麵.睦月 (已結業)

🚦麵·睦月🐖叉燒瀑布闊麵🐖$785/10食得白布烏冬，一係就係食佢夠薄🤏一係就識佢夠滑🤌但佢兩樣都唔係，仲要冇咗平時普通烏冬嗰種煙韌🤧完全冇麵味佢連溏心蛋都做唔好，無醬油味🥲唯一可取嘅係佢個豆卜… 有啲sad，因為我估都應該唔係自家製嘅嘢叉燒就正常發揮，整體就係冇乜特別整體3/101. 坐得近廚房會，有陣味2. 唔係服務差，係冇服務，因為唔夠人手，得一個樓面3. 仲要有時唔夠人，廚司會行出嚟幫手，再見住佢用翻埋埋遞完menu隻手，拿住啲烏冬喺度fing，又唔戴手套，真係不了4. 明明我哋係三個人，但中間都隔住塊板，唔幫手拎走之餘，仲要唔俾我地拎走，侷住我地成餐都要勁唔方便咁傾偈5. 30分鐘先上餐，而且見住食物已經準備好但一直冇人送上，因為唔夠人… 上到嗰陣已經唔熱…6. 係平，但性價比極低，所以覺得用埋connect card 9折之後都係俾貴咗

餐廳初開業時供應在香港比較難食到的瀑布烏冬因而很受歡迎，門外也經常排隊；朋友說不如試試這間吧！星期五晚到達，原來餐廳地方不大，座位不多，所以都要等一等才能夠入座。晚餐都有幾多選擇，價錢以晚餐來説是幾實惠的，跟餐還配有罐裝汽水，加$3有日本直送的特色飲料，加$3算是幾抵。瀑布烏冬對我來說吸引力不大，我點了一客日式咖哩牛舌飯，製作時間比我預計長。套餐跟配了三款前菜，都是那些醃漬物，有醃蘿蔔、醃洋葱和中華沙律；不過三款前菜的味道都不太好，蘿蔔裏面很乾、洋葱不知是否醃製時間不夠被又生又辣的味道蓋過了醃製的酸味，而中華沙律不新鮮，份量少得來質地乾，前菜已扣了分。日式咖哩牛舌飯碗大份量不算多，而牛舌跟一般認知、我預計的有出入😅首先牛舌很細塊，先不論厚度，大細是一般食到原塊牛舌的大約三分之一，質地爽口沒有甚麼牛味，然後厚度都是薄的，只有5小片；因此來貨質素較差，牛舌的部位亦是脷尖、脷底等位置，特意點的牛舌卻令我失望咖喱汁則很難會失敗，帶有甜味的咖喱配著偏軟淋的白飯令人開胃，不自覺的一啖一啖地吃。朋友點了瀑布烏冬，很明顯地烏冬是預先灼好放在一旁，有客人柯打時再灼多次；不知餐廳是否想避免烏冬太淋煮的時間

聽朋友介紹 呢間鋪頭長期都排哂隊 所以我地都去左食因為早去 所以唔洗排隊就入得鋪頭唔大 坐既位我諗都係頂多30個左右 所以都唔難理解點解咁多人排隊第一次食 瀑布麵 所以嗌左一冷一熱冷果個 本身都好怕佢放左一段時間 D麵就會痴實哂不過食到最尾 每塊麵都仲好容易分離同埋佢口感其實幾好 都幾有咬口 不過份量就唔算好大 女仔食就應該夠 男仔食就可能要嗌多樣小食啦!天婦羅 粉唔厚 咬落去好脆 呢個價錢 份量都叫多架啦相反 熱食 炸豬扒就無咩特別 炸粉都係唔厚既 不過塊豬就薄身左少少最後都加多個小食 上枱果時都熱辣辣 唔錯!

呢間近住黃埔嘅麵店，我次次嚟都會食佢個闊麵☺️，提返學生有9折🍜吉列蝦瀑布闊麵 $68 (包一罐汽水） (8.6/10)有4隻吉列蝦，同個醬match得啱啱好，仲有兩塊嗚門卷，我次次嚟都會叫呢個，闊麵好好咬之餘、唔會痴埋一嚿，每個餐都會送小食有3樣野洋蔥、酸蘿蔔同埋中華沙津，洋蔥未熟😖😖😖😖😖，味噌湯飲落唔會好粉、正常🍛日式咖哩牛舌飯 $68 (包一罐汽水） (8.3/10)牛舌煮到好嫩、偏凍，咖哩唔會好水，配埋飯好食☺

繼昨日星期一在「黃埔」「必嘉街」繼續等候港式小食店開門營業，到最後發現小食店仍然摸門釘，看見小食店店門長期緊緊關上。結果我在翌日星期二繼續來到「必嘉街」，小食店仍然未有開門營業。於是我又被迫臨時改變策略，改為在「必嘉街」光顧其他食店，享用完「雞肉飯」部分的晚餐食品之後，才乘搭港鐵沿着「觀塘綫」返回「鑽石山」，步行返回「新蒲崗」享用「牛腩」部分晚餐。我看看港式小食店旁邊的「必嘉街」還有「明安街」，我忽然發現自己在「紅磡」所有在下午七點鐘過後仍然營業，可以享用「雞肉」晚餐的食店裡面，我已經光顧過很多間食店，只剩下那小食店未光顧過而已。我不繼研究「必嘉街」跟「明安街」六點過後，所有仍然正在營業，我又還未曾光顧過的食店，原來我還有一間主打日本菜的餐廳「麵 · 睦月」仍然未曾光顧過。於是我今次選擇了光顧「麵 · 睦月」，享用「麵 · 睦月」晚餐時間裡面的日式「咖喱炸雞飯」，另外加上名稱叫做「南蠻一口雞」的日式「唐揚炸雞」小食而成的晚餐。至於「麵 · 睦月」晚餐套餐裡面的飲品方面，我最後選擇了享用日式水果「水蜜桃」果汁，配乳酸「益力多」梳打飲品而成的「水蜜桃多多」飲品。「麵 · 睦月」廚房製作食品

壞冷氣，員工沒有提醒客人。熱到食咩都無味。食熱食，熱上加熱，熱到食到成身汗！唔好似住自己係黃店，就唔留意服務質素！五個字：「失望，無下次（幫襯）！」」19/8/2021 (thu)

今日同friend黎食lunch，聽講紅磡舊街呢邊有間瀑布面，仲要係黃店就去試下。要支持下小店呀。叫左一個湯面一個冷面。佢整到定食咁，有富湯，有配菜。瀑布面口感都幾特別，就係lasagna咁，幾滑身，不過變左配湯。可能佢比較大塊，沉湯都唔會搞到淋哂。炸蝦其實馬馬地，炸粉比較厚，又唔多脆口。整體黎講，無話有咩特別驚喜，味道正常。價錢都ok，紅磡又幾就腳，又易搵路，不失為一個食lunch之選，食完過去黃埔行下都得。

「麵.睦月」 <黃埔> 💛好熱呀 ⋯門外等候快要融掉了但下星期好像又要下雨🔸吉列豬扒瀑布闊麵 $68 🍱🍜鰹魚湯底 一般 無特別闊麵大大條 但其實薄身 入口唔會太un 賣相味道都唔錯 會用得意黎形容炸物 豬扒同蝦都係新鮮即炸 🔹日式吉列咖哩蝦飯 $68 （+$5轉烏冬）烏冬 一般無特別湯麵我鐘意飲湯 但咖哩湯麵 一般會好濃 好杰但如果你鐘意濃郁湯底 係不錯的 是日式咖哩的香甜味總括而言未試過闊麵的可以一試 也是這店的最大賣點#麵睦月 #Mutsuki紅磡湖光街7號聯盛大廈地下

成日都去食睦月，今次佢哋為佢寫吓食評～ 雖然佢哋最出名嘅係瀑布拉麵，不過次次都係去食冷麵因為真係好好味，尤其大熱天時去食涼浸浸嘅冷麵真係好正，麻醬份量自己落所以唔驚過多/少，冷麵嘅餸都好足料，次次食完都好飽～ 而且仲會跟餐送一罐汽水真係好抵呢～ 朋友就叫咗個拉麵😋 係會不斷encore嘅餐廳！

瀑布闊麵聽起黎很像好勁，很想一嘗這個厚厚的面，不過我很像叫錯左，不過都可以多一個機會下次再光顧黃店。.义燒流水烏冬 （鰹魚熱湯）👍义燒肥瘦均衡 湯底清香 配上豆斗很夾👍烏冬有點淋身 但配上簡單的湯底很舒服推介指數: ⭐⭐⭐/5Overall 評分時間(每項最高5分):💚食物:👍👍👍💛環境:👍👍👍💙抵食程度:👍👍👍(所有評分係由 價格同相關質素之比例)總結: 06 /10⭐

佢幾多款食，有麵飯烏冬，仲有特色既爆布烏冬，即係好闊既扁烏冬。不過個人偏好食飯，而且d肉質味道煮得都唔差。日餐黎講價錢偏唔貴，最平50幾就一碗飯。平時午餐可以去食下

紅磡自家小店，內裡座位大慨20多個位，日式佈置氣氛！平時晚飯時間經過也會有龍隊～當天大慨晚上6點入座，不用排隊。用餐完畢外面已有數幾位排隊，唔想等就早少少去啦！🤎吉列蝦鰹魚熱湯瀑布闊麵 Set $68🤎叉燒雜錦冷麵 Set $68🤎地獄叉燒拉麵 Set $68🤎日式冷瀑布闊麵 Set $58🤎日式咖喱雞飯 Set $58麵類比較好吃，不論闊麵定拉麵，好吃！店舖稱用日本材料製作麵條，拉麵口感好好是帶煙韌。喜愛辣，地獄拉麵非常值得一試，真係辣。鰹魚湯不會太濃味，清清的魚湯。咖喱飯正常發揮！

⭐️ 呢餐係：「好多改善空間但都仲擺得落口」嘅一餐紅磡住宅區黎講，其實都算好多野食，好多小店！今日食呢間出名食闊麵嘅日式餐廳～🍤睦月天丼定食 $78見佢menu第一頁有推介，加落單字又highlight咗咁就嗌咗。有兩隻蝦，菜就各一，有秋葵，茄子，南瓜同蕃薯。唔知大家有冇聽過，其實天婦羅係「蒸」而唔係炸。利用粉漿黎保護入面嘅食材，在食材係唔會接觸到油嘅情況下用油溫黎蒸熟啲天婦羅。咁樣做嘅天婦羅就會可以保持到食材嘅水分，食落都唔會好重油膩感。今日啲天婦羅就做唔到呢個效果啦🙅🏻‍♀️ 上粉漿時冇確保啲食材真係360度有粉漿就落鑊。食落成口油，冇天婦羅應有嘅脆，仲要炸到隻蝦甩皮甩骨咁🥺 雖然唔係貴食材，但係隻蝦本身都重蝦味，都ok架！飯嘅份量就略少，男仔應該就食唔飽🤰🏻自己覺得嗰汁就甜得濟，怪怪地咁🥵🦐吉列蝦瀑布闊麵 $68難得黎朝聖，點可以唔試下瀑布麵呢😛 吉列蝦就普通貨色，似急凍買返屋企可以直接dum入氣炸鍋嗰啲。湯底偏淡，認真飲先飲得出係鰹魚湯底（應該，其實都唔係好確定），但係感覺唔係自己熬，似湯包或粉溝多啲🥶。味道同平時嗰隻腐皮烏冬湯底一樣😅 瀑布麵麵粉味好重，口感硬得黎冇乜咬口。個人鍾

第一次同朋友嚟食，員工有禮貌，食物價錢抵，而食物更比我想像中好食，賣相都靚，意外係好多出面日本食肆啲沙律係好少，但呢間所有沙律份量足，好新鮮，好開心有份量足嘅沙律！天婦羅粉有少少多左，可以改善，其他無野挑剔~ 見到有幾檯人食濶麵，下次會再嚟食過。

-{黃店💛黃埔瀑布麵🍱}好耐冇黎黃埔食野喇🥳今次食嘅日本野都幾新~試咗佢嘅瀑布麵🤓🤤吉列豬扒瀑布麵🤤 ($68)就係有個吉列豬扒同個麵😂 另有麵豉湯同前菜 個醃蘿蔔冇味😭反而個洋蔥好入味😛 二個麵嘅小小厚同埋好闊食落幾特別 仲好滑添☺️不過好難夾搞到係咁彈湯😂😂而吉列豬扒都好大塊 個炸衣好脆同埋唔油 如果豬好有咬口不過就乾咗少少 利申我冇食嗰粒蛋🙇‍♀️💩👖褲評: 7.3/10🤤雞軟骨🤤 ($28)食落好香口 唔係淨係得啲骨都有少少肉黐住😋沙律醬係日式嗰種😚👖褲評: 7.8/10環境好日式feel 佢哋嘅set真係好抵食 就算夜晚都有得食真係好抵！好值得黎🤩性價比: 8/10服務: 8.6/10環境: 8.3/10🚩麵.睦月🚩紅磡湖光街7號聯盛大廈地下10B1號舖#fuudjai #fuudjai黃店 #fuudjai日本菜 #fuudjai黃埔 #fuudjai紅磡