麵屋 元祖達摩 (已結業)

最近小编見到達摩拉麵屋做左個優惠，只要正價叫一碗拉麵加$20，就可以一小時無限任食餃子同雞翼無限任食餃子小編既最愛黎到當然要叫碗拉麵，今次叫左咖哩湯底，配料有流心蛋，豚角，紫菜等湯底非常濃厚非常好味。呢碗係辛辣拉麵，對於小编有點兒辣。配料有流心蛋，紫菜，簿切豚肉等我地叫左呢2款餃子，非常好食又脆又多汁，小編一口氣食左14隻餃子，好滿足。呢個雞翼就不過不失，咬落去都有肉汁，不好乾。總結來說，加$20可以食到有質素既小食，係非常低食

當日約左朋友O係附近交收, 順道食個lunch~經過門口見佢有set lunch, 所以就入去試下~入到鋪頭, 感覺好和風.坐低後, 店員好友善地俾左個籃仔我放袋, 然後放O係櫈下面,幾貼心.Lunch set menu, 都叫有得揀下~仲有其他小食~落單後, 店內散發住香味喇~等左陣, 野食就上枱~日式义燒炒拉麵好香好惹味, 唔會太咸!而且D义燒好好食呀! 不過份量對男仔黎講未必太夠XD日式鰻魚炒飯炒飯粒粒分明, 而且都有好多鰻魚!加埋D木魚鬆, 一流呀!跟餐既紙包飲品.下次再試下呢度D拉麵先!

今日心情郁悶，想出走平日出沒的沙田，和朋友S到大埔流浪一下、拍些照。走著走著，到了太和火車站附近就看到這間拉麵店。一窺店內，就看到和風的海浪壁畫及達摩擺設，亦勾起日本旅行時的點滴。可是裝飾再好，拉麵的質素更加重要，既然來到門前，不如就進內一試它的出品吧！友人說近排財運麻麻，看到招財貓梳打的可愛包裝也想點瓶一嚐，我亦陪他點了個招牌的達摩梳打試試(各$22)。達摩梳打以檸檬味為主，味道有點像波子汽水，反而蜂蜜味的招財貓更加新奇有趣，友人更說要保留貓樽作家裏擺設！雖今天不是喝酒天，看到有炸迷你池魚這個佐酒佳品，也忍不住點了一份。$28的價錢，有十多條肥嘟嘟的池魚仔，也算便宜。剛炸起的魚仔熱辣辣，咬落外皮脆口，入面仍然有煙冒出，魚有鮮味亦不覺得腥，絕對合格。先來是友人點的北海道3.6牛乳拉麵($83)，甫上桌已經聞到豬骨和熱牛乳夾雜的香氣。我先嚐了一口湯頭，本以為奶白濃湯是以豬骨為主，作為點綴的牛奶味會唔爭氣，不過在稠身的豬骨湯中亦能找到北海道牛乳的獨特香甜，相當平衡。友人說幼麵麵質及豚腩叉燒也很好吃。然後又期待了差不多十分鐘，需時炮製的炙燒芝士龍蝦拉麵($138)終於到了！這個期間限定的出位

🇯🇵好耐無食過正宗拉麵🍜✨位於大埔既拉麵店麵屋元祖達摩Daruma Ganso ———————————————✨推介✨.🦐原隻芝士燒龍蝦拉麵係原隻芝士燒龍蝦😻龍蝦好大隻，上來既時候上面仲有燒過既芝士👍🏻成條肉都可以起到出來啖啖肉食拉麵一定要配上叉燒，半肥瘦既叉燒好軟肥而不膩✨流心蛋都係採用日本蛋🇯🇵入口好香🤤湯底好濃嘅龍蝦味，整體來講呢個麵係好值得試推介：8/10.🐽松川豚骨醬油拉麵配菜方面加咗粟米，因為本身唔知道原來碗麵已經送蛋😂所以再加多一份雞蛋仲有一份火藥玉㊙️食落口有啲似譚仔米線嘅炸醬✨但係就係辣肉醬來，口感更硬同香今次係配上豬軟骨，湯底就偏鹹同濃啲💞豬軟骨咬落每口麵食得煮得剛剛好🤩個人口味覺得好食過叉燒推介：7/10.兩種麵我地都係叫粗曲麵，比較飽肚同有咬口✨湯底仲有筍同蔥果啲，令湯底濃香左好多.

新居入伙了，要添置傢私，經朋友介紹下，今日一於入大埔，途中看見一間裝修新頴的食店，一於入去試下。始於平成二十九年有吧枱設計，座位舒服。有不同日本飲品佈置看見龍蝦拉麵深深比吸引，一定要試，店員說每日限量的。果然足料，有一隻大大的龍蝦，十分新鮮爽口，連湯底又是龍蝦的，附上熱熱的拉麵，十分合適的佩搭這牛乳湯底也十分香濃好味，香港也食到日本正宗味道的拉麵。有多款飲料去選擇食店各佈置都十分有心思的，加上店員服務態度良好

看似平凡，食過先知係好野！初頭諗住無龍蝦麵食都已經吾係咁開心，點解選左個櫻花🌸蝦味噌拉麵，嘩！味到夠濃，飲完個湯又吾係口喝喎，面質我選左粗麵，食落不知幾咁彈牙！一個字去形容「正」！

之前聽講呢間拉麵 有得加+$20無限添加拉麵 叉燒 糖心蛋😯 最近終於有機會去食 點知去到店員話呢個優惠冇做啦😟 咁一場嚟到都都要試下佢哋嘅拉麵嘅😉雖然平均黎講呢度拉麵既價錢較出面平 但論麵質 配料&糖心蛋水準都好一般😶 主要係湯底上嘅分別~櫻花蝦味噌拉麵櫻花蝦味偏淡 湯底欠缺層次😐黑蒜油拉麵黑蒜油湯底唔錯 又香又濃 更勝櫻花蝦一籌👍🏻呢間拉麵唔做無限追加配料的確失色不少 今次失望啊😩

前排突然間心血來朝想食拉麵，老婆建議同屋企人試下呢間講左好耐但又未試到嘅拉麵店一坐低就即刻各自揀大家鐘意嘅拉麵我就揀左個辣嘅湯底，老婆唔係太食得辣，就揀左個牛奶湯底另外再加左個紫薯餅同餃子，2樣都好好味食物水準好好呀下次再想食拉麵都會再嚟呢度食

週末行過見到呢間鋪頭門口貼左張圖寫住龍蝦拉麵，心諗晏晝食拉麵就好普通，但有埋龍蝦就一d都普通了，所以諗都冇諗就拉埋朋友入去食啦！兩人各點了碗拉麵及飲品，灸燒芝士龍蝦拉麵，櫻花蝦味噌拉麵及兩支梳化汽水。落單係用落單紙，除左選拉麵外，仲有唔同麵質或附加配料等等方面喜好選擇。朋友櫻花蝦拉麵先到，我試一試拉麵同湯底先，因為食拉麵呢兩樣對我來說非常重要，拉麵湯底有濃濃豬骨湯味，絕對真材實料餚製而成，拉麵質地煙韌爽口，櫻花蝦提升左整體鮮味。之後我點的龍蝦拉麵到了，果然冇令我失望，離遠已經見到超大隻龍蝦放係拉麵碗上，龍蝦幾乎已經遮住了下面的配料和拉麵，逼不及待馬上食，芝士燒龍蝦，除左龍蝦肉十分鮮甜爽口彈牙外，加上濃濃芝士香，口感豐富，味道香濃，仲有半熟蛋都好味道，配上鮮甜湯底，我好快都食到豌底朝天了！我覺得呢間餐廳地方好整潔舒服，而且服務員態度非常友善有禮，更會向我推介特色拉麵，我地都好滿意環境同服務。

行完慈山寺出太和晚飯, 經過太和中心, 在外圍行了一圈, 被達摩拉麵餐牌吸引了, 就決定試試, 首先要讚的是食店的貼心安排, 門外有幾張白色精美椅子讓要等位的客人可安坐一會, 進到店內每張椅下又有籃放包包拉麵湯底有很多不同味道配搭, 突然發現自己有選擇困難症, 有幾款也想試, 幸好友人願意share, 最後選了兩款都是我喜愛的, 飲品方面亦有不同類型選擇, 尤其是不喝凍飲, 咖啡, 和奶茶的我外出通常只有熱檸水選擇, 但這裡竟然有熱的陳皮洛神花茶, 而朋友則選了完熟芒果梳打第一個驚喜 - 櫻花蝦味噌拉麵 $78  櫻花蝦非常足料, 差不多鋪滿三份一碗, 粗曲麵底夠彈牙, 豚肩叉燒(薄切)想不到也頗軟腍, 溏心蛋的蛋白很入味第二個驚喜北海道3.6牛乳拉麵  $83牛奶味非常香濃, 令整碗麵變得很幼滑, 幼麵的口感爽滑第三個驚喜陳皮洛神花茶 $16又是非常足料, 很多陳皮, 好味健康又幫助消化, 最後還忍不住吃掉所有陳皮驚喜一浪接一浪, 每款拉麵都很有特色, 都是用心之作

呢間係太和路既拉麵小店係我大埔老死推介既，首先位置方便，就算我呢個九龍人都好容易搵到，由太和火車站A出口行黎都係大概10分鐘，其二，就係性價比超高。呢度雖然地方唔大，但係環境舒服，裝修就以淺木色配搭日本既達摩公仔，比較簡約。Menu呢度既午市套餐都係$40起，晚市就$58起，仲有成10款選擇tim，星期一至五仲可以加$20無限追加配料，包括叉燒、拉麵、糖心蛋等等（入單計1小時十五分鐘內）另外，再可以加$38無限任飲，實行做到拉麵放題一樣黑蒜油拉麵$78呢碗拉麵份量多，粗身曲麵爽口彈牙，糖心蛋半熟口感滑嫩，叉燒肉質軟腍，加埋個黑蒜濃湯，完美配搭北海道3.6牛乳拉麵$83呢個拉麵仲配有黑松露，牛乳湯底味十足，不過當撈埋d黑松露就略嫌佢既味道被分薄左，至於其他配料同頭先碗黑蒜油拉麵同樣出色達摩梳打（左）$22味道同波子汽水一樣豐潤白桃梳打（右）$22有白桃味既波子汽水，味道唔算太濃仲唔會好假tim

朋友約我今天去她大埔家摘龍眼, 我都好識做, 回個禮, 請她去吃拉麵, 地點是大埔太和路 麵屋 元祖達摩. 此麵屋裝潢不錯, 長長吧座, 可以看見師傅在勤力工作.  廚房整潔乾淨, 吃得安心.日式進口飲品, 選擇多.我們到店已是下午茶時段,  仍有不少食客.店員服務快速替我們安排座位,  因天氣熱, 我們先點了三款凍飲, 大家 share.Somersby Apple Cider $25-  蘋果酒清涼, 招財貓梳打  (蜜糖味)    $22-   帶蜜糖味梳打水, 味道如蜜糖又有氣.   達摩梳打      (檸檬味)     $22-   帶檸檬味梳打水, 味道微酸又有氣.達摩, 招財貓, 玻璃樽印刷都好可愛, 店員話飲後可以帶回家收藏. 牆上餐牌好吸引.   炙燒芝士 龍蝦拉麵..... 原隻龍蝦 另星期一至五   加$20,   無限追加拉麵任何配料, 叉燒, 溏心蛋等.而飲品加 $38,  無限任飲多款啤酒汽水  1:15 小時內.    今天是星期六,  優惠少了, 但沒有減低我們愛吃拉麵的興緻.餐單上, 拉麵共分三個項目:首先選湯底, 共有11 款,  (黑蒜油, 辛辣

到達一個好少去既區域，因為有好出名既日本達摩主題拉麵。.北海道3.6牛乳拉麵 $83掙扎左好耐黑蒜油定牛乳好，最後決定食未食過既牛乳湯。揀左粗曲麵，豚肩叉燒。牛乳湯帶微甜，意想唔到原來可以咁好味，creamy得黎又唔會heavy，濃郁好味！叉燒都好入味，好易咬，完全無煮得太老，加埋牛乳湯，好夾。配料加入左黑松露同蟹籽，將黑松露加入牛乳湯入邊，帶有微微嘅黑松露香😻，成件事upgrade左。.達摩梳打(檸檬味)$22.

日本大阪旅行嘅點點滴滴一直在於腦海中揮之不去，一直默默回憶著...由當時起，我就喜愛上「達摩」這個身體圓圓的玩偶。「達摩」是日本多年來既傳統，還記得在日本寺廟見到的達摩不倒翁當時什麼不知情的情況下去查了一查，先知是為祖先達摩大師致以最高的尊重而製成的，它身體圓圓很像不倒翁的樣子，雖然說不上可愛，但總有一種特吃的吸引力！更重要的是它可以令你有心想事成的力量。很神吧！知說香港有「達摩」的蹤影啦，就係大埔新開了一段時間的拉麵店【麵屋 元祖達摩】，當然都是以日本不倒翁達摩為主題！入到門口果然到處都見到呢隻無手無腳的達摩公仔，大既小既甚至連超大既都有，愈望愈順眼，全店都有達摩的擺設。店內大約可以容納30人左右，有2、4人枱，亦可選吧枱。安排好位置後職員俾個籃我放下隨身物品！今次到訪呢間拉麵店除左主題吸引我之外...最主要既當然係拉麵啦，​【麵屋 元祖達摩】好像現時供應10款拉麵左右，餐牌裡面有很多款不同地方風格，不同口味的拉麵，呢到既湯底有幾款都幾特別的，就例如咖哩，喇沙，牛乳等等...亦可以自行選擇麵底、叉燒、配料餐牌裡面是由昂貴到便宜順序排列出來，看上去最便宜的是「味噌拉麵」五十八元。當然兩

港島區名店達摩無緣一試，竟然深入新界開分店，機會黎喇﹗又會那麼多食客等位既？直頭要攞籌添喎，比以往旺左好幾倍。原來轉晒 menu 仲加左非常多新菜色、新小食、新湯底添，多摩墨魚汁拉麵、川崎喇沙拉麵、松川雞骨醬油拉麵、等等。而且加 $20 蚊可以無限追加配料？不過我夠飽喇。問問一位要等幾耐先，食自己有樣好，即刻有位唔洗等，請坐吧檯。為何點餐紙上印著達磨拉麵既？唔係達摩咩，錯體？火炙豚肩叉燒，真的跟西班牙黑毛豬上肩不分上下，高質豚肩肉，肥美不肥膩，極彈極香極濃豬甜味道，肉汁處處不乾不鞋不羶不膩，食到舔舔脷。炙燒豚腩叉燒，鹿兒島豚肉五花腩一模一樣的肥叉。雖不乾不鞋而帶滑，不幸油膩感太強，如果肩肉就清爽多了，彈牙有肉汁。沖繩墨汁餃子，又會煮那麼耐呢？拉麵一早給我消滅掉咯，還要再呆坐 5 分鐘。珊珊來遲的餃子終於到步，餃皮不香脆，落水太多喇，彷如白紙濕淋淋，既黏且黐牙，不喜歡。食不到肉既？只有菜的感覺，沒有墨汁鮮甜味道。而且蔥醬油太咸太濁，試一次便夠。沖繩豚肉餃子，比墨魚汁餃子香脆，兩面焦香微脆。不過油得可怕，油浸一樣！油地獄油淋淋漿住我的嘴仔，唯有用醋洗掉油感。餃皮厚到 pizza 餅底一樣，