麻辣媽媽 (已搬遷) 新店位置

搵左好耐...原來係澳洲牛奶工c 側邊條街...入到去...見到個老闆 幾young同幾型haha...因為入去食野個時係接近4點....咁就叫左一個lunch 既 口水雞餐...有油菜..湯...同rice另叫多一個tea set...麻辣牛展noodles..口水雞好一般...唔辣唔麻...d肉又唔敕不個相反個粉好ok! 又唔係話辣到食唔到...岩岩好...下次可以再去...但for 粉only

第一次去呢間麻辣媽媽到吃*搵左好耐先搵到..=]與男朋友叫了::口水雞、麻辣魚春煲(中辣)、辣子軟殼蟹(小辣)、川北涼粉因為驚辣得制 仲叫左2杯珍寶野飲一個白飯口水雞::呢個口水雞都ok好味0既..但係d雞就唔係好滑呢..而且都唔算係好辣 同麻的。都未食到流汗都條利冇感覺。麻辣魚春煲(中辣):::呢個真係有個火係下面煲住煲住.魚春有好多舊 第1啖食落去都幾好味, 但係都唔算麻 哈哈可能我地喜歡吃麻d 都都只係有少少微辣下次可以試下"辣死你"的辣度。個煲有d青瓜同薯仔 都幾索味.但d魚春 食多幾舊都好"溜"了!!川北涼粉:::個人認為呢個都幾好味,,d粉都幾入味呀..軟軟地..又平。~辣子軟殼蟹(小辣) wah!呢個一黎到 我都呆左個賣相係幾靚同好似勁辣但係食落一d都唔辣 係超咸呀..好似食左啖鹽落口..而d軟殼蟹又不算很脆 好似同d辣椒分開整 好咸同埋好大陣胡椒味!麻麻地..之後2杯野食都冇乜特別~哈哈...環境ok服務ok..都可以再試下其他野食0既 但要註明要麻d了~~價錢一般 2個人 埋單304元’

東波肉粉條連凍飲$32(lunch set)因為豬類唔多選擇，我就揀咗東波肉配粉條，我都知東波肉係肥多過廋，所以見到碗粉一點都唔意外東波肉都入味同嫩腍只不過我都係食廋唔食肥，將肥嘅部份咬咗出嚟食食下，我懷疑係老板嘅店員問我唔食肥唔好叫東波肉嘛我就同佢講我唔食牛佢就話佢地嘅魚好掂，係新鮮劏，下次試下吖繼而佢問我食鴨嘛？我話食，佢就入房攞咗一少碗鴨腿畀我試食可能佢見我咬晒D肥豬肉出嚟好似冇嘜嘢食啦，呢個疑似老闆眞係識做生意同細心至於鴨腿係用好多香料炆煮，所以肉質唔算嫩滑，但入味非常粉條係用綠豆做成，較為軟滑因為店員服務細心友善，所以我再買多客流沙奶皇包$18 試下(本人偏愛)，但唔多似樣，我覺得內裡放咗椰絲，奶皇唔夠香滑我比較鍾意二宜樓式鴻星多D，會流出嚟，開心D見開飯推介，又有我鍾意嘅粉條食，試下無妨

今天中午一個人來到叫了口水雞lunch set. 估佢唔到一個lunch set有甘多野食1. 木瓜湯-沒有味精, 非常濃既木瓜湯. 味道同我阿媽既一樣<-正.2. 菜-沒有油有小小soy sauce沒有味精, 好清新.3. 口水雞-好麻辣又有份, 味道好好可惜太生了, 所以我只係食到一半,已其實既部份係生到有血水及咬唔到<-要扣分. 不過佢地既買相及伴菜好細心, 有好多青瓜絲在雞下, 個combination好好.4.豆漿-好夠凍及甜味剛好,可惜飲到最後有條水草既野. 立即扣曬分.雖然真係有小小扣分,不過為了口水雞及佢d湯我下次都會再來.p.s. toilet既地下好滑,老人家來到要小心一點.

體檢前後在灣仔、銅鑼灣一帶吃至肚滿腸肥(還有一頓甜品餐會後補)，我早已經沒有胃納剩下；龍卻想到要置諸死地而後生，打算吃碗酸辣粉來幫助清腸胃!　早就留意到此店評價不俗，特地推介給他；找到後發現店面裝修企理，餐單內客豐富、款式選擇特多，一坐下就會奉上香茶，才知並非傷心的酸辣粉般小店經營，而是一間幾正統的川菜館子來的。趁時間早，趕快點碗酸辣豬手粉條($35)，吃完即走別阻人做大生意!　起初龍還嫌酸辣粉價位偏貴，但食物上檯後他再不敢出聲了，因為，份量真是好大好大，大到他也給嚇了一跳!我也把甜品餐單放低了，出盡全力幫襯了一小碗；發覺豬手煮得香麻軟稔很可口，而更難得是酸辣湯底既香又帶麻，同時竟保持陣陣鮮味，口味十分吸引，足以掩蓋粉條略過稔的小缺憾。說時遲那時快，美味之下龍飛快將一大碗粉條清光，好厲害啊!　而不知是時間早還是全日如此，埋單是不收加一又免茶錢的，幾抵食。其實我對此類川菜館子興趣會較小店大許多，經今次估計錯誤後，下次還會再找機會試它的小菜，還有未到口的甜品!

This is my first time to visit Spicy Mama as I have meeting near Jordan. Since I was alone, I cannot order the Hot & Spicy fish as I saw some guys have ordered and the size was quite large. I tried the Deep Fired Spicy Crab which I have tasted in Causeway Bay. Although Mama is not famous in Fired Crab as those restaurant in Causeway bay, it was quite superising that it tasted good!!!! I spend 45 min to finish it !! Yummy Yummy and then I ordered the Chinese vegetable with seamine saurce. It wa

I had lunch over there today as i love spicy food. The pork chop noodle in soup is good wor.... the portion actually is a bit big for me but I managed to finish the whole thing. and I ordered the spicy cucumber too ! I love it ... it's almost the same taste that I had in Beijing, as I used to work there. I looked up the menu and found many items that I would love to try. I guess I will go again for dinner to try out the spicy frog legs. sounds yummy.

等咗成個月終於有時間去麻辣媽媽開晚飯,不過去之前有一段小插曲,就係以為地址係油麻地數碼廣場傍,揾咗半個鐘行來行去都揾唔到跟住就打去問下啦,Oh no地址原來係佐敦,跟住個職員都好詳細話我聽,最後都攪咗成個鐘先到部.所以各食家唔好再去油麻地數碼廣場.好返正題先,其實小弟係生蠔fans同麻辣fans首先order生蠔煲先,跟住個店員就問我有曰本空運蠔同本地蠔,不過曰本蠔就貴20元,共88元一煲,小弟因為係蠔超級fans就即刻order曰本蠔正常辣試下先,睇吓比咩蠔我食先,再來一個麻辣田雞大辣.再來一杯珍寳青0樹解辣,先來曰本生蠔煲,一試店員原來真係無吹水,此蠔比本地蠔鮮甜好多而且隻隻size都差不多無縮水,very good不過有小小提示就係食蠔煲一定order正常辣,因為大辣就食唔到鮮味,今就浪費d曰本蠔啦,但份量就只有8隻,食完之後都有小小未夠喉,不過以入口蠔都算低食.跟住再來田雞大辣,一食之下大辣果然有料,而且交足功課,因未食到一半己變咗豬嘴,再食原來因煲住越食越辣,真係想叫救命呀,不過此feeling i like it.此情景珍寶樹真係解辣救星,其實青0樹係青0沙冰,不過以28元

已到麻辣媽媽吃過好幾次，須然知道這店是有甜品的，但一直「的」唔起心肝試，因我本身不太喜歡吃甜點，加上每次都是有目標而來(口水雞、麻辣田雞煲、辣子蝦...，老闆說口水雞是用新鮮雞及田雞更是即叫即劏，食得出是比較滑及有雞味的，現在連酒樓都用雪雞，這小店的堅持於現在這市道已很難得了)。前幾晚同幾個朋友唱完K又落左去食宵夜，我們三個男人二話不說叫小菜食，但兩個女仕又話夜晚唔食禁多野怕肥～禁就叫佢地試下D甜品小食啦，佢地選左法式焦糖燉蛋及木瓜西米露，估唔到又幾鬼精美，兩位時常周圍去食甜品的女仕說品質也不錯，可比美甜品專門店，價錢不大記得，好似都係十幾廿蚊，算抵食

和女友來了這區，愛吃辣的我又想吃辣了，所以來了試試麻辣媽媽。在與老闆娘的對話間，得知麻辣媽媽內的辣度選擇有八款，由最辣的「辣死」、勁辣、超辣等等至小小辣；而此處除了有麵線吃之外，還有各款麻辣小菜及小吃，最終和女友各點了一個套餐，分別是口水雞套餐及水煮魚客飯餐，女友要的口水雞要了小辣，而我點了勁辣，因為老闆娘繪影繪聲說很恐怖的，而我選勁辣她也好像難以置信的，真攪笑。口水雞可能是因為小吃的關係，配套比較足夠，有湯有油菜有甜品或飲品；而水煮魚客飯餐沒有了湯及油菜，只可在甜品或飲品二擇其一，最後和女友決定選一個甜品，一個飲品。飲品要了豆漿，很快也端上桌了，喝起來比較淡，只有輕輕的豆味，是一杯只值OK的豆漿；再來的湯是花生南北杏木瓜煲雞腳，木瓜味濃，味道很夠而滲出一絲清甜，而且見料也足，雞腳雖然煲得不太腍，但啖湯好喝就是了；油菜是生菜來的，沒有蠔油而淋上了豉油，合我口味，也沒可能難吃吧。小辣的口水雞也是非常認真，應該一碟也有四份一隻雞吧，而且有齊蒜泥、蔥花、花生碎、芝麻及大量的紅油，雞肉以白水灼煮夠正宗，味道也是調配得宜，辣度以小辣來說，吃得很舒服，加上雞皮及皮下不太多的脂肪同吃，油香豐腴，剛好

看過「蝗蟲同學」的食評後，又在佐敦返工，所以LUNCH 來到一試，而且人又唔多，不用等位，食後感覺更是無介紹錯︰我叫了烏江魚飯餐($40)，是川菜的麻辣煮法，在今日小暑天食，即刻開晒胃，雖然是例餐，但是份量不少，味道交足功課，再加上「非一般例湯」的例湯，好有家庭FEEL，中午在外工作，喝到一口住家湯可以加分……而且真的好飽，今日不用TEA了，慳番。不過，野飲就要花點時間改進，檸茶可以少甜一點，我知不像茶餐廳，對川菜館來說，野飲不要太多要求了…..

第一次去麻辣媽媽食晚飯就是她第一天開張,因為喜歡川菜就要試試,可是當晚沒帶相機,連手機也沒有想過要拍下,更沒有想過會寫食評,是上星期7月9日才開始寫。叫了辣子雞,失望, 不夠辣椒香味,上台應該是濃濃的炒香了的辣椒香辣味,可是不夠辣椒香味。另外一碟,應該屬冷盤類,麻辣粉條,也有酸辣粉條,這是紅薯粉,與香港其他食店的紅薯粉有點不同,粉條質地完全不同, 這應該與紅薯的成份多少有關。這店的紅薯粉似乎有彈牙口感,配料只有花生碎,芝麻及生蔥花。担担麵,麵質似乎不是專做担担麵的麵底,但調配之醬汁尚可以。口水雞,味道也不錯,但論價錢算可以,以一間非大酒樓來說價錢和水準算不錯。第二次來,今天7月13日中午再去光顧,和同事各點了1份：口水雞飯餐$40,包一碗湯,一杯餐飲或糖水,口水雞同第一次食之味道差不多,雞味全靠調味汁,雞頗嫩滑。麻辣粉條,同第一次食似乎沒有怎麼差別吧,無可能記得上一次食物之味道同今次有多少分別,只可以說應該保持到水準吧!!!以上兩款都有甜品或餐飲供選擇,可是我們自點了菜後,侍應從沒有告訴我點的麻辣粉條有餐飲,當我聽到侍應在後面向一台全是中年以上的女人,向她們說:有糖水或餐飲供選擇並詳述

星期日一行5人食晚飯, 6.30坐定, 未係好多人, d侍應都唔錯, 叫左:1.水煮肥牛煱 : 大辣,買相唔錯, 不過肥牛少d 同未係最新鮮. 下次可以唔食…2.**水煮魚 $88 : 我地要大辣. 初時第一啖,好似唔夠辣有d失望, 但放耐左出晒味,真係好辣,個個食到面紅紅. 我地只係叫左鯇魚, 但勁滑, 個個都讚. 如果換其他魚 eg 貴花魚就要 $188. 不過我覺得 $88水煮鯇魚已好好 ! 必食 3.口水雞 : 雞滑, 唔太辣 4.**四川涼炒 $30 : 凍食, d粉滑到會冼落喉嚨…少辣,正 ,必食 **5.上湯油默菜 : 湯底清甜, 菜新鮮 好味.6.擔擔麵 $20 : 失望d, 因為無麻醬香味… …7.西瓜汁 $20: 好似無加糖水, 原汁原味. 正!我地個個都食得辣, 今餐食得好過癮 一共$352, 雖然唔太飽, 但勝在夠辣, 唔同其他港色川菜館, 得顏色而唔夠味.一定會再去, 仲推介俾朋友tim…..

今日到了佐敦，順道試試這間早前開飯推介的四川餐廳，由於只有食友2名，我們只輕輕order了三道菜，排名不分先後的︰@麻辣魚春煲：我不嗜食魚春的，但原來吃下味道不錯，炸得金香又加有辣味，最奇怪的是魚春其質地根本不像魚春，而且相當惹味。@辣子軟殼蟹：平時配雞就食得多，我記得在半山的三稀樓食過同樣菜色，而且一試鍾情，因為辣子配軟殼蟹比雞香得多。麻辣媽媽這裡的就更香口，辣中又不會蓋過軟殼蟹的香味。@水煮田雞：食友的最愛，由於平日較少在食肆order到田雞，所以我們主要是欣賞這道菜色中久違了的田雞香滑質感……至於這個水煮湯底，味道有別於一般川菜，但又十分好味，有點特色。為了皮膚靚靚的我們(哇哈哈~~)，以上菜色只order了少辣，很合口味，有辣香但不辣，應該是特別為香港人而設的，效果真的很好；但如果食慣辣的，肯定要order大辣了。

5-7-2009呢日 lunch 要自己搞掂, 知道呢度開了間麻辣店, 又嚟試試. 叫了口水雞飯午市套餐 ($40), 跟例湯, 油菜及飲品 (亦可選糖水).油菜係唐生菜, 夠爽脆, 醬汁味道似甜豉油, 但又帶點酸, 唔知咩嚟?例湯係木瓜花生雞腳, 味道帶點苦, 加上本身最憎木瓜湯, 飲了一啖決定放棄.口水雞係呢度招牌之一, 對佢幾有期望, 亦果然無失望 -- 醬汁辣度剛好 (不過我的受辣程度只屬小學級, 嗜辣的可能覺得唔夠), 幾麻, 十分惹味, 送飯一流; 雞件皮薄脆, 肉滑, 仲食到點雞味, 正 底部的青瓜絲亦得, 爽爽脆脆, 配上辣汁, 清甜味更突出, 好食.飲品係夠凍及「奶」得很的凍奶茶 (凍飲加 $2), 味道麻麻, 但救火一流. 店內乾淨企理, 老闆娘 (?) 好客又幾友善, 帶點家庭式作業 feel, 感覺不錯的一個地方.$42 埋單 (唔使加一), 唔知有無機會多 d 人嚟試其他食物? 好想食麻辣煲及原味焗蜆!