麵皇自家麵

營業中

休息中

難得豬隊友肯同我衝出元朗🙈，出左佐敦（其實唔係有野要出佐敦做佢都唔會陪我lo)本身佢打算食澳牛，但lunch hour真係諗都唔使諗，但有位為前提底下入左呢間（其實都好full👉🏻👈🏻)睇菜單，第一眼已經俾手工麵吸引住，有寬麵、粗麵、中麵、幼麵，不過我同豬隊長都鍾情寬麵，所以就冇試其他。難得有麵店會用薄羊肉，我點都補補佢，揀左胡麻（中辣）簿切羊肉真係好好食，個中辣夠晒麻，羊肉又香口，連配菜嘅什菌都好好食，好難得食到d寬麵甘滑，又彈口，雖然佢辣，食又唔會愈食愈口渴，絕對有下次豬隊長就食左清湯秘制牛展🙈牛展又「林」又入味，超得不過提一提，人多煮麵需時，係要等等嘅

今時今日食碗麵要6、70蚊，真係叫正常價錢，但6、70蚊碗麵，都唔係個個有良心，用心去出品係佐敦經過呢間手工麵店，無期待地入去食碗麵，就係咁，無心插柳柳成蔭，估唔到係一間唔錯，幾好食既麵店㨂咗要咩麵後，仲可以㨂麵條既類型，有4款選擇；之後再㨂湯底同辣度。我要咗一碗豬軟骨寬麵微辣碗麵黎既時候個樣唔吸引，算啦，反正好又一餐唔好又一餐，點知！夾開啲芽菜同菇後，意開始發現內有乾坤！果舊豬軟骨，大件到呢！仲大塊過去食500oz既肉眼扒！睇黎店主好有良心，顧客比一分錢，佢比十分料講番碗麵既味道：豬軟骨煮得香軟入味、湯底有微辣夠惹味開胃、麵條煙靭有咬口；本來真係唔打算食晒碗麵，但實在停唔到口，最後都係清晒街坊麵店黎講，的確出色

第一次食，經過見到有牛肉餅，諗起好耐無食過九龍城某餐廳牛肉餅，加上餐廳外貌ok,就入內試試。我點了三絲涼麵同豬肉餅；三絲涼麵㨂咗酸辣少辣幼麵。一食就知中伏！to be fair 佢麵條係好味，好彈牙，但個麵啲配料同醬，係完。全。無。味，酸辣無酸味亦無辣味，三絲不斷出水，個醬似係麻醬，唔係酸辣味，我落咗兩圈豉油同辣醬，唔得，佢都係無味，連枱個樽辣醬都無乜味，我有刻懷疑係咪自己味覺有問題？豬肉餅嚟到，佢係酥餅包洋蔥豬肉餡，個餅係凍，唔熱，好乾身，咬落去個酥餅皮係有少少白色，即係少少唔熟。個餡啲豬肉係少少肉粒feel, 係一啲汁都無，成個好乾不特止，仲要「無味」，又係無味。超後悔係食肆林立的佐敦㨂咗依間嘢，仲要盛惠$61，依個價食下午茶，係好多選擇，真係無下次，廚師同店員，如果你地睇到依個食評，拜託自己食下，評評到底係我味覺有問題、定廚師味覺有問題？好浪費咁彈牙嘅麵條，主角正，你都要有味道去襯托啲麵條先得㗎嘛？！

去做spa前諗住搵個麵食就算，見到呢間鋪頭個樣好吸引就盲中中入咗去，佢啲麵有好多唔多種類同口感選擇。個胡椒湯蜂好好味，平時好少食麵飲湯，但今次真係要飲一半先安落，仲有個蜂巢豆腐好索湯好好味。個牛一啲唔"un"，食得唔係好辣既我叫左個個麻辣微辣，好好食呀痴線。口水雞翼略少一啲辣其實呢間野真心好食，我已經好掛住同好多番去再食過。

佐敦發現良心小店！話說第一次有衝動幫襯係因為見到好多人，但唔係排長龍果種！細心望下都係附近既上班族/熟客/甚至係香港打工既內地同胞；淨係睇食客呢個segment就知地道 /平 /又好味！前後暫時幫襯左三次，次次都無令我失望：無論係麻辣酸辣定撈麵，都係大大碗好足料，單餸都可以食到好飽！呢個係酸辣兩送 加左冬菇（超正！好淋又索晒湯汁）；酸菜唔係酸到標眼水果種 係好「舒服」既酸，可以淨食都唔會覺得要飲水既程度湯底既辣味黎自辣油，建議叫「中麵」因為扁扁地可以掛多d湯汁又唔怕難夾。呢個係麻辣底，味道似少鹽版既譚仔，呢度小辣既辣度大概係譚仔既2-3小辣左右，清d同足料好多！呢次叫左粗麵（4款麵中最粗的），粗度似米線但係麵粉整的所以比較有嚼口，加上份量好多，如果唔想嚼咁耐食極都有就叫番幼/中麵啦另外仲有試過麻醬撈，會重口味d但依然大件夾好食同抵食！ 呢間小店變左我放lunch既動力了！但12:45開始就會好多人，想攞位就要早啲啦極力推薦！

At King Noodles, I ordered 3 dishesXian pork burgers: Delicious, bun had good texture, the pork was decently seasoned in the middle. Very good value for moneyMixed noodles: Noodle texture choices and variety are great, decent flavour, simple. the sauce is a bit watery(slight turn off) but you have to mix it together. Overall its decentSoup noodles: the noodles it self again is great, decent flavoured soup broth but doesnt make me go wow.Overall its a good meal to have if you come by it, you wont

條街好多人，但店好彩又無乜人，唔洗等，因為好熱，點了牛𦟌涼麵，幼細麵，麻辣（小辣）。18:29落單，18:34到，很快到。食物份量很大，一定夠食。望落以為唔記得俾辣，原來响裏面，雖然我叫的是小辣不是很辣但很麻，牛𦟌有甜味，算林，整個麵不會太乾，略嫌芝麻醬太多，加上麵質煙un ，食完有點濟。櫃桶冇紙巾，要自備，有點麻煩。

成日都見舖內咁多人，今日路過咪入去試，我和朋友點了一個清湯牛展麵、羊肉酸辣(微辣)粗麵，牛肉、豬肉饀餅各一，首先講豬肉饀餅，熱騰騰都唔覺好食，豬肉粗糙，至於牛肉饀餅比豬肉做得好，但以$28一個，太貴了。清湯牛展麵，朋友食淨一半有多，至於我點的羊肉酸辣麵，麵質還可以的，但酸辣味道真係做得太差了，試過之後真係冇下次⋯⋯我和朋友都很奇怪點解咁多客，唯一解釋嘅係，地點太就腳😅

人手不夠，所以寫野、上菜好慢。同埋一共三碗面三杯水，又漏單又錯單。冬菇變金菇，忘左杯檸茶。不僅漏左我們單，隔離檯姐姐d面等左成半粒鐘，先話漏左單。D面綿綿地，好似餃子皮，不勁道，不彈牙，仲不如超市買概手工面。我食左雜菌面，大辣，碗面只辣不香。食左一d就覺得好難受。朋友食左秘製牛展自家面，加左蜂巢豆腐。蜂巢豆腐不錯，但牛展好鹹。價格都不平，加埋野飲，平均70幾一人，貴過譚仔好多，質素反而差過譚仔。不會再來。

放工後行經佐敦，想搵湯麵食，見呢間冇乜人又吾洗排隊就入左去試，點左兩個麵，一個胡椒麵底，另一個酸辣湯底，等左十五分鐘左右食物先到，食落口感好一般，原本好肚餓但因為味道吾太吸引所以食左小小已經變左冇乜胃口食，浪費左一碗麵，份量就好大碗，如果想飽肚既食家呢間應該幫到你。本人吾會有意欲去食第二次，完。

上課前去到佐敦附近搵食，這間店舖新開張一段時間，今日凍凍地，入去試一試湯面吧!店內環境不大, 但坐得舒適。這裡的豬軟骨確實一絕，一碗有好多件，件件有骨有肉有肥。。。超正! 感覺好專業，高質素的湯料， 酸辣度都非常合我心意，又酸又辣非常搶喉這裡的特色，食客可選擇麵的粗度，有幼面，中面，粗面及寬面。觀察到廚房裏面有一架機器，師傅可以即刻製作麵的粗幼，因應顧客不同口味，製出不同闊度的麵，非常新鮮。而且麵質不會太淋，有厚度有口感，這樣有手工麵的感覺。湯底也有各種款式可供選擇, 亦有不同辣度。

經過幾次，每次都見好多人排隊，所以無緣試食；恰巧今日3:30無咩人就試了。55元一碗面在中午飯點時候不算貴，可惜沒有下午茶時段優惠，所以絕不能叫平或抵食! 羊肉片2:8肥瘦,有點羊味(有人叫so味)，味道及質地可以，幼麵質感幾似上海麵，湯底胡椒味不重也不香，整體而言不過不失，沒有特別出色。不通麵的份量可不少，絕對夠一般男士食得飽。不能說成中伏，不過……如果想食粉麵在這附近幾條街，確實有好多選擇呢! 個人覺得唔值得要排隊~~

行行下佐敦發現門面光鮮自稱自家製麵嘅自家麵，為食妹決定入去一試。 麵條有四種選擇，今次試了寬條麵。 大大碗足料牛肉麵吸收胡椒湯之後，每一口都充滿濃香湯汁。可惜阿姐話唔再賣汽水，如果可以一口麵一口可樂就好了。强烈推介胡椒湯底豬耳

行過長沙灣元州商場，見到新開自家麵...等我試下先餐牌望落去價錢偏貴...雖然係手打麵...又有得選擇湯底而個餐牌感覺有啲似日式拉麵風格但見到個餐牌D麵嘅配搭就諗起大家食同埋譚仔...有一種比下去嘅感覺環境都算新鮮，有人像畫做背景花草盆栽掛牆加上米色磚感覺舒服秘製豬軟骨手工麵$65中麵酸辣湯底味道有啲似譚仔小麻辣嘅味 ，原來中麵都係扁麵黎秘製牛展手工麵$68麻辣湯底 粗麵呢個湯底直頭係譚仔麻辣味肥牛手工麵$48胡椒湯底 寛麵呢個感覺還算新鮮，寛面夠粗口水雞翼$38本人感覺一般般總括嚟講要用呢個價錢食相近似嘅嘢，我會食返譚仔

平時行過見都算多人食，先諗住試下點知。。。中哂伏湯底唔知似乜 酸辣湯底唔知點解油到好似變左麻辣湯咁 賣相差唔緊要，飲落去仲有種臭味 嘩 真係未食過咁難食既麵，兩啖就掉左！想做勇者王可以試試挑戰。