麵屋 元祖達摩 (已結業)

午餐叫左個日式叉燒溫泉蛋飯，餸份量太少，日式叉燒只有兩片，溫泉蛋半個。飯份量多。希望餸嘅份量可以多一些，整體可以接受。出餐時間快，不需要30分鐘。外賣下單時間最快可以改為15分鐘。

叫咗個日式咖喱豬扒拉麵咖喱味略帶甜但係味道唔夠濃 所以覺得仲有進步空間 湯底味道OK有豬骨味而拉麵軟硬度都適中 整體來講正正常常價錢亦都算便宜 呢度坐得多幾舒服因為印數不多比較安靜

又來都放假嘅日子，想搵啲活動做下，就去咗大埔踩單車🚲 入到大埔已經過咗食晏時間，喺租單車之前當然要醫飽個肚仔先啦🤗來到太和呢一間喺消防局對面嘅拉麵館，今次用咗訂座app的訂座優惠，入到去嘅時候都已經係座無虛席！睇睇有咩好食先！🤨 呢度主打日式拉麵同埋簡單嘅小食，由於趕時間join 朋友踩單車，咁所以只係點左拉麵無叫小食🍜✅ 雞骨醬油拉麵：由於平時出邊食拉麵都係食開豬骨湯底，所以我就有興趣試一試雞骨醬油🤗 落單之後大概5分鐘碗熱辣辣嘅拉麵就送上，先飲一啖湯底🍜 非常濃郁嘅雞湯風味🐓🐓 再配上三片左右嘅豚肩叉燒！叉燒食落口有好快溶嘅感覺，唔錯！🐖 不過肚餓嘅朋友一碗拉麵就未必夠食，佢哋嘅份量大概似下午茶餐，我都係食咗5分鐘就成碗K.O.😆 仲有啲意猶未盡嘅感覺😀最後，我想講出邊食碗拉麵都$80至$100，呢一間拉麵館以份量同埋價錢來計（正價），收費其實都頗為合理，用埋優惠卷就更加抵啦😛 透過上文所用嘅Apps訂枱嘅話，建議大家落單之前都問一問邊啲食品先有優惠同折扣計法 👍🏽 食得開心之餘又沒有爭拗😆—————————— 食物質素：7.5/10 環境衛生：6.5/10 舒適度：6.5/10

見到入面坐滿人， 但門口冇人排隊，諗住唔會等好耐， 點知等左30-40分鐘，我估係啱啱入左一輪所以先要等咁耐。叫左二人餐再加兩個小食，個人認為二人餐價錢都好理由。我叫左辛辣拉麵中辣， 比我想像中辣， 不過味道不錯不錯！ 我唔中意飲牛奶，所以牛乳湯底就唔啱我口味了！餃子和蟹肉薯餅味道正正常常冇特別感覺， ，牛脷比較’Un ， 唔建議大家叫牛脷。‘雞塊係5種小食內最出色。 如果下次諗唔到食咪都會考慮食返呢間， 不過唔會等位， 要等就算了。

香港人唔知點解特別鍾意食日本嘢🇯🇵哩間拉麵店bookmark左好耐，終於有時間去食啦😋叫左個二人套餐，可以揀2款麵2款小食同包2個飲品，都係HKD$218，幾抵食！-☆ 櫻花蝦味噌拉麵揀左粗曲麵同豬軟骨，味噌湯十分濃郁，櫻花蝦令湯底既味更突出，食開重口味既我非常鍾意💗 粗曲麵夠粗好有口感，質地煙煙韌韌好好食，豬軟骨軟淋好易咬開，質素不錯的👍-☆ 北海道3.6牛乳拉麵湯底呈乳白色，有淡淡牛乳味，不過略嫌可以再濃少少。揀左既幼麵較曲麵淋身，溏心蛋用醬油醃過好入味又流心，朋友好喜歡。-☆ 雞軟骨餃子 ＆ 自家製炸手羽雞軟骨餃子炸到金黄色脆卜卜，食到有啖啖肉加軟骨碎，幾好食。炸雞翼就普普通通，有少少鹹~

如果喜歡食日本拉麵，這裡都係一個唔錯嘅選擇，因附近有不同選擇，但日式拉麵就只有這裡，入去就見到大小不同嘅達摩像擺設，而這裡就係食佢嘅拉麵，一張點菜紙，清楚寫了有什麼選擇，今次就點了白河，因湯底用上了北海道3.6牛乳嘅湯底配上拉麵，而最喜歡這裡嘅四選一，選了有口感嘅豬軟骨，等了陣就上枱，大大碗，最緊要係件豬軟骨，入口肉質超級軟熟入味之餘，被肉夾住嘅豬軟骨都可以咬開入口，絕對係完美嘅選擇！而個湯底就有香滑嘅牛乳味道，配埋爽滑彈牙嘅拉麵，又係一個唔錯嘅配搭！加埋支apple cider 完全將工作煩惱一掃而空！

太和近火車站的拉麵店，再次去食！今次食左櫻花蝦拉麵！配料可以四選一，我揀左豬軟骨，入味又好食！我朋友揀左叻沙拉面配叉燒，叉燒肥瘦適中！另外也不少得可愛的日本梳打！好飲！

最近天氣非常炎熱，週末熱到無胃口，幸好家附近美食多的是，隨便到附近喜愛的拉麵店，享受一個悠閒的下午。麵屋 元祖達摩，於大埔算是略有名氣，裝修充滿日本情懷，價錢親民，湯底及麵質素略高。北海道男爵薯餅 $32清新健康的南瓜口味，外層炸得香脆，一啖咬落去享受到天然美味的南瓜薯蓉，外脆內軟。日式蓮藕豚肉餅 $38上下兩片蓮藕香脆可口，夾着中間肉汁豐富的豚肉餅，就好似日式肉餅三文治一樣，口感又爽又嫩，很有趣。黑蒜油拉麵 $82我丈夫獨愛的黑蒜油，遠處已經傳來香蒜味道，黑蒜油湯底特別惹味。北海道3.6牛乳拉麵 $88我跟丈夫一黑一白，就連食拉麵的種類都充分表現出來。他愛黑我愛白，北海道3.6牛乳令湯底變得零舍誘惑，入口幼滑，濃郁的牛乳香味。叉燒脂肪分布平均肥瘦適中；配料中的三寶有生蒜、黑松露、蟹子，顏色令賣相更加漂亮之外口感亦更加豐富；我還追加了喜愛的粟米、辣肉碎；拉麵掛汁力強，是我喜歡的煙韌口感。達摩梳打 $22檸檬口味，甜度適中。招財貓梳打 $22蜜糖味，清涼消暑解渴，夠晒爽！總結價錢合理，環境裝潢充滿日本 feel，食物質素高又有創意，是我喜歡的街坊小店，可以擇日再來嘗試其他湯底。

朋友是牛乳愛好者，一看到餐牌上的北海道牛乳湯便立刻下單。湯是奶白色，喝了一口有奶香，愈吃愈吃得琴奶香。叉燒選了豬肩肉，怕肥，豬肩的脂肪少很多，口感有點彈牙，肉質還是稔的，幾好食。蛋黃有半流心效果，醃過有很香醬油味，非常喜歡。我第一次試咖哩湯，湯不會太濃可以喝，咖哩味很香濃，沒有一層油在湯上面。我選了豬腩肉，肉質好軟好軟，豬的油脂很香，我最喜歡吃這個。筍也要一讚，切得很大塊，爽口沒有渣，味道帶甜，沒有很多鹼水味，不錯。

今屆開飯入圍日式拉麵專門店共有7間，新界區只得一間，就是麵屋元祖達摩，適逢大埔達摩開業兩週年，麵店的麵碗上寫上始於平成廿九年，即是2017年4月。而在2018年10月達摩在尖沙咀寶勒巷開了分店，達摩以平民化、多選擇及勝在拚博爛做取得以上佳續，確實可喜可賀。我在大埔達摩開業時的第一次食後感是剛畢業的大學生創業開設的麵店，食品名目花巧、味道普通、服務麻麻及太專業，但經過兩年間的經營漸趨成熟，雖然還有改進空間。那麽這兩年達摩有什犘改進?大埔區大多拉麵店的特色不僅單以拉麵掛帥，還會提供多種其他副食，例如一鳴有玉子燒、和拉麵有天婦羅、武藏則以套餐式包含副食，而達摩亦跟隨在餐牌提供同副食。這還不止，達摩如俺流塩/味千一樣，餐牌有提供飯丼，當然作為拉麵的專門店，若以多款飯丼類作為主食，這又有點矛盾。除了加添食品種類，達摩因應環境，將食品名稱簡單化，例如拉麵種類有姬達摩、鈴川達摩以及高崎達摩等等，早前開業時期是大大的字體寫在餐牌上，名稱濃厚日本化，但是客:太易記，如其他麵店以白黑赤綠顏色作命名，所以更改成醬油拉麵、味噌拉麵或牛奶拉麵等等，變成易記又親民。另外點餐紙亦分了顏色，拉麵類是白色紙，小

今日入大埔食拉麵，見到都多好評諗住試一試叫咗個松川豚肉豬骨拉麵，豬肉處理都唔錯，肉質尚算嫩滑，配菜亦都算多，面質太軟，及湯底不夠濃郁，略嫌偏鹹。另外叫咗叉燒飯，真係飯一個冇咩特別，而且都係咸，最後叫咗小食，燒雞皮，燒得太乾身及味道偏鹹，整體味道一般。如果冇乜要求想食碗拉麵可以去食。

突然好想食拉麵 又唔想去到咁遠 即刻openrice下大埔既拉麵店 呢間頭幾名又近屋企 一於試試佢🍜近年食拉麵都中意去呢啲小店，通常都好食過連鎖店，呢間都唔例外 👍🏻 估唔到咁有水準喎。同埋小店啲服務都比較貼心，佢地察覺到你有需要就會主動過黎問有咩幫到你🙂我同老公分別叫左高崎達摩 (豚骨拉麵)同埋白河拉麵(北海道3.6牛乳拉麵)。有兩種麵底可以揀 - 幼麵同曲粗麵，配料又可以揀豚腩叉燒、豚肩叉燒、豚角煮同豬軟骨。兩個湯底都好濃郁，唔會好咸。流水蛋個味道好正，如果再流心啲會仲好😋 。豚肩叉燒唔會太肥又幾爽口，而豬軟骨又夠入味。下次要試下另外兩隻肉先😌。牛乳拉麵仲有黑松露同蟹子，令到個湯底更加有層次👍🏻清新西瓜梳打同豐潤白桃梳打，除左外型可愛，仲要幾好飲👍🏻👍🏻👍🏻

放假到大埔搵野食見到評價不錯就諗住一試。。點知就中伏了！我叫左牛乳拉麵男朋友叫左櫻花蝦拉麵點知我個麵極度硬，仲要有一d麵系未煮分開。一pat野甘。湯又唔系熱辣辣，味道ok但唔熱真系麻麻地肉同雞蛋就尚算ok但價錢都唔平，甘既質素真系有d強差人意。同埋非常失望。櫻花蝦湯就有d咸d麵好淋最伏系個芝士玉子燒 好硬好難食好似唔知擺左幾耐甘。系openrice有甘多好評，點知中伏。真系無下次有位女侍應服務好好，值得一讚，但食物水平真系不好👎🏼

正巧在大埔開會，忙了一下午，便順道找來這家拉麵館來吃，拉麵館門面不大，但走進去很乾淨，也很有日本風，我找了一個角落的位子，點了一碗櫻花蝦叉燒流心蛋拉麵，其實主要是想嚐嚐櫻花蝦的鮮美，因為好久沒吃了，還點了一瓶可愛的西瓜蘇打，好可愛的小瓶子，一看就開心，等了一會，拉麵上場了，賣相不錯，蝦鋪滿了整個麵條的上層，一隻隻可愛迷人的櫻花蝦躺在湯裏，臥在麵上，紅紅的，很誘人，真是垂涎欲滴，用筷子夾了一隻放進嘴裡，好鮮美，湯頭也濃郁，再說說這叉燒，自己可以選肥瘦，我便點了不太肥的那種，吃起來也不覺得柴，入口不錯，這碗拉麵色香味俱全，還有店員姐姐的熱情，領我走出店門，告訴我怎麼去火車站，真的好窩心，值得稱讚👍🏻

今日經過大埔，看見一間名字幾特別既拉麵店:達摩拉麵，於是入去試試店家好細心，有幼麵同粗曲麵可選，配料上都可自選要或不要，可以迎就到不同人既口味。主配料小怪就揀左至愛既豬軟骨。因為鐘意食啲濃味既野，櫻花蝦味噌拉麵係小怪不二之選，仲選配上較硬身既粗曲麵，慢慢食都唔怕湯滲透哂係麵內，令麵有糊既口感果然，黎到真係無令我失望。單睇見賣相齊整同隻溏心蛋既晶瑩剔透，已經食指大動！先飲一口湯底，香！濃！對於食得清淡既人，呢個麵可能會令佢飲多幾杯水。但味噌獨特既咸味，鐘意呢種味既人真係無法抗拒。正如日本人鐘意味噌湯一樣。配上風乾既櫻花蝦，簡直將濃縮係蝦內既鮮味一口氣爆發出來！整個湯，濃而不渴喉，活用鮮味帶出湯底既重要。豬軟骨處理得好，不用多加嚼著就有入口既溶既感覺，軟骨同粗曲麵岩哂鐘意有口感既我。總括黎講，確實係高質既出品 ，如果第日再入大埔，我一定會再去食！