麺屋武蔵 (MOKO新世紀廣場) (已結業)

是日於商場活動, 9點半過後, 商場店舖陸續關上, 又不想走出街頭覓食, 幸而麵屋武藏尚在營業, 即時入內來個宵夜。白武骨叉燒拉麵 $78湯底濃郁, 即使以湯代茶也不覺口渴。拉麵份量充足, 質感中規中矩。半熟玉子軟綿滑溜。叉燒只有薄薄2片, 略嫌不夠。玉子鰻魚磯邊揚 $42玉子鰻魚磯邊揚以手提籃子盛載, 頗具特色。內有3件鰻魚, 1件南瓜和1件茄子。茄子形狀如扇, 沒有過軟, 口感不錯。南瓜質感結實, 充滿南瓜香氣。鰻魚肥美肉厚, 頓時心感滿足。

未夠鐘睇戲，又想係附近快快咁醫下肚，見呢間冇咩人就入左去食😂拉麵主要有4種口味：黑、白、赤和番茄，配料可以揀叉燒、豚肉片或豚角煮，咁我就選擇左赤豚角煮～赤豚角煮拉麵 $79 （再加一）先講湯底，一望落見有好多辣油浮係面，以為會好辣，但一飲又發現只係微辣，但真係略嫌太多油🙈🙈配料方面我幾中意個豚角煮，豚角煮夠厚身，一咬落去好有口感，入味得來又唔會老，肥瘦比例剛好😋😋溫泉蛋蛋黃夠流心，正！😊麵嘅口感唔錯，一開頭係偏硬身，食食下浸軟左就幾好～😉整體來講，湯底味道唔算濃郁，太多辣油，但配料質素幾好，算係不過不失～😌😌

行街行到好肚餓，上OpenRice見到呢間，差評都多，但又好想食下拉麵🙈就比個機會佢啦......點知係浪費左我食好野嘅quota叫左個黑蒜叉燒拉麵，第一啖已經feel到中伏，表面上得薄薄地一層黑油，食落冇咩黑蒜嘅味道，又冇平時出街食拉麵個種多層次嘅風味，呢度啲拉麵得一陣死鹹，feel唔到佢用心整個湯底，啲拉麵又太霖叫左杯巨蜂提子椰果特飲，成陣藥水味連杯飲品都做唔好，難怪坐左一粒鐘都冇爆人🤦🏻‍♀️最後碗麵太難食，食唔哂，真係伏死我！仲要連加一80幾一碗😭

🍼🍜珍珠奶茶沾麵🇯🇵🇭🇰日港同步推出 你敢不敢試?珍珠奶茶沾麵 $80不論是香港還是日本，珍珠奶茶近幾年大行其道😤，日本人更發揮無限創意，推出大量珍奶菜式😂，麵屋武藏全新推出的沾麵，即日至14/7供應，你又敢不敢試?奶茶色的沾麵汁，由鰹魚湯和豆乳製作而成，然後放入30g的珍珠，猶如一杯珍奶🥛，不過這杯珍奶是鹹的口味，沾上撒有紅茶碎粒的彈牙冷麵，味道比預期中正常阿😝，哈哈，吃完麵和蔥油雞後，把杏仁奶倒入，便是麵屋獨家的珍珠奶茶😛，味道如何?🤫自己試吧武藏餃子 $38

中午時段喺新世紀廣場嗰度，經過一間叫做麵屋武藏嘅日式拉麵店，環境好闊落，座位都好舒適，叫咗一個午餐係燒雞肉定食，當中有例牌嘅麵豉湯、沙律同埋海藻咁，雖然好似好基本，但係喺沙律裏面竟然加入左芝士，呢啲係一般午市套餐情況之下都好少唔係咁多餐廳會咁做。而亦都追加左一隻天婦羅炸蝦，主菜就係嗰個燒雞肉飯。最有驚喜嘅就係嗰雞肉好有肉汁，配料充足、有洋蔥、乾蔥等，所以十分香口，而且感受到充滿鑊氣，似中式煮法。整體喜出望外，又多一個好選擇。

行過見到呢個沾麵所以就入左去（無乜人）睇個樣好吸引下，我地2個都係叫呢個老公最欣賞塊肥豬肉，所以我比多半塊佢，太膩，帆立貝正常味道，麵質都彈牙，美中不足係個濃湯唔熱，愈食愈唔想食…我地仲叫左2款小食叫佢話牛肉卷年糕，以為d年糕有燒過…點知好似牛肉卷住韓國年糕咁…仲要$48…唔會再叫老公揀左呢個，唔記得叫咩腸，幾好好過個牛肉年糕先，下面墊底既洋蔥索晒d汁好正之前係屯門果間，成日叫黑武骨湯底同埋銀雪魚，好好味

食了很多次拉麵，今天再接再厲，黎到呢間麵屋武藏到食佢既拉麵🍜點了一碗將油湯底既拉麵，湯底味濃但不喊，叉燒同雞蛋🥚好入味，好好食。但令我有保留既地方係個麵餅，本身麵既質素唔錯，但就非常唔入未，上菜時仲係有麵餅形狀，好明顯未夠火喉就上比我，呢碗拉麵🍜成80幾蚊，選料不錯但敗在廚師的煮食態度上，當時為晚上6時正左右，不是繁忙時段，餐廳都有很多空位置，相信廚房未「林當」，但在有時間的時候卻給了我這麼的一個「快餐」，我真的有點兒失望，希望下次可以改善。

同M先生在旺角東新世紀廣場買野，見到一間日本拉麵店好似好正咁，所以我地就入去試下啦。原來除了湯拉麵，亦都有沾麵，因為未試過沾麵，所以我就揀左個黑蒜油沾麵，而M先生就揀左個蕃茄湯燒豚拖羅拉麵，仲叫多2款小食同沙律。黑蒜油叉燒沾麵 (HKD 79)剛上時職員特別叮囑食前要先攪勻沾麵湯底，黑蒜油的湯底挺幾香濃，又唔算非常油膩，而沾麵比普通拉麵厚身一點。食法介紹是把沾麵放進湯底，當麵條沾滿了湯汁時，就可以慢慢品嚐，麵條本身帶點彈牙，而且加上湯底的香蒜甜和帶點油香的感覺，可以說是幾美味的，叉燒有2塊，亦都唔會好韌。另外重點一提就是溏心蛋，蛋中間的溏心一咬就流，非常滿足！蕃茄湯燒豚拖羅拉麵 (HKD 85)至於M先生的蕃茄湯燒豚拖羅拉麵，同樣有一隻溏心蛋，還有原個蕃茄肉，麵條質地都是彈牙煙韌，一點都不會煮過火太林。和風藜麥沙律配煙三文魚 (HKD 48)非常新鮮健康的沙律，藜麥加上甜椒、西芹、青瓜和豆，食完個感覺非常之fresh，一點都不令人抗拒，而煙三文魚煙燻味濃郁，份量都唔算少。藥膳雞 (HKD 42)即是平常的醉雞卷，雞肉好軟好滑，但不會好重藥材味，一共六件，我和M先生都大讚非常好吃。玉子鰻

我本來一直都不對「麵屋武藏」的拉麵抱太大的期望，因為我上次在「麵屋武藏」在將軍澳坑口「東港城」裡面的分店，食了一碗味道只有一般程度，豚肉叉燒裡面肥肉脂肪比例過重的拉麵。所以我後來在旺角「新世紀廣場」裡面的「麵屋武藏」分店，雖然看到旺角分店「麵屋武藏」，有雞肉叉燒版本的拉麵「天極魚干醬油拉麵」，價錢也不算很昂貴。但是「天極魚干醬油拉麵」實際的份量還是不足夠讓我食飽，最大的原因是因為「天極魚干醬油拉麵」的雞叉燒，雞叉燒實際份量大小不似我的預期。「麵屋武藏」「天極魚干醬油拉麵」裡面的所謂雞肉叉燒，其實只有僅僅兩三片而已。而且「麵屋武藏」的雞肉叉燒，叉燒厚度只有僅僅一寸左右的而已，我用筷子夾起雞肉叉燒，叉燒也支撐不住倒下來了。所以厚度十分薄弱的「麵屋武藏」雞叉燒，完全讓我感覺不到有飽肚的感覺，連最基本的雞肉口感也幾乎欠奉，雞叉燒食完沒有滿足的感覺。「麵屋武藏」的雞叉燒口感雖然算腍，但是飽肚感卻比其他拉麵店的雞叉燒差得遠。至於「天極魚干醬油拉麵」裡面的溏心蛋，溏心蛋裡面的蛋漿味道偏甜，雖然仍然有半熟流心的效果，但是溏心蛋的蛋皮，就因為食店把雞肉浸在滷水汁時間過長，所以溏心蛋的蛋皮也因此而變厚。結

沾麵個湯係唔熱 炒野菜太油 又係唔熱 連拉麵都係唔熱 d野食仲要等左好耐先黎所有野食都係暖暖地咁 難聽d講係手心既溫度見到d店員做到無停手態度又ok但d野食唔熱真係唔可以接受

小弟好耐無去旺角新世紀廣場，講緊都有成年啦今日同女友人無聊行旺角行行下去左嗰度。 嘩呢度真係唔同左好多，到店舖變晒連neway都無埋。 行到攰想揾d野食下。。 但d餐廳閒閒地都要幾百蚊個人跟住咁岩比我地見到呢間麵屋武藏睇睇個餐牌又唔係話好貴，咁我地就二話不說入左去醫肚啦, 我地兩個人分別叫左個蕃茄赤燒豚拖羅拉麵， 一個辣味既赤沾麵， 和風藜麥沙律， 藥膳雞，玉子鰻魚磯邊揚 同兩杯特飲..我想講叫咁多野兩個人都係幾百蚊炸女友好滿意佢個蕃茄湯既燒豚拖羅拉麵，佢話個湯正合佢心水，唔太酸又夠濃,而我個赤沾麵辣得黎夠爽夠惹味.我最後連汁都飲晒.. d小食都不錯的說由其係個玉子鰻魚磯邊揚.. 口感有如鰻魚天婦羅外脆內冧.. 估唔到係新世紀廣場都可以比我揾到間會再encore既餐廳.

之前晚餐都試過喺麵屋武裝食拉麵或者Jim面，今次第一次係lunch Time食佢嘅午餐料理。午餐料理有四款有比目魚，牛扒，豚肉同埋七味鳥丼定食。四款價錢介乎60-70，仲可以追加吉列蝦同薯餅～個人比較鍾意食牛肉，就揀咗牛扒日式香微笑。每個set基本上都配前菜，沙律同味噌湯。 個湯係幾好飲嘅亦都夠熱 沙律就個普通痛啦，仲有一個芽菜嘅前菜，味道可以嘅。輪到主菜牛扒，牛扒口感可以嘅呢個價位我收貨了始終呢一個價位都唔應該期望食到高級少少，好有肉味嘅牛扒雖然成餐飯食物嘅味道唔算好出色，但係呢一個價錢我覺得OK嘅，未試過嘅朋友都可以試吓。

今日夜晚嚟食晚市，之前都嚟咗三四次不過今次嘅水準比之前差左好多，簡直唔係人食，首先我哋帶咗兩碗面一碗係黑一碗係赤，我哋食完幾啖都異口同聲地覺得碗麵非常之多油，而個湯本身個味道就非常之唔出，簡單啲來講即係油送面。另外本身叫開個豚角個份量比起之前細左好多同埋多咗好多肥膏，食完好似冇食咁樣。最後最激氣嘅係明明成個場都冇乜兩台客，侍應就有成四個，但係佢哋可以經過見到我哋冇茶都唔會自動自覺揕茶，做乜嚟幫襯餐廳好似變咗乞食咁樣???

以前去麵屋武藏，食過佢嘅拉麵、沾麵、叉燒飯同炸雞，都係散叫。近排先知佢原來仲有set lunch，仲要質數唔錯。當中有牛排定食、魚定食、麻醬冷麵或韓式雞肉拌麵等等，所以我地成班同事間唔中都會去幫襯。每次去食，都會最多同事揀牛排定食。因為份量充足，仲可要求加大飯嘅份量，連胃口較大嘅男同事都唔會唔夠飽😂。牛排定食$69包括牛排、飯、前菜、沙律菜、泡菜湯。當中牛排煎得夠香，而且沙律菜夠新鮮。另外嘅炸雞亦相當美味，當中嘅醬汁有少少日本芥末味，有少少沙律醬味，係一大功臣。但可惜每次個汁都俾得好少份量，如果可以俾多D汁就perfect。總括而言，值得推介。

八點幾先搵食, 仲要係星期日晚, 真係好易搵位, 於是帶老公食佢最鐘意的拉麵~ 去到基本上係得返三、四張枱, 個侍應叫我地坐近門口位, 但我地見阿姐清潔緊, 又見入面有卡位, 於是自己入去坐, 但隔咗一排先有人拎茶同menu比我地, 可能太入, 冇人見到掛? 沾汁麵 (黑)落單時侍應都講明個沾麵要等耐少少, 不過最終都唔係等咗好耐, 只係比個拉麵遲幾分鐘, 後來先估到可能就閂舖, 冇預備定啲麵掛? 個麵好正宗, 係有坑的粗扁麵, 用嚟吸汁最啱, 因為唔係浸無熱湯, 所以麵質比湯麵係硬少少, 當然你可以要求佢煮淋啲, 麵質非常彈牙有口感, 浸完個熱辣辣的黑麵汁(黑蒜味), 將啲麵變返熱同更加有味, 個沾汁好夠味, 又有啲唔會太肥的叉燒粒, 個湯濃得嚟唔會kwok喉~  豚肉片拉麵 (黑)豚肉片對我地嚟講係偏肥咗少少, 似係打邊爐果款豚肉片, 係完全冇色冇味, 但當佢浸夠湯時就變得好好味, 亦都好有口感, 唔會薄到冇哂質感~雖然個湯都係蒜湯, 但比沾麵個汁冇咁濃味, 呢個啱我口味多啲~  子持白魚天婦羅 其實係巨型白飯魚, 雖然話係天婦羅, 但冇平時食天婦羅果啲咁厚炸粉, 只係輕輕沾咗粉漿