麵屋一平安 (已結業)

去ELEMENTS貪有FREE PARKING.星期一晚都估唔到會FULL, 結果座左BAR枱果邊, 都好, 因為NORMAL位好迫, 位同位之間差唔多係冇分開的, 同隔離座搭枱係冇分別既....但座BAR枱既唔好處就係太近燒串燒既位置, 一身油煙味!叫左醬油叉燒拉面,關東煮, 明太子雞肉串, 黑椒鹽燒牛舌.關東煮佢用個飯煲KEEP WARM, 溫度不太高, 可以即食唔熱咀, 4片魚片, 1只蛋, 2件羅白, 1件薯仔, 4片"舉藥", 全部都好入味, 薯仔唔好睇佢好似好實, 竟然入味, 好野....反而蘿白有D失望, 甜中一DD苦味, 但當然係冇渣啦! 明太子雞肉串, 味道幾好, 雞肉個樣好似好鞋, 但出奇入口OK WOW....不過HK$35一串, 有D貴!黑椒鹽燒牛舌 最好食, 彈口, 有肉汁, 超正! 本人鐘意厚切多過薄切, 因為厚切既肉汁多D. HAHA!!!醬油叉燒拉面, 湯好清, 飲到有雞湯底, 如果食得濃味可能會嫌湯底唔夠濃. 睇D面會擔心未煮開, 好似好硬, 但食入口, 正! 面彈口唔林, 剛剛好! 叉燒 林而滑, 好!

說的是我倆有一張免費的啤酒和雞蛋coupon，貪圖小恩小惠的我自然不會放過。選了最近公司的圓方店，心想上次在美麗華店吃過頗不錯，這次應該沒大問題吧，原來錯了。我倆點一個鼓油拉麵加豬骨湯拉麵，就這樣簡單。先來一小杯免費啤酒，不用錢的也不能要求什麼了。雞蛋也是平平無奇，反正我對雞蛋不感冒。鼓油拉麵是男友吃的，不明白他為何選這個湯底，因為我倆一向都不會點這個的。所以我悸就沒試，不過看見那兩片叉燒都知沒好吃的可能。我的豬骨湯拉麵，好咸好咸，本人不喜歡。我知道豬骨都是濃味的，不過這也有點過份咸了。麵條也不太好，叉燒更差了，瘦得少少肥肉都沒有，只是一味「鞋」。這店面又不大，坐得不舒服，滿以為以後在圓方有價廉物美的餐廳可吃，原來又是南柯一夢。

3色清酒(試飲裝) $68原來是在這個餐廳內選3種清酒各倒1小杯，但分別是3種不同的清酒濃度，由淡味至濃味，不過對於有飲酒習慣的人來說會3款都太淡，又不夠凍但又不熱。特製什錦豬骨湯拉麵 $75同其他店一樣材料豐富，叉燒和豬肉都好吃，特別是豬肉是腍滑入味但麵就差了點點，竟然是煮得過了火，太腍了，真是有點失望麵的份量都不算多，如果多D就更好。黑拉麵 $70這個是特別供應，其實麵同叉燒都是一樣，只是個湯底就最大分別，放了好多黑芝麻，好香口，湯底又夠濃，如果不是麵煮得過腍應該是好好吃的啊不過服務好好，因為地方比較細，原先要同其他客人黐住坐(其實地方都幾窄)，但我們要求其他枱，店員就安排另一張，又細心向客人講解，親切友善。

去九龍站搭機鐵去airport expo，就喺elements食晏。揀咗去食拉麵。我要了set B , 叉燒拉麵 + 三文魚蟹子飯(細) (+$2)。配以沙律同漬物。我地仲叫多個炒野菜。叉燒拉麵用上豬骨湯，顏色望落好似好濃。但飲落又唔算好濃，just average。拉麵質地平平，偏淋，無韌度亦唔夠彈牙。Domon 的拉麵比這裡好。塊叉燒都ok嘅，唔會太肥，入味。不過蔥花太少，無蔥香。個三文魚蟹子飯細細碗，不過我都食唔晒。好乾，完全無汁，如果落豉油又好似怪怪地。蟹子無咩味，三文魚好鞋，不過就唔腥。我覺得吉野家的比較好食。炒野菜就幾好味，大大碟，多菜款。炒得好香，又唔會太oily。

去一平安, 一向除了拉麵很少吃其他, 因為一個麵已經飽得很, 吃不下了! 即使很喜歡她們那很有家庭feel的薯仔沙律和做得非常好的燒飯團!月初時跟幾位朋友去圓方看電影, 原來那裡也有一家一平安, 一直吃尖東的那一家, 間不時也幫襯美麗華的一家, 不知道原本她的分店又多了~今日人多, 除了拉麵之外終於可以試試其他東西了! 每人一個拉麵就一定的了! 我還是叫了最簡單不過的醬油叉燒拉麵, 一各都比較喜歡東京風的拉麵, 因為湯底比較清.朋友們點了兩個豬軟骨和一個黑拉麵. 點黑拉麵的那位朋友說其實沒什麼特別, 只是多了芝麻香, 因為一碗都是黑黑的芝麻.另外點了一個有點像上海棒棒雞的芝麻蕃茄雞沙律, 清清的好好味, 欣賞!當然還有必點的餃子, 水準無需懷疑, 好味!第一次點她們的串燒, 點時服務生說要等30分鐘, 我們反正又不是只點串燒坐着乾等, 也不趕時間, 所以也沒所謂. 我們點了的有雞翼, 冬菇, 煙肉露荀卷, 煙肉蕃茄卷, 雞軟骨, 等等...串燒好難做得差, 所以不用說了.最近還有個沖繩鹽燒牛小排, 牛肉燒得剛剛好五分熟, 肉質嫩滑且保留肉汁, 反而這個才是驚喜, 因為其他的食物是應

四人食晚飯, 黑拉麵湯底幾特別, 有芝麻味的。麵食同餃子都有水準, 唯一挑釁係asahi生啤份量實在係細杯, $45蚊杯確實唔抵。

有些拉麵店無論是主力的拉麵或是兼賣的小食、飯類,通常質素會很平均!很少會相差太遠.即是麵好的話飯也不會差到哪裏!麵差的話其它都唔駛諗,原來凡事也有例外.到圓方睇戲前本想食烏冬,當知道要排十多個號碼後轉身即走!因為從不會浪費時間去排隊等食飯!想起上次對在這裡吃過的拉麵印象不錯,於是由商場頭行到去尾,去到又幸運地不用排隊!坐下拿著餐牌有點舉棋不定...結果是:益力多石榴梳打----試新飲品的勇敢度一向遠比食物為高,可以在去日本一週期間,無論熱或凍大約試了九成自動販賣機所售的飲品!(所似攪到而家仲有萬幾円散銀硬幣喺屋企!)說回這款飲品絕對是失敗的組合,乳酸味薄弱,石榴味又唔出,梳打水溝埋之後又無晒氣,想點?腩肉拉麵----友人的麵,話食落同上次一樣咁好食,無變.免冶雞肉飯----上檯時發現賣相已經和餐牌照片上的有所不同!由兩大條免治雞肉變成六粒丸,配料有兩隻燒青椒、兩截大葱、一塊舖喺飯面熱到溶溶爛爛嘅紫菜及一隻生蛋.果粒燒過嘅免治雞肉丸係完全無味,連燒烤汁都無!(同印象中食免治雞肉串燒的感覺完全是兩回事)肉質租嚡過食沙膠!兩截大葱只有面頭係燒熟,中間係生嘅!只有青椒是食得,將所有材料夾開打算

趁假日享用OR送出的《同門》換票証，院靚音效正的圓方絕對是我不二之選。換了票，放映前午餐時間只得半小時，自己能在這間小小卻極受歡迎的麵屋找到位置，其實真是好彩。　侍者有禮的送上清茶，以及很有限的餐單；雖然它確同美麗華廣場屬同一集團，但圓方店選擇明顯少得多，連最著名的長崎拉麵都久奉，這也與店與廚房都太小有關?預先挑了三款食物，上檯也挺快的，等埋老公就開餐：　馳名豬腩飯-飯以精緻的日本瓷碗盛載，令人未食先開心。主角豬腩肉質鬆化、軟稔又香口，十分美味；珍珠米飯還配以漬菜，增添食用風味。別看它個子小小，珍珠米飯幾挺肚的，一碗吃下來飽肚程度不輸大大份的拉麵呢!　咖哩拉麵-場內有點冷，是我的主意要了微辛口味拉麵。麵身爽滑質感可以，咖哩湯底濃度同味道也不題，但配料只得紅蘿蔔及薯仔(其實不錯的)，一點肉也沒有，感覺有點寡。而中間黃色的蒜茸部份，則是令人意想不到的辣，暖胃效果達成了!　餃子-吃拉麵習慣了要以餃子相伴，一平安的出品餡香不錯，但就非常厚皮，沒有一般日式餃子的精細，反而令人想起北方餃子風味。一般。　本來對燒牛舌、日式布甸也有興趣，礙於時間所限，以後若有機會重訪再試吧。

同女朋友行完街,成九點幾.諗住是但食碗拉麵.見到呢間一平安人幾多,裝修又幾靓,以為冇死.坐bar枱見師傅係個爐仔燒串燒,好似好正.點知…有得睇冇得食.waiter話串燒要等40分鐘,仲暗示我唔好叫.好!咁叫你signature黑拉麵啦.佢竟然話黑拉麵做得唔好所以冇.咁我問佢有乜.結果得叉燒拉麵.都唔見得做得好.湯底似出前丁丁豬骨味, 麵底同叉燒都係一般現成貨色,食味千冇咁嬲.佢應該話今日冇野賣,因為冇野做得好!

以前最喜歡食這裡的豬腩豬骨湯拉麵，因為豬腩及湯底都做得好好味，真材實料，亦無加味精，就算食完麵再去cinema 睇完套戲，都完全唔會有口渴感覺。但是上次再去，實在非常失望。湯底和豬腩比以前明顯差了很多，而且肯定加了味精，和以前的豬腩拉麵完全是兩回事。可能是轉了師傅，暫時不敢再去了。

29-8-2009去 Elements 行街, 順便食埋晚飯. 見呢間人龍無咁長, 食物又應該唔差 (起碼對美麗華店印象 ok: http://www.openrice.com/restaurant/commentdetail.htm?commentid=178555), 嚟食碗拉麵吧. 先嚟朋友的叉燒醬油湯拉麵... 試了一啖湯, 唔似「醬油」味, 似雞骨湯多 d 喎, 味道亦較淡, 唔喜歡; 麵條無鹼水味, 唔算好彈牙, 不過唔會過腍, 都 ok 啦.我食叉燒豬骨湯拉麵... (白)麵條淥得 ok, 奶白色湯底無 MSG 痕跡, 但實在唔夠厚又唔夠味, 比醬油湯底更麻麻; 叉燒瘦多過肥, 不過瘦肉食落好實, 較韌, 肥又唔得入口即化, 仲要無喱味道, 認真麻麻. 好在每檯都供應生蒜頭及將其「壓成茸」的工具, 自行加料後好食得多! 配料仲有勁多黐埋一餅嘢的芽菜, 及黐埋一條的蔥花, 真係 -_-"兩碗拉麵都無蛋, 唯有每碗加一隻 (拉麵加 $8), 點知兩隻都 overcooked, 賣相樣衰, 食落唔夠溏心仲要無味, 完全係烚蛋來的, 百分百「倒錢落海」之作, 10 thu

呢日忽然想吃日本拉麵，即刻上open rice睇下邊度好，見圓方都幾方便，於是即刻去幫襯。去到圓方，只不過係六點鬆D，雖然係假日，遊人都不算太多，不過一平安已經要等位，好左只係等左一陣間，好快就已經可以入去。坐低之後，我就叫左個「一平安叉燒拉麵」（醬油味湯底），老婆唔想食麵，就叫左個「燒雞飯」定食。另外仲叫左個「蔥花牛舌」添。老婆個燒雞飯先到，佢話D雞ok，不過稍嫌燶了點，火候尚差一點。跟住我個拉麵同牛舌都到嘞。先講個牛舌，味道都唔錯，不過佢係薄切，食落去的口感始終無厚切咁好，所以感覺都只係一般。好在呢間拉麵店的拉麵無令人失望。個醬油湯底清得來鹹味適中，不會過濃，也不會過淡。個麵的材料雖然不算太多，但叉燒都有四大片，D叉燒偏瘦了點，但係很有肉味，咬落去的口感很是不錯！除了叉燒之外，D蔥花都幾多，仲有些少筍同紫菜、兩片日本魚片做配料添。這間拉麵店的拉麵水準是不錯的，而且環境也算不錯，除了一邊是普通的桌椅外，還有一邊是吧檯（不過只得五、六個位），可以讓客人一邊吃東西，一邊看著串燒師傅燒串燒。不過這裡出菜的速度是比較慢的，我和老婆足足等了15分鐘才有得吃（而且隔離檯都係一樣），這卻是這店需要

We arrived at the restaurant past 10pm. The restaurant was not that packed but was asked to sit at the bar??!! Ordered ramen (tasted so so), wasabi squid (tasted ok) and grilled chicken wings. However, the chicken wings never came as the order was missed!!! Subsequently, we put through the order again after realizing the order was missed but that was slightly past the last order cut off time. The staff accepted our order nevertheless which we thought was a good thing. When we tasted the chicken

早聽聞此店評語不錯但一直沒機會賞試!直至在圓方看完電影後逛商埸才發現有分店,下午三時多不用排隊等位,立即埋位!什錦豬骨湯拉麵----麵上枱,外觀對辦!豬骨湯底奶白,有半隻蛋,兩片义燒兩件豚肉角煮及各樣配菜.一向對食拉麵有偏食習慣,只愛麵豉湯底!對其它的興趣不大,這次因落單時忘記改...一試之下原來這裡做得很出色!味濃喝後不喉乾,麵質爽無麵粉水味(與淥麵後Fing水Fing得乾唔乾有關),蛋夠溏心,义燒入味夠淋,豚肉角煮(切件五花腩)炆到肥膏位置完全化晒!真正入口即溶!檯面有一盅生蒜頭粒及一個蒜蓉夾,用意是自由添加(在日本吃拉麵多數是加炸蒜片或炸蒜粒,只有吃烤肉時才會加生蒜蓉醬汁中調味)這是一碗極高水準的拉麵!

自小對麵食感情深厚 , 睇完食評心癢癢 , 圓方又有靚戲院 , 一於去睇戲兼食麵 !! 散場六時未夠已急急腳來到開餐 , 心諗 " 邊個夠我早" , 誰不知枱已坐滿 , 只有Bar枱無人 !! 香港人越來越早食晚飯呢 .... Bar枱雖然比較熱 , 但係更感受到日本風味 !! 可以望住日藉廚師燒串燒 , 令人回想起歌舞技町街邊串燒店的趣事 , 感覺似返到日本了 今夜主角 : 熊本拉麵 , 炸雞豬骨湯拉麵 ; 配角有 餃子 麵身係九州派系的細長直條麵 , 易於吸收湯汁 , 所以麵身味道較簡單 , 需要配合好湯底 , 佢嘅白色豬骨湯一飲就知唔係味精野 ; 叉燒一定係靚貨 , 入口嫩滑又有豐富豬肉味 .... 我一啖麵 , 一啖湯 , 美味到忘了交談 , 一直食到見碗底 , 食到成身汗 , 爽呀.... 女友的炸雞雞肉香滑 , 同我相反她一邊食一邊大叫好好味 , 湯底極速飲哂 .... 餃子皮夠薄 , 煎得剛好, 餃子底脆又唔油 , 豬肉白菜餡料調味得宜 ... 雖然見到一兩個雞手鴨腳的侍應 , 言而整體服務係有水準的 .. 至少佢地句日文 "多謝