麺屋武蔵虎洞 (青衣城) (已結業)

覺得麵量偏少蕃茄湯底唔夠濃郁食埋個煎餃子小食都唔太夠飽環境可以嘅但若多啲小食嘅話張枱就唔夠擺應該唔會再幫襯了因為麵的確頗少細食嘅我都覺得唔夠唔係好值$85呢個價錢論高質不算高質但又不是十分差

同朋友仔去完迪士尼，決定出返青衣食晚餐。見好多餐廳已經Last Order，係無咩揀的情況下，我們去左日本的麵屋武藏食拉麵。餐牌主要分為黑、白、赤武骨湯底。朋友鍾意香濃的口味，所以就揀左黑武骨豚角拉麵。賣相比餐牌相差幾遠，拉麵食落幾彈牙，可惜湯底油膩左少少。咁岩今期有限定的濃厚松茸湯拉麵，我決定一試。食落好多菇味，個味道都係遍鹹，不過無黑武骨個個咁厲害。限定黎講，都幾值得試下。另外，胃食的我倆叫左一份惡魔之爪，即係炸魷魚酥。炸得脆身，不過卻嫌粉厚左少少。==============================鍾意我的分享的，我邀請你訂閲我的食評，我會繼續與大家繼續吃掉世界，甚至吃掉整個宇宙！(哈哈)

岩岩在青衣城UA睇完「打死不離歌星夢」，跟住去食麵屋武藏，食完的感想就系呢篇食評的標題「打死不會再幫襯」深深明白不可以用東京麵屋武藏去對比香港店，也都好清楚佢地根本不是同一樣野。但真心企系普通消費者角度去評價一間面店，太驚訝點解可以咁難食，點解可以咁油，點解可以咁唔抵食。唔知個鼓系咪比受左委屈的食客擊鼓鳴冤用的沾麵，系我最鐘意的食法之一。餐牌上見到，都令人眼前一亮。麵的份量很少，但麵很Q，但好好地的麵無啦啦被碗黑蒜油破壞左！餐牌就寫住濃郁的湯汁掛滿麵身，讓你每一口都嘗盡豚骨濃湯的精華！系？！豚骨濃湯？！認真架？！完全系一碗油！油里有幾舊紅燒肉。我曾經食過的沾麵系麵身會沾上湯汁，而呢個就系沾上油，以油洗麵！好驚另兩份分別系黑武骨拉麵的角煮同叉燒。都一樣系油到吖媽都唔認得了！餐牌寫住系濃厚的豚骨湯底，加入燒香後的長蔥及玉蔥制成的黑蒜油，味道香濃。不是吧！真的一d食唔到豚骨湯底，油！全部都是油！垃圾！角煮再恐怖的，肥到撞牆！

去青衣睇完戲，想食餐飯都咁難……青衣城2期食肆已經迫爆，轉戰一期都差唔多，最後家人話食拉麵就諗起麵屋武藏。幾年前食過都算唔錯，今日食就差咗好多吓喇！麵屋主打赤黑白湯底，赤係味噌湯底，白係豬骨湯底，黑係蒜油湯底。我哋一行三人都點咗黑武骨豚角煮拉麵，限定松茸叉燒拉麵，黑武士沾麵，唐揚炸雞，另追加一份豚角煮。首先係炸雞，基本上同坊間嘅日式炸雞一樣，不過不失咁啦！係個沙律醬改成 washabi 芥末沙律醬，食起嚟冇咁膩又刺激啲！拉麵湯底方面，黑蒜油湯底非常油膩，睇相都飽飽哋，但飲落去出奇清淡冇乜蒜味喎！赤麵湯底就好啲，少油啲，味噌難得啱啱好。而我點嘅松茸湯底就松茸味唔太出，只有濃厚嘅雜菌味。麵質方面有粗幼兩款，湯麵配幼麵，沾麵配粗麵，抵讚嘅係麵淥得啱啱好！配菜方面，叉燒每碗有兩大塊薄片，叉燒經過長時間鹵煮，肉質軟嫰，味道鹹中帶甜！豚角煮即炆燉五花腩，脂肪燉煮到入口即溶，鍾意食扣肉，東坡肉嘅朋友應該非常喜歡！最後要講吓服務方面，店面員工得兩位，而且係身形嬌小嘅美女，但服務勤快，笑容可掬，落單，送餐，添加茶水，執枱可以講係快而準，今日所有正評都屬於佢哋嘅！

新年去青衣城睇戲，睇戲前就周圍行下搵嘢食，終於我揀左呢間食拉麵，我哋叫左2碗拉麵加2個小食，男友揀左松茸湯拉麵，我就揀左黑蒜油豬腩肉拉麵，小食揀左個紐約輪腸同麻辣豬耳！見到2碗拉麵成呎油，真係已經唔想食，D湯仲好咸，咸到我只係食左半碗，咸到真係頂唔順，到食個腸時，第一啖覺得點解有D洗潔精味，再食第二啖，確實有檸檬洗潔精味，男友話我錯覺，其實係有檸檬味啫，麻辣豬耳唔明點解叫麻辣？因為其實係一D辣味都冇。之後男友問過侍應，點解D湯咁多油同咁咸，個侍應話係呢間嘢特色，我真係O左咀，我真係唔識欣賞！用左3佰幾蚊食左D咁嘅嘢，好唔抵！好失望！

很少在香港去大型連鎖拉麵店，本打算去青衣城2期食元氣，但等候的人實在太多，於是回去1期食拉麵。聽男友說以連鎖拉麵店的水準在說，麵屋武藏已經算是不錯。早餐還沒食的我們，想也沒想就去試了。主要有3種湯底選擇 包括 白(普通豬骨湯) 赤(辣) 黒(黑蒜油)於是男友選了赤的叉燒拉麵個人覺得食拉麵第一樣一定係試最原始的豬骨湯底，然後我被那厚厚的肥肉吸引了，毫不猶豫就選了這個白豚骨煮。再加了一個提子特飲第一樣到的就是特(伏)飲，總結就是好甜。有點像藥水味... 以後都不要亂試特飲了 赤叉燒拉麵。半熟蛋裂開了！辣油湯底不錯，不會太搶味叉燒瘦得來不會太乾身 還好白豚骨煮。一上來那肥豬肉被我深深吸引。來個近鏡！豬肉腌得好入味！肥瘦均勻，湯底都好濃郁 好高質。唯美中不足是麵質，一食就知道是預先工場做好的拉麵 無驚喜 拉麵吸不到湯 食到最後好膩好濟有點難受。最後兩人食了平均消費100以香港拉麵店來說，尚算合理。

青衣城二期新開咗戲院🎞之後，商舖多咗，人都勁多。😑睇完戲想搵食，都唔係咁容易。唯有返去青衣城一期搵食。 唔駛等位。🍜湯底分咗黑武骨、白武骨、赤武骨，另有沾麵、咖哩飯🍛。黑武骨&赤武骨喺其他分店食過。今次返轉頭試拉麵中的基礎-白武骨，即豬骨湯底。🍜即叫即煮，等咗十五分鐘左右，熱辣辣的。兩片薄薄的日式叉燒 - 入味，入口即溶，不油膩。麵條彈牙，入口柔軟😋。豬骨湯濃而不膩。加埋半隻糖心蛋，分量剛好。

今曰同男友去青衣城睇戲，睇戲前仲有時間，就黎左麵屋....食晚餐~今次係第一次黎食呢間拉麵，之前成日經過但都冇時間入到去食!!因為每次假日門囗岀面都推滿哂排隊等枱既人仕,所以趁今日閒曰冇麥人就入去試試佢，係咪真係咁吸引先！我同男友每人叫左1⃣️碗拉麵 🍜+小食跟餐餐飲個菜幾好食 有麻醬係面頭 俾客人撈黎食雜菇拉麵 湯底偏油同咸食左1⃣️半已經唔多想再食落去要係咁飲水😑😑😑男友嗰碗係赤武骨 辣辣地 味道好食過我嗰碗小食就點左炸紫薯及南瓜餅呢個還算可以紫薯咬落去都幾甜 炸得都幾脆總括嚟講食完今次唔會再有下次了

好耐無食沾麵🙄「日式撈麵」🤣今日上夜機前係青衣城碰上依間沾麵，打算填飽肚子後去機場。依家沾麵，除了有韌韌嘅麵條，更伴有白，赤，黑，三種沾湯。白湯是豚骨湯熬製。黑湯就是黑蒜味。赤湯帶有微辣，仲有些豆瓣醬嘅味道。麵質好好，超有咬口，食得爽快👍🏻义燒厚厚，味道不錯😊另外，店舖還有日本拉麵。湯底大致上跟沾麵都差不多，只不過係食法唔同。同樣亦是有三種湯：白赤黑。豚角完完全全係一條肥豬肉，脂肪和肉嘅層次看上去好似一件千層糕😂不過一層層好均勻，入口都唔算肥膩。油脂好快融化入口，正👍🏻

平日什少去呢間麵屋武藏食嘢，食過一次麻麻地，今日突然好想食拉麵但青衣得呢間麵屋武藏可以食，心諗比多次機會，叫左碗角豚肉拉麵，角豚肉好韌咬唔開，最不滿嘅係我比錢嘅時候比1000蚊紙個垃圾經理話我地唔收1000蚊紙，我話你地都無寫明唔收，跟住佢用超級差嘅態度話：係門口寫唔收1000蚊紙，你碌卡啦，我話我無帶卡喎，跟住佢收我1000蚊紙，係櫃枱大大聲比說話我聽：都講明唔收1000蚊紙家啦咁都仲要比，我當時無同佢嘈費時影響形象，我收錢后係門口睇云都無寫唔明1000蚊紙，如果佢寫明唔收，我係唔會入去嘅！！！發誓永世唔去麵屋武藏

自己一個人去青衣城食午餐，見到武藏拉麵有set lunch ,以為有拉麵食，點知大部份都係飯餐。結果，我選擇最新推出嘅牛扒餐，日式燒牛扒配日本米，真係好好食架！一上菜見到牛扒其實唔係好多，沙律佔嘅比例更多，但食落嘅時候又覺得啱啱好！一上菜見到又有湯又有豆腐都幾開心，好可惜用芝麻醬撈凍豆腐再加中國嘅冬菜，其實有啲奇怪！成為成個餐嘅敗筆！不過講到成餐飯最大嘅敗筆，一定係半山熟嘅米！有咩理由咁大間餐廳，用隔夜飯都唔緊要，唔好比飯焦我食呀！仲要係大半碗都係咁喎！如果你想飲嘢，佢有啲特飲，價錢都幾貴，大家可以考慮吓呢我就冇叫啦！最後一共食咗70幾蚊，牛扒質素來講係唔錯嘅，但係啲飯真係扣晒分囉！

在太子金魚街買了數袋觀賞魚後，本打算會合看完電影的家人一起晚飯，唯時間趕不來，只好自己一人吃好了。一個人晚飯，便想到吃拉麵，但手中數袋魚，始終趕快返回東涌較上算，吃拉麵，只得在地鐵沿線考慮，太子「鰹之一滴」是最先想到的拉麵店， 但走路過去也得十五分鐘左右，何況八時已過，怕到時還要排隊，到旺角「漁場台風」亦是差不多的困境，何況，又不是特別好吃，到葵芳，亦不太順路，莫說是更多選擇的荃灣了，東涌沒有拉麵店，順路而又想到的，就只餘青衣城的「麺屋武蔵」，但這店已教我屢次失望。走到青衣城「麺屋武蔵」的門口，再考慮一下是否吃拉麵，還是吃鄰舖的牛肉麵，兩店都是勉強想吃，返正「麺屋武蔵」多等一桌便是，還是吃拉麵吧。入座後，店員便為我奉上熱麥茶，麥味尚算香，但吃拉麵，我總想先來一杯冷水以清清味蕾，故向店員要求，但當然了，這店是沒有冷水，只好吃清水。「麺屋武蔵」的拉麵也有不少選擇，如白豚骨湯，紅色的辣湯，黑骨和蕃茄湯等等，而我又是吃白骨湯。麵上，先來一口湯，一吃，奢望是落空了，沒骨膠感，亦沒有濃厚感的豚骨湯，是吃得到有豚味的，亦看來加添了味僧，味就是很鹹，來一口麵，麵是粗身正條的生麵，店方介紹為其自家製的，

玩了一整天迪士尼好疲累，終於等不到放煙花己走了，因太肚餓。最近迪士尼，青衣站是一個不錯的選擇，食肆多，總會有想食的。今晚決定了日式拉麵，由於己晩上九時不需排隊，非常順利。赤豚角煮拉麵我不是嚐好辣，但適當的辣度會開胃啲，惹味啲。紅噹噹的湯底好有殺氣，好嚇人。嚐了一囗，辛辣味慢慢湧入口腔內，好誘惑的辣度，好味！果然色澤與味道 不能相提並論。麵卦湯力強，每條麵都充滿湯汁。豚角煮好軟腍，肥膏位溶化，入味。流心蛋做得出色。煎餃子好掂，皮薄餡料多，充滿著香蒽味道，讃！炸雞軟骨有嚼囗，炸得不油不膩。

今日忽發其想，想食拉麵，就上網查下附近有咩拉麵餐廳啦！🙈🙈咁就比我查到青衣城依間拉麵武藏。我就試左一碗咖哩豚肉拉麵👍🏼👍🏼味道真係唔錯。鍾意食拉麵既你可以試下喎👻

週末係青衣落車，肚少少餓，搵間野食下先。揀左好耐先決定去試下呢間日本拉麵。都係赤黑白三款湯底，加埋唔同豬部位個肉揀。第一次見到有得豬肉片揀，於是試下。叫做個赤王豬角肉拉麵再加埋豬肉片。可惜....個湯味好差...肉質太肥膩....尤其是個赤王湯麵一d都唔赤，同白湯差唔多，好似白湯加左七味粉....個蛋都冇溏心蛋嘅感覺...好似白水煮蛋咁.....整體嘅味道同豚王差太遠....唔推薦...都唔會再揀呢間....