麻布茶房 (已結業)

上星期六同朋友慶祝生日，見呢間野門面唔錯，特別係甜品...就去試下。等左大約20分鐘，6個人，佢只係比左兩張2人抬拍埋比我地一齊坐，都好逼下，但係我地都無為意﹗我地好快叫左野食，因為係出面等既時候已經諗定。但係叫完野飯都未見佢有茶比我地，要我地催﹗叫野食個waiter話要等10-20分鐘，但係最快個樣都係3分鐘就到，最遲都係7-8分鐘，快唔係唔好，但係會唔會係整定先既呢﹗呢樣都唔mind，但係又駛咩同客講要等10-20分鐘呢？講返食，大致上都係唔好食，雞軟骨好油又無味；南瓜xx無咩特別；豚肉飯無味；咖喱蛋飯唔知咩味，就係覺得唔好食；蟹肉蛋(唔係好記得叫咩)普通；持別一提係跟餐的湯，開頭以為係面豉湯，最後個waitress話係xx魚湯，但係我真係未見d湯會咁清，如果唔講、唔聞、唔飯，只係睇的話，佢只係一杯水，飲左之後會覺得佢係一杯味精水。最後，只係覺得個咩蟹x海鮮飯同個海鮮冷面比較好食。飯完飯，我地叫左4個甜品share，叫個waitress攞些碟同匙比我地，點知所有甜品到齊都未攞到黎，我地睇住4杯甜品快溶係咁催先分兩次攞齊比我地，服務真係無野講。甜品ok，但係30-50蚊一杯又好似唔係

其實生日飯未食完，不過為了新開topic給其他食評，暫時先打上句號。　約了朋友在海港城食飯shopping，擁有海景的麻布茶房，既屬朋友喜歡的日本菜系，又有我喜歡的甜品，自然成為不二之選。　不過原來店內環境幾逼，不似預期舒適。我們點的都是拉麵，蟹肉拉麵與什菜辛辣拉麵皆大大份而香噴噴，不錯；不過我的甜品宇時金治(綠茶味燒蕃薯冰淇淋)又細份又很融，朋友的黑芝麻刨冰大卻味道一般，感覺比美麗華分店的出品遜色，有一點失望。　當然，與朋友有傾有笑，這個多小時還是值得。少少偏心的，還是給一個笑臉，為完結篇劃上一個開心句號!

28/8日我同個friendo係Harbour City shopping 之後我o地肚餓去o左麻布(貪個景靚、舒服D)我之前去過好多日本餐廳食o野就係未試過呢間咪當試下o羅我同個friend睇完menu都唔知叫セ好(因為唔吸引)但又肚餓唯有order o左一個lunch set(咖o厘吉烈豬扒飯)而我o個friend就ordero左(咖o厘牛肉蛋包飯)我個飯D汁又唔多塊豬扒就油Lum Lum見到就唔開胃而個蛋包飯隻蛋好老同埋裏面D飯係白飯o羅其實唔應該叫蛋包飯而叫咖o厘牛肉飯+一塊蛋放上面o羅!!!!結果我o地兩個成晩果胃都好唔舒服又作o區,好彩末至於要睇醫生.下次我地都唔會再去!!!!

一直比佢既環境同甜品吸引，諗住一定會好好食架啦，點知……烏冬得幾塊鳥肉，份量唔多，隨湯附送三大棵蔥>"<牛肉飯同吉野家有咩分別?吉野家仲平過佢好多!!試下d甜品啦，點知……可能我唔識order啦，我食果個一d驚喜都冇!!應該唔會黎啦...........

食物ok,不過不失啦離譜o既係服務...叫左個抹茶聖代,等左好耐都未黎,正諗住催一催o既時候,就見到個waiter拎住個應該係我地叫o既聖代同其他waiter嗲緊...埋到黎個雪糕已經溶左唔少...埋單o既時候最過份...總數210, 我俾左500蚊紙佢.佢找番黎o既時候我拎起左d紙幣,淨番2個5蚊,我拎起左1個..個waitress跟住o係隔離檯繼續埋單.我突然覺得唔對路,因為我手上得260...即係少左張廿蚊...咁叫番佢轉頭,佢俾番個盤我睇,我先睇到張單下低有個紙角, 就係我冇拎到o個張廿蚊紙...好明顯係陰人啦...找番o個d錢全部擺o係張單上面,有咩理由惟獨是o個張廿蚊紙o係張單下低呢...好過份囉...以後都唔會去呢間野食..

唔係咁多野食好叫, 每一次都係比佢個靚靚櫥窗吸引, 尢其是0個個綠茶雪糕, 個figure 做得好靚, 不過我唔會再比個公仔騙我再入去.....1.牛肉飯--吉野家好食好多2.海鮮沙律--叫做最好味3.拉麵--食慣味千0的味, 佢0的湯好似唔夠好味4.綠茶雪糕--必叫有海景的餐廳, 都好feel ger~

今晚約咗幾個fd去慶祝生日，原本諗住訂枱，但係間舖話不設訂枱，咁都無乜所謂o既，咪早o的去攞位囉。我哋一行四人六點半就去到，但係佢話要齊人先可以俾枱我哋，結果我哋就企喺門口眼白白咁睇住其他人一枱一枱咁入，而我哋要張五人枱o既就要四條友企喺度等，結果入到去都係俾張四人枱我哋囉，如果係咁，點解頭先唔可以當我哋係四個人食飯入去叫住嘢食先？我哋見到張四人枱o既時候真係火都嚟埋！五個人迫喺張四人枱度，連嘢食都差啲唔夠位擺！啲侍應o既態度都要評一評，啲餐牌明明落晒no.，但係落單講no.啲侍應會唔知做乜o架囉~ 咁manu落no.嚟做乜？個侍應覆述我哋叫咗o既嘢食o既時候，好似自己練緊急口令咁，又快又細聲，都唔知覆嚟做乜！仲有呀，啲侍應姐姐成日掛住傾偈，想叫個埋嚟落單/攞嘢都難，更加唔好旨意佢哋識得間唔中同你加吓茶！開頭諗住寫返張comment sheet俾佢，直接交俾間舖o既經理，等佢哋可以改善吓啦，點知原來係「上樑不正下樑歪」囉，個manager都係態度漫不經心o架囉~咁唔怪得知食間舖o的standard咁啦~啲嘢食都ok o既，但係啲雪糕就比較失望，一來等咗好耐先嚟，二來係送嚟o既時候，五個

我係上星期六晚(24/6)去左係尖咀既麻布茶房個度d食物唔錯，不過服務就......麻麻原因：1. 我個FD嗜辣如命，咁佢咪問第一個男侍應要TABASCO，個位人兄呆一呆，我個FD就再問有冇TABASCO/辣椒醬，個位人兄話唔清楚要問，咁我地咪等佢去問，問完答我地....要跟拉麵，今次輪到我地呆啦，心諗：下，呢D要跟拉麵....唔係呀。2. 我個FD依然唔憤氣咪再問另一個，今次個條友話佢會俾佢，咁我地咪等囉，等左好耐，我個FD因為要等辣醬所以冇動過筷，而我唔食辣所以已經吃左1/4碟蛋包飯。3. 我個FD第三次問，第三個答案係......冇TABASCO問我地要唔要七味粉，我個FD諗住七味粉都好過冇咪要囉，當個人行開左之後，中間問個次既人隊左支TABASCO，我地即時呆左......又話冇......然後七味粉都出現啦，我地旁邊張既人都全程聽到，佢地都係到笑。可能因為人多，所以上菜慢，都算，佢最快既係.....埋單，我地叫埋單唔駛1分鐘已經隊張單埋黎，我即時同個FD講，乜都慢，係埋單最快。

再陪女友和老媽到這商場購物，選擇吃完晚餐至開始購物。週五晚上七點半，四人枱要等十分鐘左右。被安頓到靠窗邊的四人餐桌，近境是郵輪瑪頭，遠境是中環金鐘的維港夜境，好漂亮。當然跟Stage Cafe 那邊的景致還有一段距離。現在推行HSBC 信用卡九折優惠，點了兩客湯麵、一客丼、兩份甜品，埋單連加一及九折，才$213。是TST 較便宜的一頓晚餐。點了「茶房風拉麵」（$39.8）、「辛味茶房風拉麵」（$41.8）、「日式吉利豬扒丼」（$54.8）。每碗茶房風拉麵有兩片日式叉燒原切片、一片魚板薄片、芽菜、拉麵。味道一般而已。叉燒過厚，無肉味，只是一大塊無味的豬柳而已。辛味那碗幾辣。湯好油膩！，差差差！吉利豬扒丼等咗成廿分鐘，碗飯超細，有兩片裹上炸粉的豬柳，滑蛋汁液和米飯。豬扒炸得出奇地奇油膩，賣相可怖，凹凸不平，就是差差差！那塊豬扒肉質跟拉麵的叉燒一樣（無肉味的厚豬柳一塊！）份量偏細，女士剛好夠肚，我等男生就欠些兒。一埸來到，就點了兩個甜品：「燒蕃薯霜琪淋—宇治金時」（$36.8）、「抹茶冰淇淋葛軟甜點」（$39.8）。落單前講明要等十多分鐘！好，等就等啦。結果真係等足十五分鐘！貴為招牌貨的「燒

同老婆二人在WEEKDAY 下午前來, 心想一定少人D, 舒適D, 點知未叫食物有個waitress 過來叫我地埋單, 我反應係. . 下, 小姐, 我都未叫野食, 跟著佢都有道歉閃開, 算啦, 錯就係有啦, 之後點了二個set, 等待時又有waitress 前來叫我們埋單, 今次係. . 哈, 食物未到要先俾錢?? 跟著個女人又道歉閃開, 但我想呢個時間跟本唔多人食, 只有幾個, 為何時時都埋錯單? 都萛啦, 之後等了半小時都未有野食前來, 我問waitress 係咪漏左單, 佢話有單, 煮緊, 我又想咁少人都要等45分鐘才有得食? 咁人多咪. . 而在場的waitress 一共有四個, 人手是足夠的, 唔見到佢地好多野做喎, 但我知佢地應漏單, 因鄰卓都係要三吹四請才來食物, 唉, 呢間餐廳真令本人佩服佩服。

世界杯週末，商場沒有人頭湧湧，可能大部份人都要養精蓄銳，晚上才出動。下午差不多二時半，不用等位，walk-in即有。二人行點了和風蟹肉定食和茶房風拉麵。蟹肉定食包括日式蛋花清湯和蟹肉飯，蟹肉飯的蟹肉不多，冬菇卻是極多的，飯是略濕一點，總的味道不錯；也嘗了兩口茶房風拉麵，叉燒很乾，麵是淡淡的。兩者份量都不多，極度肚餓者一定不夠飽。正因不飽，胃部可有位置容納甜品，點了一客宇治金時share，宇治金時又名燒蕃薯霜淇淋，霜淇淋冰凍香滑，入口即溶，蕃薯是暖暖的，又一冷暖交溶的甜點，味道是十個好。

看到了大家對麻布的批評, 我才想到我之前跟老公去過一次, 而那次就已經讓我們決定以後都不會去了. 由於我是台灣人嫁來香港, 在台灣也有麻布茶坊, 我跟朋友去了幾次覺得服務態度很好, 東西味道也不錯. 所以想說海港城也有麻布茶坊, 於是就過去試試味道.那天坐在我們旁邊的是2個日本人. 他們叫了2個甜品只來了1個, 另一個等了30分鐘都還不來. 於是他們就跟服務生反應, 服務生也只是"喔"的一聲就走了(不知道是不是因為不會講英文或日文的關係). 後來又等多了5分鐘甜品才送來. 當時那2個日本人的臉已經臭到不能在臭, 而送甜品來的服務生很沒禮貌的將甜品幾乎是用丟的丟在桌子的中間. 其中1個人驚訝又生氣的叫回那個服務生用英文問說:Where did you put it? Is this my or her dessert? What is your attitude? 這時只聽到服務生面無表情的回一句:Sorry 就走了. 當下我真的覺得很真是丟想港人的臉. 為什麼服務態度這麼差, 服務生只有在聽到客人要買單的時候才有笑容, 其他時間只會2.3個人, 2.3個人的聚在門口, 櫃檯, Bar檯

同女友行行下街想飲野~~~~行左入黎但入到黎又無點野飲喎- -+點左個乾果年榚雪榚荳沙& 士多啤利沙冰士多啤利沙冰就普通啦同一般沙冰差唔多反而個乾果年榚雪榚荳沙真係唔錯d 雪榚幾滑﹐年榚淡淡地﹐伴埋荳沙食o岩o岩好！呵﹐幾好食﹐會番食呢~~~

今晚吃了個early dinner....我們二人叫了牛肉飯及新出品- 冷烏冬, 前者普通, 冷烏冬味道頗清新...都幾適合夏天食...! 我諗黎呢度...最主要食佢既甜品...老公叫了個雪糕聖代, 我試了一口- 雪糕幾滑...而我就叫了個南瓜紅豆湯....紅豆好甜...不過攪埋啲南瓜湯就岩岩好....唔錯...不過...無cheese cake 食...有啲失望!

(5/4/06)睇戲前,食飯。翡翠要齊晒人先淮入,咪黎呢度。食物款式係唔吸引架喇,不過環境唔錯。我替男友選了,親子吉烈炸蝦飯,蛋汁撈飯,固然好味,不過洋蔥太多,吉烈蝦無蝦味,炸醬層多啦。睇圖片,湯麵都幾吸引,所以揀左個,辛辣芽菜雞絲素麵,辣,雞絲少得可憐,素麵似幼幼的米線,幾齋o下。蓮藕餅,又俾圖片扼左,炸得好燶,感覺好熱氣,幸好食味ok。食埋甜品,南瓜紅豆丸子,幾大碗o下,杰度恰當,又夠熱,而南瓜味淡淡,所以撈埋pat紅豆,味道像紅豆糖水+花奶,丸子好味,只得四粒啫。