麵尊

營業中

休息中

麵尊太耐都冇去食麵尊了，今日決定咗去登龍街食一食！☺️其實佢裝修好唔似車仔麵鋪頭！但係，佢同車仔麵都冇咩分別，一樣係填紙仔，揀自己想要嘅餸同埋麵。我揀咗貢丸，雞翼，芝士腸，生根！雞翼整得好入味！有時車仔麵嘅雞翼會皮肉分離，但係面磚嘅雞翼就冇，仲係一隻好完整無缺嘅雞翼😂😂😂芝士腸入邊真係有芝士，車仔麵好普遍都會用脆皮腸代替芝士腸🤣足料嘅車仔麵檔!份量來講，作為下午茶應該有啲多😂😂😂但係如果係午餐來講，應該好足夠。我仲叫咗腩汁同麻辣，好香口😍😍😍差啲飲晒成碗湯。其實佢可以揀淨餸，但係又自己口痕想食啲麵😂😂😂下次再食下午茶嘅話可以唔叫麵！車仔麵嚟講，呢間算坐得好舒！而且啲職員又好好態度。而且佢個辣汁真係好有誠意，應該係自家製😍真係好好食！

位於銅鑼灣登龍街的麵尊絕對是香港頭三間好食車仔麵，配料選擇多，價錢大眾化，湯底味道可口，麻辣醬及咖哩醬有特色，食物有質素之餘又有擺盤，絕對是色香味俱，難怪午市、下午茶及晚上人流絡亦不絕。湯底味道清香偏甜，感覺不會太重味精或者過鹹，湯底絕對有特色，如有需要亦都可以免費添加湯底。另外可以選擇牛腩汁、麻辣及咖哩汁，麻辣幾有特色，麻味稍弱但是辣味就幾惹味香口，辣味帶有後勁，越食越過癮。至於麵底共有八款選擇，除了一般河粉、米粉、粗幼麵外，更有伊麵選擇。伊麵口感煙韌彈牙，個人就比較喜歡，而且外面 車仔麵店亦較少見。而配料選擇共多達三十多款，當中首推牛腩，牛腩做法較似清湯腩或牛坑腩，肉質軟熟，牛味濃郁，而且份量亦多，非常抵食。另外亦推介牛柏葉以及咖哩魷魚，兩者口感爽口彈牙，本身食材味道較淡但配上湯底以及麻辣汁就惹味可口。若果喜歡 嘗試湯汁的朋友就推介豆製類配料，例如豆卜、美味齋以及炸支竹，清香豆味以及帶甜的湯底味道都非常匹配。另外炸魚皮亦做得出色，雖然用膠袋盛載比較土炮，但味道一流，炸得薄脆，質地脆口，味道帶有少少鹹香，在湯底浸幾秒鐘就可以做出半脆半腍的口感。至於飲品方面點了凍奶茶以及豆漿，豆漿味道

📍麵尊銅鑼灣登龍街18號V Point地下5號舖🍖五香牛腩 + 🐖豬皮 🌶麻辣 (小辣) 米粉 (加底) $42🥩豬頸肉 + 🥕蘿蔔 腩汁 幼麵 (加半底) $37🥛豆漿 $14因為女朋友知我鐘意食車仔麵😋又見我對麵尊既湯底讚不絕口🤤所以放工又陪我去食啦😆佢地既湯底果然冇令我失望🤩清得黎好甜😋今次加左麻辣小辣更加惹味，不過佢地既辣多於麻，個人覺得如果麻啲會香啲🤔五香牛腩好稔，但個人覺得豬頸肉好食啲😋蘿蔔清甜冇渣😍不過發生左個小插曲，就係上次女朋友唔小心倒瀉碗湯🙊整污糟左張枱(同埋我條褲🤣🤣)，所以今次我地就格外小心🤢結果今次就到我倒瀉啦🤮由於張枱表面有層蠟，個碗有小小黏住張枱，所以就唔小心倒瀉左🥲雖然(又)倒瀉左要麻煩店員幫忙清潔番，但店員既態度超級好😳冇責怪我地之餘，仲問番我地有冇事，同洗唔洗加番湯比我🥺雖然諗起都覺得非常唔好意思🤮但真係要讚店員既態度超好🥰雖然好驚又倒瀉🤧但真係抗拒唔到咁正既湯底，所以我地都會再去幫襯🤤希望唔會倒瀉第三次啦！😖#bunnytummy_港島#bunnytummy_銅鑼灣#bunnytummy_車仔麵#minjuncartnoodles#香港foodie

每次去銅鑼灣一定會食呢間車仔麵，雖然晏晝同夜晚每次都要排隊，但都值得既，今次我叫左美味齋，豬紅，豬頸肉，雞中翼，油麵咖哩湯，而我老公就食豬大腸，五香牛腩，蘿蔔，米粉腩汁每個餸都好入味，排隊都值得

見好多人都話呢間車仔麵好食，一心諗住去試吓。點知碗麵一到，睇住碗入面嘅“五香牛腩”，點解好似“瘦肉咁”😨，仲以為自己叫錯嘢。入口得個咸字，啲肉又散，好奇怪。總括嚟講，見到碗嘢就唔想食，仲要咁大間舖，只收現金，無下次。😒終於都明，點解銅鑼灣另外嗰啲車仔麵舖，可以咁貴，同排長龍都仲有咁多人食。

🇭🇰Hong Kong - Causeway Bay📍麵尊 MinJun細尊魷魚 豬頸肉 大腸 雞翼 伊麵_____________________________去到銅鑼灣，有好多好多唔同嘅美食但每次都會選擇困難症唔知食咩好。每次唔知食咩好嘅時候，都會選擇食車仔麵。相信好多人去到銅鑼灣都會必食「榮記」，但今次介紹嘅係我每次都要排下對嘅「麵尊」。兩間相比我個人比較中意麵尊個湯底，雖然大家都係腩汁底但會相對比較濃厚啲，同埋佢仲有麻辣汁同咖哩汁比你揀。個人必選麻辣汁加腩汁。對於選擇困難嘅我，一定係唔想揀，所以一定係揀細尊/大尊幫你配搭好。而另一碗就揀啲大家都想食嘅野食交換食。個人推薦，雞翼咖喱魚蛋。而我對豬紅比較揀擇，呢一個豬紅都唔錯唔會有腥味。另外，設有每人最低消費$40。📍 銅鑼灣登龍街18號V Point地下5號舖上環蘇杭街22-24號地下21號舖香港仔南寧街6-12號ac5 地下8號舖

銅鑼灣大排長龍車仔麵！成日經過呢頭都見到呢間好多人排隊，環境好復古！仲有大大嘅霓虹燈招牌，真係好吸睛！一嚟到即刻叫左個小食！淨炸魚皮呢個超推！好好食！魚皮勁脆！真係必叫！我同朋友各自揀咗兩碗！咖喱魷魚、蘿蔔、五香牛腩呢碗揀咗麻辣小辣同油麵～普通麵偏辣，醬汁係獨家研發個人推麻辣多啲！五香牛腩份量都多，但咁岩係筋位～我朋友個碗就好啲，食落肉質較腍，都好睇彩數！咖喱魷魚不太推，食落冇咩味，但勝在彈牙咖喱牛柏葉、蘿蔔、五香牛腩今次揀咗咖喱小辣同米粉～食落超級辣！！！食到後面完全食唔到因為實在太辣，但咖喱味唔算好重～咖喱牛柏葉都好上色，食落彈牙反而蘿蔔幾好食，幾鮮甜！

銅鑼灣登龍街，一直都係麵食嘅兵家必爭之地！除咗車仔麵，仲有拉麵、泰式湯粉、日本烏冬…咁多嘢食，梗係要試吓麵尊啦！平時好多人排隊，今日差唔多閂舖2130唔使排直入，不過好多餸都已經賣晒！叫咗三個餸都只不過係$40 ，湯底有少少甜，又唔會太鹹！分別係時菜、豬紅、枝竹🤭所有餸都吸到湯底味道，好濃郁🥰米線腍度啱啱好，綿得嚟又有嚼勁🙌🏼好食！總括而言，係平凡嘅美味😎如果唔使排隊嘅，係非常方便快捷地解決午餐嘅選擇！

我都幾鍾意食車仔麵，點解，因為有得你揀丫嘛，望住張寫滿餸名嘅點餐紙，又或者望住一兜兜嘅餸想食咩就嗌咩你話幾爽呢。今日就嚟到麵尊試下，聽就聽得多，食就真係第一次。先講下個湯底先，都係正常嘅車仔麵湯底，不過佢就屬於偏甜，都幾濃幾好飲。第一碗我揀左豬紅、豬腸、魷魚，河粉底。河粉食落口好爽，唔會一pat pat，都幾吸湯。豬紅唔會一夾就散，入口爽脆而鮮。豬腸炆得好入味，唔會過淋。水魷魚爽口。第二碗唔想諗，直接叫碗大尊，樣樣都有啲。有魚蛋、豬皮、豬紅、蘿蔔、紅腸，豬皮入味夾口，魚蛋有咬口，蘿蔔炆得淋唔會有渣。兩碗麵都好好味，重點要配合佢嘅靈魂😍😍，個辣汁真係無得頂，又辣又刺激。❤️❤️

今次食呢間車仔麵原因係行街行得太攰🤡需要補充體力🫢係唔想食勁heavy 嘅前題之下..又諗唔到食乜...😬難得見哩間車仔麵門口居然冇人排隊(平時長期排隊)😛即刻諗都唔諗入去醫肚🤭叫左生菜,蘿蔔,咖喱魚蛋,冬菇米線埋單$52老實講車仔麵黎講佢唔係頂級好味..但份量絕對唔會令我失望..夠我食得飽(我出名大食)😌生菜份量絕對有誠意…唔會只係得一棟仔咁大把🙈蘿蔔夠甜唔會好老好多渣😂咖喱魚蛋嘅咖喱汁遜色少少🤡🥲冇乜咖哩味..我估佢岩岩煮好放入咖哩汁但魚蛋皮似新鮮炸起的👐🏻幾彈幾新鮮蠔皇冬菇唔係差的🤣但唔夠甜味😌甜少少會開心啲米線有少少🤏🏻煮唔透🥹但係可接受範圍內都係個句🤭份量係取勝嘅😌整體嚟講佢平過我喺尖沙咀叫外賣平台車仔麵😂所以唔要求咁高

好耐無食過咁滿足的車仔麵🤤湯底有點驚喜，一碗麻辣中辣湯底，沒有想像中的辣，反而食到湯底帶清甜🤔 另一碗麻辣+腩汁+咖哩汁，非常惹味，岩晒重口味人士😍配料方面超級推薦以下幾款：🔸豬皮 ~ 勁入味🔸蘿蔔 ~ 無渣，清甜，夠軟稔🔸牛柏頁 ~ 索湯😍😍食完沒有口渴，可以再戰😍📍 麵尊 (銅鑼灣) @minjuncartnoodles 銅鑼灣登龍街18號V Point地下5號舖🈺 星期一至日 12:00~22:00#銅鑼灣美食 #車仔麵 #車仔麵關注組 #香港美食 #香港平民美食

麵尊位係銅鑼灣時代廣場附近，每次食飯時間都好多人排隊，雖然好多人等位，但輪候時間其實好快，餐廳翻桌率好高🤭填紙仔落單，可以瘋狂嗌餸，唔洗就住就住，驚俾人知自己大食😂🥢四餸麵第一碗要左豆卜，魚蛋，豬頸肉同腸仔。唔食得辣既朋友仔淨係嗌左腩汁同多蔥，湯頭偏甜，顏色偏深，飲落唔似落去好多味精！豬頸肉厚切大舊，但感覺似白烚無乜調味。魚蛋用上類似長洲既大魚蛋🐟，彈牙有口感。值得一讚係河粉，幼滑得黎好嗦汁，配上濃稠既腩汁最為合適！🥢五餸麵第二碗揀左豬大腸，濃汁香菇貢丸，咖哩牛栢葉，蠔油冬菇同蘿蔔。今次就要咖哩同腩汁，加左小小辣即時變得好惹味，仲中和左湯頭本來稍微過甜既小瑕疵🤭豬大腸沖洗得好乾淨，用滷水汁煮左好耐好入味，咖哩牛栢葉分量好多，有四五舊仲要好爽口煙韌。其他配料都係水準以上，無論色香味都俱全！📍麵尊銅鑼灣登龍街18號V Point地下5號舖

次次黎銅鑼灣都食。好好食！佢地開了11年，網友推介必試秘製麻辣醬🌶（ 100% made in Hong Kong 🇭🇰）材料都唔會留過夜，比較新鮮🥬🍜有8款麵，4款湯底 ，可混合選擇。我點了：🍜大尊 $49 - 幼麵 （當日冇粗麵）餸有蘿蔔，豬紅，紅腸，豬皮，咖哩魚蛋，菜。大尊同細尊的分別只是菜。湯底點了腩汁 + 咖哩辣 + 蔥😋豬皮好淋，豬紅軟身，咖哩魚蛋和紅腸正常，菜都新鮮，湯底辣🌶另外朋友推介要食豬大腸，魚皮餃，咖哩魷魚。$125／2個人，抵食！M餐廳又乾淨，服務OK, 出餐又快！

靚女介紹黎食，一行3人，需要排隊，不過等一陣好快入坐，我點了特辣，不過對於我都是不夠辣的，湯底除左我覺得唔夠辣，味道是一般，另外點了山根（呢個不會錯，只要不放太久，變了有油溢味都不會難食）蟹柳（蟹柳好食，應該是中等價錢貨品），白蘿蔔（清甜無乜渣），鹵水豬大腸和雞翼（鹵水汁幾好，入味）對於餸的味道入口唔錯，整體我會比50-60分的，是湯底拉底左分數，環境是清潔，乾淨，應該有點日式感覺，位於銅鑼灣登龍街，地段租金比較貴，其實已經很不錯

魚蛋呢啲咁低成本既野要加$12同牛腩大腸豬頸肉個啲一樣價但好想食魚蛋 咪試試佢囉點知夠膽死得3粒仲要唔好食 中間仲有細魚骨插口牛柏葉唔入味雞尖有油益味湯底一層油 雖然油麵係會油啲 但曾經食過好食既車仔麵即使係油麵都唔會油淋淋食完勁口渴已blacklist☺️銅鑼灣咁多選擇可以唔洗食佢如果我係遊客 見咁多人比好評而去食 我食完一定會嬲到震🌝🌝Dont make stupid restaurants famous please🙏🏻🙏🏻