麵屋一平安

營業中

休息中

適逢聖誕節前夕尖沙咀是熱門睇聖誕燈飾的地方，睇燈飾之餘，當然也不忘去食翻個聖誕大餐啦XD朋友之前去過一間係幸福中心既拉麵店，聽講食完之後會好幸福😏而確實本來就已經挺幸福的了，希望吃完之後會更幸福鰻魚飯 $168原條鰻魚非常吸引，一共有兩大片，鰻魚醬汁濃厚又偏甜，配上珍珠米的話，無得唔比Like啦👍蔥花牛舌 $70牛舌以薄切為主，不過份量卻挺多的，牛舌順滑而且鮮味十足🤩安格斯溫泉蛋飯 $128溫泉蛋的確是人見人愛的，把它擊破之後撈飯食，一級棒！！而安格斯牛扒就只有5成熟左右，配溫泉蛋呢個組合又真係第一次見😋帶子 $25串燒海鮮必點，肉厚多汁、白雪雪的帶子，鮮味十足🤗大蔥雞肉串 $20雞肉Total有三件，其餘都是大蔥，如果兩人食的話最好多點一串，雞肉外層有少少微焦的感覺，吃下去挺不錯🥰黑加侖子梳打 $38黑加侖子能增加血管流通性、改善眼部皮膚的血液循環，味道極易入口😉好味指數：9/10性價比指數：8/10餐廳名稱：麵屋一平安餐廳地址：尖沙咀加連威老道92號幸福中心地庫B1號舖電話：27224826

吃了兩次醬油拉麵，味道非常好，原來是日本師傅製作，不喜歡味濃，剛剛好，蛋和肉體，麵質都非常好，而且價錢不貴，再次有豚肉蛋飯，送凍飲，物超所值，所以會一再幫襯👍💪🏼👍

收工約咗同事食飯，同事之前喺尖東返工，介紹去呢一間拉麵店食，話十分地道，好多日本人去食，即管一試。店內裝修相當有日本味道，可能係因為平日夜晚，所以店內只有三成座位有客人，適合同朋友長聊，唔怕趕住走。我哋叫咗個二人餐只係$298 ，個餐包咗兩個主食，有拉麵或飯揀，同事推介雞白湯拉麵，所以我哋兩個都揀咗。另外仲包兩個小食，我哋揀咗牛舌同炸雞。常餐速度都算快，首先係上咗小食炸雞同牛舌，一放入口真係忍唔住哇一聲，味道十分地道，夠熱！好好食！雞白湯拉麵個湯底相當出色，而餸除咗叉燒仲有兩舊雞胸，雞胸亦都唔鞋。另外啤酒仲買一送一，唔飲番杯真係對唔住自己。最後埋單兩個人390幾蚊，呢個價錢食到呢個質素，掂！

諗住食拉麵失手好難，叫個特制低溫叉燒麵，點知都中伏，麵質稔到一個點，BB, 阿婆食都得，叉燒係好多片，但唔吸引，最慘係溫泉蛋，好似全熟。外加左個燒牛舌，未食已經有好奇怪味道，食落真係好難頂😰。我好少無食哂叫左嘅嘢，來三片，我食完一片頂唔緊！我好寫食記，唉，好無奈，要記低呢間，唔好有第二次😮‍💨

特製熊本蒜油豬骨湯拉麵湯頭濃郁，豬骨湯配上淡淡嘅蒜油香氣，麵質都算彈牙，豚肉有兩大塊，厚薄正常，溏心蛋好味，令我估唔到嘅係竟然仲有鵪鶉蛋名古屋辛味拉麵同想像中一樣唔係好辣，平時食開小辣嘅都接受到，比上一碗拉麵多咗櫻花蝦同埋一隻溏心蛋，不過少咗塊紫菜，食落冇蒜油豬骨湯咁膩雞皮餃子見人地推薦，所以都試下。都幾好食嘅，不過入面個餡如果包嘅係新鮮豬肉會好食啲，依家入面嘅急凍餃子嘅餡，所以食落冇咁鮮味，值得一讚嘅係入面咬開都有啲汁明太子燒餅可能我放凍咗，唔算特別酥脆，不過明太子嘅鮮味同鹹味同個餅融合得好好，所以都幾好食，但我地叫咗歌細嘅食落都有啲膩明太子玉子燒呢個推薦！口感鬆軟，味道好香好濃郁

今次簡單啲，下午茶轉左去第二間一平安食，一如以往餐廳侍應服務水平都係咁好，我哋今次一行六人走咗去食下午茶，今次試新嘢掉咗個鰻魚定食，等咗5分鐘左右，侍應就攞住個鰻魚飯送到我面前，一打開鰻魚嘅香味，已經飄入我個鼻裏邊，最意想不到嘅就係，佢竟然成條鰻魚放入去個飯入面，同出面嗰啲鰻魚飯俾人哋只會放半條，而呢度一條過，完全係加曬分嘅，鰻魚燒到啱啱好唔會太窿，再加上珍珠米煮嘅飯同埋鰻魚上面嘅鰻魚汁，簡直係天作之合。

係尖沙咀行街果陣見到幸福中心指住b1層有間拉麵店，見價格都ok就膽粗粗入咗去試下。店舖裝修較舊，但唔係咩大問題，何況見到餐牌上面寫住開咗20年，覺得應該係特色來。入到去叫咗碗特製沾麵（＄102），都唔錯嘅，個沾麵汁好夠熱，好多叉燒，麵係寬麵來，幾特別同咪幾好食。點知惡夢來喇，食到一半好多蚊（蒼蠅？）飛來飛去，有2隻爬過我碟麵，其中一隻仲要趕極都趕唔走，就咁係到開始食我碟麵嘔心到我即刻唔想繼續食，啦啦聲比錢走人總括而言，食物質素同咪價錢都okay嘅，但衛生環境真係完全唔掂，唔想再同d蟲蟲共食嘅我冇下次架喇就算要食都係試美麗華分店

美麗華廣場一向多商舖，行街行到攰。見到呢間麵屋一平安拉麵屋做緊呢個下午茶套餐決定坐低食吓嘢。佢哋嘅下午茶餐會有一個細拉麵再配另外一個小食或者飯類一款，最後再揀一杯嘢飲。價錢$78至$93不定我哋分別嗌咗豉油拉麵，熊本蒜油豬骨湯拉麵，特製熊本蒜油豬骨湯拉麵同特製豉油豬骨湯拉麵。對於拉麵嘅味道都唔會話太鹹但係麵係偏硬嘅如果鍾意食軟身啲嘅話可以同店員姐姐講聲，不過唯獨有不足嘅係唔可以選擇自己鍾意嘅面嘅種類。蛋好入味，成個湯唔會話好油，份量都足夠。小食我哋分別嗌咗章魚小丸子，炸雞肉同埋雞皮餃子。雞皮餃子香口，章魚小丸子就偏粉多啲，炸雞肉就不過不失。飲品我哋都嗌咗佢哋最普通嘅檸檬茶，茶味偏淡，甜度就可以自己落。

要搵呢間鋪都要d時間係幸福中心地庫建議坐電梯,第一次去行樓梯左轉右轉,一陣比人誤以為搵緊樓下間環保桑拿就唔好😂見佢lunch 有拉麵有飯又米芝蓮就試試佢先講豉油拉麵,我覺得佢個名可以改個型小小概名一見到個麵我最鍾意呢啲大紫菜,個湯底就淡淡地豚肉肥瘦適中到個滑蛋豬扒飯上嗰陣豬扒已經唔脆，應該係連埋個蛋飯一齊蒸,超多洋蔥不過我就唔係錦鐘意食洋蔥概,所以我就唔係好鐘意食當淺嚐兩種主餐都ok概,但唔係好夠飽味道冇驚喜同米芝蓮有好大差距，只能用不過不失黎形容性價比唔高 $100午餐 冇下次麵屋一平安地址 :尖沙咀加連威老道92號幸福中心地庫B1號舖電話號碼:27224826營業時間:星期一至日11:30 - 15:00 / 18:00 - 22:00

👩🏻‍❤️‍👨🏻：⭐️⭐️⭐️⭐️繼續喺尖東進修嘅🤵🏻‍♂️有1個鐘15分鐘食lunch，同學本來話去嘅韓國餐廳噤啱冇開，隨便落樓下食拉麵，去到呢間幾有特色嘅。門面同menu都有特色，lunch set係一麵+一飯（麵唔夠可加大），任君選擇。🤵🏻‍♂️假日午市套餐 $85-$95🤵🏻‍♂細醬油豚骨湯拉麵🤵🏻‍♂️細熊本豬骨湯麵🤵🏻‍♂️細熊本豬骨湯拉麵🤵🏻‍♂️細蟹湯拉麵🤵🏻‍♂️細炸八爪魚球🤵🏻‍♂️迷你蔥花牛舌飯🤵🏻‍♂️叉燒飯🤵🏻‍♂️迷你滑蛋豬扒飯IG@eateat.couple

麵屋一平安位於尖沙咀地庫的一間傳統風格的日式日本餐廳，雖然地方不是很寬敞，但是充滿傳統的感覺。很多食客都是講日文的，充滿置身於日本的感覺。很有趣的，門口擺放了很多漫畫，相信是任由等候的食客拿來翻閱。鰻魚炸雞明太子丼 $89凍檸檬茶今次就叫了一個鰻魚炸雞明太子飯，一心是見到明太子，所以先叫了這個飯，但是整碗飯完全沒有任何一點點的明太子味道，非常失望。（心諗可能是炸雞面頭的沙律醬是明太子味吧？細心試試但是還是完全食唔出….）。鰻魚真熱熱的，亦有陣陣的醬燒鰻魚的味道，但食落有一絲絲的骨，但味道都還不錯吧。食到中途先發現好似少左啲野…，原來少左粒糖心蛋，所以立即問問店員，店員才拿回一隻開邊的糖心蛋，糖心蛋味道一般，不是很入味。炸雞是都是一般般，外層炸皮不脆而且雞肉偏細舊。

在幸福中心的麵屋一平安本店, 店舖營業的時間比我年紀還要大, 在我懂得”蒲”尖東的年代已流下不少足跡: 去紅館看演唱會前吃, 在附近酒吧喝完酒後充飢, 以至是工作途中的Working Lunch/Dinner, 它的裝橫和食品也是多年不變. 無論是老闆娘兒子開的拉麵Jo, 還是其他麵屋一平安的分店, 味道和風格上也難以和本店媲美.除了拉麵外, 本店也提供不少日式小食, 串燒種類相當多元化, 例如我們吃的串燒雜錦, 就有雞翼, 豬肉串, 雞肉串和帶子, 烤得香脆有炭和和焦香, 味道不算出色, 但配以買一送一的Orion生啤, 整件事也算寫意. 鰻魚蛋捲的蛋香和口感軟熟度不錯, 咬下去還有比蛋汁, 如果內裏的鰻魚再大件一點, 就是一份相當出色的日式住家小菜.說到它的拉麵, 我最喜愛的自然是長崎拉麵, 當香港的拉麵店走的路線越來越精緻和Luxurious, 長崎拉麵這種Down to Earth的風格除了這裏外就很難吃到, 大堆頭和吃得飽就是其重心, 用上厚身麵條, 口感夠爽, 掛湯能力一般, 但眼花繚亂的配料, 如帶子, 魚蛋, 炒制過的蔬菜以及墨魚, 已經吃得相當滿足. 湯頭濃厚鹹鮮,

【麵屋一平安】主打日本九州長崎拉麵 🍜，80年代已經坐落尖東，開業至今足足27年。餐廳裝潢保留著昭和年代嘅舊日本懷舊小店風，餐廳仲似足日本咁提供部份漫畫書俾客人閱讀 📖特製博多豬骨湯拉麵 🍜湯底香濃但唔算鹹，糖心蛋入味，豬肉嫩厚，味道中規中矩明太子煎蛋 🧈係餐廳嘅皇牌小食，蛋卷外型的骰，但明太子份量大方而且爽口，加咗少少芥末味，感覺清新有層次鹽燒雞翼 🍗色澤唔夠鮮明，外皮唔算香脆而且細隻，味道還可以整體而言，拉麵普通但明太子煎蛋幾驚喜，而且小店裝潢懷舊，有濃濃嘅日本家庭小店感覺，好似去咗日本，值得一試！

拉麵店位置需要搵一搵，要經過以前唱K嘅位。拉麵味道正常，麵體個人覺得可以再好食啲，而家有啲淋。另一碗海鮮麵都幾辣，豬骨湯底好食啲。小食幾好食，明太子蛋必叫👍。雞軟骨都幾好食，牛舌味道不錯但有啲韌，雞皮餃子麻麻地。可惜無試到蜆湯，但整體都不錯，店入面啲姐姐都好好人。

之前去過銅鑼灣那間一平安食過印象中唔差感覺良好的今次就去了尖東這間是試一試這個麵豉湯櫻花蝦腩肉蛋拉麵，湯底幾好但塊腩肉薄咗啲同啲面煮得林咗少少雞皮餃子比較特別而明太子蛋卷明太子如果多少少明太子更加好，蛋捲夠口只是味道不太突出最後仲有一個鰻魚雞扒飯不過不失，整體來講比以前退步了少少。而星期一至四啤酒就買一送一$62.2杯還好而這間店舖的位置比較偏僻在地牢B1人流不多如果想正整地坐低食碗面傾吓計還可以選擇下的