麺屋武蔵 (MOKO新世紀廣場) (已結業)

係旺角睇戲之前諗住快快填飽左個肚先，咁見附近既食肆都大排長龍，但麺屋武蔵可以即時walk in，咁我同友人都未食過呢間，咁就抱著試下又無妨的心態入左去食。一坐低，侍應有禮貌地遞上餐牌，咁我地兩人就點了明太子玉子小碗飯，赤豚肉片拉麵。小碗飯的份量都唔少，但係賣相來講，實物同餐牌就有好大的出入。到入口個刻，玉子只是微暖，而且食落口係有點硬，亦都無乜明太子的味道。赤豚肉片拉麵對比起小碗飯算正常少少，豚肉和麵的份量正常，湯底都算濃郁。

今日諗住同幾個分別住九龍/新界嘅朋友出嚟食飯，又想坐得舒服，又要交通方便，最後決定去旺角新世紀廣場麵屋武藏。我哋三個人，每人叫咗一款，今晚6:00左右去到，唔使等位就入得，大家都話想試吓D濃湯，決定叫黑沾汁麵$79加咗半隻半熟玉子$10和筍$8（把麵沾上濃湯先食又幾特別）、黑武骨豬角煮拉麵$79（湯嘅蒜頭味唔係太重，不過湯就比較油，如果怕油建議選擇白武士）、明太子玉子丼$42（蛋又滑又香，飯就加咗燒汁，都幾好味）。

今日下午去咗旺角Moko食午餐連下午茶 好想食日本野，又唔想去food court，所以就去咗食呢間 因為得呢間拉麵外面睇落去幾大間，裡面位置都幾多，我自己一個，所以店員叫我自己揀位坐 睇完menu，覺得選擇唔算好多，都係招牌3款，有得揀肉款，其他就有啲飯呀小食之類~~ 我叫咗「白」，我估係原味咁解 等咗大概15分鐘左右就有得食 賣相都幾好，湯好好味 不過叉燒就好一般，冇乜特別。流心蛋係整得好食既～但我又真係講唔岀同其他拉麵鋪好大既分別！所以，我覺得如果未試過可以試下既，但我自己就覺得好一般好就好在地方幾大，食野可以靜靜地

今日去咗新世紀moko商場同朋友行街 順便喺商場食埋野 商場既餐廳大部分都少見，所以都好新奇我地揀咗呢間食拉麵，感覺味道唔錯行到過去見到門口唔使排隊，仲以為會好多人，因為係午餐時間！我哋喺外面等服務員出嚟，但係都好似唔係好得閑，所以我哋就自己行咗入去揀個位坐低發覺店裏面，三個服務員，都好似好忙，有啲唔夠人手嘅感覺不過位置都算幾寬敞，二人座位都唔會好迫我叫咗佢推廣緊既拉麵：大平守我朋友就叫咗「黑」拉麵！即係經典款等咗大概10分鐘左右，拉麵就出場！我覺得粟米係炒得唔錯，佢應該用牛油炒過，所以特別香同埋食落感覺唔會「乾爭爭」至於肉方面，超級好食我都估唔到，以為係叉燒嘅味道，但係佢唔算係叉燒，有少少肥膏，煎過既肉。因為應該係啱啱整嘅，所以感覺肉質都熱既，唔係整好放喺度嗰啲，不過拉麵就真係冇乜特別，有啲可惜份量方面，就比較細碗少少，俾我期望嘅有少少出入，啱女仔食，如果男仔食應該會唔夠飽，因為面量好少

星期六唔洗等位的午餐，坐位多的是，點解呢？拉麵湯底好濃郁，啖啖肉香，令人好想飲多幾啖豚肉亦都好爽口，唔會太林拉麵好煙un 呀，唔硬就最岩飲埋巨峰提子，咁先係食日本野嘛

I am always a fan of ramen and I could expect a wide range of qualities. I ordered a spicy miso noodle with brasied pork which looks like the 東坡肉. The soup base tastes like normal pork bone soup mixed with chiu chau spicy oil. Yet the pork surprised me and makes me feel better. I wont try again.

今日係新世紀開完會就落黎新世紀廣場入面既麵屋武藏食。 冇乜人排隊所以好快入到去！有拉麵，有沾麵揀。最後叫咗個拉麵食我就係叫咗呢個豚角煮拉麵食，因為冇乜人所以好快就到。舊肉唔錯，好有口感，但個湯好似係味精湯咁，食完好口乾。個麵既麵質好有彈性，爽口彈牙！但對我黎講，個湯係最重要，所以個拉麵好一般！食完麵因爲唔夠飽，叫咗個明太子蛋飯，細細碗但食落唔差！ 個蛋好滑相比起拉麵，呢個蛋飯好味d！ 起碼冇口乾先！不過建議食拉麵都係去翻其他拉麵專門店！附上一張店內照片

在旺角吃晚飯，到處都塞滿了人，太肚餓的緣故，這間竟然不用等位，沒有理會什麼就入去坐下了。拉麵煮得過淋，沒有彈牙口感，份量亦少得可憐，幾口就能吃完，像兒童餐的份量，女生也完全不夠飽。湯底佈滿了油，味道鹹但不香，像是味精湯，越喝越渴，至於叉燒，味道普通，不算太肥，也不會太瘦，但也只有兩塊，伴在旁的紫菜似乎浸著湯一段時間，都濕了淋了。唯一比較好，大概是溏心蛋了，蛋黃半熟流心，帶有少許甜甜的味道，但這個價錢，應該有更多更好的選擇吧。

美麗華商場與附近商店均走偏高端路線，The poor like me would find a fine dining place with $100 budget with my buddy.麵屋武藏性價比高，抵食一族首選！店內人流不多，多適合情侶談情說愛。湯底味道較淡，油份分佈均勻，豬骨湯和拉麵也合襯。惟麵質稍軟，質感比較粗糙。我們毫不吝惜地追加了替玉$13，但這裏欠奉refill湯底service。在缺湯下，唯把桌上的米醋及七味粉，頓成酸辣拌拉麵。

Food is so so . Just like ajisan ramen and the service is so so . Probably will not go back again as there are way more other Ramen shops out there for us to choose from. The price is on the higher side considering the location is quite central. 

聖誕時節，好多餐廳都無哂平時食嗰啲set，一係就貴既Christmas set，散叫稍為平既就揀左武藏。呢杯巨峰椰果，預期中的甜，所以溝左水，值得一提係入面椰果係星星形狀的明太子玉子飯，睇相都見到份蛋好滑，下面啲飯都淋左啲燒汁，所以唔驚好寡。紐倫堡腸無乜特別，只係塊鐵板係唔熱，腸好快就凍。沾麵個湯唔夠熱，所以啲麵本身暖，點完之後黎食其實一般。(本人食開熱的)一睇就知係辣湯底，唔算好辣，啲豬肉片都好爽，整體黎講係好味的。白武骨係正常豬骨湯底，濃得黎唔濁，塊腩肉又好入味好淋，麵又夠爽口，值得推介！

藤野美子第四篇食評我中學嘅時候 都冇乜錢 你話要食到好味嘅拉麵更加冇咩可能當時食味X拉麵 對我嚟講已經係昂貴 嘅一餐， 然而當時我覺得食味X係貼錢買難受， 嗰陣就唔敢再食拉麵因為覺得第一印像已經差咗 我好怕重鹼水味嘅拉麵，所以都會偏向沾麵。星期三放假想同圍想搵野食，所以晏晝同家姐去左鰂魚涌，夜晚返旺角搵男朋友諗晚餐食咩，我家姐同男朋友都鐘意食拉麵，咁就黎左尼間麵屋武藏， 其實當時都冇刻意去睇食評就入咗去食😂 坐底左之後我糾結緊叫吾叫拉麵食好？定食沾麵？最後我都系揀左拉麵。唉，真系好後悔 拉麵主要麵底用曲麵， 講彈牙不如講吾配個湯。糖沁蛋吾夠味，不過流心程度適中佢拉麵配菠菜菠菜好苦，吾知系咪正常整體黎講仲系改變吾到我對拉麵既印象，吾通，好食既拉麵真系得日本先食到？

今日又同男朋友搵野食，時間所限無得離開港鐵站太遠啦，所以係moko 入面搵野食～其實有得揀都係唔太想食連鎖店架，不過用女人直覺想食拉麵，結果就黎左麵屋但善變既女人坐低左就變左食午餐set 仲無夾過之下同男朋友一齊嗌左同一set 先黎個凍盤沙侓，正常味道🤔暖粒粒湯～凍食茄子日式做法既 黑椒豬排飯 😂🙊兩杯特飲麵係藥水味糖漿 🤦🏾‍♀️🤦🏾‍♀️

原本約好的日子，撞正天鴿訪港，大家忙到昨天才有時間聚聚。在香港想食好食的拉麵不易，打開menu見到有蕃茄豚肉味拉麵，就決定係你啦。配料和麵質也不錯，麵不太硬不太軟剛好，豚肉和溫泉蛋也很好味，不過隻蛋無立刻食哂，最後熟左變左普通水煮蛋，如果蕃茄味再濃d會更好。食完後，我地見無物人等位就繼續坐，期間店員主動幫我們加茶，當然可能是因為平日，無爆場，但現在很少舖頭做到，唔俾臉色你睇都偷笑，值得一讚。

第二次會幫親呢間拉麵店，雖然唔係同一分店，但記憶中味道唔錯，而且個日好想食拉麵，咁就選擇左呢間。今次就叫左個原味湯底豬肉拉麵!豬肉係豬肉薄切個種，無so味，正正常常~本人食麵一般好少會飲哂湯底，多數淺嘗幾口，所以如果底湯偏濃，本人都覺得可以，因為當配合麵條，湯掛係麵上面，咁就剛好喇麵質方面，軟硬都適中，整體黎講味道不錯。唯一要講既係本人足足等左20分鐘先送上黎，原因係漏單!!!如果唔係本人等左15分忍唔住追單，我唸唔知等到幾時先有得食，希望貴公司唔好再漏單，我只不過叫碗麵，係咁多姐…不過係我等期間，服務會加左3次水比我，走個時又bye bye咁，印象都幾好，如果食物差，服務差，再漏單既話，我一定blacklist!好彩係得漏單姐…