麻辣小聚 (Ladder Dundas)

營業中

休息中

🌶️🌶️麻辣放題♨️♨️♨️終於搵到人陪我食麻辣野了👏👏👏真心值得推介❤️任飲任食3️⃣小時👍除咗·鮑魚雞煲·水煮魚·酸菜魚·重慶烤魚無限追加任食之外仲有我至愛嘅 -麻辣小龍蝦🦞🦞🦞麻辣小龍蝦🦞真係超級無敵好食🥰🥰🥰不知不覺～我一個人K.O.咗差唔多一大桶🤣🤣🤣其實仲有其他火鍋配料任食，好似生猛海鮮🦐、A5和牛🐂、黑毛豬🐖⋯⋯不過我都係最鍾意食麻辣小龍蝦🦞🦞🦞

1.小龍蝦超級入味 食完還想食 可能是全港最好吃的小龍蝦其他地方叫好貴價 好少可以放題 又這麼好食 難得！2.還可吃M5和牛！可任食！3.價錢實惠 可選種類繁多 味道正宗👍4.酸菜魚好好味！還有菊花點綴 色香味俱全5.對於飲品控來說 飲料也可以任飲 完美還可以飲啤酒和涼茶 滿足6.總體來說 全五分好評！會推薦給朋友！

志同道合食小龍蝦嘅朋友一定要黎😆我地係K app度買佐4個人任食，套餐有任食鮑魚雞煲，酸菜魚，烤魚，麻辣小龍蝦，仲要食足3個鐘。1. 先叫佐個雞煲，等佐半個鐘都未黎，就叫小龍蝦食住先，够麻辣同好入味，雖然有啲比較細隻，但都有啲大小小嘅，中和返😂唔係全部都好新鮮，大概10隻有2隻唔新鮮，4個有3個好仲意食，最後食佐12碟到，因為我地2碟碟叫，佢地都係黎一碟，4碟都係黎一碟，有時會大碟咁，呢個位唔太好。2. 最後等佐34分鐘，雞煲終於黎。每人2隻鮑魚，size 都唔算細，口感唔錯唔會um ，雞肉够滑，唔錯。個雞煲汁個人覺得幾好，唔會好咸，不過底料好少，得薑，蔥，芫荽，所以食落少佐香味。3.食完雞煲叫佐烤魚，好多湯嘅烤魚😂，不過好在條魚係炸過嘅，仲可以食到脆香嘅魚皮，睇樣以為麻麻，食落又幾好。烤魚底料有蒜頭，香菇，寬粉，豆皮，大豆芽，大蒜。食完條魚就加湯打邊爐，一路邊食雞，魚，一邊食小龍蝦，所以就冇叫到酸菜魚，打邊爐料就普普通通，今次主要黎食小龍蝦😂4. 4人以上免運送炒辣蟹，賣相好好，引至隔離枱黎問我地叫個係咩餐😂，不過隻蟹都幾細，9成係啲辣椒，但免費送算係咁，隻蟹係炸唔係炒，味道正常。以

男朋友表姐介紹左呢間麻辣川菜，真係幾好食😋我地叫左個藤椒手撕雞🌶，難忘酸菜魚，酸辣土豆絲，招牌香辣炒蟹，樣樣都好好食👍佢地每樣菜式嘅辣度啱啱好，岩哂我鍾意食辣，但又唔會完全辣到食唔到😆每樣嘅份量都好足，酸菜魚魚片夠滑，配料豐富，最鍾意食萵筍😍每次一諗起酸菜魚就會想黎呢間食👍👍👍

開頭見kk day有offer以為幾好，冇買到coupon 上去直接睇有咩食先決定。見好多人打邊爐但我哋就散叫說好的酸菜魚 太淡，魚係好滑但湯底同配料味道似直接加入去唔係煮出嚟 手拍青瓜皮苦，店員有換過一碟。味道仍然係偏清淡夫妻肺片叫做最重味，同樣，如果主打呢類湘菜嘅話味道太淡酸辣土豆絲份量好大，味道尚可。服務係好嘅，人手夠而且清碟都快。旺角店超細間每檯係可掂手嘅距離，比較似茶餐廳格局試一次就算

位置唔大，但比甘嘅價錢，合理阿. !!!!!!!!!!!!!!!!服務態度好好~~~~~~，性價比高!!!!!!!!!!!，啱晒鍾意辣嘅朋友~~~~~~~~~~。

在FB上直接訂位時問得清楚時間和價錢，他們說可吃3小時和實計的埋單價，我才跟他們確認訂位的。可惜我準時上到去，店員竟然話只可以吃1.5小時（因為之後有人訂咗），否則就冇位（店很小，枱約有10張，而當時有4張是吉枱！）我說訂位時你哋講明吃3小時的！店員支支吾吾，沒什麼回應，又叫我們坐其中一張枱。座了三兩分鐘，都沒有人理會，沒有餐具，沒有菜單，要我走去找人問。後來上雞煲後，就開吃，但味道普通，雞肉有些梅。心想再試一下酸菜魚，誰知道吃了數片魚肉後，發現煲內有頭髮！叫店員來，他當時很自然說句「做過俾你」兼直接拿走魚煲就算，連道歉都沒有！後面的火鍋料更奇妙，小龍蝦就算叫了數次也從來沒有出現過！其他生料如什麼M5牛就肯定不是M5了，寫明有2款貝類，只上了一款超細多沙的小白蜆，草蝦更是梅的！吃了大概1小時15分，店員就過來催，我再次說訂了3小時，就沒有理會他，繼續坐和飲。再大約20分鐘後，我們都埋單走人，因為根本沒什麼好吃的，而且店員令人感覺不受歡迎。埋單時，店員再整蠱人一次，給出正價的單，好彩我反問，他才自說自問「係喎 7點出埋單有折」之後先改單。絕對不推薦！食物味道質素差，店員服務態度更不堪！折

今日星期五黎左食午餐，個場得9張4人枱，連埋我有3枱有人，我叫左午市酸菜魚套餐，只係$70，叫左小辣，但都好辣😂可能我廢，好彩佢枱面有紙巾提供，食到係咁流鼻水，套餐佢仲包汽水同燉湯，我食唔到咁多所以就冇要燉湯了。酸菜魚一上黎熱辣辣，超大份，魚片份量吾少，而且好滑，有2塊有細骨，其他都冇，配菜仲有大量大豆芽菜，酸菜，豆皮，幾款菇類，萵筍，好豐富。但個白飯真係吾得，好似隔夜飯，一舊舊，而且仲有d好硬，有待改善😂😂

依家冇得去旅行🧳，只好周圍去搵新餐廳食好野，呢幾日係網上見到觀塘呢間麻辣小聚餐廳，好評都有好多，菜式既相都好靚💕💕，見聽日放假就約埋朋友一齊去試下。餐廳都好近地鐵站，到餐廳見到環境都好企理乾淨又開陽，菜式選擇都有好多🤔🤔🤔，朋友聽到水煮魚🌶🐟就馬上話要點，一上菜睇賣相已經流晒口水，魚片口感好嫩滑，花椒同辣椒好香，辣味好精彩。水煮魚既配菜豆腐皮，粉條都入曬味，好正。干扁四季豆炒得好水準，火喉非常好，四季豆口感非常嫩滑又多汁，加上炒過嘅肉碎，食落鹹鹹又帶點辣味。🌶😋🤤

今日同男朋友經開觀塘，正當諗緊食咩好呢，點知男朋友話想不如試新野，試下川菜。男朋友馬上搵附近邊度有得食，點知就比佢搵到呢間偉業街嘅麻辣小聚。我地由地鐵站行過去都係5-6分鐘左右。我同男朋友都中意食海鮮，所以點左麻辣小龍蝦，香辣招牌炒蟹，再加個拍蒜炒萵筍絲中和下。香辣招牌炒蟹，香辣蟹分量好多，螃蟹仲大過男朋友既拳頭。蟹肉非常多，食落新鮮柔嫩，仲有滿滿既蟹膏，非常惹味。麻辣小龍蝦份量唔小，隻隻都好大，蝦肉好嫩又多膏，好正。拍蒜炒萵筍絲好香蒜味，萵筍絲好清甜又爽脆。呢餐我同男朋友都好滿足！

最近突然辣癮起，趁朋友放假即刻拉埋佢同我去食辣野！上網搵左好幾間，就搵咗呢間喺觀塘偉業街食辣嘅餐廳叫麻辣小聚試一試！由地鐘站行到去餐廳都好快，幾分鐘路程就到。餐廳有好多菜式可以點，睇到眼花撩。最後決定點左麻辣小龍蝦，辣椒味道好有層次，好香好惹味，龍蝦肉都好嫩，蝦頭好多膏，特別惹味。高山筍炒臘肉嘅冬筍，口感好清脆又鮮嫩，臘肉有好濃濃既煙熏味，食落鹹香鹹香，連埋冬筍一齊食，臘肉既冇咁咸度。辣子大海中蝦份量好多，蝦好大隻，食落好新鮮又嫩又彈牙，好正！

今日放假約左朋友一齊食飯，今次去左呢間麻辣小聚，主打川菜既餐廳。餐廳距離地鐵站好近，都只係需要行幾分鐘就到。到左餐廳見到環境都好開陽又企理乾淨，菜式選擇都好多選擇，見到佢哋招牌是難忘酸菜魚，忍不住點左個。難忘酸菜魚好大份，魚肉好厚身又嫩滑，酸辣湯底味道都很吸引。配菜都有好多，有豆腐皮、粉條、萵苣等，吸曬酸辣湯底味，好好食。酸辣湯有濃郁的酸菜香，帶有辣椒香香味，但又唔會死鹹，抵讚！另外點既地道樟茶鴨好外酥里嫩，有有樟木和茶葉的香味，食落鹹香鹹香，配飯好正。

平安夜雖說有提早收工，本想早些出去揾食，但街上已經是非常熱鬧，人頭湧湧。各西式餐廳更是大排長龍，反而茶記，中式菜館相比下就顯得冷清。為免花時間排隊，於是逛逛街先，另一面找找有什麼節日下便宜又好吃的餐廳。這裡網上訂位依然有七折，但後來發覺有套餐都是差不多價錢。店裡面地方不算大，我們坐的是卡位，後面有一群操內地口音的女子歡笑聲不断，還以為返了大陸，不過以川菜作為主題的餐廳倒算應景。把油淋淋的餐牌翻來覆去後，終於選了三樣菜：辣子雞丁、土豆絲及辣子海中蝦。水準算是不過不失啦，味道亦很正宗，説超級突出又說不上。個人覺得另一些數字川菜館環境及味道更勝一籌。不過，大時大節肯打折給你，已經算不錯了。

天氣凍左好多，心思思好想食辣野，好彩男朋友都可以食辣，放假叫佢陪我去試係觀塘嘅麻辣小聚。呢間餐廳最特別係有得食麻辣小龍蝦，之前食過一次好好食，一諗起都流晒口水呀！麻辣小龍蝦份量好多，色澤都好鮮美，食落蝦肉好滑嫩，麻辣味好夠勁，好正。水煮魚到上左先發現份量好多，除左魚片，仲有配菜，豆腐皮、粉條、萵苣等都好新鮮。水煮魚片食落魚肉結實，魚皮爽口彈牙，唔會一夾就散，加上辣香又麻辣嘅湯底，額頭出曬汗。拍蒜炒萵筍絲，蒜味好香，萵筍絲好新鮮，味道味好清脆嫩口，肉質爽甜。

同朋友第一次來食午餐，選左90分鐘香辣乾鍋加任食鴨血及冰粉set。之前食過十二味的乾鍋，今次呢間口味有少少唔同但感覺呢間更合我口味；兩個為食之人選左8個配菜，全部都合格不錯，最大驚喜是四川臘肉，超香！有機會會再來食過，推薦。