麻布十番 (已結業)

果日我朋友5點幾等佢地開鋪, 到左6點鐘有個男侍應安排入坐, 但係我朋友只係想外買, 咪入去一開口話要一板海時, 個男侍應第一個反應答(要成$百六喎~~), 當時已幾有幾個人入坐同聽到, 朋友佢當然大聲話(係, 我要一板海同手卷...), 佢打俾我話佢個樣似買唔起咩?真係好冇禮貌, 等同問人你買唔買得起丫~~ 勁差

今天中午時到了十番叫了$570的外賣，價錢較田中、一番都貴，但食物質數一般，叫了三文魚、甜蝦、北奇貝、蟹子、鰻魚、太子壽司等，但甜蝦不新鮮，而豉油好咸呀

十番搬後已經幫襯左4次，其實一早就想讚下佢次次都會叫"炸蝦火龍卷"，因為真係好好味!最緊要叫佢地比d沙律醬點黎食!仲有佢d"地獄湯烏冬"都係必食!之前仲有"花之戀"係必食ga，因為又新鮮又大件，但以前$28就食度，e+ 竟然要$44(same size)，所以就無再叫la..e+ 間舖細好多，但感覺warm d，d 服務都好左好多:-第一次去ge時候係幫朋友慶祝生日，雖然佢地唔比人帶外來野食，但都格外開恩，係咁e收我地每人$5就比我地係個度切蛋糕la~-第二次去食"蟹籽沙律"(係元朗我淨係食佢d蟹籽沙律ga ja)，個侍應見我地要紙巾，唔駛叫已經遞比我地，好細心-第三次d侍應見我有太多野拎就主動幫我地放好佢(因為個度都幾迫)#值得一提係佢地e+ 正價有9折，但我問佢至到幾時佢就話暫時未知

鋪頭細細間，但靜靜地都幾好坐。每樣野都好足料好大份，ｄ壽司都幾新鮮。食過三文魚，鰻魚，玉子，炸蝦都唔錯，特別係花之卷！ｄ刺身長過舊飯，大件又抵食。蟹子沙律好大碗，蟹子同菜夾埋好爽口。炸雞軟骨略咸，細細粒好咬口。臨走仲一人一粒雪糕燸米滋添！值得下次再來呀＊

十番終於開番喇...12.1搬左去新鋪!!間鋪比之前果間細左d...近排中2食日本野..要食既話,,一番呢d吾會系我心水之選..,吾止多人排隊...service亦吾系咁好...反而十番吾洗點排隊..系我呢d懶人既福音!前晚去左食啦..系搬左鋪之後既第2次..我同男朋友通常都會order軟殼蟹卷($4x)..蟹子salad...($28)...三文魚剌身9件($60左右)...吾好睇少蟹子salad呀...好大盆...d沙律醬同蟹子亦好多好enough...次次食完都飽左1半..三文魚剌身係我次次必喊...覺得都幾新鮮幾好!service方面...我覺得ok丫..佢地會自動自覺定時定候幫你+茶...12月呢個月去食...埋單仲有9折tim..都幾抵嫁!p.s.前晚去到食完野仲有雪米慈食tim

去過兩次, 兩次都食唔同的食物. 價錢合理, 食品質數都不錯. 唯獨扣分是環境有點擠迫.

好難得,我地有三個朋友黎屯門搵我地玩,咁我就渣車帶佢地去元朗行下食下...八點幾去到, 等左大半個鐘台, 我d fd一路等既時候仲大有所望話,咁多人等,一係好平一係好好食...點知,我地叫左1) 三客鰻魚壽司- 唔好食,好大件,鰻魚好厚,但唔係長果種, 好多骨仔係裏面,又冇鰻魚汁...2) 三文魚刺身- 冇咩特別3) 海鮮炒烏冬- 唔知點解,我未食過d 炒烏冬係酸架囉4) 金菇牛肉卷- 有成十件, 但個味好濃5) 金龍卷- 好大件, 但入面條蝦唔新鮮6) 帶子、熟蝦壽司- 冇特別好食既地方, 同元綠差不多7) 秋刀魚- 最興就係呢條魚, 我地所有野都食晒都未黎,足足有成三十至四十五分鐘, 我地話取消, 佢先話差唔多燒完, 又話唔可以取消等等, 話2分鐘內一定出咁好啦,我地有朋友都想食,咁就照等,結果真係好快出左黎,但係,食下食下, 發覺個肚係唔熟架囉, 仲要係生得好離譜果隻, 咁我地問侍應, d侍應十問九唔應,最後搵個叫做大少少既黎同我地講,話"魚肚係唔食架喎", 咁我地就興啦, 唔食還唔食, 我個fd仲尊登同佢玩野, "下,我係水上人, 我只食肚其它唔食", 咁個侍應勁死撐話唔食囉.

見到食評講到咁,我地就去試下啦,未入到元朗已經聽個fd話金田排晒長龍,點知麻布十番竟然無人等位,所以我地係第一枱客,叫左d食物來,真係大失所望1)三文魚刺身(9片)--ok新鮮,不過切得好大塊同好厚,攪到無晒口感2)雜錦刺身(18片)--裏面有8片已經係三文魚,真係厄錢3)金龍卷(8件)--好大件,亦都好多蟹子,飯亦好多4)鰻魚反卷(8件)--仲以為係鰻魚包住d飯,點知係一大舊飯包住一塊仔鰻魚5)三款壽司--甘蝦,三文魚,腐皮壽司,好普通,三文魚仲一d都唔長6)炸軟殼蟹--我無食,佢地亦無話好食囉7)餃子雞翼--ok8)海膽一板,係好細粒既海膽,又唔送飯,要我地散叫整體來講,成晚比佢d飯爭到飽晒,無錯,佢既食物比起出面係平d,但入得元朗食,就一定唔會揀依間,waitress亦無禮貌,金田真係好食好多,依我以後唔會再來!!

去到元朗想食日本野，朋友話呢間好食，我就同老公去試！我地五點去到佢落場，唯有行陣街。點知六點返黎已經幾乎坐滿！我地order左三文魚壽司、炸蝦火龍卷、炸軟殼蟹同天婦羅烏冬。d三文魚真係又長又厚，都算新鮮好味火龍卷上有好多蟹籽，好鍾意~雖然d蝦唔多覺有味，只係都算足料啦~軟殼蟹熱辣辣咁食，幾令人回味~d天婦羅唔算多粉，又大件頭同多款式，蝦都有兩隻，可以同老公一人一隻唔洗爭，仲幾好肉地！今餐食得好飽同滿足，下次都會同老公再黎食~

啲人個個都講到好好味, 真係未食先興奮, 但係食完一啲都唔覺得好滿足!!軟殼蟹子卷, 火龍卷: 個蟹同蝦好似一早炸定咁, 一啲都唔脆唔熱, 仲衰過元氣元綠個啲. 蟹子沙律: 比想像中細, 未黎前以為會好大碗, 但係黎到又唔覺得特別大碗啫. 味道都ok既, 夠醬, 但係如果酸返啲會好味啲.牛油金菇: 呢個真係好鬼大個, 平時食一兩注就無, 但係呢個食極都有~~~ 都幾抵食. 味道都係一般, 唔係特別好味鹿仔骨: 得個2舊仔, 都唔知夠邊個分?? 唔知點解呢個會細到咁. 個味好似牛仔骨咁有啲羶, 但可能用黑椒煮, 所以都幾香口既天婦蘿蕃薯: 呢個都有好多件, 我覺得係最好味既一碟. 啲蕃薯好粉, 好香, 係日本蕃薯, 上枱熱辣辣, 好明顯呢個係即炸. 媽咪上次試過個南瓜都話好好味.鰻魚壽司: 唔係好似同區咁好長, 但係就好厚肉. 不過味道真係好唔得, 平時食個啲熱辣辣, 啲汁又好香, 但係呢個好似放左好耐咁, 啲魚又好多骨仔, 唔好味, 好鐘意食鰻魚壽司既我即刻大失所望.三文魚壽司, 蟹柳卷, 加州卷: 無食過, 唔知咩味, 但係一啲都吸引唔到我去食相信亦唔會有下次, 大把日本料好味過佢,

7.2(日)男朋友想食日本野,見呢到唔駛等位就入左黎叫左蟹子沙津,牛肉飯同牛油雜菇蟹子沙津成個湯碗咁大碗,但成碗大部份都係生菜絲同蟹柳,食唔夠一半已經停曬手,好滯牛肉飯唔係肥牛,係碎牛,配埋粟米同蛋,味道都ok既牛油雜菇又係大大碟,有金菇,雞脾菇同一隻菇,不過牛油味唔夠濃,又係食唔夠一半就食唔落lunch時間唔收加一,埋單$10x

前幾日同D FD去果度食野,,,因為之前有好多人刀話抵食,,,D SET LUNCH就抵..但散叫就吾同講法喇...SET LUNCH既沙律勁吾新鮮,,,D壽司刀幾OK既...但4件真係多得濟,,仲有個拉麵咁大碗,,,食哂真係好神奇!2個人SHARE就差吾多,,,但係冇野飲,,得D味噌(精)湯...=/\="不過D拉麵真係幾高水準既~~~D SERVICES 好差,,,WAITESS成日刀啤人...典食得開心牙!

d野都算分量多..但係d飯好難食..d味勁淡囉..要等..但都唔係好耐....不過果度地方就細左d..especially要等位果度,,仲有d侍應態度好差..我諗下次唔會再幫襯~

兩個人去食…叫了以下東西：1.) 帶子壽司-- 依個係幾好食、幾新鮮2.) 三文魚壽司-- 都ok 不過比起大盛、三文魚就唔夠大件了3.) 甜蝦壽司-- 都ok 新鮮4.) 三文魚子壽司-- 三十幾蚊兩件，好可惜都係用人造三文魚子，食落無真三文魚子o既鮮味5.) 鹽煎牛脷 -- 四十二蚊得七八小塊，幾香口，不過如果係燒應該會好食d6.) 叉燒拉麵-- 麵麻麻地，有梘水味，啺好多味精

尋日下午兩個人去食, 成間都係位, 佢竟然俾收銀前面果個位, 去過就知果個位好差, 問佢可唔可以轉位(要放袋,拎住食唔到野)佢話唔得喎, 入面係四人枱, 咁算啦, 但係之後有兩個人入黎, 又俾人座, 咁樣服務, 以後都唔駛旨意我去...食物方面, 叫左個海膽三文魚刺身, d 海膽明顯唔新鮮. 另外叉燒拉麪有味既, 只有炸南瓜好食, 去一番好過...