麻布十番 (已結業)

見噤多好評,尋曰去識拉。點知好失望。火龍卷-以為好好食,點知D蝦好細,個皮太多魚生唔新鮮燒青花魚-重凍,同個waitress講,個waitress只係講已徑熟就行出D壽司得D飯大,D魚就細細片一定唔會再去

水準不變芒果蟹子salad--芒果甜，清清地，好火龍卷--d 蝦仲熱，好食，細佬至愛三文魚n 鰻魚sushi --大件夾抵食幾好ga!!

見到咁多人話"麻布十番"正，終於有機會試試。2個人食，叫左火龍卷、花之卷、蟹子壽司、鰻魚壽司同帶子裙邊。火龍卷裡面的炸蝦仲熱，好食！花之卷ok, 蟹子壽司幾大件，鰻魚壽司細件(比我預期)，帶子裙邊難食。可能我期望太高，有少少失望。當然，已比一般餐廳抵食。唔知大家有冇食過同是元朗的"一番", 講真抵食程度，"一番"嬴佢半條街, 真係好大件，不過"一番"的服務態度較差。

家姐話六點開門,叫我去等位,五點半去到以為早到,點之已經有兩班人等緊,五點九比人入,可能星期六早D掛,六點已坐滿,未點菜門口已企滿人.同之前D食家評語一樣,好味大件,盆蟹籽沙律$24滿滿的,我見有人食唔哂,2個人來都幾煩,只可吃兩三味,我們有6大2小,食到好飽,真係叫多左,都是$500.

呢間舖位於元朗大馬路旁，由於已經係晚上九點關係，唔駛等位就有得坐。裝修唔算好靚，座位比較擠迫，差唔多要同後面果位背靠背。四個人叫了菜式如下：三文魚刺身、照燒雞翼、牛油金菇、火龍卷同壽司（赤貝、鰻魚、帶子、吞拿魚）先黎解構個火龍卷！首先用紫菜醮了沙律醬後卷著一隻炸大蝦，然後再用飯包圍（即係反卷啦！），最後再在上面灑上大量蟹籽，幾有心機o既菜式，唔錯唔錯！賣相已經相當討好，食落隻蝦又脆又熱，配合埋o的蟹籽，正！三文魚刺身都幾新鮮，但係好大件，抵食！照燒雞翼不過不失，牛油金菇焗得唔夠香同淡o左少少。壽司好大件，o的料幾新鮮，但o的飯團就凍過頭同太過黏身，仲有少少”爛飯”感覺，不過$14 - $19蚊兩件都算抵食。四個人埋單$23X。一定會再黎食火龍卷同試o下拉麵！！

今日同老公去食~第一次去,奇實我住得好近...成日見到咁多人等位,又見開飯講得唔錯,就去試下啦~花之卷--2大件...好多蟹籽呀~三文魚又新鮮又大....我見人地d三文魚壽司都好大件..大家可以試下~蟹籽沙律--本身想叫芒果蟹籽沙律ga.因為家姐話好食喎..不過佢話冇芒果喎!...實在太大碗啦~..不過小左d蟹柳.算啦~$28咁大碗已經好難得ga啦~火龍卷--等左非常之耐~不過一路食一路等就冇咩問題~熱辣辣ge炸蝦..哇~都唔錯ga~總之呢野食就真大件啦...千其唔好叫咁多呀~起初都以為唔夠食...但點知食唔晒....其實好低啦2個人至食左$96~又飽喎~不過d位就窄左d...但都夠大~可以試下呀~

約左好朋友食lunch，估唔到星期六冇lunch set，咁就出事啦... 我地A La Carte散叫啦，兩個人要左吉列炸蠔($32五隻)、牛油炒雜菌($42)同吉列豬扒拼炒蛋飯($33連味噌湯)~ 吉列炸蠔最先上，熱辣辣都幾好食，我唔like蠔都覺得唔錯~ 問題係牛油炒雜菌... 初上時因為有錫紙包住，我地仲幾開心，一食就發覺太大份啦，兩個人完全食唔哂... 而且份飯又隔左好耐先上，雖然我地都like食菇，但中間時間都食菇食到呆左；到飯上時，我地已經冇哂胃口啦...其實佢o既野食唔係唔好食，大份都唔係佢o既錯；不過下次我會搵多d人一齊食囉~

火龍卷好正.....軟x蟹都好正...又大份價錢實惠.....waitress好醒目....見你冇水即加比你完全唔洗叫lunch仲正....$35有好多野食....細食d都食唔哂

呢間餐廳跟區內壽司店千之壽十分相似,不單只menu一樣,d餐具都好似係一樣,d野食都係差唔多.不論星期一至日邊一日,呢間野都好多人,每次兩個人大約要等半個鐘.樣樣壽司都係king size, d 料同d 飯都好大舊.三文魚幾新鮮.蟹子未見特出.赤貝就好似麻麻,好唔新鮮,搞到無唒味,口感又唔好.花之卷($30)有兩大片三文魚.抵過叫兩客三文魚壽司.火龍卷有一大條炸蝦.雖然隻隻唔係即炸,但係都唔錯,而且係一個抵食同飽既item.一條火龍卷大約有8舊.牡丹蝦就好似唔係好新鮮.呢間野主要係食佢既份量同大眾化既價錢,三個人狂叫食到打埋包都係$170幾.價錢可以接受.服務就一般.

夠抵食、又好食，元朗至愛日本食店！去過三次Dinner，次次都好正！食過以下食物︰牛油焗金菇–好多地方都有得食，其實唔係話太特別，因為好易整。勝在份量夠多，又夠平。花之戀–勁大件，但好抵，一碟好似有兩大件。大件得黎唔粗糙，三文魚有三大片、厚切、脂肪比例適中，而且夠新鮮。三文魚+吞拿魚壽司各四件–夠新鮮，片厚切魚生拖到勁長(元朗壽司o既特色)。可能因為人多，散貨快。唔知係咪太多人叫壽司，d飯煲唔切所以等唔到d飯凍先用黎整壽司，搞到舊飯暖暖地... 有d怪蟹子沙律–超平超抵食，廿幾蚊，足夠四個人食，次次都食唔晒！勁多蟹子鋪面，加上大量沙律醬同青瓜絲。最衰係太少蟹柳絲~火龍卷–特色推介！原隻、大大隻炸蝦夾o係飯卷中間，切開變成七至八件壽司。上面有好多蟹子，重有調味品。隻蝦熱辣辣，炸到好脆，入口都仲係好熱好脆好新鮮–yummy!!埋單每人約五十蚊都已經食到好飽，最貴o個庚都係三個人食左二百五十蚊左右，嘔咁滯！d野都食唔晒！去親都預左要等番一頭半個鐘位，尤其假日。都算幾好坐，樓底超高。服務就無乜特別，算係幾好啦~黎開元朗，一定要去！渣車入黎食都抵！

今日同左個朋友黎呢間野食飯接近七點時入到去竟然未滿，好開心因為朋友本來話帶我去食其他野但因為行過呢度費事再waste 時間搵佢講ｏ個間台灣野我又記得呢間個名好似ｏ係元朗都有ｄ口碑所以見未full 就入黎試下一入到去個waiter 問我地幾多個人我話兩個佢就叫我地坐入去一張比較難進入既兩人我地見第二ｄ未full諗住坐去第二度點知佢竟然好惡咁話呢度丫我有ｄ嬲架但算啦，咁多人望住但係咁既服務態度認真唔得呀！！！望到隔離ｄ食物份量都好多於是只係一人叫左一個飯ｏｒ麵加埋一個牛油炒金菇我叫左個吉列豬扒拉麵豬扒新鮮炸起，用碟另上，唔錯加上食完碟底都唔見油淋淋，幾好至於個湯同ｄ麵都清清地，幾好食但係ｄ麵個樣同平時味千ｏ個ｄ又有ｄ唔同直身好多朋友ｏ個個係照燒雞扒飯，我冇食過，但朋友話味道都ｏｋ丫到個牛油炒金菇我覺得都好夠味道但朋友可能食唔慣咁清，話唔夠味喎不過３２蚊都真係好大碟呀！我之前ｏ係一休叫過一碟牛油焗三菇比呢度細一倍有多都要45 蚊啦所以我諗我會再黎食但希望ｄ服務可以改善一下兩個人都只係食左99 蚊咋

我本身住係元朗既, 成日同男朋友去食,星期日五點半未開鋪己經好多人排隊啦.d野真係好抵.佢個鹽燒三文魚魚頭真係唔錯..次次去都食呢個天婦羅..D野好新鮮.好好味..真係唔錯..唔錯

三文魚刺身($56, 8件), 與百佳的貨質差不多, 軟殼蟹($30 一只),尺碼略細, 炸得很香口, 吃軟殼蟹只求沒有骨落碟就可以了, 炸蝦火龍卷($38), 是炸蝦作餡的壽司, 雖然蝦尺碼不大, 也沒有其他餡料, 但件數足有8件之多, 蝦身與軟殼蟹炸得一樣香脆可口, 壽司面還滿佈蟹子, 如給我一個人吃也可飽死去了.芒果菜絲蟹子沙拉($28) 是用一個6吋寬的大碗裝著的, 真的是大碗夾底食, 汁煮鴨胸($28), 煮得香林入味, 肉下還放了剛炸起的日本粉絲, 此日本粉絲不能提前炸定, 否則放不下五分鐘巳變質,很多食店酒家, 用芋頭做雀巢, 待上檯時巳變得林身, 枉論菜做多好, 配菜同時也要認真對待, 此店可見一點都不懶.以價論貨, 此店確是抵食. 及仍然能保持水準* 此店是不留座及不定期休息的, 還有人多等位時, 限定100分鐘內要埋單走人

我個fd recommend我黎呢度..平時都好多人..so黎試下d sushi好大件..好抵~基本上食2客sushi已經好飽!d salad都唔錯~大大碗~!炸軟殼蟹都幾脆口~整體上係好食+抵食..埋單每人$50已經勁飽!

我本身住係元朗, 平均每個月都起碼去lee 度食一次, 因為佢地d食物極ok,價錢又合理, 通常2個人去都係$150or below, 但係食得好飽好飽. 我認為最好的食物是沙律, $23一大碗, 又好食, 另外火龍卷同三文魚壽司都好抵食, 入來元朗的朋友值得一試, 唯一唔好係太多人排隊, 又無得book 位, peak hour 平均要等半個至一個鐘.