麻布十番 (已結業)

門面真係平平無其, 室內燈光較暗而且已經不是坐滿但感覺有點迫. 兩個人叫左4樣野, 份量都好大份而且咁嘅份量價錢不算貴, 都可以話係底食tim.日式燒牛肉粒 - 口感好鬆軟好多汁玉子壽司/帶子壽司/鰻魚壽司- 樣樣都好大件, 玉子超厚, 帶子好新鮮, 鰻魚亦好好味花之戀壽司- 可能食左壽司對花之戀滿懷期望. 花之戀賣相比我想像中肉酸可以因為d蟹子太滿, 而且三文魚捲得唔係太實, 件野鬆鬆地... 好似就黎爛咁. 不過味道仍然很好, 三文魚無楂而且都好新鮮. 滑蛋吉列豬扒飯- 唔夠蛋亦唔夠汁, 如果多d汁同蛋味一定更加好食. 不過好大碗, 兩個人share食都夠飽

絕不吹水。元朗最好食的日本小館。芝士吉列豬扒蛋飯，外脆內熱辣辣，外撒上香濃的芝士粉，入面是拉絲芝士，正。另推介豬骨拉麵都值得一試！不過侍應服務就笑容欠逢，添茶都快。好食就得啦。所以座位迫都可忍受。

係OPENRICE見呢到的評價唔錯,就去左食LUNCH,點知味道幾差.! 去到的服務就一般,服務員係咁拿熱茶壺朝向我倒茶,有幾次差點TOUCH到我 至於食物,我地叫左2款SET LUNCH,SET LUNCH款式真係幾好少1. 雞扒飯+3文魚+甜蝦3文魚+甜蝦味道正常水準,但3文魚真係少同埋好薄至於雞扒飯真係好差,冇咩汁,好DRY,最差係雞扒,好"鞋"之外,仲有好大陣雪味同"蘇"味,十分下等的水準 差.!2.天婦羅拉麵+3文魚手卷呢一SET 相對好味多.! 3文魚手卷都係一貫水準,不過不失而天婦羅拉麵就一般, 天婦羅的粉好厚,炸得唔靚,隻炸蝦都係OK ...整體好油膩,而且好腍.!!!不過因為我一直中意食天婦羅,所以都算可以入口的.! 整個LUNCH最好竟然係佢送的雪米滋...

琴日同事帶我黎呢到食飯, 其實門面唔吸引, 無人介紹應該唔會黎呢到。呢到地方細細, 只容納到10枱客到, 如果多人一定坐得好迫, 背貼背的。十二點到達, 人地岩岩開門無耐, 我地成為第1枱客。無人既感覺好舒服。佢地有4 款lunch set (牛肉飯+三文魚甜蝦刺身/ 雞翼拉麵+手卷-$36), 另有2個壽司定食$55我要左個牛肉飯+三文魚甜蝦刺身+麵豉湯麵豉湯: 幾好飲, 唔會太咸, 料仲比平時多三文魚甜蝦刺身, 每樣2塊, 夠新鮮, 肥美牛肉飯大大碗, 唔同吉x家食個d 牛肉飯, 唔係用肥牛, 係牛肉切碎, d 汁係最好味, 配上粟米,生菜絲, 好味, 一大碗飯比我消滅晒。最後仲有雪糕粫米糍食。因為個段時間唔多, 我地慢慢坐, 唔趕我地走呢到仲唔洗加一, 抵食。

多年前已經吃過「麻布十番」，印象中是新鮮抵食夾大件。今次重來，食物質素仍舊OK，可是定價已經不算便宜了。元朗的壽司店大多要排隊，但這一家可能位置較偏，可以免卻排隊之苦呢。而且附近有錶位停車場，方便駕駛人士。大大碗的蟹子沙律，份量足，爽口開胃，獨自吃一整碗也願意 甜蛋、三文魚、帶子、赤蝦、加洲卷，全部壽司的水準都不錯。當中最出色的是甜蛋，男友說甜蛋跟在日本吃到的沒兩樣，超讚啊！赤蝦晶瑩剔透，非常鮮甜。惟三文魚的定價偏貴，$23 / 2 件，雖然是一貫的元朗刺身長尾特色，但也不太值啊。加洲卷OK，可是沒有什麼特別，反而看到旁邊的食客總會叫火龍卷呢。 因為先前已經吃飽了串燒，所以今次只是略略少試，下次一定要空著肚子來啊

同媽咪去食lunchd壽司大大件好滿足d魚生都好新鮮帶子就差左小小牛油金菇好好味好香又唔會太鹹野食整體黎講係ok不過服務就真係好差我媽咪問多佢兩句野已經黑面,仲要比我見到佢轉身時'妙'我媽咪唔知口up up講咩但我媽咪只係問佢有冇d咩好介紹如果佢地服務唔係咁差我都可能會再去食

同朋友行完山就落左黎呢間野度食晚飯，間鋪既面積非常之細，所以等位都等左幾耐下！由於係等位既時候已經睇好哂要食咩，所以一坐底就即刻order野，不過都等左幾耐下食物先送到上黎，而且啲員工仲要黑口黑面咁！好香好脆好熱既雞軟骨，讚！三文魚好厚好甜，夠哂好味！甜蝦都係值得讚既！軟殼蟹壽司，必食！牛油金菇。呢個好難食，啲金菇既味好奇怪食埋呢個真係飽到上哂心口，如果唔係有四個人一定食唔哂！有機會經過元朗既話都會再黎食下呢間野！因為真係好抵食

兩個幾月無食到壽司，趁今日同老公黎元朗，都要搵間黎食下先得．鋪面唔係好大，所以就限每枱客80分鐘時間．兩位女服務員忙過不停，但亦都會主動向食客加茶．全日免收加一．雞軟骨：炸到金香可口，好有咬感．鰻魚飯定食：估唔到會咁大碗，鰻魚5片，雖則有少少軟骨但食落都OK醬汁味都幾好，椰菜，粟米．麵豉湯－我個人認為淡左少少，飲落有ｄ口乾．三文魚刺身（九件）：賣相唔討好，或者可以話係無添加色素．食落都有ｄ魚既甜味，無筋．軟殼蟹卷（八件）：ｄ飯握得唔實，一夾就散，喱樣需要改善．蟹子沙律：蟹柳少少，椰菜條多多，蟹子亦多多，超大碗．

日本地震、海嘯、核危機的事件中，國民表現冷靜，反觀香港人由搶奶粉、搶碘、盲搶鹽，現在又對日本食物感到驚荒.. 不過凡事總有例外，上週六媽咪回鄉前，也都要求一起去吃日本菜，而為方便就選了我家樓下的麻布十番。多年前，當此店還在大馬路營業時幫襯過數次，搬舖後反而還是首次來。據細妹講，這裡平日午市非常多人，然而在這週末下午，不知是微雨關係還是大家真的怕了日本食品，店內食客依稀，12點半抵達的四人幾乎是包場的。也好，一家人可以靜靜的吃一頓飯。這裡也有供應午市套餐，是日大家也點了其中三份來分享，最後再散點一客鰻魚飯，內容已經很豐富了! 首先每份定食或飯食都會附送一碗味噌湯，即一共來了四客，細妹嫌味道有點咸，我則覺得正常。午餐一的和味牛肉飯定食，會附送三文魚及北寄貝刺身(每款各兩片)，全數轉贈了愛好魚生的老公及媽咪。據聞質素不過不失吧。午餐二的拉麵定食又附送一客三文魚手卷，又是轉贈媽咪，等她吃個滿足再起行吧!我的選擇是日式叉燒拉麵($45)，雖是午餐但也有四款湯底可揀，我選的豬骨湯味道較濃咸，幸而麵質軟硬適中，配料簡單得來恰如其份，很好吃稱不上，但比長龍人氣岩手拉麵好吃，都算過得去的。細妹選的和味牛

是日我們點了兩客set lunch 及一客赤蝦壽司赤蝦壽司 - 爽脆、味鮮，與別府的玻璃蝦大同小異，但相信是季節限定，因為在main menu沒有，要留意貼在牆壁上的特別推介麵豉湯 - 不像其他流水作業的食店，不會只得清湯，還有金菇，很不錯三文魚手卷 - 合標準的手卷，三文魚很肥美，很讚的是紫菜依香脆和風牛肉拉麵，豬骨湯 - 豬骨湯不夠濃，牛肉亦不見出色，實平平無奇什錦魚生飯 - 魚生都很新鮮及肥美，尤其是吞拿魚及甜蝦值得一提，我們當日坐在靠門的二人座，客人及店員每每關門時都令到大門發出呯呯巨響，令人不勝煩擾

"一般的價錢, 特大的份量" 一句說話已經介紹了這間餐廳一入店內第一個感覺...好逼...好多人...的確食物的份量真...大...尤其是蟹籽沙律...特大...蟹籽沙律: 椰菜取代青瓜絲, 味道還好, 但個人比較喜歡青瓜絲炸蝦火龍卷: 炸蝦好脆, 蟹籽好多, 好味壽司: (鰻魚) -- 好長, 幾好味 (三文魚) -- 好長, 不過不失 (帶子) -- 普通 (櫻花尤魚) (芥辣八爪魚) --- 好咸見到隔離枱叫左一客9片的三文魚刺身...樣子不錯大大件...下一次可以試下~

之前一路都未試過食呢間，上星期同男友2個去試吓啦...其實呢間都幾細間，座位不太舒適(但都可以接受)...叫了以下食物..鰻魚反卷: 呢個係最好味，好大件，個鰻魚汁好味....豬軟骨拉麵 麵質麻麻，湯底味道不太好三文魚刺身拼帶子刺身不太新鮮呢間啲份量好大，但味道就真係麻麻..，元朗有好多其他選手，應不會再到這一間了...P.S. 我在食嘢期間，見到外面有7-8人等位，而入面都仲有位，但佢0地都不放人入內，這是一個吸引更多人的策略???

今日八點鍾去左食~等左一陣就有位(兩個人)叫左蟹籽沙律..又爽又好味~!!炸腐~外脆內軟~燒鯖魚~好香~加埋隻汁好MATCHSUSHI就一般~但都唔差~特別提提個八爪魚軍艦~好WASABI~但好食呢.,.

今日補完習就過黎元朗睇戲啦,,A先生呢排都好似唔多開心咁,,就陪距睇返場"人間喜劇"開心下啦=]7:30pm場,,e飽肚仔先xD但原來麻布呢度唔做tea time ga,,6:00pm先開市,,一入到去坐定定就落大雨了,,好彩=]三文魚司司: $22 ,, 飯唔大件,,只系三文魚好長,,but,,薄 @o@" 味道是standard的,,没有特别好食或不好食,,,鰻魚司司: $2x,, 大長呀條鰻魚,,系目前我喺元朗區食日本野中最長既,,我本身就好喜歡鰻魚,,冇得彈呀,,好好味,,一入口就充满曬成個口腔,,令你想叫玩飯黎送飯既feel =] 哈~蟹籽沙律: $33,,一般般,,好大碗,,但不覺爽甜,,帶子刺身: $68 ,, 麻麻地,,size好細,,外型犹如蒜粒般,,食落亦不爽口,,全無鮮味凍烏冬+汁煮鴨胸: $38,, 幾好味喔,,鴨胸唔"鞋",,仲幾入味添,,烏冬爽口,,但我曾食過有奶味的烏冬,,好好味,,所以有對比覺得呢度既烏冬只值50分,,但其實都ok ga=]店員都尚算殷勤,,環境也不差,,可以再黎=]

在父親節的那天，兩人都不用與家人吃飯，但又因為有事忙着而沒有如常地出去九龍或港島，便在大家也方便去到的元朗吃個晚飯好了。那天的天氣開始炎熱，想吃點越南或日本東西，最後因為近日都去了兩次邦美蜀而選了後者，到了這家我沒有吃過的麻布十番。大抵是節日的關係，六時左右去到就已經開始要等位了，登記了就拿張餐單、坐在店外的木櫈先看看吃甚麼吧。大概是半小時後，終於可以入座。桌椅擺放得很密，入座時是要鄰座移動一下、然後提腿跨過自己的木櫈穿進桌子與椅子之間的空間才可以坐下的 =_= 坐下後也不可以把櫈往後退一點，否則便會與坐在後面枱的客人背貼背了。點餐後等吃的時間，忽然感到有水滴擦過自己的背部，唉。二人點了以下食物：1. 蟹籽沙律- 在等候上菜時看見鄰桌那碟蟹籽沙律的賣相都已經有點心知不妙，沙律醬是多得不得了- 第一口吃下去時除了滿口沙律醬外，味道也覺得與一般的蟹籽沙律不同，再嚐真一點才留意到原來用了椰菜絲代替青瓜絲(!) 不如也加點蘿白絲做個coleslaw好不好?- 說起蟹籽沙律，板長的雖然用了青瓜絲，但好像主要也是青瓜皮...所以吃下去時也是會沒有甚麼青瓜味的...2. 加洲卷 (一客8件)- 加