麵皇自家麵

營業中

休息中

之前見成日都好多人喺入面食麵，剛好今日初五又路過，門口貼住新年要收加一服務費，都有心理準備。 餐牌推薦豬軟骨，我揀寬麵(因為好肚餓)，胡麻湯底但微辣好期待食，因為一直以黎只有譚仔三哥既胡辣啱我口味。碗麵來到份量睇落都好滿意，因為我好驚食唔飽...第一啖食寬麵，味道唔錯，質地都好實在。豬軟骨味道一般，肉煮得太爛但軟骨唔夠淋仲好硬，湯底胡椒味唔夠反而太麻，麻到我條脷無感覺，我食完即刻過隔離7仔買嘢飲總括來說，味道好普通，雖然麵份量夠，但好貴，$66仲要加一，再4捨5入，即係$73唯一間鋪位置好近地鐵站

經過這間麵店一直以為是買日本拉麵，原來是買自家手工麵，直有如米線樣子的選擇。麵條款式很多，我點了豬軟骨粗麵，因為自己喜歡多一點咬口，東西很快便有，湯底很清甜，但自己喜歡吃濃味一點，加上選擇了粗麵可能會覺得比較偏淡，豬軟骨很入味非常好食，分量亦都多我都食唔晒。可能當日我去是午飯時間，座位較為擠迫，我連個袋都要攬住如果多幾個朋友就不太建議選擇哩到，但如果兩小口子或者單人，方便又想試吓新口味這裏是不錯的選擇！

从小到大吃面，从来没有吃过这么硬的凉拌面(粗面)。点了凉拌手撕鸡面，一口下去完全咬不动。让服务员去问了是否没熟，回答原本这个面就这样，不知道汤面里面的粗面是否也是这么硬，我觉得一般人都是咬不动的(我是三十岁的男性）。我一直喜欢吃硬粗面，没想到面还能做到这么硬的地步。完全没心情吃下去了，整碗没吃直接买单走人。还点了一个牛肉肉饼，味道还可以。但是因为面不好吃也没有心情享用。 冻柠水中规中矩，杯子比较大。

佐敦麵皇位于地鐵站出口，地理位置非常方便，人來人往，但我下午茶時段到店內未至於爆滿，而且枱與枱之間都很寬敞。麵皇的麵是新鮮自家制作，麵條可選寬，粗，中，幼任君選擇，湯底亦有原味清湯、麻辣、胡麻、酸辣、胡椒、酸麻，款款都各有特色。我就點選雜菌手工麵(HK$49)，中的手工麵，胡椒湯底，手工麵可食出新鮮即做的感覺，湯底亦有濃濃既胡椒味，用料十足。凍檸茶(+HK$9) 大大杯，比其他茶餐廳的大。總括而言，麵皇在我心中都有高度評價，會再次光顧。

之前黎佐敦食野都見到呢間餐廳，我一向對唔同的麵條都有興趣見到呢度有4份唔同的自家麵，麵一直想試下！咁岩今日又黎呢度，二話不說要試試！說實話門面有d細，而店主又想利用空間擺多幾個位，變左中間擺曬大圓檯，但就變成侍應行得唔方便裝修用日式設計，但又咁逼，好似唔多夾食物質素係可以的，我點的是清湯滑雞蜂巢豆腐寬麵，估唔到呢度會有蜂巢豆腐！吸曬湯的精華，好好食！而雞肉都多，寬麵有彈性！但略嫌中間有點硬。而另一碗係胡椒牛展寬麵，中辣其實幾辣！無乜胡椒味食到出曬汗，條菜食唔到！牛展幾好食，淋！口水雞翼都幾好食，雞翼滑，有少少酒味！但份量少左d

番工呢頭食到冇野好食，經朋友介紹下黎左呢間自家製麵店到食lunch. 鋪頭唔大坐到2，30人左右，不過勝在夠方便，容易搵，就正正係鐵站一出就見到。 食既時候都唔洗等位，不過愈食愈多人，唔想多人可以早小小黎食。 佢分左4種麵唔同粗幼大小，湯底都分左4種。 今次聽店員講揀左中麵胡椒湯底，餸就羊肉加蜂巢豆腐。 冇諗過佢會有蜂巢豆腐，就算打邊爐都唔係間間有，真係幾surprise。 豆腐吸曬湯底既味道，好好食，不過羊肉就差小小，可能係薄切所以味道食落有d似肥牛，同埋唔太羶，都幾適合d唔太食到羶味既人。 胡椒湯食落就似平時飲個d胡椒豬肚湯，但更接近三哥既胡辣湯底。 冇諗過佢個胡椒湯會有秀珍菇，令到個湯底更加豐富。 淨係d湯好味係唔夠嫁，話明係自家麵就緊係要試真d佢個麵啦，d麵食落好煙煙韌韌，好彈牙，可能係手工既關係愈食愈淋，不過都唔差，整體黎講雖然價錢係比一般麵鋪貴但絕對係有誠意既鋪頭可以去試下。

星期日下午想去吃澳牛，但實在太多人排隊，起碼有幾十人😱 ，便打消了念頭，改到附近的麵皇自家麵，第一次食，試下有冇驚喜。薄切羊肉麵，我選了粗麵胡椒湯底及微辣。羊肉片切得薄薄的，有羊味冇羶味，肉質香軟，不錯。胡椒湯底沒有太重的胡椒味，唔夠香，濃一些會好啲。粗麵開始吃時個麵心有些硬，中途變了軟些，個麵還有些芽菜，菌類及生菜等，也算很豐富。滑雞寛麵麻辣湯微辣這個非常不錯，麻辣湯底香濃，雞肉嫩滑，寬麵爽口彈牙，手工麵也，好有質感。京蔥豬肉餃 很好吃，京蔥甜甜的很惹味，我覺得不需要點醋才吃到它的鮮味，好吃，忘了拍照。榨菜豬肉餅也是值得推介的小食，榨菜加上豬肉本身已經好惹味，餅皮好酥脆，一層一層的，好好味。

聖誕節過後又要返工，假期後復工第一餐，中午飯一定要食間好食既！約左好友食lunch，決定去食呢間麵皇自家麵，佢既朋友話好好食，岩晒熱愛手工麵既我地12點半去到，好彩唔駛等，直接入去坐麵皇自家麵既面積唔大，位與位之間都幾近，要同搭枱既人坐得好近，食飯都還好，但食湯麵呢，我睇緊menu對面食到湯汁都彈到menu度⋯⋯香港土地問題，嗯因為我又生飛滋，想食清D，我就叫左雜菌手工寬麵($49)，湯底係清湯等左十幾分鐵就送黎，睇落真係好清！湯底有D魚湯既味道，都OK而麵同菇既份量好多，好岩大食既人黎食食麵既口感偏軟身，我就比較中意厚D彈牙D既麵，但呢間都唔錯既，食完都幾滿足

夜晚行完廟街就係附近搵嘢食，見到店面寫住有手工麵，天氣凍凍地，就入去試下。餐牌主打都係手工麵。首先選擇想食的麵種類，有四款湯底可以配，仲有多款配料，可以搭配出自己嘅口味。見到手工餅張圖咁靚，仲要限量供給，就當然要試下啦。鴨胸+牛展胡椒湯幼麵胡椒湯味道偏淡，沒有那種一入口就興奮口腔的感覺，熱度剛剛好可以入口。手工麵質感滑，有韌性，食落有咬口。鴨胸肉好柴，失望。牛展幾出色，調味香，煮得又入味，切片厚薄剛好，食落好有口感。雜菌胡椒湯粗麵冬菇有用薑煮過，薑汁同胡椒湯味道好夾。手工酸菜牛肉餅個餅係酥皮脆面，餡料係酸菜牛肉。咬落脆得黎有啲口感，餡料量足，酸菜牛肉味道好夾。值得一試不過餡料冇乜汁，如果加啲肉汁落去，味道會更好。店舖裝修新淨有特色，環境乾淨。

周圍行，發現左間自家麵，好奇下入左去，樓面空間不大，但用木色裝修，感覺還可，講返食物，叫左個肥牛幼麵清湯，一上湯，個碗size都幾大，男士應該都夠食，湯底清湯有d似某米線集團個味，所以無太大驚喜。麵方面就要一小讚，可能成日食米麵關係，所以一食落口就感覺好唔同，首先麵都算掛湯，麵質可能硬少少，感覺同油麵個種幼麵唔同，少一仈油膩感，算清新肥牛方面唔錯肥，但份量唔多，當中有幾條生菜同菇作為配菜。整碗感覺係健康，因為菜肉都有少許，價格可接受，下次經過會試下其他口味。

今次很難得可以訂到九龍公園體育館打羽毛球, 打完都晚上10點了。在找餐廳途中, 意外地發現一間麵食店。這間店看起來很新, 好像開了不久。而本人一向都是喜歡試新東西, 所以直接走進店內。一打開餐牌就被羊肉二字所吸引, 就叫了一碗羊肉手工麵試試看。而且湯底可以自選, 我就選了胡椒湯底。等了不久, 這碗麵就到了。湯汁胡椒足夠, 很暖胃。羊肉份量比我預期中還要多, 而麵就爽口彈牙。在天氣較冷的時候, 來這間店吃碗麵確是溫暖無比。希望下次打球時, 都會再來試試。

呢度啲牛肉餅好似好好食，今次終於試吓。叫咗個雞肉麵唔辣同牛肉餅。啲麵可以揀粗幼，一於食平時少見的中粗麵。碗麵有菇又有菜，都幾健康。最緊要係個麵，又爽又彈牙，粗幼適中👍👍，唔會gel住個口，超好食😋。雞肉都ok。牛肉餅啲牛肉估唔到係有啲鹹牛肉嘅味，好似食緊平時hea食嘅三文治咁😔，我覺得麻麻啦。不過，個餅都整得唔錯，唔會太厚，淨係有少少覺得食緊乾酥餅淡口嘅感覺，都算係有工夫嘅。食食吓，唔知係咪因為人少，士應响度拖地。一度食一度聞到檸檬拖地水嘅味，真係有啲影響食嘢嘅心情😥。不過，都要補充一下，雖然佢哋啲食具係放响桌嘅櫃桶裏面，但係望落去啲食具都好乾淨，總算加翻啲分。

晚上在佐敦周圍諗食甚麼晚餐，揀了又揀，最後去了這一間自家麵。餐廳細細的，但坐滿了人。坐下後就看看餐牌。最後我跟老婆就選了牛肉粗麵，雞肉粗麵及洋蔥牛肉餅。先講講那個雞肉粗麵及牛肉粗麵。老實講，麵就真係不錯，口味感好彈牙，面一條都粗幼都很相同，湯方面我跟老婆分別選了清湯及胡椒湯底。感覺比較偏淡，但我們本身不愛食太濃味的，所以味道上感覺都OK。重點係佢應該無落到味精。但可惜牛肉及雞體份量比較偏少，大約只有7-8塊。之後就是那個洋蔥牛肉餅。內裡真的是滿了牛肉及洋蔥，味道很不錯，餅外的皮也很鬆趣，都幾值得一食的。

喺佐敦做完facial, 經過呢間見到個牛肉餅好似好吸引咁，所以就入左去食。洋蔥牛肉餅：超級酥脆，洋蔥好夠味，呢個餅係好味嘅秘製牛𦟌手工麵：牛𦟌好食，但麵質有d太淋，清湯好清，唔太夠味xD豬肉餃：都係正既，唔會太咸，剛剛好嘅味道

放工與男友見面去食午餐見到門口有一個餡餅圖片 好想食所以就入去坐豬肉餡餅 好味 皮夠脆！ 不過汁就少左d 再叫了一個手撕雞粗麵 抵食 好大碟好多手撕雞 重麻醬味*好重花生🥜味 正！饞食的我們 又叫了芹菜餃芹菜餃 皮太厚身 美中不足 不推薦兩人食到好飽