麻辣串串香

營業中

休息中

最近來開麻辣串串香食串燒，都多左來，數數手指都已經係第三次來食，正所謂食過翻尋味的。今次照舊一碗麻辣燙，小辣，薯粉。原來發現好多人都會點麻辣燙，$42大大碗，有好多料，湯底又正，真係好抵食。今次試新野，就係涼拌豬耳，我想講食過咁多家有豬耳的餐廳，這個麻辣涼拌豬耳真係無得頂，面頭有點麻辣肉碎，涼拌著真的好正，而且辣得好過癮，食完一條雖然好辣，但忍唔住係咁食。其他的串燒照舊order肥牛金針菇，羊架，魷魚蘇，雞軟骨，脆肉瓜之類，今次我們有點聖子，好新鮮好好味的。我們堂食都見到好多街坊來外賣，可見麻辣串串香係受歡迎的，大家要來試下。

呢間有串燒有麵，選擇頗多，因驚齋食串燒太dry,所以先叫麵託底。響鈴墨魚丸魚麵。上菜見到響鈴咁大舊插咗係度幾震撼，不過未算好大碗，但咁樣只係$3x，堅抵。見有魚麵幾得意揀咗，有咬口，似烏冬但無咁滑，感覺新鮮！朋友叫麻辣麵。我自己唔好辣，朋友意見係堅麻，佢揀咗bb辣，覺得都幾ok。見到麵嘅份量就開始叫唔同嘅串燒。燒魷魚呢個堅型！未算好腍，但勁有炭火香。後面豚腩肉唔算好肥但油脂豐富，略嫌有啲韌，但都可接受。雞軟骨超正，熱又脆！送酒一流！多春魚我麻麻，朋友話抵食。有露筍叫，唔算多渣，好有串燒炭香味。有啲菜係開心啲嘅。追加芝士雞肉串，比想像中多芝士，咬落爆汁，正。最頂果串係墨魚頭，賣相一般但食落比墨魚嘴更有口感。我覺得呢間論味道未必係最頂級，但係呢個價錢黎講真係性價比高！試諗下兩個人黎，兩個麵加六七串串燒唔駛一百，真係相當抵食。

一串光陰一串金！麻辣串串香噴噴😆返工時成日都經過但未曾幫襯過，今日天氣突然凍左好多...想食D辣野刺激一吓🤪🤪收工就行過去試一試，一坐低就梗係叫碗麻辣燙先啦🤭一碗粉絲一碗烏冬...邊食邊點串燒😈點餐就好似車仔麵咁，咩材料咩辣咩都自己配搭！呢一大堆串燒裡面係有...雞中翼！雞軟骨！燒白鱔！墨魚丸！牛肉丸！金菇肥牛！燒韭菜！燒菠蘿！蒜香焗沙白！🍢🍡🍢🍡重點推介：燒白鱔，燒到好香脆咬落彈牙👍🏽蒜香焗沙白，勁多蒜蓉好香而且沙白亦比一般較大隻👍🏽埋單人均消費都係$150，抵食又好味😋

路德圍、海壩街一帶一向係美食匯聚之地，但大部分都係粉麵飯，比較少輕食之選。呢日行經發現轉角開左間麻辣燙，岩哂我呢啲中意食小食又好辣嘅人有酸辣粉、麻辣燙、串燒三類中式麻辣菜式選擇。麻辣燙選擇咗中辣，相信味道為配合港人口味經過調整，即使中辣都唔會太重麻感，係帶明顯椒香嘅香辣。因為預左配搭麵食，淨餸份量唔算多，金菇比較細撮，同價格成正比。完全吸收哂辣汁嘅金菇依然爽口，一咬咇哂汁，更能品嚐到湯底嘅辣香。牛腩肥瘦分明，瘦肉鬆化，脂肪軟嫩，不帶油膩感，好似食梗五花腩咁。燒羊架入口孜然味濃郁，蓋過羊羶味，怕羶味嘅可以放心點。肉質偏結實堅韌，脂肪組織偏膩。芝士雞肉串鋪上芝士片加以火灸嘅鹽燒雞串，入口偏鹹，宜佐啤酒。燒白鱔魚肉鮮嫩爽彈帶嚼勁，魚脂部分油脂豐腴無油膩感，入口油香洋溢。餃子雞翼釀入韮菜絞肉餡料，食落充滿韮菜嘅獨特香味，個人感覺偏細隻，但正好點到即止

是日同朋友去開荃灣行街，朋友想食串燒，所以就同佢去左哩間麻辣串串香，麻辣串串香原來除左有串燒食，另外都會有酸辣粉，麻辣燙，同埋有粉麵，真的唔怕唔啱食，我同朋友點左串燒，另外也點左碗麻辣燙(小辣)，酸辣粉(小辣)同埋也點左啤酒同埋蘋果酒，啤酒，蘋果酒，食串燒真的唔少得啤一啤的，酸辣粉(小辣)酸辣粉(小辣)真的唔錯，酸辣味十足，麻辣燙(小辣)麻辣燙(小辣)點左有豬紅，蘿蔔，枝竹，萵荀，蓮偶，麻辣燙加上豬紅，蘿蔔，枝竹，萵荀，蓮偶的蔬菜食物，湯底入味，冬天食一碗真的唔錯，雞中翼，白僐，雞軟骨雞中翼，白僐好JUICY，食落肉汁多，雞軟骨一般雞泡魚乾雞泡魚乾真的有驚喜，食落脆口，送啤酒一流盧荀，豆腐串燒原條茄子燒原條茄子真的串燒一定會食，大大條茄子，加上勁多的蒜泥，真的夠曬入味~~

今日去左荃灣食串燒，係citywalk附近，離地鐵站唔近，估唔到都滿座！呢到有串燒、酸辣粉、麻辣燙選擇，款式都好多，見好多人都買外賣拎走就知有幾好食！不過今次主要嚟食串燒，所以其他就冇叫。燒牛舌，全部串燒中最貴嘅一款。牛舌厚身，但好易咬。配上香辣粉同小小孜然粉調味。燒白鱔，唔同一般嘅白鱔食落咁林，呢度嘅燒白鱔雖然每件偏細，但係爽口，不過略嫌有啲鹹。燒雞腎、雞軟骨，望落兩款差唔多，雞腎偏細粒，不過夠香辣，好食！燒安格斯牛、燒羊架，啖啖肉，熱辣辣，夠入味，夠juicy！燒原條茄子，蒜蓉份量好多，好香口。煙肉番茄仔，蕃茄甜，可以消下滯！

之前行過見到宵夜時間爆多人, 而且傳來陣陣嘅香辣串燒味, 已經覺得好吸引, 今日專登嚟食午餐我哋兩個人叫咗一人一碗麻辣燙同少少串燒, 麻辣燙湯底又香又鮮, 加埋少少辣味, 非常過癮!🤭我揀咗唔少索湯汁嘅配料, 有腐竹, 芋絲, 金菇, 肥牛...樣樣都同湯底非常夾👌🏻另外串燒亦係一大賣點, 燒得好夠火候, 特別係牛仔骨, 份量唔算少, 牛味夠濃, 配上少少調味粉已經好惹味, 非常推薦👍🏻另外串燒白鱔亦好正外魚燒到微脆食落好有口感好彈牙, 唔錯!😋

今日入咗荃灣做嘢，做完野諗住那林食少少野就快啲返屋企繼續做野。見到呢度有間叫做麻辣串串香，又有酸辣粉、麻辣燙同埋串燒食。我哋心大心細最後決定所有嘢都試吓#麻辣燙 🍜都幾大碗，有得揀辣到度😜揀咗BB辣🌶️香口惹味。最特別之處佢有得揀「魚麵🐠」喜歡彈牙口感都不能錯過。#酸辣粉 🍜$24價錢好抵，叫咗少辣🌶️已經好入味。當然我都係揀咗紅薯粉做麵底，同大陸一樣個味道好香而且好重，酸酸辣辣好開胃。我另外加咗餸，大約$6-$10（蘿蔔、豬潤、同埋炸魚皮）炸魚皮係分開上，放入湯既時候滋滋聲，蘿蔔清甜冇渣。另外我地點左幾款串燒🍢.#豬豚腩 🐖$24豬肉唔會過韌，肉質鬆軟而且油香味十足。.#蒜香焗沙白 $45勁香蒜蓉味，沙白無沙，食落啖啖肉又鮮甜🥘再配埋蒜蓉粉絲底！讚👍🏻.#蟶子皇 $35蟶子肉吃起來不算韌，仍然爽口，尚算鮮甜，吃得夠爽快！

［荃灣］麻辣串串香.今次唔係太餓淨係叫串燒無食到酸辣粉~.蒜蓉金菇食剩指數：0/100 蒜蓉份量好多金菇都好爽口個豉油甜甜地唔會好咸.燒茄子🍆食剩指數：0/100 估唔到又幾大個蒜蓉蔥份量繼續好多鋪到滿哂茄子好入味同時唔會燒過火.到肉啦.燒白鱔食剩指數：5/100 白鱔外皮幾脆肉質算彈牙有少少鹽調味係佢比較細舊所以扣佢幾分XD.燒牛舌食剩指數：5/100同樣用鹽調味雖然唔係好厚但肉質彈牙燒得都幾香.芝士燒菇/雞串食剩指數：0/100個芝士好香又唔會太搶加埋肉配搭唔錯.燒魷魚🦑食剩指數：25/100調味較輕手清淡左少少(可能係我走辣既關係？).總結平時食串燒好怕太咸太重味呢間就無呢個感覺

荃灣小店串串香，有自選酸辣粉食同串燒，串燒黎講都唔算貴，食到飽都只係每人$150左右，都幾抵食，質素都不錯👍🏻服務質素都👍🏻老闆娘勁好人🥰🥰-韭菜串 $15燒原條茄子 $42安格斯牛 $32金菇肥牛 $20燒魷魚鬚 $18雞泡魚干 $42燒白鱔 $42餃子釀雞翼 $32/1隻雞軟骨串 $22/1骨付腸 $15-1️⃣ 燒原條茄子⭐️⭐️⭐️⭐️茄子比起一般串燒店既茄子大，肥美好多😂蒜蓉爆多，好重蒜味好正，叫左bb辣，重口味既人會覺得小左調味，但正常人會覺得夠惹味😂/2️⃣ 燒白鱔［滿星］⭐️⭐️⭐️⭐️⭐️‼️鱔好新鮮，食落彈牙、爽口😍個皮燒得唔係脆，不過好爽口！口感豐富😍😍/3️⃣ 餃子釀雞翼⭐️⭐️⭐️⭐️餃子同雞翼都中意食，但一齊就諗唔到會係點，好奇之下叫左！外形係雞翼包飯咁，不過入面就照係雞肉同加左蔥油，味道好似係食緊燒味飯既雞滴左蔥油咁，幾搞笑😂/4️⃣ 安格斯牛 ［滿星］⭐️⭐️⭐️⭐️⭐️‼️好惹味！燒得剛好，性價比高！-環境：7/10服務：10/10好味指數：8/10回頭率：8/10

到夜晚口痕想食串燒，見到麻辣兩個字就諗都唔諗行左入去 香蒜焗金菇 - 好多蒜蓉舖喺表面， 好香口，值得一叫。日本一口蕃薯 - 淡淡番薯甜味同香味，讚安格斯牛 - 唔會過熟，亦都唔會好似擦子膠太硬， 牛味可以再重啲， 或者落多少少黑椒去調味牛舌 - 推介燒得好好食好多汁！高汁燒芝士丸 - 芝士丸燒得啱啱好，唔會太乾過熟，入面啲芝士好似流心咁爆出嚟芝士雞肉串 - 雞肉嫩滑，不過不失牛柏葉酸辣紅薯粉 - 牛柏葉爽脆， 但份量有點少。 酸辣粉揀咗小辣，但係佢最多只有譚仔嘅十小辣， 而我平時食開小辣。如果你係食得辣，我諗你要簡中辣。最後埋單每個人150蚊左右。

某日跟媽媽去荃灣街市，竟然發現呢條小巷裡面有我最喜歡嘅重慶野，咁啱有D肚餓就決定試試佢。除左串燒外，店鋪仲有重慶酸辣粉同麻辣燙選擇，可以自選配搭，好似食車仔麵咁雖然我鍾意食辣，但媽媽有D感冒，所以我地點嘅野食全部都走曬辣，但其實每款食物都有事先調味，所以唔怕淡茂茂。燒蘆筍仔 $20鮮嫩冇乜渣，加左燒汁鹹鹹甜甜都幾好食芝士蘑菇串 $22芝士鹹香味濃，同燒香左嘅蘑菇非常搭配燒原條茄子 $42、蒜香焗沙白$45茄子同沙白都加左大量蒜蓉去燒焗，香氣十足；沙白肉厚嫩滑，墊底嘅粉絲索曬汁非常惹味，如果可以再多D就好了～燒白鱔 $42、AAA牛仔骨 $45白鱔雖然價錢稍貴，但入口就知值得，魚肉鮮嫩彈牙，魚皮燒得香脆，冇多餘嘅調味，完全能夠食到白鱔原有嘅鮮甜味；牛仔骨唔會過熟，內裡呈現粉紅色，加左大量蔥粒令整體香氣更出另外叫左個麻辣燙走辣🙈餸方面揀左蘿蔔 $6、湯餃子 $10、娃娃菜 $6 配魚麵 $13碗麵超大份，蘿蔔都有4大舊，好抵食，尤其鍾意魚麵，彈牙得黎真係食到魚香味～

放工後和友人來到荃灣麻辣串串香，六點多餐廳差不多滿座。點了不少串燒，發現串燒燒得出色，不會過辣過咸，而且保留串燒水份。燒韮菜:燒得相當惹味，而且不會乾。燒茄子$42:見到不少枱客人都點了一份，上枱時發現茄子好大條，有好蒜頭在茄子表面，相當惹味，拌飯一流。燒娃娃菜:當娃娃菜由燒烤竹簽取出來時，當中蘊藏水份即刻爆發出黎，娃娃甜辣多汁。燒白鱔$42:鱔皮外脆，內裡肉質嫰滑。燒菠蘿:菠蘿沒有渣，鮮甜多汁，解辣一流﹗大大碗麻辣燙配紅薯粉(小辣)$42:好大碗足料，可以兩個分來吃。有豬皮、豬紅、牛腩、蘿白、生菜等，紅薯粉彈牙有咬口。椰青水及蜂蜜雪梨，清潤解渴。

自從返大陸試過麻辣燙之後，我就成日心思思想返大陸食好嘢，但今日經過荃灣就可以食到麻辣燙，終於唔使返大陸咁遠啦大大碗嘅麻辣燙有魚蛋、魚皮餃、豬紅、豬皮、牛腩、墨魚丸、時菜、蘿蔔，我就揀左小辣，食左陣頭殼頂都已經標汗啦朋友就食唔到辣，不過都唔緊要，因為呢度係可以揀唔辣架，就好似平時食車仔麵咁，揀左佢最鍾意食既響鈴、肥牛、豬皮最特別係可以揀粉絲，又係吸湯超強既粉麵最後我地仲叫左堆串燒，都係有辣有唔辣，估唔到大大條既蟶子都可以係呢度食到，撈埋蒜蓉一齊蒸，蟶子就吸哂蒜蓉味既精華啦仲有脆卜卜既魷魚鬚芝士蘑菇串$22煙肉番茄仔$16雞軟骨串$11

之前行過見到間食麻辣串串～咁啱今日又係呢頭買野～買完就同友人一齊黎試下～放心～唔食辣既朋友可以點唔辣～我地點了大大碗麻辣燙同啲串燒～燒蘆筍仔 （唔辣）好新鮮～好清甜～芝士蘑菇 （唔辣）一咬落去好多汁😋芝士都好多～日本一口番薯 （唔辣）日本番薯係唔同啲～好甜～燒完仲香啲～大大碗麻辣燙 （BB辣）啲餸好豐富～蘿蔔都幾軟～其實食餸到飽～粉絲吸左啲麻辣湯好野味～金菇肥牛（辣）金菇加肥牛真係夾～好食～雞軟骨（辣）乾左少少～多春魚（唔辣，辣）點了辣會野味啲～都多春～煙肉番茄仔（辣）雖然點了辣～但一咬蕃茄啲汁出哂黎～食辣食到乾乾地都幾舒服又開胃～羊架 （唔辣，辣）燒完好食～但唔愛騷味就未必愛～鵪鶉蛋 （唔辣）燒左真係好香口～蛋味好出～燒粟米（辣）好甜～燒粟米又多汁～P.S.麻辣都唔錯～就偏辣左少少～但食材新鮮～食辣點埋汽水飲更正～