麵屋丸京

營業中

休息中

我試咗丸京拉麵，有3塊真叉燒同3塊叉燒。我理解嘅真叉燒應該係用慢煮方式去處理，但唔知點解我碗拉麵嘅兩種叉燒，無論外表 口感 味道都好相似，除咗其中一種個邊有少少燒過嘅痕跡。雖然兩款叉燒相似，但其實味道都唔錯，好嫩滑，薄薄地仲好容易沾d湯一齊食。☝🏽麵係幼身嘅，不過不失☝🏽蛋太咸了，加上我又食濃湯，我啪完隻蛋就即刻隊左成杯水😹 而且煮蛋嘅火喉似乎要改善，外層熟到變淺黃啦☝🏽不過店面真係比較細，坐得有d逼☝🏽食食吓有d熱，舖頭有冰涼嘅水，加返d分✅

夜晚唔想食太多，但又想試下真叉燒，最後都係叫左多d 肉既丸京拉麵。丸京拉麵濃湯： 有真叉燒（即慢煮叉燒）3塊同叉燒3塊，真叉燒係滑嫩但冇咩味，反而叉燒有d 燒邊，比較香，薄薄地質地亦都ok ；蛋係流心既；豬骨湯底普通無特別；麵偏粗同硬，紙度又冇得揀硬度；溫度亦都唔夠"辣口"餃子：冇咩特別，正正常常食到最後有d 漏，加d 蒜又好食好多～性價比以香港拉麵黎講ok la, 但下次再食會揀普通叉燒拉麵，真叉燒我就興趣不大啦。

午餐叫左個清湯極上拉麵，湯底我就食唔出用咩熬制，因為真係冇咩味。入面有叉燒、半熟蛋同荀。拉麵麵條偏硬有啲難嚼，叉燒肉有啲乾柴柴，隻半熟蛋就ok，蛋黃濃稠，蛋白唔多入味，$93拉麵係食得飽既，不過性價比就唔高。店員既態度亦都偏差

食過荃灣分店好幾次，每次晚市都大排長龍，雖然價錢算中上，但份量好夠食而質素又唔差。今次經過屯門虹橋店，難得唔駛等位直入，一於試下佢水準有無保持到~。豚骨拉麵 (柚子湯底)平時食拉麵習慣第一啖先飲湯，柚子味偏淡，反而胡椒味濃，甚至覺得有啲辣口，變左搶味叉燒3片，熟度剛好，唔鞋口唔痴牙，但唔算好重肉味溏心蛋保持一貫質素，半熟狀態蛋味又香拉麵彈牙，份量多，細食啲既女仔未必食得哂。日式餃子一放低，已經聞到微微焦香一咬，差啲焫親雖然餡料都係普通菜絲加肉碎估唔到係即叫即煎，熱辣辣亦唔會食到成口油

因為朋友講過話好多人排隊食拉麵，所以果日一早12點去到等佢開鋪就入去食。12:30都未到就已經full 晒。見到d圖碗碗拉麵既叉燒都係粉紅色， 再睇到店鋪都有講解番烹煮生肉指引，肉的中心部分須在攝氏75 度烹煮至少15 秒，或以其他有效的時間與溫度組合來烹煮（例如在攝氏65 度烹煮10分鐘或攝氏70 度烹煮2分鐘），可能呢個原因所以肉無overcook 偏向粉紅色。叫咗極上拉麵$93，有叉燒6片，蛋同筍，叉燒入口口感雖然講唔上嫩滑但一定唔會鞋口，呢個份量既拉麵我覺得係合理價錢。另外叫咗餃子， 5隻$30，質素普通而且個皮唔脆。

天氣涼咗就想食熱湯拉麵，麵屋丸京雖然有幾間分店，不過屯門呢間，由景峰站行過去先五分鐘，位置都好方便。閒日嘅七點半入座都未要排隊，我叫咗個丸京拉麵，濃湯好飲，成碗都係叉燒，賣相一流，多蔥之餘，另外半熟蛋仲係流心，好好食。😂朋友叫咗個最普通嘅拉麵$78，另外加25蚊多三塊真叉燒，加多隻蛋同粟米，睇落成碗好豐富😂😂叫咗梳打水不過漏單，唔緊要啦，佢地都有凍水熱水提供。侍應姐姐好忙但好nice，食完埋單唔想用現金，仲可以同佢payme付款😂好方便。

丸京拉麵*Time : Feb 2023, Lunch*Price : $140-HKD *Place : 麵屋丸京*Review : 在屯門紅橋，沒了赤橋拉麵後，這一間會係比較好的選擇，位置也相近- 丸京拉麵：賣點是有六片薄义燒，當中三片普通义燒，三片慢煮义燒，不過由於比較薄，好易就沾上湯味，加上這裡是用豬骨濃湯，湯底濃味，义燒又軟，所以吃起來分別不大，不過用外加的紫菜，包上义燒，麵條，再加上辣醬一起吃，相當不錯整體是不錯的，份量不小，拉麵，餃子等水準平穩，在區內是比較突出的一間，下次會試地獄湯拉麵

之前你荃灣分店排太耐無食到，原來近近地屯門虹橋都有得食，雖然都係要排隊，但只係一陣，好快就有位。第一次食當然係要試下招牌丸京拉麵，大大塊鋪滿成個碗，一次過食得過癮。麵嘅份量啱啱好夠食，叉燒好入味口感軟熟；糖心蛋都好正！湯底幾濃幾好飲👍🏻

總的來說：有自己特色，可以再幫襯！.夜晚去到，又唔少嘢食都已經賣完似乎生意唔錯！優質：佢做嘅叉燒……有三片、六片選擇……原來，都是切得非常薄片，與傳統式嘅日式叉燒，有明顯分別！咁樣煮，都唔錯……唔會太柴一般：食拉麵，湯底很重要……今次試咗清湯及柚子湯底，感覺都唔錯，但沒有驚喜，亦都不足以令我們把湯飲完……下次再試，濃湯和地獄湯底，希望會有驚喜！麻麻地：半熟蛋，就有少許失望……拿捏得未夠準確……蛋白凝固得唔足夠…炸雞，脆漿未能夠完全裹實炸雞，而且調味較淡，間接突出了炸雞的油膩感……不建議驚喜：因為試唔到地獄湯底，所以特別點了一份地獄筍來吃……意外地，是成餐飯最好食的東西！

又黎到屯門美食集中地 — 虹橋❤️‍🔥平時係開荃灣食麵屋丸京 最近先知原來佢地已經係屯門區插左旗好一段時間🎌屯門店座位對比荃灣店闊落好多 又唔洗等位～🔹丸京拉麵🍜$100丸京拉麵一定係食肉獸の選💓真·叉燒有塊有塊鋪滿曬成個拉麵碗🍜真·叉燒係慢煮叉燒 食落口感比起普通叉燒嫩滑好多！真係一分錢一分貨😋🔹豚骨拉麵🍜$78其實Menu上面都有好多options 可以比大家按照自己既喜好去嗌自己個碗拉麵🍜例如：麵硬度、湯濃度🥣我自己因為已經食過幾次👍🏻丸京拉麵本身既湯頭都偏濃稠 試過清湯已經好夠味🤤而對我嚟講，濃湯真係太濃同稠🤣飲落個湯既口感會厚 小小似忌廉湯個種湯稠 本人就覺得有小小重口味✖️溏心蛋開半 好靚仔🥚索曬個湯既精華 一啖啪半隻 爽啊～無經過慢煮既叉燒真係無真叉燒咁正🤣🔹追加拉麵因為有小朋友👶🏻一齊食 但小朋友自己一個又食唔曬一碗麵 所以追加左拉麵🍜店主好好 拎左個好可愛既角落生物兒童餐碗比👶🏻店主仲好主動幫我地加湯❤️‍🔥最後我地三條友仲清曬啲湯🍜成功完食 各自得到碗底既秘密㊙️推介各位可以一試ʕ •ᴥ•ʔ

屋企人入咗醫院心情唔係太好，基本上係冇胃口想食飯，就散步行到虹橋大概15分鐘左右，本來想去好多人都吹捧嘅奇蹟拉麵，眼見格局同埋要排隊，感覺在外用餐都係想感受客戶體驗，結果就嚟咗呢一間價錢比較貴啲嘅拉麵店，時間係星期五嘅晏晝6:30左右，唔使排隊，店舖相對大啲，坐嘅位置亦都比較寬敞。即刻上OpenRice睇吓多人點嘅係乜嘢，其實本身都冇乜心情去仔細研究就揀咗一個$100嘅拉麵，碗麵嚟到嘅時候真係嘩咗一聲，冇諗過咁靚仔，尼一碗應該有一半係真叉燒（有少少燶邊嗰啲），店員介紹嘅時候話爭叉燒係慢煮嘅，所以食落口會比較嫩滑。另外店員都有介紹枱上面嘅調味料，由右至左，醋，胡椒蒜粉，豆瓣醬，生蒜。我自己就覺得佢啲溫泉蛋仲好食：另外佢有其他市區分店，不過通常都會有好多人去排隊，能夠喺屯門食到咁多喺市區都要排隊嘅小店，係屯門人嘅幸福。

👦🏻 最愛拉麵沾麵 今次為大家推介慢煮叉燒拉麵呢間超人氣拉麵店已經擁有5間分店但味道依然保持水準 今次試附近一間屯門店🍜 濃湯 - 真．叉燒拉麵賣相 💯 大大片粉嫩色叉燒滿滿舖係拉麵上而且佢地賣既「真．叉燒」其實是用上真空低溫慢煮的方法烹調顏色粉嫩且油脂相間 口感比普通叉燒嫩滑🤤濃湯就係清湯上加入豬背油脂再熬製濃郁豬骨味 帶豐厚油脂感 但濃而不膩 👍🏻完全為了附合港人口味而設醬油蛋🥚十分入味 流心不錯🌶 地獄拉麵無辣不歡既 👧🏽 當然試下地獄野麵條掛湯力高 索哂啲湯汁 愈食愈辣絕對不能睇小佢既辣度 要店員加清湯先食得完🥟 自家製餃子餃子係自家製 都係一般日式餃子的菜肉餡底部煎到脆香 口感 𝚓𝚞𝚒𝚌𝚢屯門分店有落場時間 𝟷𝟸𝟶𝟶-𝟷𝟻𝟶𝟶 𝟷𝟾𝟶𝟶-𝟸𝟷𝟹𝟶睇岩時間先去 唔係就會摸門釘==============================食物 ❤️🧡💛💚服務 ❤️🧡💛💚環境 ❤️🧡💛💚性價比 ❤️🧡💛回頭率 ❤️🧡💛

其實本來係諗住試下最近大熱嘅奇蹟拉麵。點知去到先發現冇開門。咁就試左喺附近嘅麵屋丸京。好食指數：👍🏻👍🏻👍🏻抵食指數：👍🏻👍🏻👍🏻回頭指數：👍🏻👍🏻一坐低，已經見到一壺有冰塊嘅冰水。即刻加左唔少分，至少佢有跟下日本嘅風格同傳統。拉麵嘅選擇不多，只有湯麵，冇沾麵等其他選擇。選舉嘅分別在於有冇蛋，幾多塊叉燒同辣唔辣。麵嘅硬度都冇得揀。濃湯半熟卵叉燒拉麵 $78湯頭不算咸，相信係在地化，就番香港人口味。飲落唔算好味精，有淡淡嘅豬骨味。喜歡重口嘅就可能覺得唔夠喉。拉麵偏硬，係幼身嘅拉麵，都算掛湯。本身我就鐘意食硬身嘅麵，所以覺得幾好。而隻蛋係成碗最好食嘅野，浸到好嫩滑同香，糖心部分剛剛好，真心好食。叉燒就係薄薄一塊。普普通通。有時想食下拉麵又唔想排隊嘅話，可以食下。不過同價錢水平比較嘅話，我會揀市中心嘅大門拉麵。

真叉燒拉麵丸京拉麵一上菜就俾滿滿既慢煮叉燒震攝眼球，碗邊舖滿肉，完全見唔到拉麵。低溫慢煮叉燒係呢間店既招牌，叉燒薄切，肉質粉嫩，口感細緻唔油膩，咸咸地充滿豬肉香，食得出好用心製作。豬骨濃湯味道唔算好濃，但味道同慢煮叉燒配合，略嫌熱度不足，麵條屬於幼身拉麵，唔算非常掛湯。溏心蛋好香，荀絲無出面食既咁大浸味，反而仲好食，整體來講唔錯。一碗拉麵啖啖肉，鍾意肉既朋友食完應該會覺得好滿足。好味：3.5/5環境：3/5客服：3/5

今次想介紹嘅係一間拉麵店，荃灣同深水埗嘅分店好似都算幾出名，而我今次試嘅就係屯門店。舗頭唔算太細，坐得唔算太逼，唯獨係如果要同人搭枱就會窄少少。丸京拉麵 $100佢將D叉燒全部放晒喺面，有真叉燒、叉燒各三塊、蛋、筍，一開始我都唔知咩係真叉燒，後尾店員解釋係慢煮嘅叉燒。最後食落真係好食過普通叉燒好多，佢係都幾粉嫩，加咗少少黑椒，係肉味可以再濃少少。普通叉燒就略嫌太瘦太柴。溏心蛋好食，我揀咗清湯，一開始幾鍾意，但連埋個麵食就發現，咦，點解咁似食緊雲吞麵，因為佢鹼水味好重，所以都幾失望，個濃湯好食d，係豬骨湯，唔會太濃或太鹹。七味炸雞 $35炸雞每一件都好大嚿，不過佢落太多七味粉，所以有D辣，雞肉都算juicy，但炸衣幾厚。總括嚟講，我覺得都值得食嘅，因為個叉燒都幾出色，同埋份量都多，但如果要排好耐就不了。同埋聽講第二間舗有限定嘅蝦湯，我都會想試下。