我係喜歡食拉麵的。食過大坑 銅鑼灣 北角 中環等唔同地方十多間沾麵拉麵，未食過我稱得上難食既拉麵。皆因就算湯底唔係好精心熬制，有味精都起碼有特別味，麵都係幼身拉麵生麵。反而未試過元朗屋企附近的拉麵，夜了回家就搵間試一試。見到麵家山下評價幾好就試下。完全唔明好評何來。叫左一個叉燒拉麵醬油味，加蛋，75元，想享受一個人的拉麵，誰知中伏。第一，麵條只有一種選擇，就係似公仔麵的拉麵。粗身，唔知做乜有鹼水味，可能瀝水不足。同我食開軟身幼拉麵係兩回事。第二，湯底連公仔面都比唔上，毫無誠意。由於麵有鹼水味，成碗已經充斥住少少苦澀，懷疑水無瀝乾，也應該因此溝淡了湯。但本身個湯就非常普通。第三，蛋雖然流心，但係無心機整，因為完全無浸醬油，無味，好失望。叉燒薄身，OK香口，有幾片，係成碗麵比較好的部分。總刮黎講，我唔明點解有好評，開始懷疑係自己太重口味，還是我中意食的都不是拉麵。利益申報而言，本人喜歡吃金田家及豚王，亦喜歡別天神。銅鑼灣 廣島霸嗎拉麵，相對便宜的一家銅鑼灣拉麵 89元就有一碗，那麼我幫襯麵家山

入元朗行下街， 傍晚開始覓食， 見間拉面店新開入去試下先。我們兩人叫了一個叉燒拉面及特級叉燒拉面， 分別既係叉燒份量 及多了兩隻玉子，貴十幾好似（都抵呀2隻喎）湯頭飲完有D口乾， 我係咁飲水 面質不錯夠彈牙，叉燒入口溶， 好好味玉子流心好好味，推介！鋪仔好細， 坐得10 - 12個人左右， 尼個係較坐得唔舒服要扣分的地方

今天收工原本想返屋企煮野食但突然腦海浮現曾經想試呢間的拉麵但openrice 中見到星期一休息心想算了 去附近的甜品店食個窩夫或者Tiramisu 吧反正會經過不如睇下自己運氣可能會開呢而且去到門口。。真係有開呀Wakakaka 所以個心突然諗起就有原因望住個menu 猶豫選$55 定$75 的拉麵好呢$55的拉麵，叉燒就少一點，兩片薄薄的$75的拉麵，叉燒就中，不知有多少，但我就知道有為食妹不愛吃的蛋所以為食妹選了$55 的拉麵再加$20 一份的小食 炸蝦先下單、付費後，食物就會送到面前先講講拉麵(要了辛湯底)叉燒的油脂感好重，好好味，有d特別比出面食嘅日本拉麵叉燒更好味拉麵口感偏硬身湯底雖說是辛，但為食妹食唔到辛味但個湯好濃，連平時食麵唔飲湯嘅為食妹食完麵都有不停飲湯至於炸蝦有3隻，雖然不算大隻但蝦肉沒有雪藏味，粉唔會過厚而且$20 3隻如此質素的食材價錢好抵真係估唔到一間小小的店做到如此出色雖然店鋪開喺，唔係人來人往的街道但係小店，加油！

之前上網有聽講過麵家山下呢間店嘅故事，都有聽朋友講味道唔錯，之前我凈系知系上水有店，但最近聽講系元朗都開左間分店，咁巖今晚有時間，咁就過去試下味道同體驗下系咪人地講嘅咁好食喇。呢間店好細，入邊只有十幾個位，因為我地去到先六點幾，所以唔洗等位，多數到七點多D就開始要排隊喇，裝修得比較精致。店內可以揀嘅品種唔算多，拉麵就系得果個種，應該貴在夠精吧，我地都點左個拉麵DX黑蒜味，仲有其他幾種口味，有三片叉燒，叉燒表面有燒過，但都系肥叉，表面有燒過，肥肉D油都逼曬出嚟，有種入口即溶嘅感覺，而且燒過覺得特別香。我地揀左黑蒜味，所以表面多左一層黑蒜油，聞到一陣比較濃香嘅蒜味，但入口又唔覺得好重嘅蒜味，湯底都唔算話好濃，但飲得出系用豬骨煲左好耐，拉麵做得相當唔錯，軟硬適中，浸耐D都唔容易變軟，最意外系會有兩個味咐蛋，系溏心蛋嚟嘅，蛋白醃得好入味，蛋黃流心好滑，幾好食，配菜嘅筍都唔錯。想食好野又唔想等太耐的朋友，要早D過去霸位食啦！

假期又到，於是就叫左我男友陪我出去食吓野行下咁，未行前就梗要醫飽肚肚先，係一輪商討後就去左呢間餐廳試吓呢間餐廳主要是食拉麵的，我們睇左一陣後就叫左一款小食同兩款拉麵小食是炸蝦，共有三隻，全部炸到金黃色，外脆內嫩，蝦肉鮮甜，味道很不錯餐廳的招牌拉麵DX裏面的叉燒頗多，所有叉燒都經過火燒，因此一上桌便聞到香濃的叉燒香味。我選了醬油湯底，拉麵中有紫菜、筍、蔥花、兩隻味附雞蛋。雞蛋黃是香滑的流心，軟香滑喉，很是美味另外叉燒拉麵也很抵食，我選了黑蒜味的湯底，麵上面同樣有火燒叉燒、紫菜、筍、蔥花等材料，拉麵的份量十足，麵質軟硬適中，咬口十足，夠入味又有濃肉香，真的很讚食畢後我們都覺得很是不俗，屬可一食再食的拉麵之店喔

係上水鼎鼎大名既山下麵家! 我地今日食到黎呢度啦~~~個位置好難搵, 係橫街既橫街, 真係要拎住個古古MAP黎呀! 好在最後都搵到星期六1點完全冇人...好擔心佢可唔可以繼續啊...真係得叉燒既叉燒拉麵! 另外只得一片紫菜同好少既荀...個麵係煮得幾好既, 彈牙又唔會過生, 但真係唔太好食, 麵質好似公仔麵, 而且有D麵條仲一條條痴埋左一齊, 好似公仔麵咁...叉燒好淋呀~個邊燒過好好食, 湯底好清但真係冇乜特色...成碗拉麵都冇乜特別, 好似清清地既味千拉麵咁...

好快就又要離開香港，上大陸返學啦~~超級唔開心囖，又要自己一個喺上邊生活，無daddy同埋mommy煮飯俾我食，而且我最最愛噶傻豬豬又要同我分開好長一段時間啦，真係超級唔捨得吖...所以今日一定要喺我平時最鐘意噶餐廳食我最鐘意噶野食！！就喺佢啦——黑蒜拉麵。呢度嘅環境同一般嘅拉麵鋪差唔多食拉麵之前先飲翻啖拉麵噶湯底，湯底噶味道非常濃郁，但係又唔會話好咸，只有個湯底味道夠香濃，先可以好好咁、深入咁將啲湯汁滲入啲拉麵到，令到啲拉麵噶味道更正！！ 飲完個湯底之後，千其唔好心急食拉麵先，重要好好咁食下拉麵上面噶配料。配料非常豐富！ 一份拉麵上面竟然有兩隻鹵水蛋，不過雞蛋我只食蛋黃，而且仲有一塊好大噶紫菜啊。最特別噶梗喺碗拉麵噶幾夠肉啦，肥瘦適中，咬落去鮮嫩多汁，肉質鮮美。最後先嚟開始食拉麵，拉麵入口噶味道有好香噶蒜味，拉麵口感非常彈牙！食完一碗之後真係停唔到口吖~~最可惜嘅系食嘅時候凈喺影咗一張相，食完先醒起應該影多幾張嚟留念嘎！！！