麻辣媽媽 (已搬遷) 新店位置

上次吃過這兒的川北涼粉，覺得很好吃，辣子雞也好味，於是再次前來一嚐，怎知只是七時許，川北涼粉已售馨於是只點了兩個麻辣煲，一杯青檸樹。麻辣生蠔煲：蠔身並不大，只有八隻，除了煲面的蠔，煲內還有些青瓜條、薯仔條和白蘿蔔條，至於蠔身並不飽滿，肉質也不算鮮甜味美，很一般，至於麻辣的味道，在我個人來說，是夠麻和辣的，但八十八元一煲這樣的質素，認為不太值。麻辣田雞煲：田雞份量也不多，除了田雞和蠔的分別，兩個煲的麻辣味道和配料相同，至於田雞的肉質比蠔優勝，比較鮮嫰肉滑。青檸樹：青檸的酸甜夠清新，飲品又夠冰凍，是杯很不錯的飲品

前排有晚個fd 話涼左想去食d辣野啦係時侯, 咁就出左去佐敦試新野, 間野叫麻辣媽媽.位於佐敦道廟街交界.6點幾黎到仲有位就坐底叫野食啦.一開波我地就叫左個原味焗蜆開個頭盤先依個蜆呢即叫即焗, 仲會幫你撕埋錫紙, 唔駛你熱親手.海鹽, 蒜蓉同埋青辣椒焗, 份量夠2個人食既鹹鹹地很鮮甜, 好食架之後叫左個紅油炒手佢落足料調味, 甜中帶酸又帶d辣, 多層次黎刺激你既味覺, 正~雲吞食粒易食, 但充滿肉汁又鮮味, 好味呢~當然要叫啤酒啦,佢仲有全冰杯供應,辣得仔用黎救火都唔錯~

睇過咁多食評都讚, 自己又鍾意食蠔, 又食得辣, 就去試試.餐牌都好多選擇, 但主要都係辣野, 兩公婆六點幾到, 唔使等位 (七點半後超多人).兩個人 order 四樣野加杯野飲, 埋單都唔使二佰, 係佐敦區算係唔錯既選擇.不過, 都有一樣係唔好, 就係餐廳坐得好逼, 有人出出入入既時候, 成日會俾人撞到.

我同我男友都好鍾意食Spicy 野又食過太多次 thai food所以試下再勁d麻辣媽媽係第一次試細細間好似都幾好見到d人已經一人一鍋兩個人叫左三個餱- 涼菜- 水煮牛- 麻辣田雞煲三樣都好好味特別係麻辣田雞煲 超讚!!!!!)d肉好滑水煮牛我覺得淨係辣, 唔夠麻

早排去左食麻辣媽媽, 太期待了~好難得約到唯一一個好食辣野既飯腳. 上網睇哂其他搵食朋友既意見, 心目中已經有左份菜單, 去到之後諗都唔洗諗就叫左以下幾道菜:川北涼粉清涼爽滑, 真係食唔停口. 但如果再涼身一點會更好~水煮魚---“必番吃”個例牌係水煮烏頭, 飯腳朋友怕多骨, 加左幾十蚊轉水煮桂花魚. 這幾十蚊絕對物有所值, 魚肉夠滑又唔多骨. 個水煮汁好野味, 用黎撈飯食一流, 內附大量芽菜~讚!!~麻辣生蠔煲一煲入面有十幾隻, 好抵食!! 蠔味不錯~蠔唔算細, 群邊唔會煮得過熟以致咬唔到.辣子軟殼蟹失望左…..太乾身, 冇乜蟹味…青檸樹 落足料~好低飲!!整體黎講~掂!! 辣味夠但不至於搶走其他食材味道, 辣味亦唔會持久不散, 可以不斷不斷咁食~~~好正.平均消費: $240溫馨提示: 以上既食物份量都足夠 3 個人食~~

一向愛辣的我, 午餐時間路過此店, 立即被吸引進去...地方乾淨整齊...可惜服務態度不太好, 一副愛理不理的樣子, 叫幾次才有人理會, 而且還沒說完, 又掉頭走了...@@吃了麻辣豬手面, 豬手碎濕濕, 湯底不麻不辣...口水雞, 好一點點, 有少少辣卻沒有麻...主打麻辣的舖頭, 食物竟然不麻不辣, 非常失望...

黎到佐敦成日都心思思想去媽媽度食辣野~第二次光顧！環境唔係好乾淨叫餸果陣見到有兩個涼粉，「川北」&「酸辣」唔知揀邊個好問問伙記有咩分別，佢話兩個無分別。無奈，無分別又有兩個名都係叫左川北涼粉川北涼粉，滑滑涼粉，感覺好得意，少少辣，黎個ready先薑蔥魚春，食極都仲有既魚春，好入味！水煮牛，紅色既湯，真係比佢嚇倒了。原來裡面有酸辣粉，是我最愛的！！！叫左小辣，都ok辣，下次要試中辣，再刺激！青檸樹，解辣佳品！！！！！

叫左兩個午餐口水雞同酸辣魚腩薯粉口水雞跟飯菜湯湯既味道好有媽媽煲既感覺口水雞既辣岩港人，唔會太辣等左陣酸辣粉黎喇酸辣魚腩粉好大碗，好有料d魚好滑~酸菜夠多~d粉夠軟~好野係最遲先出場~

口水雞 - 都OK, 第一碟dish, 覺得無咩野,又唔係話真係咁辣... 但味道幾好水煮牛(中辣) - 味道好好, 中辣都真係幾辣,好耐無試過一路食一路bill汗既感覺 !!! 最欣賞佢+左D薯粉入去, 可以當麵食, 雖然D汗係辣但係用黎做湯配薯粉好野味辣子軟殼蟹 - 無得頂!!! 本人推介!!!將辣子雞變做軟殼蟹, 平時食辣子雞要慢慢搵D雞粒, 搵埋搵埋都好似得好少,但係轉左做軟殼蟹啖啖肉!!!!正. Ｄ軟殼蟹好香口,同好多膏 !!! 真係直得一試什果冰 - 足料什果, 西瓜,蜜瓜,哈蜜瓜,重有涼粉. 食辣野個時飲一流

諗都唔使諗, 先黎個麻辣田雞煲...原本坐係冷氣風口位有d凍, 個田雞煲有個火heat住...食舊田雞熱辣辣...仲有底下個d青瓜同薯仔...好入味...好好味...食到半路開始流汗...之後到薑蔥蠔煲...for唔食得辣既屋企人...但呢個蠔煲真係冇得彈...本身我都唔食海鮮, 甚至唔鐘意食蠔...但waiter哥哥拎到埋檯, 個陣香味...我忍唔住要試一隻...佢地用既係日本蠔...細細隻...咬左一啖...個陣鮮甜係冇得頂架..由於無辣不歡既關係, 加左少少麻辣汁一齊食...waaaaa....仲好食!!!!之後仲叫左四季豆, 椒鹽豆腐, 青檸樹, 炸饅頭, 南爪餅...但呢兩個主菜真係值得推介!!!!

中午在旺角行街後, 諗諗下...就決定轉戰去佐敦串屋食晚飯, 誰知碰到串屋是日休息一天, 唯有另覓食店啦, 此時想起跟朋友在中午時吃過這間 "麻辣媽媽", 感覺不錯, 於是就帶男朋友去試食晚飯啦! 舖頭的枱與枱中間很貼, 椅是木造的, 坐的不太舒適, 不過侍應就很有禮貌我們睇了很久餐牌, 討論了大約5分鐘, 因樣樣都想試........最後...由我發版, 先試心水小菜: 麻辣田雞煲 口水雞 酸菜魚頭面 等左大概5 分鐘, 終於上菜啦...第一道菜是口水雞 一上枱就見到雞件全都被紅油浸住, 上面還舖滿芝麻+紅辣椒粉, 不過份量就很小, 好像10件雞件也不到啊 但味道很好, 雞件很滑, 香香辣辣 麻辣田雞煲一上枱就見到配菜的比例多過主菜, 煲底全部是青瓜條, 薯仔條, 羅白條但味道也很好,田雞件很滑, 這道菜比口水雞辣 酸菜魚頭面超大碗面, 超大個魚頭, 這個份量才OK呀, 不過好像要成五十蚊, 貴咗啲喎!!!!!整體感覺, 食物味道都算OK, 不過貴咗啲同份量小咗啲囉

我和朋友最愛既四川麻辣野..亦會四圍去試..今日專誠去食..以下所有食物(除5之外)叫中辣..但無一樣辣1)水煮魚----不香不辣...NO GOOD2)口水雞-----都可以..不過味道不夠.....OK既3)辣子田雞---腰果同田雞都炸到林..不脆...田雞更沒有肉汁同濃....NO GOOD4)肥牛煲------可能食得辣,唔覺得辣..無四川風味,只是一般餐廳的辣煲..NO GOOD5)XX雲吞(忘記了名,因怕叫的食物辣得濟,搵呢樣唔辣的中和番)----毫無特別..一般

水煮魚和口水雞客飯 + 一個水煮牛肉個客飯都 ok個水煮牛肉好唔得

真係好中意食辣...好想食曬香港咁多間川菜!!!唔知係唔係聽個朋友講話麻辣媽媽好好食...其望太高...所以覺得唔係好好食.都係我同我老公2個人去...叫咗3樣野, 麻辣雞煲, 口水雞, 虎皮尖椒...麻辣雞煲 - 辣, 但唔香...口水雞 - 好食...每一間都有d唔同, 但間間都覺得好食!虎皮尖椒 - 令我流淚...青檸樹 - 最中意都係佢! 真係好正!! 好低飲!!!!

前日收工, 約左男友仔去尖沙咀行街...行街前都係食左野先, 諗諗下...就決定去試呢間 "麻辣媽媽" 舖仔唔細細, 有少少迫既感覺...一邊睇 menu, 一邊樣樣都想叫黎試... 最後...先試心水小菜: 麻辣雞煲 ($58) 川北涼粉 ($30) 川椒牛展麵 配 粉條 "即係薯粉" ($32) 藍妹大支裝 ($25)等左大概 20 分鐘, 上菜啦, 上菜啦... 麻辣雞煲一上枱就聞到好香, 有小小攻鼻, 味道唔錯!!不過...有 D 失望, 因為 ... size 細左 D 而且煲底全部係青瓜條 + 薯仔條 + 羅白條, 望落大煲好滿但其實主菜好少 川北涼粉滑滑粉條 配 香辣既味道. ok 呀!! 川椒牛展麵 配 粉條 "即係薯粉"好.....大碗!!! 牛展有好多片, 勁香川椒味但又唔辣...不過就係因為佢唔辣, 所以有 D 失望~ 藍妹大支貴左 D 喎 =.=雖然價錢偏貴, 不過經同男友仔商議後, 應該會再黎試下其他小菜同麵麵 =v=+